卷福和他的朋友們 (已結業)

2017.7.28 << 卷福 >> 上環這間食川菜餐廳。最搞笑係為菜式創作一啲好搞笑既菜名。等大家睇餐牌時無咁悶。哈。不過重點都係菜式味道的確唔差。但由於唔係好食得辣。所以都係 order 左一般中式小菜試試。😘😘😘😘😘😘😘😘😘😘😘😘😘😘是日點餐:🌼寂寞難耐的小家碧玉 $88 係自家製豆腐配上野菌。個自家製豆腐，似係蒸蛋上面加左紫菜。豆腐滑溜的。配上紫菜。令豆腐特別啲。但最終食唔出係咩醬汁。🌼藍瘦香菇 (滑菇牛柳) $78這個好食。牛柳的確滑滑的。好腍。菇新鮮。配上香口野味汁。。好食好食🌼腰纏萬貫的居式炒飯 $88 有小龍蝦肉架。飯粒粒分明。好食的🌼什菌燒汁炒龍躉球 $138一食個醬汁就好出。好野味。龍躉球有4大舊。真係啖啖肉的。什菌又炒得好食。野味。正。🌼乾煸四季豆 $78 (不值!)一至差評。因為竟然如此淡味。好似無落salt 咁。得少少辣味。點解會咁架!!!! 肉碎又少。😄😄😄😄😄😄😄😄😄😄😄😄😄😄小菜野味。仲有佢地好鍾意用什菌做配菜。所以食左唔少菌。女仔最愛吧！值得再回味的餐廳🌟🌟🌟

又到Happy Friday 👏👏👏是晚收工相約了好朋友到上環覓食、又去發掘一下新餐廳先😃朋友見到這間餐廳的名字好得意、又見到是食湘川菜、覺得幾新鮮下、便提議試下食這一間、因其他人都沒有食過湘川菜、大家便🛎🔨（外牆搭棚中）店內沒有豪華既裝潢、以簡樸為主、反而給人一種安心、平實的親切感覺。可能都算是位於遊客區、餐廳都幾與時並進、於檯上貼有二維碼同其他社交平台、方便食客們容易地掌握到他們的最新資訊👍今天天氣實在太悶焗、一坐下已急不及待叫了一杯凍檸茶、消消暑先🍹跟手就開始落單了、因為肚子已在抗議中乾煸四季豆$78炒得夠乾身、夠鑊氣、蒜香味不太濃、清清地不太油膩、食到停唔到口👍椒麻雞$68雞肉嫩滑、就算不沾麻辣汁、都滿有麻油香味、我中意。（因本人不太好麻辣味）梅菜扣肉$108這個送飯一流😋梅菜甜甜地、而扣肉看似油膩、但食落不會覺得有這種感覺、我都食左3大舊😂麻婆豆腐$78豆腐嫩滑、而且挺硬身、不易弄散。同我們平時食開的麻婆豆腐不一樣、多了一種麻辣的香味。不太好麻辣味的我、都能食上2匙根🤣總結：雖然餐廳位於遊客區、但價錢仍是街坊價。湘川菜亦是較少有的、味道都幾特別、尤其喜歡麻辣的朋友

昨晚和去了位於上環皇后大道中302號的卷福和他的朋友們，店名好有趣，是一間食川湘菜的餐廳。我們點了椒麻雞，麻婆豆腐，乾煸四季豆，蒜片一口牛肉，什菌燒汁炒龍躉球，孜然羊排，梅菜扣肉，絲苗白飯，點品有：酒釀小丸子，香蕉禪。 椒麻雞，當中的醬汁是和雞分開上，因客人喜歡的口味而點多少椒麻汁，或客人只喜愛吃雞的原味，就完全不需點醬汁也可。麻婆豆腐，其實我喜歡這家店的麻婆豆腐，是用傳統的鮮豆腐，不是用盒裝豆腐，一來較有口感，豆味較濃。梅菜扣肉雖然肥美，用來送飯，忍不住一件接一件的吃。蒜片一口牛肉，牛肉肉質好軟，入口化的感覺。總結：卷福和他的朋友們一間店名有趣的名字，店員亦十分殷勤

朋友傳來一間餐廳資料話幾特別可以試試，夾啱時間一行四人即訂枱安排飯聚😋由中環行上嚟加上大雨有啲吃力😓，用咗20分鐘。 入到餐廳人唔太多環境都ok. 餐牌頗特別，要花點時間study一吓。先點頭盤椒麻雞試試。 望落雞幾滑，唔肥。 但食落雞肉無味，麻辣醬汁亦略嫌麻及辣味不夠😔水煮魚 - 大大盆，味道可以但魚肉骨較多及易散。寂寞難耐的小家碧玉 - 賣相靚同好特別。茶樹菇好味跟豆腐很配。招牌小龍蝦泡飯 - 話明泡飯以為起碼好似潮州粥咁上下份量，點知似飲湯同加少許冷飯及炸飯粒，小龍蝦只得十零粒，跟預期有落差。但公道啲講句，味道係唔錯嘅。蒜片一口牛肉 - 牛肉夠淋身，而配菜嘅什菌比主角更惹味。豆豉鯪魚炒油麥菜 - 家常菜式，味道可以但整碟菜頗油。甜品香蕉禪有驚喜😋外皮不是高力豆沙、不是拔絲，粉漿鬆化薄身不會油淋淋，香蕉質地實淨熟度啱啱好，正👍🏼幾特別係指店名、菜式及其名字與介紹。如果有人問我呢間餐廳啲嘢好唔好食我都會答幾特別...

今日又熱又曬,本來想食啲輕口嘢就算,偏偏午飯時間連雲吞麵店都要排五,六個人,難得有間睇來冷氣充足又唔使等位嘅,梗係入到去先算啦.門口有隻好似日本蟹道樂標誌既紅色巨型龍蝦擺設,令我一度以為同蟹道樂有關,或者起碼都應該係食日式料理,其實呢度係食川菜.坐到埋位,原來又係個種會頂膝頭哥嘅枱.因為趕時間,好快咁點完餐,湯同食物都幾分鐘內送到,效率非常好.白菜蘿蔔豬骨湯都幾好味,甜得嚟唔似有味精.椒鹽排骨嘅賣相真係令我打左個突.椒鹽排骨去濕嘅,係成塊濕透果種.除此之外,連顏色都唔似椒鹽排骨.我即時問左個疑似經理,佢收返隻碟話會跟進.一分鐘內,另一位夥記粒聲唔出攞返完全同一碟飯俾我,我睇完發現冇分別,叫番個經理嚟跟進.佢畀我選擇一係繼續跟進一係就選過第二個餐.算吧啦,就食返依碟濕嘅椒鹽排骨啦.其實呢碟椒鹽排骨嘅味道係可以嘅,豬肉味濃,香口,仲脆脆地.廚師可能係炸完之後倒得太多汁上面啫,其實侍應只要答一句"呢種係XXX(地名)嘅煮法"或者"唔好意思,或者我幫你兜乾佢?"就已經完事,令我苦惱嘅係,食物質素唔差,店員其實全程都算有禮貌,唯一缺點就係佢地唔識應對客人,浪費咗食物質素.

Rolex仔今日搵野食搵到去上環！話說今日返完港大同女友醫肚，搵到去上環俾間餐廳的阿姐叫住，問食唔食龍蝦。睇完個menu見咁特別啲蝦仔仲細過millions咪試下囉！入到去餐廳其實都俾個環境震懾左！果度有度牆，上面有幾十張好多人係度gathering 的相，就估下呢間野都應該靠得住！個餐牌仲好笑！個個餸名都好似好用心機去改咁！水煮魚就叫 酸菜魚叫都幾用心機去改名！不過今次都係講返我地叫左又覺得好特別的 避風塘龍蝦仔 同 雙子座的老司機 即係麻椒雞。一如既往，避風塘龍蝦仔以辣見稱，不過呢個避風塘龍蝦仔又唔辣得哂，係好適合我呢啲又要怕辣又要試辣的人食！龍蝦仔味唔會被辣味淹蓋，反而係因為佢體積仔，好有 一口肉 的感覺！一碟大大碟的龍蝦仔就俾我地兩三啖食哂！另一個餸就係不可不食的麻椒雞！個雞味新鮮，而麻椒唔似麻辣咁成日比啲辣搶味，反而佢有麻油口感同香！成味餸俾人好家鄉味濃的感覺！加上麻椒只係醬，俾人有選揀，鍾意就點多啲！細路哥都岩食！

"卷福和他的朋友們"睇個名都覺得好有趣，同男友提起佢都話好搞笑原來係一間食川湘菜的小店位於上環，出地鐵站向皇后大道中方向行麥當勞對面就是卷福店內裝潢以紅色為主軸襯返川湘菜嘅辣！特別喜歡這照片牆，有食客留影，仲有小朋友嘅大作"翻滾吧，小魚兒!" (水煮魚)第一次食水煮魚，印象中紅辣辣湯係好辣原來這水煮魚係少辣程度，岩哂我！魚片魚腩嫩滑，麻辣好惹味，叫碗白碗最岩連配菜都俾我1個人KO埋！"寂寞難耐小家碧玉"自家製豆腐配上南瓜汁一開始望落個豆腐有啲似魚片頭😂食落好有豆味，以為個汁係蛋汁細問下原來係南瓜汁"蘿蔔米糕裏我最愛的兩個男人"好食到食左先記得影相特別一提有個好有passion 嘅男侍應，有禮貌，對菜式熟悉，睇得出佢對自己餐廳出品好有信心！

約朋友食飯，搵個可以舒舒服服坐低吹水既地方，咁啱2個又都食得下辣，就揀左個呢間。睇隔離枱食小龍蝦都好吸引，佢一碟成個面盆咁大，可惜朋友堅持食肉，所以食唔到。先黎食開胃前菜【有河南口音的荷蘭小黃瓜】名字相當有趣，賣相都唔差，食落清甜帶微辣，醃得夠入味，口感爽脆，夏天食認真開胃。主菜食【雙子座的老司機（椒麻雞）】同【腰纏萬貫的居式炒飯】因為食得辣，一上菜就將他們秘製醮料淋晒落去，如果唔食辣既人可以唔點醬。肉鮮嫩，唔會整到好老，辣醬野味，雖然對我黎講未夠辣炒飯材料唔少，不斷食到小龍蝦，原本唔太鐘意食甘荀，見到都要挑出去，但呢間炒得幾好食，脆脆地，又唔會有怪味。話明吹水，點可以少左野飲2個人2支啤，唔會太多泡，邊傾邊飲無得彈。

之前兩次來小龍蝦好大隻，今次極之失望，不夠以前一半大，且不新鮮。店長之後補了三隻，仍是極細，不新鮮。好似廚師換了，其他order 味道也好普通。水煮龍躉亦很不新鮮。多道前菜和甜品都不再提供，waitress話是因為廚房的雪櫃沒有了，實在不明如此貨不對版，嚴重不推薦。不會再有回頭客了。週五晚上都沒有幾桌有客，同之前滿座的情況大不相同，或者這種貨不對版已有一段時間。剛開業時的質素已不復存在，現在或者是靠一兩個外賣支撐生意。

偶爾看到這家的餐牌十分有趣，便相約了友人一試。在香港我們不難嘗到小龍蝦，特別是吃自助餐的時候，很容易便看到這款冷盤，但是以小龍蝦為主打的食店，相信這間餐廳可算第一間了。到埗後，看到桌上的介紹，才發現原來這間小龍蝦專賣店在2015在上海起家，至今已在中國開設了差不多十間分店，去年年尾正式進駐香港，選址上環，地點非常便利，地鐵站步行數分鐘便到達了。店外的大門上還有一隻十分搶眼的大龍蝦，可惜剛剛裝修進行中，看不到它的全貌。打開餐牌一看，小龍蝦的菜式佔了兩版。共有8種不同味道的選擇。除了一般在自助餐常見的冰鎮食法外，還有具中國特色嘅煮法如川味麻辣小龍蝦，紹興花雕冰醉小龍蝦，也有以數十香味煮成的小龍蝦，由於同行的朋友不吃辣，所以今天未能一嚐川菜辣味的煮法的小龍蝦了，還有一味較特別的是香港避風塘小龍蝦，以油炸蒜粒及椒圈配上麵包糠伴食，相信是十分惹味的。餐牌上的菜式已令我和朋友笑不龍嘴。因為菜式的名字實在非常有趣，例如寂寞難耐的小家碧玉，青春若是條不老的魚，你沒吃過我的豆腐（麻婆豆腐）等，單看名字實在令人會心微笑。蘿蔔米糕裏我最愛的兩個男人$48蘿蔔糕沾滿了蛋漿煎得香脆，當侍應放下的時候，XO醬的香

香港食小龍蝦嘅地方唔係好多，喺open rice 搵到卷福，決定生日試吓，可能係食辣嘢，入去見有三枱客，全部都係講普通話，我哋四個叫咗張嘉佳秘製小龍蝦(大)，醬汁好野味，好食但龍蝦size比較細，10隻＄268，服務員話之前係＄398，如果係$398就好貴，叫咗酸菜魚，魚湯好飲酸辣適中，魚肉唔夠鮮甜，叫咗水煮牛肉，牛肉份量好多，但水煮湯底唔香，大家都覺得好一股，仲叫咗雞，無特別。仲有刀削麵，我好鍾意，口感彈牙，煙韌。仲有麻辣豬耳，就不太入味。服務好好，服務員會比圍裙同埋手套，食小龍蝦不怕整污糟。

  看見餐廳的名字已令我感到有趣，終於找到機會來幫襯一下。想不到原來菜式的名字也一樣有趣，在點菜的同時，已看到店家的一點創意和心思，只看餐牌已是一個樂趣。最好吃要算是居氏炒飯，有鑊氣，而且材料充足，飯粒也清楚分明，吃下去味道豐富，是近來在外面吃到最好吃的炒飯的其中之一。水煮牛肉也不錯，如果配上飯或麵就更佳，有點可惜我沒有要更高的辣度，否則應該更過癮。剛才提到有趣的菜名，我記不了太多，但幸好有拍下一頁menu，例如這個蜀地飯妞，算是別出心栽吧。名字有趣之餘，食物味道也不錯，雖然這種吃法不是四川菜獨有，但這個配搭吃來的確頗相襯。這頓晚飯是有趣的體驗，從點菜一刻到吃飽，都有不同的享受和樂趣，和朋友研究這些菜名已令等待上菜的時光不知不覺地飛過，只可惜整體價錢略貴，不過根據餐牌的介紹，菜式的創發大有來頭，所以也是能理解的。

數天前剛巧經過上環，離遠看到大大個龍蝦招牌十分吸睛👀於是走近看看餐牌。餐廳主打近年中國大熱的小龍蝦，其次是川菜。想吃川菜但上環的川菜餐廳可是瞭瞭可數，那今晚就試試卷福吧餐廳叫卷福和他的朋友，碰巧今天也是和朋友們一起吃卷福吧門口招牌打卡位，日頭影會膨拜d翻開餐牌，餸菜名字讓人哭笑不得就向男店員來一客"你沒吃過我的豆腐"！水煮魚 $188麻、香、辣味道共存，這裡的辣不會過分霸道，而且不像外間般多油煮法。適合又怕油，又想吃水煮魚的我一塊又一塊精緻剔透的魚片沾滿辣湯，惹味麻香讓人追著吃乾扁四季豆 $78蒜香惹味，吃到停不了口。蘿蔔米糕 $38雖然只是$38，但份量超多好抵吃。平時只有年糕才加蛋煎，但完來蘿蔔糕加蛋煎也有不錯效果，外層煎得脆卜卜，加埋辣椒醬一起吃，味道💯💯💯💯麻婆豆腐 $78這就是大名鼎鼎的"你沒吃過我的豆腐"，即麻婆豆腐。不吃辣的朋友要慎叫，我們order了小辣但也非常辣，幸好本人嗜辣，辣一辣都無問題豆腐滑溜，惹味無比，伴白飯吃就prefect。居氐炒飯 $89就是加了小龍蝦肉的楊州炒飯，味道一流兼有穫氣，大大兜食到要打包

預祝母親節，難得一家人齊人就食得特別D！好似上年就開左係屋企附近，一直都未黎食過，見係大陸都有好多分店，應該都幾岀名！臨近母親節LEE D 日子就預早打黎BOOK定位先！廢是等位！好彩有BOOK，果晚真係幾FULL下！！夏日炎炎整支BEER！待應話如果覺的唔夠凍可以幫手加冰先食下菜！叫左四季豆，唔油好爽口！！見個個都有叫LEE個"寂寞難耐的小家碧玉"，就ORDER埋試下！真係幾好食，可以ENCORE！！之後叫左個招牌小龍蝦。本身我地ORDER左個炒飯，不過個袐制醬汁真係好掂，所以待應好好幫我地CANCEL左個炒飯轉呢個刀削麵撈落去食！真係好味，好彩轉到個麵，唔好浪費左個咁好GE 汁！！

平時番工成日都要約客食飯，今日有個客帶左我來呢間名有d奇怪嘅餐廳食四川菜。餐廳門面有隻龍蝦，招牌菜應該係小龍蝦啦！個餐牌又幾搞鬼喎！ 你沒吃過我的豆腐 原來係麻婆豆腐 每碟菜式都有簡單嘅介紹，呢點真係好少餐廳有！啤酒蝦好入味有啤酒嘅麥香同埋孜然粉嘅味，小龍蝦嘅肉幾爽口！最後我地加左個刀削麵撈埋汁，真係超好食！！呢碗明湖那些年份量十足， 魚肉夠滑！酸菜酸度適中，可以夾來配下刀削面！呢碟水煮牛肉無我想像中咁辣，好彩姐！因為我唔係幾食得辣，係個客面前流晒汗就狼狽啦！初哥可以試下小辣，店員話食得辣可以加辣，有大中小三級。如果落單時無講，就當係普通辣（姐係小辣）。牛肉好有牛味，嫩滑爽口！我地6點就到呢間店，所以仲未有客，臨走時差不多爆滿好彩早來！餐廳地方闊落，可以舒舒服服地食餐飯！