原燒

营业中

休息中

又見一團購話有日式燒烤，又近屋企，所以一試。夏日二人海鮮餐餐單(原價$468，優惠價$198)：原燒日式沙律2客雜錦串燒拼盤2位用 - 豬、牛、雞、羊時令海鮮拼盤2位用 - 多春魚、鮮海蝦、蠔、扇貝、原條鮮魚、雜菇拼花甲精選Sake特飲/ 罐裝汽水2客一去到都覺得環境都唔錯，不過坐的位好細，因為朋友好大隻，所以坐得好辛苦下。其實D食物真係唔差，燒肉類都叫多汁，不過海鮮就.....唉，因為得我地一台客，所以上得都幾快。但係我都係覺得食呢間都唔好買團購的野啦，又話原價四百幾，但其實根本就百幾蚊貨仔，不如比我自己叫啦。我計黎計去都唔覺呢個餐有四百幾蚊，仲要無左魚比我地我地有問過待應小姐我地的餐齊未的，佢仲答我地齊晒，點知返黎睇返先知，我係魚唔見左!!!!!!!呃我既!!!!(去食前唔記得睇自己個餐有無魚，係我自己的錯)豬頸肉 12蚊串牛 10蚊串羊 10蚊串雞 8蚊串多春魚 1x蚊 6條(我地得4條)蝦 唔記得扇貝 38蚊 2隻花甲 36 蚊汽水 10蚊罐我條魚 無左 我好想問點

環境不錯,入到去好舒服。雖然檯細左D,但服務員一見你食完就完幫你回收,所以唔會出現檯太細,擺唔到野的情況。而且服務員服務好好,親切有禮。食物方面,串燒味道一流,醬汁香口。另外叫左個燒黃立鯧,火喉好好,皮又香又脆,入面的肉又滑又諗。腩肉蕃茄又特別,又好味。不過焗蠔就差左少少。

今日同家姐去試樓下呢間餐廳~~ 假期中午時間,我地兩個人包晒場~~~ 見d食物價錢唔貴,就隨便叫,結果兩個打算減肥的人就叫左13樣野~~~ 叫了1.鮮菇(只是$6,有兩個,好好食)2.雞軟骨x2串 (好好食)3.玉子(good good good)4.羊肉5.雞中翼x2串 (一串兩隻,好食)6.腩肉包金菇 (都好食)7.羊扒 (一碟兩件,叫左先知有羊架的兩件$45,下次試羊架)8. 車哩茄 (有6粒,juicy!)9. 煮蜆 (入邊有d菇,好味~~)10. 煮花甲11. 多春魚x3串 (好yummy!)12. 薯角,跟餐的(老闆好好人,見我地唔食飯俾返碟薯角我地,好好食)13. 雞肉14. 棒子咖啡 (好飲)~15. coke zero老闆,如果你呢度有甜品就更加好啦~~~ 我地都好想食返小小甜品令呢餐更complete ar!唔知係唔係中午會平d,食咁多野埋單都只係225(如果係日本應該要港元加多個0吧),大滿足~~~ 難得慈雲山有一間咁高質素的餐廳ar~~~ 老闆加油!!

一間串燒店的主打是串燒, 要是串燒不好吃, 那麼店就毀了, 可幸的是這間店的串燒非常出色在地鐵站行上去, 路途遙遠, 長長的斜路令人十分氣餒, 但因為買了團購券快要到期, 不得不去.終於, 經歷千山萬水, 我們找到了這間隱世好店, 店面不大, 但總算有日式風情 首先睇menu, 發現價錢算是便宜, 一般串燒都不過$6-$20不等~ 好! 先叫個薯餅~單看碟已經很喜歡, 吃下去更是滿心歡喜~ 熱呼呼的厚薯餅, 一口一口都是又脆又多料的薯味, yummy!再來主打串燒, 肉味充滿新彊孜然粉的香味, 味道很特別, 但不一定個個喜歡~ 還是牛串最穩陣~juicy!豬頸肉也是燒得恰到好處, 而且大大塊, 絕無欺場~最最最最不能錯過, 令人回味的就是最右邊的腩片包車里茄, 粒車里茄燒至林曬超juicy, 同腩片match到爆, 絕對是encore之選驚唔夠飽黎多個烏冬, 估唔倒烏冬也嫩滑無比, 豬骨湯底雖然不算出色, 但有靚面搭夠又無妨~原條燒茄子出現後, 我們決定一人要一個珍珠米飯, 因為呢碟野唔送飯絕對係浪費!!!! 它有蒜香而不會苦, 燒至林身又juicy, 每啖都保留了茄香, 係另一

在團購買左coupon,咁啱老公生日,所以早一日已Book咗枱,去到不用等! 羊肉串孜然粉個女最愛,8元/串. 好味。 猪腩肉8元串好抵食。 燒牛舌、西冷扒.老公話好juice。 日式炒反、茄子、猪頸肉、韮菜、菜心、價錢都係6~10幾蚊好食又抵, 店主推介:,燒蟶子$38/4隻、燒黃立倉$58/條(雖然等咗好耐,都值得) 。 總括成晚都好滿意,見到幾個後生仔(可能係老細)密密燒好有heart,值得推介!

懶, 食評簡單點!食物有水準~~~燒完即食好過癮!!! 呷一口啤酒超級惹味!最衰要+1啦! 要不然食得更開心~~~~不過員工確實收0野好快! 老板又好有禮貌.希望你地繼續 keep 到水準啦! 努力呀!!如果價錢再平少少呢, 我覺得會好多人幫襯0架!我認為好食之選:雞腎: 記住揀鹽燒個隻 HKD 8 (好香, 好爽!!)栗米: 記住揀日式醬汁個隻 HKD 10 (好甜呀!!)炒飯: HKD 28 , 必叫! 如果唔係唔夠飽0架! (粒粒珍珠米, 呢個炒飯最抵食呀!!)

打三號風球, 落黃雨, 我個friend都仲要gathering... 攪乜是但啦, 話哂咁多年朋友... 近近地去佢屋企隔離間串燒舖一入去就聞到勁香燒牛肉味??!! 梗係啦, open kitchen老細見我地一行三個佬, 梗係問飲唔飲Hoegaarden啦! "拿酒來" (國語)是但亂點六, 七樣串燒, 實行來個勁串大雜會...本來一心都係吹吹水, 飲啤酒,點知越食越叫, 越叫越多!!d串燒樣樣都好好味, 本人就最欣賞燒牛肉, 仲有配搭唔同醬料, 正!!個為食friend就狂叫燒花甲, 燒蠔, 燒扇貝...值得一題係個燒花甲, 我明明覺得多水左d, 但係friend話好味到想飲埋佢...酒過三巡, 老細Ray就同我地吹埋一份但本身問佢有乜好推介, 吹下吹下講埋點樣玩車, 去邊度剪髮, 傻更更咁又幾好笑飲到醉醺醺, 至覺得間野裝修幾骨子, 個老細梗係話佢自己design ga la, 笑死左但係舖頭細細都見花過下心思, 整體衛生, 黃大仙入面算係好唔話得total 叫左超過廿碟野, 4 round Hoegaarden 1/2 pint, 埋單每人舊幾水??心諗老細有冇計錯呀, 咁平

天時暑熱, 開爐bbq這樣有意思的活動可免則免, 無意下覓得此居酒屋, 雖然位置不太方便,硬著頭皮都去要試 (大約: 黃大仙地鐵a出,(要搵下小巴站喔!)搭小巴37m,在一間叫聖文德書院下車, 靠怡庭居旁小路上步行10秒就到!係就係有d難搵,探險嘛)當天店內客人不多,我二人快手點菜,燒物都快速送上, 點的包括: 菜心, 牛仔骨, 雞皮, 雞軟骨, 金沙骨, 鰻魚, 羊架, 茄子, 翠肉瓜, 車厘茄, 腩肉卷蕃茄仔,蟹子丸同珍寶腸 (見圖)全部都好除了那件金沙骨,不知是俺得太耐家食物開始要力變壞,真係咸過了頭...我鐘意車厘茄,翠肉瓜同菜心,大家想食得健康就要點多些蔬菜,這還有其他種類: 粟米,尖椒,菠蘿,蒜頭,青蔥等調味方面都可以有4款: 和式,港式(蜜糖),孜然, 唔知點配,仲有原燒(廚師建議調味), 比起只有一款調味有選擇吧!是夜膽小病發作,沒有點海鮮,想到近期多單懷疑麻痹性貝類毒素中毒新聞,還是下次再來時試吧!有點驚喜的是這裡有Hoegaarden生啤,一邊看電視一邊用膳,當天<女王辦公室>講婆媳糾紛,有趣有趣, 是夜客人不多,氣氛寧靜和諧, 各人看<女

last day 一大班人去試下~~一打去 , 靚仔老闆見我地十幾個人就話留位畀我地~~去到仲幫我地搬哂枱一齊坐~~~真係唔該哂 環境都唔錯~~因為佢果個位出面冇咩途人.....冇咁煩~~個感覺好free~~如果幾個人坐出面飲兩杯野傾下計真係唔錯.....不過老闆要快d安冷氣喇....食食下都幾熱= =野食都幾好食~~~有驚喜!! 腩肉+洋蔥好惹味!! 同埋都幾多野揀...仲有sake飲....益力多sake好過癮~~服務真係好好...老闆好有禮貌...我地要求多多都冇黑面...XD我地成班人玩得太嘈佢都好有禮貌咁叫我地細聲d , 仲會同我地講下笑~~又靚仔...哈哈哈又嗌野飲又嗌左好多野食都係六十幾呅....真係以為佢計錯數= =串串地之外既另一選擇 !! 值得一食 !!

是日行完山後, 同朋友由獅子亭行番茖黃大仙揾食時, 見到有間新開的串燒店, 係尼頭, 真係好少會有一間咁"專"賣串燒O既食店, 見佢門面裝修咁四正, 成間居酒屋咁, 就膽粗粗入去試下啦~餐牌大致分左肉類, 菜類, 卷物類, 海鮮, 鋁燒 & 丸類咁, 超個五十款, 望住個餐牌, 真係樣樣都想食, 見到其他客人, 唔同類別都有叫, 應該樣樣都係"穏點類"吧~~今次食得好飽滿啊, 味道剛好, 唔同類食物有唔同醬汁 YUMMY 另環境 及服務都不錯. (最衰相機係行山時用到無哂電, 影唔到後尾嚟個D 海鮮(秋刀魚&大蝦) & 鋁紙包o既帆立貝呀貴妃蚌咁 )靚仔老闆得閒仲會同d 客social~ 最後一句: 值得推介o既新店, 讚!!