占美餅店 (已結業)

有時做嘢都行開太子，都一定會幫襯呢間老牌麵飽，嗰日仲咁見到發哥(周潤發)用2.5元買咗個雞尾飽呀!!!!原來佢的口味同我差唔多喎!但嗰日經常買哂的菠蘿紅豆飽竟然仲有，當然一個飛身夾咗先，嘩,食落左,真係令人感動到.......，菠蘿皮又脆，紅豆蓉又香.....,都只係4.5元,食完好滿足。另外，仲買多個蘋果肉桂飽(5元)，及西梅飽(5元)俾媽媽同妹妹食，呢2種係出面都好少見。妹妹因為好鐘意食肉桂味的嘢，所以每次行經都一定會買。

晚上成10點才回到香港, 想起明日又要上多一轉深圳. 早餐呢家野, 相信都是要係車上搞掂. 看見麵包鋪未關門. 當然入去搜搜買買.早上的早餐麵包, 不外乎是咸包一個, 叉燒包是我的至愛. 通常夜遊麵包店, 總會口痕痕, 忍不住會買多個包即食. 看見凍櫃裡的大大個芒果Pancake, 吸引了我. 一起買下, 回家去.一回家, 總是喜歡上上網才睡覺, 就是此一刻, 口痕開始, 急不及待拆封那個芒果Pancake. 早一點來個報告. 這裡的Pancake比較大隻, 份量比x記甜品鋪大. 價錢當然比x記甜品鋪平. 一口咬, 滿口是cream, 而且cream 帶有好香既芒果味. 不失為一個有料到既舊式餅店. 不過當食落個芒果肉, 酸的. 現時間間糖水鋪都用芒果做甜品, 好食既芒果, 果真不易求. 偶爾來了個酸芒果甜品也沒所謂了. 那芒果Pancake, 回到家依然夠凍. 係得一個 cons, 就是芒果酸.早上, 拿著叉燒包趕往太子皇巴站, 笑了一笑, 為何不一早買新鮮的呢? 反正都要經過門前. 餡料足, 汁不太甜. 不過下面張麵包紙好實, "mit' 爛左隻包.

每日5點多就有新鮮出爐, 熱辣辣,好味道$2一個, $10有6個, yummy!!~~~~

香蕉蛋糕 - 好香香蕉味，食得出有落唔少既香蕉黎整尼個蛋糕，唔係一味死落香蕉油既味！ 不會太乾蒸蛋糕 - 清清既雞蛋香，相對地，食慣較甜或較濃味的你 ，可能會覺得尼款蛋糕較失色，因不太甜，較清常常睇open rice搵食的我，記得各食家說占美的包同蛋糕都不錯，便試試看，的確，值得再試試本店其他包同蛋糕的

由於暴食麵包下, ....絕食了好一陣子....體重稍為調整後, 再恢復麵包早餐! 這幾天的早上, 將車子停在附近後...嘗試不同的麵包!芝士包, $5, 無咩芝士味, 包就大大個, 但輕飄飄…唔實在!牛角包, $4.5, 沒有酥的外表, 似麵包質感多些, 沒有牛油香, 但卡路里負擔卻減少了, 魚與熊掌…自己取捨吧!軟豬仔, $2.5, 烘過再食, 面頭微脆, 不太軟熟, 但質感較密, 飽肚!菠蘿果占包, $4.5, 兩年幾前食過….原來各種麵包加了 $0.5, 酥皮果占包會較貼切, 跟牛角包一樣, 酥皮不酥, 麵包質感重一點, 果占少許, 換上其他餡料可能會更好!未來一周再繼續....

睇了openrice 的食評話d cheese cake 唔錯咁...今日特別同男友去食呀...其實我之前都食過呢度d麵包...ok ga...但係今日食呢個藍莓cheese cake...就失望呀...底層蛋糕太多....而cheese 0既部份又唔多夠...味道唔太濃....所以滿足唔到味蕾...今次比個ok 算了...男友都話唔好食p.s但我0地見到有黑森林..賣相好似更好更大件..仲平d tim...下次再試下la!~

為何總是喜歡吃甜品,開心的時候吃,你會更快樂,昇華到感恩的層次,活著多好；不開心的時候吃,享用時可暫時忘掉煩的事情,讓心情慢慢回復過來。我推介占美甜品用的食材其實是一般,不過他賣的價錢便宜,而且是用心製作,。我喜歡這裡的甜品有：芒果布丁、雜果啫喱、特濃芝士蛋糕、藍莓芝士蛋糕。雜果啫喱不是普通的一層一種味,而是有兩層,上層紫色是提子味,下層是綠色好像是青檸味,下層啫喱還夾著雜果,吃起來很滿足啊！一杯普通的啫喱也可看出用心,耐心製作兩層雜果啫喱杯已經很少地方有售,而且只賣六元。芒果布丁,布丁是芒果味,內裏夾著芒果粒,再在布丁頂層再放薄薄的啫喱,就像保護膜一樣,薄薄的啫喱保護著滑滑的布丁,使它不會乾身。這聰明的點子只賣七元。賣十元的藍莓芝士蛋糕,大量藍莓果占放在厚厚的鬆軟蛋糕上,味道很豐富,本來藍莓醬跟芝士就是一絕配麻。特濃芝士蛋糕售十二元,可能會覺得貴,不過真的貨真價實,童叟無欺,芝士味很濃郁,飽滿芝士味在嘴裏散發。最後醒多個飽比你,蘋果批飽!剛剛出爐先好買,個飽身要熱吃,蘋果批飽內裏有蘋果粒、提子乾:甜甜的提子乾跟微酸的蘋果一起吃,這兩味融合起來,很可口啊!!!

尋日寫食評果陣唔記得放相等我依家補返先..至於個食評就要睇下面喇!

自從有次機緣巧合食過一次呢度出品既花生酥($12)之後..自此每次經過太子.我都會黎呢度買袋返屋企食!因為佢食落好鬆化..我覺得好好味~而且睇返袋上面d成分先知原來佢地仲係無落牛油/起酥油等等..咁樣食都食得開心d啦..

我差唔多日日都幫襯佢... 但佢地的面包越黎越差.. d 方包薄都不特止, 仲要塊塊都穿洞的.. 雖則話面粉貴左, 但都要保持質素嘛??!! 我最愛的腸仔包, 好似用好多發粉咁.. 以前d 包好實在的, 依家.. 好似係發粉發大左咁.. 好唔實在.. 令我更不滿的是店員的服務態度, 比錢找錢無唔該都算.. 仲要有一我聽到有店員話.. :"唉.. 個個都買一個半個包... 個個都係收幾蚊幾蚊咁..有無攪錯?!"嘩! 你做面包生意...下下做百幾蚊生意咩??!!! 雖則佢地態度差左, 但我都會繼續去買的... 因為佢地的腸仔包真係好好味.. 希望佢地可以改善一下啦!!!

我家附近的占美餅店，伴著我同包婆的成長............(請包姐同喪KIT睇到時，咪笑住ha~)至今從未間斷搵返d相，當然要評評，隨便比遠在澳洲思鄉中的傻包姐……回味或羨慕又好，等你得個恨字都好…蛋tart：$2@，$10,6個味道可以，蛋味並不是太濃另有椰tart,,,,生果tart仲記得以前丈丈黎，必在占美買生果tart，你還記得嗎？占美。。。伴你我…聽到嗎？？我想你~~我愛你丫，咪睇到喊喎，傻婆!!

已經好耐無食過佢既包包...之前試過芝士南瓜包, $4.5, 仲記得南瓜幾細綿, 但同包面既芝士一都唔夾...敗筆! 今日竟揀個叉燒包, $4.5, 微暖, 食之前叮廿秒, 麵包軟熟, 叉燒比金華既碎, 但仍食到粒粒叉燒, 最好係佢唔會有好厚既獻汁包圍, 麵包細細, 冰冷既冬天食完一都唔夠!

前兩天買包...既然都買唔到熱既...就買佢出名既- 大提子麥包, $7, 返到公司叮熱了, 幾香麥味, 麵包夠煙韌, 唔錯! 不過, 太大了, 吃了一半請人食都話唔錯!

唔係日日都買得到, 因為是供應有限, 賣完即止. 共有鹹甜兩款任擇. 今次選了鹹的核桃包, 很大個, 夠2人吃, 核桃又多, 麵包質感又好, 好味又抵吃!!! 不妨試試.

今早又過黎...拿了個花生醬包, $5, 及方包, $3, 即跳上車返工! 花生醬包是我的老友, 永遠也是大大個及香口! 下午無時間出外吃飯就叮個金寶湯(milestone), 難飲, 方包好薄, 唔太軟熟, 麻麻!