印度野

营业中

休息中

慧安商場鄰近寶琳站，是新都城以外的覓食之地。這個90年代落成的舊式屋苑商場，毗鄰學校，商場內仍有不少小食店或餐廳在營業。今次搵食搵到來印度野！店舖細小，有堂食座位，但不多，多見街坊客來買外賣為主。咖喱口味有四款，較特別的是黑扁豆咖喱及菠菜咖喱，第一次試就先選些大路口味！咖喱套餐包白飯及罐裝飲品，加$15可轉蒜蓉烤餅 / 奶油烤餅 / 蒜蓉包，加$30可轉農夫包。點了份香料咖喱軟殼蟹 ($75)配蒜蓉烤餅 (Garlic Naan)，咖喱味道香濃，夾雜淡淡香料味並帶點微酸及微辣，軟殼蟹份量足，炸得夠脆！蒜蓉烤餅熱焫焫夠脆口，充滿蒜蓉香，蘸咖喱汁來吃，好惹味！奶油咖喱吉列蠔 ($64)配奶油烤餅 (Paratha)，奶油咖喱一點都不辣，香得來帶點微甜，質感creamy，對於怕辣人士，絕對容易入口！吉列蠔有4隻，蠔肉size適中，炸漿夠薄，好香脆。奶油烤餅為薄片狀，口感彈牙有嚼勁，與香脆的蒜蓉烤餅是截然不同的食法。這款稔身的烤餅配奶油咖喱都算不錯。芝士薯仔餡餅，意想不到的很好吃！一份有4件，新鮮熱焫炸起，炸得金黃香脆，外層炸漿薄，內裡的芝士薯仔餡料香軟細滑好creamy！綿密的薯蓉包裹著芝士

細細間鋪頭仔，咖喱好味。叫左個奶油咖哩雞，味道好好，好適合香港人口味。唔太辣，有d甜，香料味夠足。不過個雞肉就差d，肉質好柴，應該係雞胸肉而且係醃左再急凍過。建議大家叫其他肉類嘅奶油咖哩。印度奶茶好香豆蔻味，我本人好喜歡。呢隻味唔係個個都鍾意，所以點餐需謹慎，先了解下印度奶茶係咩先。價錢方面，奶茶15 一個套餐64左右配罐裝飲料，小貴。對比起香港其他印度菜餐廳性價比算高。份量方面我自己個套餐轉了蒜香薄餅，好吃而且量足，有六塊餅，蘸咖哩吃一流，十分飽肚。

食印度野都係第一次🇮🇳原來正宗印度咖喱咁好味😂媽的貢丸上癮了。佢地個奶油咖哩都好多人叫！應該做開街坊生意，一個接一個咁入黎嗌外賣都係叫佢地嘅咖喱🍛，今次試左呢個香料咖喱牛腩，價錢$6x 牛腩好淋仲有好多舊😝咖哩酸酸地 食第一啖真係未上癮的，越食越出事🤣直頭用匙羹直接食d咖喱🥺。個牛舌小食其實都幾大份好厚肉，味道口感有d超越我對牛舌嘅認知😂d肉好淋 超重牛味。芒果乳酪芒果味比較重，😋如果再凍d就好。老闆講嘢好溫柔 好肯介紹d野食❤️🌟勁推 CP值極高

今日等朋友個陣,行行下商場,發現哩間店有人等位,於時去八卦下有咩好野食原來係食印度野,廚師係印度人,所以就排下隊等位啦入面位置較細,得幾張細枱,我地一行8人都差唔多坐滿晒成間舖佢有4款咖哩汁,我地都分別叫晒~奶油咖哩雞 $62白飯另加$15轉蒜蓉烤餅 奶油咖哩好好食,好Creamy雞肉都有好多件蒜蓉烤餅好大份,熱辣辣好好食!!~奶油咖喱軟殼蟹 $75 軟殼蟹炸得好好食~奶油咖喱魚柳 $62 咖喱魚柳都好好食~奶油咖喱炸蝦 $62都係炸得好香口,好好食~奶油咖喱牛舌 $62餐牌係香料咖喱牛舌既,不過店員比我改做奶油咖喱味道都夾既,牛舌都好大片好厚,不過就鞋左D~香料咖喱牛腩 $62香料咖喱比奶油咖喱辣少少不過都好味~菠菜烤雞咖哩 $62 哩個咖哩比較清~黑扁豆牛腩咖喱 $62白飯另加$15轉奶油烤餅哩個咖哩同烤餅都係味道偏淡~蒜香牛油雞翼 $42都係好好食~印度烤雞 $42好大件,烤得啱啱好~巨型咖喱角 $42咖喱角真係好巨型好大隻~炸乳酪球 $42炸乳酪球唔點醬汁係完全無味道既綜合以上食物,我覺得佢d炸野都好好食咖喱排名就奶油咖哩=>香料咖喱=>菠菜咖哩/黑扁豆咖喱

今日foodie idy去寶琳搵朋友機緣巧合下試左呢間叫印度野嘅印度野😝小店只有3張二人枱 但門外有唔少街坊等緊外賣👭👫👬我同朋友19:30嚟到 等左大約20分鐘有位🕓樓面姨姨雖然一腳踢 但都保持親切嘅服務態度 抵讚🧑🏻👍🏻食物方面 上菜速度合理 唔算等好耐 我地總共order左三樣野：香料咖喱軟殼蟹★ ★ ★ ★ ★Masala味道濃郁 配搭外脆內軟奶油烤餅 係味蕾嘅享受！至於配料軟殼蟹嘅味道唔算突出 但勝在令口感大大提升🦀菠菜奶酪咖喱★ ★ ★ ★菠菜味頗香濃 奶酪口感煙煙韌韌好上癮🤣但整體味道偏清淡 建議搭配蒜蓉烤餅進食 可令味道提升！巨型咖喱角★ ★ ★ ★ ★Foodie idy同朋友見到個名都有少少壓力！好彩實物唔算真係巨型 兩個人食三粒冇難度😌Samosa即叫即炸十分酥脆 餡料豐富 味道夠spicy 但唔算油膩 食完唔會成口油 個人非常欣賞薄荷醬！！！🌿 清新嘅味道可以平衡返Samosa嘅重口味 欣賞💛

慧安園新開咗一排的印度野見到咁多人見到平日都唔少人排隊等入去坐或者等外賣今日入去試下先好豐富啊香料羊肉咖哩，都幾辣菠菜薯仔咖哩，味道怪怪的, 個人不太喜愛 (不過因為食唔曬嘅關係, 太豐富了, 不要浪費, 所以拿回家, 晚上二次創作再吃，我加咗啲水，兩隻雞蛋，之後再撈麵食又幾好食喎) 這個最好食, 小童至愛, 非常微辣, 酸酸甜甜奶酪咖哩, 我們挑選了肉醬奶酪咖哩, 還有烤焗芝士在上面, 拉絲的好好味今日奶油烤餅賣光了只有蒜蓉烤餅點咖哩好好食好軟熟尤其是點那個拉絲的肉醬咖哩一流希望下次試到奶油烤餅店舖位置不多麻雀雖小五臟俱全職員有禮，主動給我們小碗子share食下次再嚟食

某日看到YouTube有人介紹這間印度餐廳位於慧安園1樓(上扶手電梯後轉左)，於是週末行完山去了吃咖喱。週日13:42去到，簡單裝潢的小店內坐滿客人，而且不時有外賣訂單！🍛奶油咖喱雞 配白飯加罐裝飲品 $62🧄轉蒜蓉烤餅 +$15嫩滑的雞件沐浴在香辣的奶油咖喱中，賣相比小店的環境更為吸引。因為份量不少，所以最後打包了咖喱和烤餅回家。雖然愈吃愈辣，但這奶油真的無論送飯、送烤餅也一流🤤🐐海德拉巴羊肉香料飯 配罐裝飲品 $75香料飯粒粒分明，充滿香料的香辣但不會過於濃烈。羊肉香軟，近乎不用用力咬碎，而且略帶羊肉的羶香😋🥭芒果乳酪 跟餐+$15吃香辣食品不得缺少凍飲，這杯芒果乳酪美味又解辣👍🏻

好似回到做學生時代幫襯嘅小食店，但係入面收藏着與眾不同嘅風味。印度咖哩🍛奶油咖哩軟殼蟹🦀️$75（+$15轉奶油薄餅）推薦‼️咖哩香料配上奶油creamy，帶出甜甜嘅咖哩味道，適合唔食得辣嘅人。軟殼蟹係即叫即炸，香脆可口，配搭奶油咖哩呢啲冇咁濃味嘅醬料一流，唔會遮蓋軟殼蟹嘅味道。菠菜烤雞咖哩🌱$62（配白飯）菠菜蓉配搭咖喱，清新、獨特帶有辣辣地嘅味道，口感會有少少菠菜粒。雞肉鬆軟，大大嚿混入咖喱，滿足鍾意大大啖食肉獸。香料咖喱雞🍛$62（+$15轉蒜蓉薄餅）濃郁嘅印度香料咖哩配雞肉，與出面普遍食嘅咖哩截然不同，每食一啖都有一股香料嘅味道，濃咖哩配上辣椒，帶出印度嘅風味。加配蒜香薄餅🍕，外脆內軟，聞落有淡淡的蒜香味，拎上手仲熱辣辣添。芒果乳酪+原味乳酪🥂$24（跟餐+$15）口感稠身，重乳酪味道，甜度剛好。不過個人推薦飲汽水或者紙包飲品，因為食完濃味咖哩，再飲乳酪會感覺好滯，建議飲啲清爽嘅飲品🥤。環境方面🔍地方比較窄，得5-6枱可以堂食。整潔乾淨，會提供紙巾及牙籤。✨建議可以帶濕紙巾，食完薄餅可以抹手

衝著網路紅人介紹過來食的，但我覺得一般般，剛剛在堂食食完午餐，2個人叫咗菠菜羊肉咖喱，香料咖喱牛腩，黑扁豆烤雞咖喱，蒜蓉烤餅，聽落好似好多，其實佢地既材料份量少得可憐😓😓😓 羊只得3舊，有一舊仲系皮冇肉😖，牛腩叫做好啲但都系少，後加黑扁豆烤雞，雞肉又系少到冇朋友，材料份量俾得少唔抵食。咖喱都ok, 我食得辣完全不覺辣。堂食4張枱，好細間。如果以佢呢個價錢，份量咁少，性價比低😓😖。鐘意食餸少食澱粉類既我呢度唔啱我。我餓住走😓 老公就咖喱撈白飯，咖喱點蒜蓉烤餅，佢食晒啲飯又食晒啲烤餅先勉強飽囉😖 我地寧願食其他嘢，唔駛專登過來食。但佢果度好多外賣單，我地坐咁耐不停聽到佢地接外賣單。（佢地煮嘢都耐，要有心理準備預時間等。）

這間店舖位於寶琳 慧安園廣場 這間店舖叫印度嘢 他的蒜蓉雞翼，印度烤餅 ， 蒜蓉薄餅 ， 蝦餅有芝麻 好好味 好趣👍👍事頭婆仲教我讀佢個印度名字 係係叫做 （拍拍訂）😁我又學識了多個字了 😊咁我就下次可以試下咁樣叫 呢個蝦餅嘅名字😂😊👍😊🥰😋好味 那天order 咗2碟唔辣嘅印度魚 和印度雞， 啱晒小朋友食嘅👏 最喜歡食佢嘅 趣趣蝦餅👍急不及待下次再約朋友仔再幫襯 😊仲有好多嘢都未試添☺️ 下次約多幾個人一齊食！。

突然想食咖哩但向寶琳通常都係得日式咖哩或者港式咖哩向外賣平台發現呢間印度咖哩就行去試下呢間鋪頭都係做外賣多堂食好少位咖哩款式都好多叫了兩款咖哩兩隻咖哩都幾好味辣度適中 唔會太辣但好惹味下次會再黎

成日都覺得 如果無意中發現既餐廳好食 係開心過人地介紹既餐廳好多倍🫶🏻 住咗將軍澳區二十幾年 真係完全無見過印度餐廳🤔 但係原來慧安園商場上層新開咗一間印度嘢🤩 雖然價錢好親民 但係食物質素一啲都唔差～🤍 鋪位有啲細 得大概三張檯 所以大部分人都係嗌外賣✨ 奶油咖哩軟殼蟹💲75奶油咖哩甜甜地 香濃得黎唔會辣～🫶🏻 軟殼蟹炸得好酥脆 入面啲膏好正🥹 ✨ 蒜蓉烤餅💲 + 15 蒜蓉烤餅好香蒜蓉味！係厚身既烤餅 好鬆軟 點咖喱好正！份量好多🥹✨ 黑扁豆燴羊肉咖哩 💲75羊肉煮得好軟淋 好大陣騷味 我好鍾意🤩 但係唔鍾意騷味既人可能嗌其他比較好～🤍 黑扁豆煮到爛曬 香料味比奶油咖哩比較重 但係都唔會過濃 應該啱香港人口味～不過係配普通白飯 如果配印度米就好lu😚呢度既咖哩全部跟飯同埋罐裝嘢飲 最平62蚊就有交易🥹 加15蚊就可以轉奶油烤餅或者蒜蓉烤餅 真心好抵！✨ 雖然我唔識評價正唔正宗 但係係好食既咖哩🤍 除咗奶油咖哩 黑扁豆咖哩 仲有菠菜咖哩 香料咖哩 同埋印度香料飯 全部都好想試😭 講到成個打手咁 但係之後一定會再幫襯買外賣返屋企食🤩 觀塘都有分店(gali)！ 加一：❌

因為睇完套音樂劇話有優惠，所以特登去試下，入去商場搵咗陣先揾到，坐位比較少，間鋪望少夾攝，但食物一上枱，彷彿去咗間靚餐廳。首先啲碗碟幾靚。叫咗個奶油咖喱魚同香料咖喱牛舌，兩個都$62，肉嘅份量比出面平時嘅多，亦好好食。奶油咖哩酸酸甜甜好正好香，我個friend唔太食辣都食唔停口。+$15配咗個奶油薄餅同蒜蓉薄餅，蒜蓉薄餅比較厚身，香厚軟淋，奶油薄餅比較薄同煙靭，第一次食呢種口感，覺得都係厚身嘅啱點醬多啲。+$15 叫個mango lasi，係少少偏甜同唔夠凍之外，真係好好飲，覺得係真材實料。最後加點咗個炸乳酪$42，可惜啲咖喱太好食，成口都係creamy咖哩同lasi香味，我食唔到咩味。真係冇諗過間野望落咁普通但啲野好食又抵食，姐姐招呼又好人，所以要獻出我第一個食評讚下間嘢。

印度烤雞，香料咖哩雞肝。好有印度正宗香料食物的感覺，可能怕這區居民食不慣，味道不算太重。雞肝份量很多，咖哩汁都很多，配飯配餅足夠有餘，還附上兩小瓶不同的醬料， 店主不吝嗇今時今日真難得。希望生意蒸蒸日上 ，食物質素越來越好。

本來位置係食雞翼魚蛋嘅舖頭嗰晚同男友無睇清楚就衝咗入去🙈但見到menu啲咖哩好吸引就無走到～好彩無走到！✧MAIN✧～奶油咖喱款軟殻蟹 $75 + $15轉蒜蓉烤餅～一𢳂起個汁就見到入面好多香料同埋分開隻軟殼蟹時漏岀嚟嘅油成碗咖哩即刻再濃味啲大兜到食完個烤餅都點唔晒🫓～黑扁豆燴羊肉咖喱 $75～非常岀色！羊肉燜得非常腍黑扁豆咖哩都唔會蓋過應有嘅羊騷香食到入面都幾多薑但平時唔太食薑嘅人表示完全唔會抗拒😳呢個適合配飯食～🍚✧SNACKS✧～炸乳酪波 $36～未去過印度/餐廳食類似嘅嘢但小小失望唔覺得有乳酪/芝士味口感比較似炸硬豆腐點埋店自製嘅醬汁有小小麥樂雞feel😂✧DRINK✧～印度乳酪 跟餐+$15～雖然唔知具體有乜但好飲🤣但個人覺得個餐就咁配汽水都良心因為好多款揀，又有忌廉又有西柚汽水🍊✧OTHER✧店舖入面得四張枱但一張係放咗舖頭嘅貨所以實際得三張選址慧安園真係好靜🙈同時見佢做好多外賣但店員姨姨服務好好一點完餐好快就有餐具同飲品🥤.✧SUMUP✧覺得對唔食辣嘅人嚟講係非常友好嘅辣🥹一邊食一邊會keep有微微後勁但唔會辣到要係咁飲嘢沖淡個口🥹.至於正唔正宗就唔討論啦只能講就算食到好