又一戟 (已結業)

每次嚟葵廣都喺必食小店之一，因為真喺抵食又好味😋就算受到疫情下嘅影響，又一戟都依然屹立不倒👍🏻水準更加不變👍🏻每次嚟都一定必叫鹹點-粟米火腿紫菜班戟加芝士～但見到咁多人都係叫甜點班戟多🤣今次一於叫咗新產品甜點*焦糖可可可脆片+雪糕班戟*值得一讚一定係個班戟皮，依然有陣陣蛋香味同埋薄皮雪糕就揀咗個芒果味，配搭焦糖都唔會太甜有驚喜嘅係食完表面嘅可可脆片～其實內裡亦夾著可可脆片，增加整個口感層次👍🏻今次食完呢個甜點，相信下次要有啲煩惱要諗食鹹定甜點啦🤣

去親葵廣都會忍唔住食又一戟，又平又抵食🥰不過人真係幾多，買完請耐心等候！雪糕單球（珍寶） $10見到個size真係嚇親，超級大杯，食完係飽到痴線！$10咁大杯真係抵到喊，揀咗曲奇味，好味😋雪糕雙球（珍寶） $15揀咗曲奇同荔枝味，荔枝味幾清新幾香，真係超大杯，勁飽！

以前成日幫襯 好好食又唔算貴跟住唔知由幾時開始變得好難食。。。鹹味班戟嘅話 啲芝士更會怪怪地Emmm好耐冇再食今日為食~又再試下佢宜家嘅水平～今日食甜味班戟 回歸正常水平喇！⭐啜嗰個尖尖嘅cream不嬲都好自愈～😛揀咗士多啤梨同芒果水果，都唔錯今次揀咗豆腐味雪糕（唔使加錢）仲有好多款雪糕，揀玄米茶 水蜜桃 奶茶呢啲味道要加錢哦 注意₍₍◞( •௰• )◟₎₎價錢正常 好耐冇食過總算正常返

今日同朋友一齊嚟左又一戟，我試咗一杯士多啤梨奶昔。我嗰時夜晚10點左右到，嗰度人流都算多，有啲人唔戴口罩，有啲危險。杯士多啤梨奶昔唔錯，creamy, 偏甜，但可以接受。價錢$12，回頭率高！

葵廣入面人山人海，去到3樓見到老字號甜品，一樣好多人！今次嗌咗個香蕉班戟，再加錢轉榴槤雪糕！味道唔錯，榴槤味飄香，香蕉即叫即剝皮，再加chocolate 醬，好夾！只係cream太多，食到有啲濟

去咗咁多次葵廣都冇點食過雪糕行行下見到有人拎住個雪糕山 好誇張🤣🤣🤣先知道原來又一戟有雪糕賣次次去又一戟都係食班戟😂🤭.珍寶3球雪糕豆腐芝麻玄米茶（+$5）$25.佢雪糕口味都算有好多種仲有啲限定特別口味我記得好似有白桃 藍色海鹽 玄米茶不過要加5蚊.3種口味都唔錯隻隻味都食得出當然你唔好except會好濃味啦我最鍾意豆腐味！真係食到豆腐味 又唔會死甜玄米茶唔算好突出 但食到係茶味芝麻味覺得甜咗少少🤭.佢嘅珍寶size 真係超級誇張🤣拎到手 引起好多人嘅目光我同朋友兩個人食 食到好飽🤣🤣好抵呀

我第一次用OpenRice分享既食評，竟然係劣評。因為我真係好嬲好嬲，正正常常去買個嘢食都無啦啦俾人鬧。這間鋪頭嘅服務態度真係好差好差，直頭不知所謂原本我同我男朋友去呢間舖頭買咗個吞拿魚芝士班戟，跟住收銀員俾咗個號碼我哋，叫我地15分鐘之後再返過嚟拎。過咗15分鐘之後，我哋返去拎嘅時候，見到嗌過咗我哋好多個嘅號碼，問舖頭入邊嗰位男職員既時候，先發現原來佢比錯左我地個班戟比其他人，仲大聲夾惡話返地我唔係原地等，同埋之後話我地企喺佢舖頭前面阻住佢做生意。依間舖頭做事方法真係不知所謂，自己同客人講嘅嘢又前後矛盾，又叫人行開一陣之後返嚟拎又話返我地企喺度阻住晒。服務態度差，以後我哋都唔會再去食。另外，依間舖頭既班戟，其實我都食過幾次。但係食物嘅質素真係每況愈下越嚟越差。最後都係建議大家唔好去俾錢買難受

This popular crepe shop offers a lot of different flavored savory and sweet crepes and milkshakes at a cheap price. It is extremely popular, which is why there was a large crowd standing around the shop waiting for their takeaway order. However, it is impressive that they could complete each customer's order efficiently and serve hot savory/ unmelted sweet crepes at a high speed. The downside of the large crowd is that the menu is very hard to read, as they do not have an official menu, just the

呢間已經唔係第一次去食嫁喇，次次去親都好多人排隊買。同朋友一樣喜歡食榴槤，今日忍唔住去食番杯雪糕 。份量比想像中大球，好滿足。香甜榴槤味，$15好抵食，今日的確有意外驚喜！

嗰日嚟到葵芳行葵芳廣場，呢度果然係美食天堂！見到呢間班㦸店，其實平時都冇乜食，但係我比呢個榴槤芝士班㦸吸引住。30幾蚊有少少貴，但係味道唔錯。我叫咗個鹹食，除咗榴槤仲有芝士。可以算係皮薄餡靚。另外我仲叫咗一球曲奇味雪糕都只係$10咋！$10來講都幾抵食，仲有啲曲奇碎。

名符其實既珍寶size雪榚！9蚊就食到成座山咁巨型既雪榚🍨🍨真係食雪榚都食到飽飽😋雪糕質地係比較實在，偏向gelato既厚實質感，唔似食軟雪榚咁一陣風既感覺。木糠焦糖雪榚班戟🍨 $25甜品既極致，因為結合晒所有甜度極高既成員！cream ！雪榚！焦糖醬！再配合咸咸地既餅乾木糠碎😋😋最難得係食到最底都仲係有滿滿既雪榚😋掃完街以一杯珍寶雪榚或者甜班戟作結真係一趟完美既掃街體驗😌

超中意食甜品、亦超愛朱古力，從中學時期學校附近開左間又一戟開始就幾乎每星期都會食一次依家上大學都依然咁中意食，今次去到葵廣又忍唔位買左黎食，而今次係試之前一直唔敢食—超邪惡既「熱朱古力榛子醬班戟」$24，一拎到上手已經哇左聲出黎，隔離啲女仔都即刻望過黎，個樣真係超靚，但一睇就知勁勁爆高卡路里。心都即刻有極大罪惡感湧出黎，因為真係勁多cream、勁多朱古力，想唔肥都難。個班戟暖笠笠，拎住晌手好開心，食頭一半真係非常好食，但食到中間開始就會漏，同埋好飽唔想再食，朱古力太濃，如果多返少少鮮果就會好食啲，食完返去要做返好多運動先得啦

之前見到呢一間野，淨係佢嘅食物模版都非常之吸引，所以就去咗試吓✨舖頭位置唔難搵喺正扶手電梯附近～叫咗一個士多啤梨班cake配草莓雪糕🍦可能因為疫情佢加多$10可以配多一杯楊枝甘露就去咗買🙈一拎上手非常震撼🙈士多啤梨多到就掉啦個樣同日本嗰啲好似🤣攞住佢好似去咗日本咁士多啤梨不過不失啦有少少酸，而佢上面嘅cream同埋朱古力醬都非常之多，配埋草莓雪糕一齊食非常邪惡🤤我自己一個人如果掃街嘅話唔會食得晒，要兩個人食就差唔多啦～而杯楊枝甘露就不過不失啦～都係正常味道，但係少少甜得滯

行葵芳又點少得掃街,次次行過去見到呢間,但又好飽食唔落,今次終於試到。叫左鹹牛肉pancake加芝士,店員落單既時候仲會問要唔要黑胡椒。芝士果然係同仼何食物都好夾既,食落鹹香味好重,但又會有少少菜係入面,中和到個膩既感覺,唔錯啊,下次可以試下甜味。🔸鹹牛肉班戟 加芝士

之前有食過佢地嘅鹹牛肉班戟 覺得整得唔錯👍所以今次就想試下甜嘅係點樣 我見佢地新出咗啲款式 其中最俾我吸引到嘅係玄米茶雪糕班戟 🍵🍦就無再睇其他 即刻叫咗呢個嚟試玄米茶雪糕班戟 $29價錢真係一啲都唔貴 大大份都唔洗30蚊 啱哂我呢啲平民百姓😂不過食完覺得下次都係食返鹹味班戟會好食啲 原本嗰玄米茶雪糕係有佢地本身嘅味道 但係我覺得啲朱古力粒粒同埋圍住班戟邊啲cream 蓋過咗玄米茶味 因為太甜啦 如果少返啲朱古力粒粒同埋cream嘅話 應該會好食啲啦而班戟嘅蛋味都算突出 但係有啲難咬 要俾啲耐力先食得到🤣🤣