印尼餐廳 (已結業)

呢間位於尖沙咀既印尼餐廳，將會係2月光榮結業。香港又少左間老店了。餐廳採用2層的設計，地下售賣小食，用餐地方位於二樓。當日去到晚市時已沒有小食及糕點了。餐廳環境帶有懷舊感覺，座位幾舒適。一坐低侍應已放低2杯暖水。而我就點了幾款菜式，印尼炒飯，羊肉牛肉沙爹，馬拉盞通菜同珍多冰。首先黎到係印尼炒飯，賣相同味道都普普通通，如果無左幾塊薯片就係普通炒飯咁。然後就黎沙爹串，羊肉牛肉都燒得唔錯，好香好嫩口，而且帶有肉汁，加埋沙爹汁一流。而馬拉盞通菜就正正常常，唔夠馬拉盞味道。最後黎杯珍多冰，好重椰汁味好飲！

很少食印尼菜，味道不錯，可惜二月就會結業。當晚有好多印尼人，印尼華僑，遊客去食。openrice訂左位，但我早到，個人就當我cancelled booking,無給我asia miles白飯，是一個大木桶拎係你面前，要幾多即場裝，要幾飽都得牛肉好霖好入味，少辣沙律，醬是花生醬feel,多塊蝦片下面有菜，青瓜炸粟米餅，但已唔脆，可惜裝修，黑黑地，感覺都warmwaitress, waitre,都好趕時咁，service就無乜

又一歷史將光榮結業～是日兩人六點到達順利入座點了兩杯椰汁真多紅豆冰 - 椰汁跟平常的椰汁不同 沒太甜味道 但椰香重 主靠紅豆的甜味發出 紅豆煮得夠淋👍🏻👍🏻👍🏻羊肉串燒 - 熱辣辣上檯 好香既羊肉味 肉質不會太鞋👍🏻👍🏻👍🏻加多加多 - 醬汁好濃郁甜甜的花生味 混埋蝦片蔬菜雞蛋一同吃 超級好味烤魚 - 即烤起的魚 外皮脆 肉質不乾 控制得好好印尼炒貴刁 - 出乎預期的好 不酒 味道剛好 不過咸很後悔才第一次來 以後沒再機會再吃吧😭

1970年開業，將於年三十晚九時結業的印尼餐廳！ 懷舊的佈置，民族風格的裝潢，別緻的桌布..一切將成歷史！ 管理層表示經營困難，曾經風光一時的嘉連威老道已變得十舖九空，人流稀少！ 呢個係事實，其實全條街得一間舖有人流，茶飲店都好少少，間中會見到一條短短的人龍！印尼餐廳我最喜愛炸雞，巴東牛及印尼炒飯！ 炸雞香脆，唔乾，調味適中，食完唔覺口渴！巴東牛惹味香辣，唔會好重椰奶味，送飯一流！ 印尼炒飯炒得好乾身，大大隻蝦，滋味無窮！ 唯一切將成絕響！

以前食過其他印尼菜，比較之下呢間真係唔錯！雜菜飯有椰香味，雜菜煮到好淋，不過飯硬左d。珍多冰我覺得太甜，唔推介。巴多牛肉好香辣，好惹味。加多加多沙律有花生醬好香口，好多菜好清，好好食！

這應該是我在印尼餐廳的最後一餐飯吧! 人總是在物快要到消失後才珍惜, 如果平時的生意就像今天般Full House, 那麼她就不用關門大吉了!巴東牛肉外貌不揚, 但它的質素十分”揚”呢! 連根的牛肉吃起來囗感很有層次, 就是既腍且彈; 醬汁的甜和香平衡之餘, 其辣味的後發更是令人喜愛. 說起醬汁, 這𥚃的沙爺醬花生之量不是蓋的, 除了花生香外也吃到粒粒分明的花生碎, 當然本身肉串燒得相當洽到好處, 很少地方的串燒可以弄得juicy. 難怪這兩項也成為這𥚃四十多年的招牌菜!有沒有不捨? 當然有, 但可以怎樣? 既然時代不選擇她而要將其淘汰, 那只能怪自己沒有好好珍惜就是.

其實我初初真係估唔到佢咁多人返去食排隊排到癲同埋有好多嘢已經唔再做咁樣先至可以 疏通人流呢間嘢我由細已經食到大阿媽爸爸係印尼華僑我夠膽講全香港最好食嘅印尼菜就係呢一間好可惜佢喺尖沙咀非常地道又坐得舒服結束營業真係好可惜其實我次次去都係得幾張枱而家竟然咁墟撼印像中樓下只係賣糕點嘅地方今次竟然有得坐樓下證明佢係超級爆嘅老老實實 有好多人都係見到報紙慕名而來根本唔知咩叫食印尼嘢不停問 可唔可以唔辣姐姐呀你唔食辣就唔好食印尼嘢啦唔啱你㗎返屋企食炒飯啦佢仲要問 個咖哩可唔可以唔辣只可以講佢嘅嘢維持到正常水準都算好彩㗎喇不過佢嘅雞湯今次整得真係好咸炒麵又唔夠地道喎炒到濕曬身咁地道係乾身啲同埋會用abc甜豉油炒啲人叫嘢叫到一枱都係好明顯就係諗住順手打埋包因為呢個動作我都有做

從社交媒體上得知印尼餐廳快要結業的消息，於是我便相約友人一起來到這裏吃晚飯。原本想早兩天先打電話訂座，但電話錄音回覆～因近日來這裏的食客衆多，所以不設訂座。這天我跟友人六時十五分便來到這裏，還好餐廳當時只有一半滿，我們可以順利入座，但被告知用餐時間只有一個半小時。我們點了幾道慣常會點的菜，分别有粟米餅丶印尼炒貴刁丶沙嗲及馬拉盞炒通菜。食物很快便來到，味道依然保持着一貫的水準，我們都吃得津津有味 ; 與此同時，再望望四周，餐廳已經全滿，門囗還有很多人在等候呢，這只是一個平凡的星期三夜晚。這家已經有四十九年歷史的餐廳，我來這裏幫襯都有超過二十年了，要結業真的感到很可惜，實在有點不捨。。。

報紙話將結業的消息一出，訂位電話及openrice的booking 即刻緊張起來，電話唔通，終於喺openrice訂咗位，但又擔心未确定，因此第二天又來到舖頭親自book位。終於係10號嗰日來到印尼餐廳有蝦仁嘅蝦醬通菜，幾特别珍多冰，華僑的至愛。雞肉沙嗲串，好吃，半打98蚊，是否有D貴？巴東牛肉，吃過至好味嘅，將D汁撈埋白饭，又可吃多一碗。

因為阿媽係印尼華僑，所以自小都食開印尼菜，不過啲老字號愈來愈少，唔少都執左，就連印尼餐廳都要年三十晚光榮結業。趁印尼餐廳仲係度，拿拿臨帶阿媽食番次，不過大家要預左黎等，就算訂左位都要，咁我寧願walk in等，因為都係要一齊等，大家體諒下。印尼餐廳有我細路時好鐘意飲既大樹菠蘿冰，而家冇咩邊度飲到，所以飲番真係幾開心，同埋佢唔太甜，阿媽就飲椰子冰，呢樣就好多餐廳都會飲到。巴東牛肉當然係呢度既招牌啦，幾乎個個都叫番碟。巴東牛肉煮得好腍好入味，味道正宗👍🏻巴東牛肉唔易煮，工序繁複，食到好食既堅難得。加多加多都係我地既至愛，香甜又有啲粗粒花生既醬汁，撈埋一堆爽脆既蔬菜食，好食到爆，當然呢個易整過巴東牛肉啦，主要取決醬汁同菜既新鮮度。串燒雞肉其實聞落好香燒烤味，不過食落就太重香茅味，蓋過原先燒烤雞肉既惹味，但整體都有肉汁，肉厚得黎又唔會嚡。

收到印尼餐廳要結業嘅消息，不禁慨嘆香港嘅小店越來越少啦，隨之而來嘅係大型連鎖店，趁佢仲未結業嘅時候來幫襯最後一次啦。咖喱雞份量比較少，但係真係好好味，啲雞好滑巴東牛肉做得非常出色，肉質非常嫩滑唔太辣印尼沙律，加多加多。印尼炒飯，走辣春卷普普通通不過都幾鬆脆串燒真係做得好出色，食得出係用炭火燒出嚟，沙嗲汁甜辣適中

琴日放工之後 九秒九衝去印尼餐廳 因為我睇報紙講 好快會執笠 嘩當時都係六點二 已經座無虛席 第一次見到印尼餐廳咁熱鬧 不過我覺得有啲可惜有時總覺得 人在得到嘅時候唔珍惜 到就嚟失去嘅時候覺得好可惜 我同以往一樣 嗌咗一個酸辣海鮮湯 （正）我最愛嘅雞肉串燒 當然係沙嗲味 （好食）仲有一個沙律 （好食）一個炒飯（好食） 一個炒貴刁（一般） 炒飯好食 炒到一粒粒 但係炒貴刁就差咗 太油又唔太好味最尾想openrice 發現仲有一個西米甜品 （好好味 特別）佢個外表好似一舊西米糕 有啲椰水 有啲糖醬 原本我哋兩個食到好飽㗎 但係呢個甜品真係好好食 好想下個星期食 我哋埋單嗰陣時 個收銀姐姐話 佢哋會做到年三十晚 就會執笠㗎喇 如果大家有興趣就快啲去試下 亦都希望印尼餐廳有機會搵個新地方重新開張 其實我覺得印尼餐廳開分店都唔難 可能之前個marketing strategy錯咗 講真啦如果九龍香港新界開一間 都唔會覺得太多 只要保持食物嘅水準 老闆加油 祝你身體健康生活愉快

20190204光榮結業，人情還人情，評分要公平之前經過印尼餐廳，都會買下面櫃檯的小食，今日下午1點多經過，佢地餐廳休息，原來有報紙在上面拍，所有伙計都在上面，但佢地知道我想買小食，都好快同有禮貌咁走落去幫忙，我買左兩件小食，但知道佢2月4號結業，本來想食下午茶，原來系無，話要等到5點半晚飯，因為會有好多人，不設預訂，也只可以食1個半小時。行左幾個鐘，等到五點半，上去已經有幾枱客啦。原來以為哩間老餐廳咁多年同埋差不多關門，會好差裝修，原來保養得好好，好特別。兩個人，叫吾到幾個菜，所以你地來最好多D朋友一起，可以叫多D試下。但其實佢地話太忙，好多菜色都無準備，好似我地想要黃飯同埋15夜飯卷都無。巴東牛肉～牛肉有帶點根，軟硬剛剛好，有咬口，一定要叫沙爹羊肉雞肉～ 有碳燒香味，雞肉OK，但羊肉無羊味，也聽到另一枱客有同樣反應，羊吾得。馬拉盞炒通菜～通菜爽脆，有辣味但無馬拉盞味，吾得。蕉葉糯米飯～ 糯米好黏，有香味，雞絲好好食班蘭椰絲卷～ 椰絲雖然吾乜味，但幾香，OK到6點鐘，門口已經站滿客人，雖然佢地好似只有3，4個樓面，但每個伙計照呼客人都好好，有講有笑，要加單，加水，介紹菜色。。。都好p

確罐蝦，我地係食野唔抹嘴嘅拉拉屎戰隊。今日幾位戰士又出咗去尖沙咀打怪獸，打到腦閉塞，諗唔到食咩，但又想試特別野，所以就去咗間好似有D 歷史痕跡嘅印尼餐廳食野…見到2款2人餐咩餸都有，俾我地一次過滿足幾個願望，所有就試下…屎諗但(啡)戰士：我始終覺得印尼咖哩唔好食。不過D個係個人口味黎嘅…其實整體質素OK。份量偏少，尤其椰汁雞得幾件雞，仲要係雞殼黎，無咩肉咁。7/10分。屎花(藍)戰士：點只少，而且舊雞鞋烚烚。汁係好味，但太稀，如果杰少少會更好。反而我覺得串燒嘅雞仲鮮嫩，比椰汁雞嘅雞滑。串燒嘅醬汁亦都好出色。另外，要提下個酸辣蛋，佢帶點微酸，味道特別，出面好少食到，幾開胃。有7/10分屎女人(黃)戰士：好滿足，好好味呀。因為我好中意食加多加多(沙律)個醬汁，濃濃嘅花生味，甜甜地帶點微辣，好開胃。而我覺得咖哩牛腩同椰汁雞個汁都可以，係偏水，但好送飯！另外，粟米餅都幾特別，個調味幾好，食到粟米味，帶有咸香，有咬口，但唔會剩係咬到麵粉。唯一要改善嘅地方係唔夠熱。7.5/10屎狗(白)戰士：認同！我都覺得最好食係個粟米餅，有口感，唔只係麵粉。另外串燒都好食，味道夠濃。如果再辣D更好。肉唔太韌，亦

平時都好少機會食印尼野，同事之前介紹過呢間幾好食，今日就同老婆黎試下。叫左個巴東牛肉，加多加多同埋 沙爹串燒。巴東牛肉比想像中大碟，有筋有腩，肉質好軟，非常之入味，係油左小小，但送飯一流👍🏾加多加多聽聞係印尼沙津，個名好特別。蝦片一d都唔油，仲非常次鬆脆。佢既特色醬有d花生醬味，甜甜地，食落好開胃。沙爹串燒係呢度出名既掂牌菜，但唯一一樣唔好既係每一款最少叫半打，我地最後試左豬同牛。燒烤完既串燒特別惹味，配埋沙爹醬，真係好夾。因為佢地都係同一種方式烹調，所以要細味一陣先試得出邊隻係豬同牛。