占美餅店

营业中

休息中

➲ 元朗 占美餅店➳ 麻糬波波 (脆皮芝士/朱古力) ⁽⁸/¹⁰⁾菠蘿皮好脆，放咗一陣食都仲keep到，中間空心，一半有蜂巢結構，中間煙靭，外皮脆身，相當唔錯。⤵ 占美餅店元朗鳳琴街18號玉龍樓地下12號舖

近期係咁睇到post講James Bon Bon既菠蘿麻糬波波，又講話自己係首創，排隊排到傻...同個稱得上麵包專家既朋友傾開，佢就提到其實元朗占美餅店一早就有，仲又平又好食～今日就去買黎試下，一食就記得之前係食過，菠蘿面做得幾鬆脆，雖然裡面唔係好充實，但都好味。起碼唔會買番黎就漏晒氣，榻晒😏賣$4.50一個，$16四個，最緊要唔洗排隊😁咁啱酥皮蛋撻新鮮出爐，$7一個，都ok既不過不失。其實唔一定為打卡而打卡，支持下普通小店都唔錯😊😊

為安排5月初的節日慶典產品，零碎地逝去一半假期，不長不短的時間，只好選擇短途旅程，走訪元朗，以comfort food安慰自己有時無奈地感概，工作佔一星期五日，五日之中，有大半日的時間為工作貢獻良辰，亦不時日復日抱著：反正放工無嘢做，做埋呢Part先/ 同朋友約嘅時間仲有小小距離，安排埋呢啲先/ 唉，份嘢要趕出街，做埋先...... 假若可以正常放，仍然需接受不斷彈出的WhatsApp MSG，跟進最新現況，作特別安排。總論：放工非放工，放假非放假---------------占美餅店不時經過都人頭湧湧，袋裝土司，港式蛋撻椰撻或是麻糬包包，10個人有百種配搭。唯今日見人流減少，進店看看到底有什麼讓人迷戀之處小店是小店，藏在小街中的小店，兩牆灑上黃燈的麵包櫃，客人自行夾包，店員一轉補3款貨，絕不等你讓完麵包再過補，可見真的忙碌上貨隨便選了 朱古力 麻糬包，二重芝麵包▩ 朱古力 麻糬包（原味, with菠蘿包皮）/ 芝士味with菠蘿包皮（首次入手）入口空氣感十足，口感軟糯，得到口感控的青睞，不斷細味Q糯口感。（過了一星期再訪店）UM.... 三件朱古力味波（包括菠蘿包皮款式），全是空心，

呢間嘢真係由細食到大，其實啲包同蛋糕嗰啲都幾好食，但係有個短頭髮漂頭戴眼鏡嘅收銀阿姐態度差到好似欠咗佢錢咁樣😵‍💫😵‍💫😵‍💫每次買親都怕咗佢，買個麵包都要睇人面色🤷🏻‍♀️🤷🏻‍♀️🤷🏻‍♀️仲要每次都係咁，大佬我想買個麵包姐，唔係想過嚟受你氣呀🖕🏽🖕🏽🖕🏽有啲咁嘅員工間鋪想生意好都難啦但係真心鮮奶撻同腸仔包真係好好食，對得住個價錢👍🏻👍🏻👍🏻希望可以Keep住水準👍🏻👍🏻

🐭 米奇老豬Vol. 187 🐷［占美餅店］最鍾意捐窿捐罅搵麻糬嘅老豬今次又發掘到元朗占美餅店嘅菠蘿皮麻糬波波啦 🤩仲要係街坊價💰$4.5一粒，$16四粒💰係我最愛嘅JamesBonbon價錢嘅一半（不過一分錢一分貨🤭）性價比超高！ 仲要唔洗排隊添 😂不過口感就係偏軟糯嘅 煙韌控人士會失望 🥲.⚠️ 老豬喺食之前有用焗爐180度焗左幾分鐘 ⚠️.🐖🐖《菠蘿皮麻糬波波》🐖🐖🛑 8/10 🛑 焗完之後菠蘿皮好夠脆！👍🏻不過相對JBB店嘅就薄好多 無左菠蘿包皮果個滿足嘅口感 🤪如果就咁當佢一個脆皮嘅麻糬波波都合格嘅～而且會一路食一路跌d碎碎出來～原味呢個甜度較低 切開內呈蜂巢 唔算太空心 ☺️不過唔算煙韌 係偏軟糯嘅口感～.🐖🐖《菠蘿皮朱古力麻糬波波》🐖🐖🛑 8.1/10 🛑 呢個菠蘿皮係同原味一樣 夠脆唔夠厚不過入面就空心過原味果款但味道就略勝一籌 食得出可可嘅甘苦朱古力味幾香濃 🍫.🐖🐖《芝士麻糬波波》🐖🐖🛑 7.7/10 🛑 呢款係無脆皮嘅而且得好淡好淡嘅芝士味 啱我😂 因為我麻麻地芝士味嘅野不過呢個同菠蘿皮原味一樣都唔算空心～.🐖🐖《朱古力麻糬波波》🐖🐖🛑 7.9/10 🛑 唔知係咪因為朱

元朗食完野行返去撘mtr經過jimmy cake shop見幾多人買，即管試下，廚窗見到啲波波幾吸引有4款 有菠蘿皮 or 正常原味 or 朱古力味why not all 決定4款都買哂又幾好食 even in the situation係食飽咗都覺得幾好食佢用個爐keep warm，買到出嚟店外面都係小熱嘅即刻咬返啖試下，菠蘿皮好脆，入面淋有cheese味好香好好食另外見上面有chicken pie, 同埋好多人喺度買包下次會試下

每次visit態度都很惡劣 尤其是係收銀嗰位姐姐 次次都好似唔休做咁 麵包質量係幾好 奈何服務態度追不上 去買餅佢唔會主動幫你加要你自己出聲 試過買波波話想要盒 佢又唔講要加幾錢 就咁加咗我$10一個盒 已經裝好左真係奈佢唔何😠 買個三文治佢冇主動比袋仔 問佢攞個膠袋仔佢會黑晒面先抆一個俾我 每次去買嘢都好似懲教署派飯咁 要低聲下氣對住佢黑口黑面先得 服務態度實在pathetic!!😡 冇咩事都唔會再幫襯 寧可去隔離7仔 費事貼錢買難受😅

香港人最鍾意食蛋撻，我都一樣。自從幾年前搬入元朗之後，無意之間發現咗呢間占美餅店。佢個鮮奶撻勁好味！首先，餅皮厚度適中，呢樣好重要。皮太厚，個撻食落就會好乾，皮太薄，又會好似食燉蛋咁。而我最鍾意佢呢個撻咩部份呢？就係個鮮奶部分！鹹甜啱啱好，而且佢流心㗎！就算我買嘅時候佢已經凍咗（始終冇理由永遠啱啱好撞正出爐），佢個餡都係唔係實的的，而係偏流質！你幻想下佢熱辣辣出爐嘅時候，有幾正！寫寫吓都想食，而家去食先。

很生氣的一次買麵包經驗見到好多人排隊買麵包打算入去試下啦見到個個蛋撻 指住個蛋撻同個姐姐講話:唔該，我要一件個姐姐藐我一下，同我講：你揀左我都唔會俾你!!!黑口黑面 果下嬲到我呀我冇回應佢 因為唔想同人爭拗 我自問好聲好氣好有禮貌咁話想要一個蛋撻點知比人串番我轉頭好嬲嬲到我要第一次開個account 寫低食評其實係一個好平凡蛋撻 唔係特別好食 隔離餅店賣四蚊 佢賣六個半唔會再幫襯無謂比多啲錢之餘又要受人氣冇下一次！

麵包糕點質素一般，以元朗價格略高，特別差嘅係服務態度。我習慣自攜食物盒買蛋撻，可能因為帶口罩，老闆娘聽見我話自己拎，即刻好唔客氣企開一邊講：咁你自己拎啦！我答係自己拎盒，冇話自己拎蛋撻。態度惡劣到極點！

呢間麵包店幫襯左好多年，做街坊生意，一向不錯的焗粟米薯蓉 $11出面嘅焗薯脆卜卜，入面超多粟米火腿好有咬口，味道甜甜地，外脆內軟，面頭有少少香草，好食🤤好食指數：😋😋😋😋😋.Jo買回家焗爐180度焗15分鐘，還是熱辣辣最好食

喺餅店門口，就見到各式各樣的批同撻係個熱爐入面熱住，睇落幾吸引，於是就唸住買番件批食😋由於有熱爐烤住，幾時買都熱辣辣🔥，雞批個酥皮好酥脆，裏面個白汁都調得岩岩好，岩曬放工經過買黎頂下肚！..熱爐內的批同撻🔥

這間占美餅店，每次經過都總會被它的雞批吸引著. 買4個就有盒裝，可惜回到家依然有一個碎了. 雞批 ($9)以前很喜歡到PIE & TART買雞批，不過愈賣愈貴 ($13??) 由$10食到$13 仲要入面既餡愈來愈少，雞肉少少汁多麵粉多，很難吃. 自此以後，也沒再買了.占美的雞批不到$10 一個，外層烤得偏黑. 買回家以焗爐烘熱，餅皮酥脆，內裡有雞肉、火腿等，吃一個就夠飽. 雖然我都懂得弄雞批，但所需時間實在太多，寧可間中在外買來吃好了. 

工作到午餐都無時間食，趁中間有少少時間買個麵包頂肚，去到店面幾大，傳統港式麵包店格局！綠色招牌搶眼，麵包款式以港式為主，攞盤揀好攞去收銀處比錢！店員爽手袋好比我！雞尾包：獨立一個細膠袋，剛出爐麵包仲熱辣辣，啡色麵包面好多芝麻，麵包鬆軟「聚手」，入面嘅甜椰絲好多好足料，唔係「空氣包」餡料椰絲軟身，味道好甜膩，味道好夾麵包！好味！店員爽手！無乜接觸！自己都係喜歡在店內新鮮焗嘅麵包，嗰陣香味係無法抵擋！

一向喜歡吃鮮奶撻，可惜元朗沒有pie&tart分店，而且加了價去$8.5之後質素好像還退了步。誰知，好的東西一直在身邊！有吃過屋企附近的這間占美餅店出品，質素不錯，碰巧這天經過有鮮奶撻和蛋撻出爐，香氣撲鼻，非常誘人，便買了一個試試。鮮奶撻價錢不貴，卻平凡中見驚喜。曲奇餅底不但鬆脆，而且充滿牛油香，入面的鮮奶餡半溶狀態，非常滑溜，而且奶味香濃，甜而不膩，新鮮出爐特別美味！$6.5絕對平靚正！以後隨時都有好味鮮奶撻吃了！