鹵八鵝店

营业中

休息中

看到是潮州卤水店，有阵没吃过，进去试试。点了一个鹅肉豆腐饭，鹅肉味道尚可，略偏咸。性价比算OK。不过今次约了人，朋友晚到，七点半要关门，只有撤走。关门太早，建议延长营业时间。

必試鹵水大鵝翼、潮式咸菜、豬大腸、鵝腸，全部都高水準之作，我最常叫的是「鵝、大腸、咸菜三拼飯，另加大鵝翼一隻」，埋單 $98。若加老火湯及汽水(各 $6)，埋單都只是 $110。

因事早了放工，就在回家途上順道買了一盒滷水什錦加餸。店子小小，人流挺高，街客也絡繹不絕。斬鵝師父忙個不停手，不過效率很高，小人給完錢很快外賣便到手了。一份美味的滷水鵝，鵝肉要鬆軟入味，滷水要陳年留香不過鹹、食完齒頰留香。論味道，鵝片不用外點醬材已十分濃厚足味，輕蘸酸醋更有助引出鮮香。肉質方面，鵝肉的軟嫩感不俗，肉多自然吃得過癮，鵝皮也是入味不肥。鵝肉之外，還有鵝肝和鵝腎：鵝肝潤澤細綿；相對之下，鵝腎顯得輕盈，兩者存在衝突感更添趣味。不過整盒滷物當中那條豬大腸最得小人歡心，滷過後脂層是爽滑的，滷香更甚，大口吃下也不覺肥膩！也不是沒有缺點的，這碗要加錢的例湯毫就完全是個敗筆：小人只知道是個中湯，用甚麼料來煲毫無頭緒，因為碗內根本無料，只得幾片煲到快要融掉的菜葉！湯是不熱的，就連微暖也談不上。而最耐人尋味的地方就是它是沒有任何味道的！不鹹不甜不酸不辣不甘，卻又明明是一碗湯！單從鵝肉及滷物的視角出發，絕對滿意；但無辦法不被例湯拖累而遭扣分！

有次同同事講起想食滷水，同事話之前食過呢間好食，所以就帶左我地去試。間舖頭店面比較細，lunch時間都要等左10分鐘左右先入到~第一次黎梗係試下招牌鵝肉併埋鵝腸，而加個胡椒豬肚湯只係5蚊，當然要叫埋啦😆個飯一黎到非常靚仔，份量亦好大，個鵝帶少少骨，啖啖肉，未到好嫰滑但亦唔算柴，而鵝腸亦無臭味😋但係有啲可惜既係個滷水滷得唔算好入味，唔係好有記億🫢而另外個胡椒豬肚湯非常重胡椒味，有啲嗆口，少返啲會好啲…整體黎講，以50蚊左右既價錢埋單係非常抵食👍🏻

有朋友話呢到嘅鹵水老字號，而且好好食，咁就即管試吓，咁啱嚟開呢邊經過，就入去買個飯盒食，打開飯就真係好多飯，但D鵝就真係骨多過肉，全部骨，比反一兩件係有肉都好，原本諗住食個飯盒有乜好影，而且一吃又不覺得有什麼特別好吃，所以食之前都無特別去影，原本打算食完就算，但就手痕每次食完嘢都要寫反出嚟，所以食完唯有就影反個盒，但我就唔覺得有什麼特別好吃，仲要得D骨😅😅😅😅😅————————食….拍…寫.. 已經成為我生活中的一部份鍾意食..鍾意拍.鍾意寫..留下美食的回憶😝

中午嗰時突然靈光一閃，想去食潮州鹵水。 上網search咗一下，見到附近有間叫做鹵八鵝食嘅鹵水鵝店 ，網絡評價唔錯。於是就走去買外賣啦 。我叫左個鹵水三拼飯，要咗豬頸肉，鹵水鴨同埋沙薑雞。 豬頸肉肥瘦適中，配埋蒜蓉醋非常之好食。 鹵水鴨亦都非常之入味，唔會話好鞋或者帶有騷味。 沙薑雞稍為失色，肉質有啲乾， 但瑕不掩瑜， 埋單60蚊，灣仔同區嚟講叫做抵食， 會再嚟幫襯。

♨️鹵八鵝店灣仔春園街18號地舖❤️平靚正鹵水飯，識食一定叫三併🤣熱一熱嘅胡椒豬肚湯，豬肚竟然有幾片，飲完全身㷫烚烚👍🏻📍鵝片，鵝腸，豬肚飯📍鵝片，鵝腸，豬耳飯每款餸都好入味夠晒淋，尤其鵝片，物超所值，唔怪得長期門口人龍👍🏻食物：8/10抵食：8/10環境：6/10。。。#食在灣仔 #灣仔美食 #wanchaifood #美食日記 #美食推薦 #鹵水鵝 #鵝片 #香港美食 #hkig #hkigfood #hkfoodie #hkfood #foodhk #hkfoodstagram #hkfoodpic #hkfoodblog #hkfoodlover #hkfoodieblogger #hkfoodblogger #foodie #foodiehk #foodporn #foodphotography #foodblogger #foodstagram #foodblog #相機食先 #hkfoodielife #hkfoodiegram #鹵八鵝店

煮飯煮左個幾星期，靈感開始江郎才盡，今日出開灣仔，決定幫趁鹵八外賣，黎個啖啖肉晚餐。今日買左半隻鹵水鴨、一隻鹵水鵝腎、一隻鹵水鵝肝同一份潮式鹹菜。三款食物既鹵水做得唔錯，有其鹵香但又不至於搶去食材本身味道。鹵水鴨肉無鴨膻味，半隻鴨份量亦唔算少，兩個人食仲有剩，可以留作下餐炆支竹。鵝肝火喉剛好，有淡淡肝臟油香味但絕不覺得膩或者口感太老，連一向唔鍾意食肝臟既老公都密密夾。下次一定要買夠兩隻！鵝腎亦係後悔買得太少，質感爽口而不靭，肉質充滿鹹香，買得一隻實在唔太夠食。見到老公好想繼續夾但又忍口讓我，真係有啲後悔買得太少令大家未能盡興。潮式鹹菜反而有啲出乎預期。我心目中既鹹菜應該係鹹菜豬肚湯果種鹹鹹香香既醃菜，但鹵八既潮式鹹菜其實係餐前小食鹹酸菜，我實在失策！因為我真係好鍾意鹹菜豬肚果種鹹菜！鹵八雖然叫「鵝店」，但其他鹵味一樣有水準，各位不妨叫多幾款食物，好好enjoy！

以前行過灣仔，經過鹵八，總會買D野返屋企食， 自從鹵八搬舖後今日係第一次光顧。因為斬料加餸😆新舖同舊舖裝修點解可以一樣架🤣🤣——————-鹵水鵝頭頸 $40/份 - 家父鍾意食鵝頭所以今日揀呢樣。一份其真係成條頸+成個頭，家父話好抵好食。——————-鹵水鵝雜 $65/碟 - 包括有鵝腸-爽脆鵝翼-入味鵝掌-層皮好爽鵝腎-有咬口鵝肝-貴野，咁香柔軟鵝雜樣樣都有D, 仲有嫰滑鹵水豆腐墊底，乜都有啱晒我。鹵八D鹵水好香八角味 唔會好甜，好好味，力推。

門口負責打包個白短頭髮阿姐，入去買嘢食好似入去問佢借錢咁，態度勁差🤬 句句説話都串串貢，使唔使咁呀？其實佢哋嘢食好唔好食都一定食得唔開心，做街坊生意唔使咁乞人憎呀？

外賣滷水蛋滷水豆腐滷水鵝翼都唔錯！滷水鵝翼，大隻，都好容易咬佢嘅肉出嚟～而且滷水亦都好入味！豆腐都好滑，不過不失我想爽口彈牙集於一身，唔錯，不過滷水味好似唔夠入味～我想如果可以去多啲肥膏就好

之前試過在這家買滷水鵝髀飯因為覺得這家的滷水鵝髀不錯就幫襯，但發現斬開啲鵝肶好像不是一個完整的數量，反正就少了一點，及至有一次走過的時候看人叫外賣說是鵝髀飯免切，於是我又跟著這樣叫但回到辦公室發現原來免切鵝髀衹是給你約半隻多一點，下半部分竟然是批去了的，這樣的取巧，我以後也不會再回頭幫襯了，我情願他收貴一點給我全隻鵝髀也不要現在這樣取巧的偷去半個。香港的生意雖然不容易做鋪租人工都貴但你啲食物既然有質素就不怕收貴一點，收貴一點也好過手法不佳取巧。這樣的劣習在香港很多燒臘滷水鋪都會有但想到這間鋪頭平時見老闆也很勤力，但這樣的手法而不改變就是一個敗筆希望他們注意改善。

好多人都話春園街有間滷水店好正，今日就去拜訪下。午膳時間人比較多，不過人流動快，等左幾分鐘就有位了。柯打左個鵝肉豆腐飯，加個胡椒豬肚湯。湯一到，大大碗有3大舊豬肚，胡椒味勁濃，飲完全身暖笠笠！個飯就啖啖肉，估唔到，以為要加錢鵝片先有呢個效果，豆腐有4舊，厚切，豆味濃。不過可能個湯太濃太足料，所以個飯就比較遜色，而且汁都比較少，去到後期食好多白飯，但係50幾蚊有咁多肉咁大碟，算係性價比高下次黎春園街會再試下鵝片同併其他餸

本編其實唔可以話係食評，反想經本文記錄兒時食過的潮州小食 『豬頭糉』。今時今日到多間潮州飯店幫襯時相問此小食，十之八九回覆未聞此物；希望將來有較多人知道此潮州小食後會更易有機會回味。細個嘅時候爺爺送粥除潮州鹹酸菜外，不時佐餐就係食依個豬頭糭，可能鄉音關係，只記得當時稱之 『豬頭花』。過去食材欠奉的年代時逢戰亂、失收，食材自然唔會浪費食到盡，依個豬頭糭以前就係用豬頭碎肉及軟骨剁碎後加入八角、茴香、魚露、酒、及其他香料煮製。成品如磚塊外觀如雲石，上碟時切成薄片，所以口感硬如肉乾片，香料調味亦未必人人喜愛。除味道獨特，明顯今時今日製作此物耗時費力，相信本地製作己成絕響，相問十間潮州餐館只有一兩間聽聞此小食，知其物亦覆恕無供應。 暫知今時今日尚可以買到呢個昔日味道 就係呢間鹵八鵝店。歡迎各食友同好留言回覆其他地方可品嚐依個小食。

今次係同大少第二次來食鵝肉飯，上一次已經係2019年9月中秋節食做節飯。今日我哋好肚餓，大家都唔知食乜之際，就諗起食滷水鵝肉飯。同平時一樣，大少淨係食鵝肉飯，我就食雙拼鵝肉拼鵝腸飯。本來加多$6，就有個鹹菜豬肚湯，但係天氣真係好熱，我哋今次冇要例湯。鵝肉唔係太多骨，都有啲肉食，d鵝腸洗得好乾淨，清晒啲肥膏，好爽脆，滷水味都唔係太鹹，加埋少少滷水汁送飯，味道一流。每次來，我都話要食其他嘅滷水系列，下次真係要試吓佢嘅滷水鵝肝，同埋滷墨魚。兩個人埋單都係$99，仲食到好飽，平靚正，簡直係大滿足。