廚皇茶餐廳

营业中

休息中

食過呢間餐廳好多次，嘢食水準係keep到嘅，今日叫咗兩份外賣，速度快，熱辣辣咁唔錯唔錯。但係份量就明顯少咗唔似以前多到滿晒😂希望之後份量可以變返以前咁，咁就真係完美

今朝提前食咗午餐，加上自己從來唔食呢間嘅下午茶所以親自試吓，毋须等位可以跟人直入，服務態度ok,点左个炒野吾使3分鐘马上遞上，食物質素ok，價錢合理，下次（可能）再幫襯

住在屯門的大表姐，推介位於屯門建生商場的茶餐廳 <廚皇茶餐廳>，當晚，媽咪懶得煮飯，於是，約埋大表姐一起去，也是為了冬至提早做節！我們坐在卡位，也感到有點迫狹！餐牌其實！我們第一次來幫襯，媽咪決定叫套餐！小菜套餐：4人餐 $258包括：3款小菜、例牌 海南雞/ 口水雞、油菜一碟絲苗白飯及熱茶/ 咖啡/ 是日糖水口水雞雞肉尚算嫩滑，醬汁香辣惹味！欖菜肉鬆四季豆這是潮洲的家常風味小菜，四季豆炒熟仍保持爽脆口感，香口好伴飯！菠蘿咕嚕班腩雖然斑腩炸至金黃色，炸漿已經唔脆嘞！甜酸咕嚕汁，令人開胃，還有清爽的青椒、洋蔥及菠蘿！ 勝在有色香味！粉絲海皇雜菜煲蝦、蟹柳、仿鮑片、西蘭花、芹菜、白菜、椰菜、...粉絲浸軟又入味！油菜：菜芯食落有點乾！ 而且蠔油偏少！糖水：喳喳質感濃稠富椰香，滿載紅豆、紅腰豆、雞心豆、花生...多種豆類之餘，還有芋頭，好足料，口感豐富！

送完個女返學 就搵早餐食呢間成日見好多人 但我一次都未食過就試下佢既早餐啦 試早餐一定要試沙嗲牛今日食沙嗲牛米+叉燒+炒蛋 熱奶茶野飲同野食都好快到先呷一啖奶茶 oh my god 似用茶包沖既茶底 仲要係浸左好耐既味所以茶底好澀 然後個米粉好快就到個米粉賣相幾靚架 有三樣野食 大大碗咁先試沙嗲牛 肉質太散 醃得太過 沙嗲只有咸味 可以話係無乜沙嗲既味個叉燒係交貨黎既感覺 一舊好鞋烚烚 無味既叉燒 食左一舊都唔再食 炒蛋就正常炒蛋咁 都唔會有乜期望 一塊熟既炒蛋 好在係熟既 半生熟都唔敢食Overall黎講 佢成個餐只有3/10分 $34一個餐唔知食左乜唯一可以讚下既係餐廳既接待好快 算有禮貌 街坊餐廳咁 上餐好快 而且唔知點解佢可以滿座 好勁 可能有其他野食好食而我無叫到啦 不過唔會再黎了

通常返早更都會約同事一齊食早餐，而大家都會選廚皇茶餐廳，原因係呢間餐廳早餐款色好多，地方寛敞、好坐同冷氣充足！單看餐牌已有接近二十款的早餐！而早餐的質素不錯，尤其是杯熱咖啡，值得向大家推介！

食物尚算可以，每日快餐都有唔同款式，日日食都唔會悶；飲品可轉糖水，糖水足料抵食，外賣85折。堂食出餐時間10分鐘左右，外賣所需時間較長但可預先打電話落餐。每個月都會更新外賣紙，顯示未來一個月的快餐餐單方便客人揀選。另設有8達通付款方式。惟男收銀員態度超差，問兩句發悔氣講粗口，明明外賣已經整好但偏偏玩野問左佢兩次都同我講話未得，已經唔止一次所以忍唔住將呢個體驗打埋落食評，為了餐廳長遠發展，建議撤換該名員工。

這天外出吃早餐，行了幾間餐廳，早餐的價錢都差不多，選了我也比較常吃的「廚皇」。優勝的地方是，論座位，這裡的位置比較寬敞，桌子椅子也夠大！兩人卡位的空間可以放下袋子，有空間感，非常好！另外這裡的早餐可以配選2種配料，如煎蛋、火腿、餐肉、叉燒、雞肉腸、煙肉，很豐富！還有熱飲，也很夠飽！早餐的選擇夠多，這天我和朋友特別想吃沙嗲牛肉公仔麵，一同點了一樣的餐，只是大家的配料不一樣。我配選了蛋和火腿，並配了熱檸水，因為欣賞它很多檸檬，很足料、很好飲。一上菜，見到佢既沙嗲好濃郁，好正！我特別將煎蛋轉了炒蛋，因為我比較愛吃熟蛋。蛋炒得非常香，聞到陣陣蛋香味，令人食指大動！值得讚是沙嗲牛肉份量都幾多，入味之餘，牛肉又唔會難咬，幾好！這是一個很抵食的早餐！食到飽飽的，可以好有精神返工了！我會再來幫襯的！

平時我係唔食宵夜嘅，但唔知點解呢晚會肚餓難擋，就走咗去搵食，當時差不多十二點，得呢間仲未閂門，就拿拿聲入咗去！唔食開宵夜，當然想搵啲清清哋嘅嘢食啦。。。原本。。。但係當我見到西多士三隻字，就引起了！好多年冇食過西多左喇，我每次都會落勁多糖漿浸滿塊西多士，呢塊西多士其實冇特別之處，麵包唔係特別厚，奶醬唔係特別多，而且炸得有少少硬，但就因為太肚餓，而且太耐冇食過，所以依然覺得好好食！可能因為食西多士落得太多糖漿啦！咁岩我又叫咗熱菜蜜，兩樣都好甜，覺得有少少over咗！

最近返工成日都黎屯門建生區，行過見到餐廳個鐵板餐好吸引，價錢又唔貴，所以衝左入去食。鐵板可以揀兩種肉，我揀左吉列魚柳同香茅雞扒。鐵板熱辣辣上，所以都好香好好味。塊魚柳好夠脆口，而雞扒肉嫩適中，唔會老。不過可惜d係送上的薯角冷左，比較“林“，唔係咁好食。食鐵板餐可以用半價叫一杯野飲，重會送多一客沙津。我就叫左杯凍檸樂reflesh下la！～

廚皇係區內唔錯嘅茶餐廳，呢個日式滑蛋豬扒飯認真唔錯，豬扒炸得外脆內軟，同個滑蛋汁夾得剛剛好。50幾蚊包嘢飲，可以一試。平時行過見餐廳嘅格局都幾好，睇落幾舒適，可惜未有時間入去坐下。

以前曾經來過此餐廳吃飯，一直覺得水準尚算可以，要求不太高純為解決一餐半餐是沒有問題的。今天再次來到晚餐，點了是日晚餐「蝦醬雞絲炒飯」。飯到後，炒飯只屬微溫，顯然並非即炒。吃下第一口，即感到炒飯非常乾，吃下“鞋口”，就是把飯吞下後，必須立刻喝水的程度。質素極差！

晨早同老公行去建生邨探索下，入左間街坊茶餐廳，這裡每天都有一款優惠早餐$27,今天是沙爹牛肉米粉，送熱餐飲。老公剛好就想食沙爹牛肉米粉，啱啱好😀 我就叫了份餐蛋治奶茶。 老公的沙爹牛肉米粉好快就到左好大碗，味道不錯牛肉亦唔少。老公都快食完，我的餐蛋治都未到，留意到在遠處有枱客示意有份三文治送錯了，跟住侍應拎住那三文治逐枱客問，但偏偏唔問我，於是那三文治就一直放在出餐位置，過了好一會，侍應才發現那就是我的三文治，我無奈地食了一口凍凍的三文治，只好叫侍應上埋杯熱奶茶，剛好正是落單那位姐姐，我淡淡地說了句份三文治凍晒，那姐姐好好，即時說幫我換過份三文治，我心諗街坊茶餐廳都咁有良心。我靜心等待，老公已食飽飽陪我等，誰知來了份蛋皮餐肉治。搞左咁耐，真係有啲嬲，老公叫我唔好再換，我當然唔係要換，但實在不吐不快，我一向都支持小店，希望小店也要做好本份。 我再次叫那姐姐過嚟，我說我不是要再換，但也想你地同師傅反映下。那姐姐很好，即時說不好意思，叫師傅即刻整份蛋給我。呢位姐姐真係值得一贊，希望小店做好本份，不要輸給連鎖店。

每到假日，呢間餐廳都坐無虛席，可能只係區內欠缺茶餐廳吧？餐牌不時會轉換，真係唔知幾時會轉新。本來我打算食XO醬海鮮炒飯，不過原來已經被換走。而且，呢間店最大特色係最好叫精選套餐，否則會好很貴。生炒雞絲飯- 名副其實真係雞絲，但雞絲好似無乜幾粒- 食完會覺得口乾，估計係味精所致。凍檸茶都係好正常茶記口味，大概係捷榮供應吧？由於餐廳坐無虛席既關係，所以坐低好耐先會有店員過黎落單，呢方面我唔怪佢地，因為店員都忙緊。不過正如之前其他食評所講，呢間店算係愈做愈差，以前食飯會優先揀呢間，但近半年已經唔會。

位於屯門建生村嘅廚皇係一間咩都有得食嘅餐廳，唔單止有小菜套餐，一個人嚟食嘅話都有大把選擇。如果夜晚晏少少嚟食嘅話仲可以有宵夜時段優惠添！我哋一行四人本身想食小菜套餐嘅四人餐，但係佢今日非常之賣市，我哋想食套餐包嘅海南雞都已經賣晒，侍應話可以係小菜度揀多一款，但我就覺得唔係好抵啦，小菜都唔夠海南雞抵食，所以我哋就各自每人叫返自己想食嘅餐喇！首先我哋點咗鰻魚雞扒飯同埋照燒鰻魚飯，鰻魚汁嘅香味配合埋鰻魚嘅軟熟，呢個飯非常之好食！而且佢嘅鰻魚份量都唔少架，有兩小塊，不過雞扒就麻麻哋啦！另外呢一度嘅鐵板餐都係非常之受歡迎，可以揀兩款肉類，我就揀咗吉列魚扒拼香茅雞扒，配蒜蓉汁，如果以半價加配飲品， 就會再送一小碟嘅雜果沙律🥗另外一個鐵板餐我哋就選擇咗吉列豬扒拼牛扒，配燒汁，所有嘅鐵板餐都係配飯嘅，如果想轉意粉嘅話就要另外+4，本身跟飯亦都會有少少薯菜，所以一個鐵板餐都好夠飽㗎啦！

話說小妹住係附近既所以得閒都會黎食下午茶同宵夜但真係睇住呢間茶記愈做愈差忍唔住寫個食評今次嗌左個乾炒牛河同芒果紅茶同侍應姐姐落單話芒紅走冰 居然問返我轉頭乜有芒果紅茶架咩轉過頭返黎同我講話無得走冰..事關我每次嗌少冰..都總係一大大大堆冰..所以今次先諗住嗌走冰..其實已經係熟客..都曾經嗌過走冰..呢一刻先知道原來係無既..真係百思不得其解🤔🤔🤔🤔🤔野食野飲黎左..post埋張相各位就明我點解今次真係唔比佢劣評唔得..未食食完都係油..其實我係咪嗌錯..呢個係油炒牛河😅😅😅食到啖啖河粉都係油！油！油！再黎係杯少冰芒果紅茶真係未見過一杯芒果紅茶係一杯凍啡既顏色飲一啖入口..頂唔順結果成杯無飲過..成杯又苦又澀..係唔係茶底問題？？？我好記得第一次黎食廚皇杯芒紅完全唔係呢個味道！😰😰😰講真 苦過一杯涼茶～各位如果想知道點難飲 可以親身試下呢種飲毒藥既味道......總結 真係未試過食過一餐咁失望...以後都係食返附近其他餐廳！