影片
港铁坚尼地城站 A 出口, 步行约3分钟
继续阅读
电话号码
63323966
营业时间
今日营业
全日休息
星期一至六
12:00 - 20:00
星期日
全日休息
以上资料只供参考，请与餐厅确认详情
相关文章
之前睇過有人介紹呢間炸雞髀，話佢好好食！今日特登過嚟堅尼地城試吓，間舖頭喺斜坡上面，由地鐵站行上去，都幾係嘢！終於去到舖頭，發現呢間舖頭好細，只提供外賣，老闆一個人一腳踢，但係睇得出佢好用心製作，真係要支持一下年青人！由於係生炸嘅關係，嗌咗之後都要等10分鐘先有得食，想食好嘢，冇辦法！最後等咗10分鐘，最後見到老細落啲椒鹽落雞髀度，之後就遞俾我！終於有得食啦！真係好熱！簡直冇辦法可以食，要攤凍一陣！先講吓啲雞肉，由於係生炸嘅關係，真係食到好多肉汁，一滴滴滴落去，而且個雞皮好脆，佢係用好港式嘅醃料去醃呢隻雞髀，係得食得返細個嘅雞髀味道，完全冇落其他辣粉同孜然粉！食得出港式嘅味道！我絕對可以咁講，佢真係香港島世一雞髀！大家快啲嚟幫襯啦！
继续阅读
之前見到有不少報道，說得天花亂墜，好不威風。今天晚上有車剛好到了堅尼地城，經過此店，心血來潮，也好久沒吃過炸雞髀了。店是小店，店主年輕有禮，兩個人做，小食十款八款，看似都有心做。生炸雞髀，$35，說貴不貴，確也不便宜。晚上六點左右，客三兩個，生炸要等，是常識吧。等了十分鐘就有了，到附近體育館吃，步行5分鐘左右。體積不過不失，目測其實估到有點乾身。有一說一，成隻脾就表面有味而已，個心無味，唔知係無醃定刻意唔做咁夠味？你問我，脆又唔係好脆，汁又唔係話好有汁，味又唔係話好夠味，想點SIZE 又唔大脾，想點😅？$35一隻咁嘅質素，對我嚟講，都幾有落差。有興趣自己試吓。我就無下次啦。
继续阅读
偶然係網上睇到介紹呢閒小店嘅炸雞脾，好想試下， 今次專登好遠咁走咗去買嚟食，希望唔會令我失望。買咗一隻炸雞脾，即買即炸，要等大概15分鐘。 等候期間買咗一份燒賣 ($10/6粒) 攝時間。 燒賣 ok， 有魚味，但唔算太彈牙， 係食咗就算，唔會留有深刻印象果種。主角 "炸雞脾" 終於炸好。 呢度嘅炸雞脾唔係 sell 大隻，所以唔好諗 size會好大。 食第一啖無肉汁，但雞肉唔鞋， 炸得好脆，雞肉醃得幾入味。再食幾啖，肉汁就開始澎湃湧出來。 因為隻雞脾唔大隻， 好快手就食完。 以炸雞脾來講, 算唔錯，無失望。
继续阅读
想試呢度嘅炸髀同煎釀三寶好耐，趁住放假終於嚟個西區半日遊！地鐵站一出行少少斜路就可以行到卿記工房，怕熱嘅朋友可以帶定風扇仔😂當日我哋兩個人企咗喺度食差唔多45分鐘就嚟試晒成閒鋪啲嘢，我哋當日一共叫咗六樣嘢，差啲嚇親老細，點解呢兩個人可以不停食😂😂😂😂樣樣食物都咁出色！！！價錢亦好合理！滿足晒想掃街嘅慾望！🥹🥹🥹·煎釀四寶 $22 6件由於煎釀四實太出色所以要ENCORE再食多兜鯪魚肉好香足料一啲都唔孤寒！個鯪魚肉係厚身㗎，我終於明白點解之前一個人佢會嗌六嚿都係豆腐！我好肯定我下次都會咁做🤓個魚肉係帶有陳皮嘅香味！呢個調味真係喺其他地方食唔到！！！如果出埋炸魚蛋真係不得了！！！· 魚蛋燒賣 各$10 6粒陳皮魚蛋比起一般坊間嘅好似再炸過下好出眾，相信魚蛋愛好者（亦即本人）都會喜歡🫶🏻· 脆脆雞球 $22份份量唔少㗎，明顯地係自己上炸粉唔係叫貨返嚟就咁炸！應該係小朋友好鍾意嘅炸物🤭·生炸雞髀 $35炸髀連我平時唔鍾意食皮嘅人都會愛上超多汁超脆！！！· 凍粉+椒麻雞 $38以凍粉作結超級透心涼完美冇平時麻辣店嗰陣雪咗好耐嘅味成餐都好滿足😌店主一家人都好用心，令大家都食得好開心，超級有禮貌之餘仲不停問你啱唔啱口味啱唔啱食，我哋已經諗緊遲啲放工都想過嚟食🤭🤭係港島區掃街嘅好地方！！很推薦！！
继续阅读
去咗西環 上網揾睇下有咩好食 見到都幾多人推薦食呢一間 所以去試一試😋買咗炸雞髀同GD燒賣 大約等咗15分鐘 —————————————————————-真係好好食！雞髀多汁 肉質嫩滑 雞皮好跪 好味！燒賣同平時嗰啲唔同 特別有魚味 好軟糯 正！推薦！👍🏻支持小店！員工好有禮貌！下次會再特登黎食！❤️——————————————————————————————-
继续阅读