又一戟 (已結業)

真心難食，食得出用d麵粉cream係比較差的材料，食完個人唔舒服想嘔，第一次幫襯都係最後一次，差評差評，真心浪費錢浪費時間，唔怪得已經少人排隊，難食難食難食非常。。。。。。。。。。。。。。。。。。。。。。。。。。。。。。。，，，，，，，，，，。。。。。。。。。。。。。。。。。，，，，，，，，，，，。，

🐻‍❄️係掃街新手，🐻🐻‍❄️都係第一次嚟「又一戟」，就叫左推薦試一試：榴槤+香蕉+芝士 班戟（熱）$45聽講叫熱嘅就喺鹹食，會配芝士，凍嘅就係甜食。但呢個寫明左有芝士，唔知叫凍會點呢？🤔🐻‍❄️下次再試吓😆！一開始只係食到榴槤味，好多榴槤！入口勁濃味🤣食到中後段先食到芝士同香蕉～#芝士控注意⚠️入面係極多芝士！芝士勁拉絲🤣係由口拉到落腰，都仲未斷嗰種😚熱辣辣即食仲有芝士嘅鹹香味，令到榴槤味唔會搶晒focus。不過食到後期會溜汁，食到有啲狼狽😳結論：✅榴槤味濃✅芝士味好出👍🏽✅三種味（榴槤、芝士、香蕉）都屬於濃味，但平衡得好好🅾️較飽肚，兩個人share食都即刻各飽50%🐻🐻‍❄️都會encore呢間舖👍🏽但因為🐻‍❄️唔係榴槤愛好者，所以呢隻味下次就唔會encore啦；🐻作為芝士控，好欣賞個拉絲得嚟又濃味嘅芝士，所以有機會都會再叫返👍🏽

第一次嬲到要打負評今日9點幾去買咗個雪糕pancake講明要走Cream(已經幫襯過好多次 熱食同凍食我都會走醬/Cream)點知今次佢冇走到Cream我一拎到就話: 我要走Cream喎整餅女人: 冇寫喎 你哋溝通錯誤落單姐姐: 冇喎 你冇講 冇聽到整餅男人又加把口: 唔緊要呀 我哋睇翻CCTV我即刻勁嬲: 你咪睇囉 我一定有講同行人都聽到我有講同埋我次次都係要走醬嘅然後佢哋就話 唔好嘥咗個餅 不走佢啦正常你哋店家做錯嘢 都應該你哋負責幫我整走啲Cream嘛？我: 咁你幫我不走佢佢哋竟然話: 俾多隻羹你自己不自己做錯嘢仲要屈個客 要個客自己硬食如果你哋態度好少少 講聲唔好意思 可能聽唔到 要麻煩我自己不走啲cream 我都算真係第一次俾人咁差態度對待睇得多食評話俾人鬧今次自己感受過 真係好差由細食到大 今次之後真係唔會再幫襯

第一次嬲到要寫劣評1. 安排差！已經企咗係佢前面，仲要將原本嗌咗我號碼嘅班戟俾咗其他人，叫我去同收銀講，去到收銀到要重新排到多7個號碼再幫我整…2. 店員態度惡劣，冇禮貌。佢地搞錯仲鬧我冇聽佢地嗌號碼(前面都有客人好似我咁)…3. 味道普通，班戟底做得好差，不及從前4. 匙羹佈滿朱古力醬同cream…5. 揀客做生意生意好態度愈嚟愈差，俾錢買氣受，唔會再幫襯。除非大家想去俾人鬧，如果唔係唔建議去俾錢俾人鬧。差到一分都唔值得俾

位於葵涌廣場的「又一戟」是一個必訪的美食他們的法式焦糖燉蛋班戟配紅豆雪糕絕對是一道令人垂涎三尺的絕品甜品~這款班戟外觀金黃酥脆，散發著迷人的焦糖香氣。內裡班戟皮鬆軟,充滿奶香味，令人忍不住一口接一口。焦糖燉蛋的部分則是絲滑柔嫩，蛋香味濃,口感豐富，帶有甜絲絲的味道,與班戟的鬆軟口感形成完美的對比。搭配著紅豆雪糕，更是一絕。雪糕口感滑順，紅豆的香甜與班戟的奶香和焦糖味道交織在一起，帶來驚艷的口感和豐富的層次感。「又一戟」主打各款鹹甜班戟可選擇,無論是作為甜點還是下午茶，這道美食都能帶給你極致的享受。如果你到訪葵涌廣場，絕對不要錯過這個必試的美食。

星期日休息。柴灣黎到葵芳食嘢。好耐都冇行下呢個商場啦⋯⋯又多野睇又多野買又多野食。咩都有得買。好開心一定係食到好味野啦⋯⋯我最近都好鍾意食呢款日式班戟。呢間仲要有甜有咸。特別既味道。甜既款式就食得多啦⋯⋯咸既就第一次食啦⋯⋯熱食好特別。我叫左咸牛肉蛋。熱食真係好特別。其實甜既款式都特別多。我都勁鍾意食😁同埋價錢真係抵食。係香港唔係到到都有得食。有啲就貴到一啲都唔想食。呢啲平民價錢真心開心😆大家有時行開街都可以試下。好多味道又多選擇。

🐻葵廣糧食🐻🥞木糠焦糖加雪糕班戟🐻小評語：個日咁岩經過葵廣三樓，見冇咩人排隊，就買黎食下。叫左個木糠焦糖加雪糕班戟，雪糕揀左薄荷朱古力味，另外加埋香蕉🍌。估唔到加香蕉要成$10，見好耐冇食就豪比佢🥲總覺得班戟係要有香蕉先好食。味道冇乜特別嘅改變，總括來講都算好食。但係！！最可惜嘅係個份量真係細左勁多！！價錢又真係貴左好多！！對於呢樣真係有啲失望💔短期內應該唔會再幫襯🥲📍 又一戟 (葵芳)葵芳葵富路7號葵涌廣場3樓85B號舖味道😋:🌕🌕🌕🌗🌑性價比💰:💵💵回訪度🤤:😋😋

法式焦糖燉蛋雪糕班戟。這款班戟給人一種豪華而濃郁的感覺。班戟本身做得極其蓬鬆，口感柔軟，配上法式焦糖燉蛋和香甜的雪糕，帶來了一種口感上的絕妙平衡。焦糖燉蛋的濃郁和雪糕的冰涼相互輝映，令人陶醉。這款班戟絕對是一道令人垂涎的甜點，給人一種奢華的享受。/士多啤梨雪糕班戟。這款班戟以其清新的口感和水果的酸甜味道而著稱。班戟外層酥脆，內部鬆軟，搭配著新鮮士多啤梨和香甜的雪糕，每一口都帶來一種令人愉悅的口感。士多啤梨的酸甜與班戟的鹹香相互平衡，創造出一種美味的對比。這款班戟絕對是水果愛好者的最愛，讓人口感一新。/鹹牛肉班戟，這是一款獨特而美味的選擇。班戟皮薄酥脆，內部包裹著嫩煮的鹹牛肉和其他配料，帶來一種豐富的口感。牛肉的鮮美與班戟的香脆相得益彰，每一口都充滿了滿足感。這款班戟給人一種不同於傳統的班戟體驗，是一道獨具特色的美食。

這間班戟店係葵涌廣場悠久歷史，開店至今一直保持人氣高企，學生年代嘅我一直幫襯到現在，有不少回憶，今天經過，見到多了很多新口味，於是決定試試看。小妹今天就選擇了焦糖燉蛋雪糕班戟，雪糕點選了豆腐味，班戟水準不變，班戟皮薄脆，餡料豐富，燉蛋面佈滿焦糖，好味

每次去葵廣一定會去食下的班戟，由我中學食到而家，水準依然無變，一如既往咁好。每次都係排晒長龍，記住買左唔好行太遠，企定定等就最好，新鮮即食先最好味。有時候，食物不只是味道好唔好味咁簡單，更多時候都是包含著一些回憶。即使是相同的食材，做出黎也會是不一樣。士多啤梨+雲尼拿雪糕班戟士多啤梨又大又多又甜，配搭埋勁之多cream及一大球雲尼拿雪糕，加埋烤得剛好的班戟皮，真係好足料同飽我次次都係同男友share的。

📍  又一戟🗓️ 15 June 2023呢間pancake店由我細個開始已經非常出名，長期有人龍排隊，所以我只係食過一次。之前試過咸牛肉味班戟，今次想試吓甜味嘅。呢到有好多味揀，有少少花多眼亂，我當時都有啲擔心，因為網上好多評語話佢哋好惡，不過當日見到嘅職員都好有禮貌。我最後選擇叫焦糖燉蛋雪糕班戟，同叫咗少忌廉。10分鐘左右就有得拎喇。🍴  法式焦糖燉蛋雪糕班戟 $45首先一見到個外型已經好有食慾，脆嘅焦糖同綿綿燉蛋真係好正。再食落去就係雪糕，我揀咗椰子味，都幾夾。班戟入面仲有啲木糠粉，而我叫咗少忌廉對我嚟講啱啱好～ 好滿足。不過提醒一句，食嘅時候要小心，因為食到底嘅時候可能會有啲狼狽(當然可能因為我冇乜經驗)。我建議拎定紙巾/濕紙巾，或者喺一個定點到食。

買咗一個凍一個熱，首先攞咗個熱食之後望下點樣有條野咁，好奇問下係咩嚟，一開始個男店主都好好咁同我哋講係其他啲食物，叫我哋放心唔係頭髮，咁啱隔離有其他食客，佢哋都好奇問吓事，點知個女店主就喺度講唔使理佢哋㗎，仲要態度超差，佢一路整緊凍個班戟，一路望住我哋，眼神超唔好，仲要同其他食客講話我哋唔知乜嘢 ，感覺超差！終於明白其他人話佢態度差嘅問題…其實由中學食到而家不停加價 ，仲要啲料係咁撳縮水，最後一次幫襯，唔會有下次！

22-6-2023 (Thur)端午節假期,同老公食完Rosie後,就行嚟搵呢間食甜品,點知未開門,喺喥準備中,等咗差唔多成個至攪掂,我就去排隊買啦,老公叫我話事,咁我就決定要$42.00嘅開心果脆脆班戟,雪糕要百香果味,收錢嘅婆婆問加$5.00有冇問題?我答冇問題.俾完錢後佢指我行去左邊等.我一直等,整班戟嘅老闆娘叫我No,,我show俾佢睇,佢叫我唔好行開,而老闆就加一句過咗就唔重整㗎喇.啊,好的.咁我睇住佢哋整,冇耐就有喇.我由排隊等到整好,用咗7分鐘,我同老公開動喇,呢個班戟比喺筲箕灣I love戟 https://www.openrice.com/zh/hongkong/r-i-love-%E6%88%9F-%E7%8F%AD%E6%88%9F%E5%B0%88%E9%96%80%E5%BA%97-%E7%AD%B2%E7%AE%95%E7%81%A3-%E6%97%A5%E6%9C%AC%E8%8F%9C-%E7%94%9C%E5%93%81-%E7%B3%96%E6%B0%B4-r589062食到嘅較為軟(食評係2023年5月29日刊登嘅呢篇: https://www.o

已經第二次比佢哋鬧🤨，買完比完錢(我張飛係56號)行過隔離買樣嘢返嚟都無3分鐘，已經企係度等，等左大約5分鐘左邊，聽到佢哋叫50號～53號～凍甜品，咁我就繼續等啦，點知突然間後面整餅個女人叫57號，咁我就行過去問下56號有未，點知個女人話叫左幾次，你話我都企係度好耐，佢就話你無留意我架咩🙄🙄，跟住個男人就順勢鬧埋我話我企係個個位就係無留心聽佢叫，又發侮氣話自己嗌得細聲搞到我聽唔到，好似我唔啱咁😌，應該都唔會再食，比佢鬧2次都夠皮

見到有焦糖布甸班戟諗住試下，點個出事啦～原來只係將一球雪糕班戟上面放個焦糖布甸上去，ar.........um........,食既時候就同食一杯普通既焦糖布甸無分別，重點係你一定要食完個布甸先可以食到下面個班戟，好似分開兩樣野咁。。。錯晒