又記海鮮火鍋

营业中

休息中

大牌檔風味及有鑊氣的，已經買小見小了，経朋友推介，一個月都會吃上一至兩次！薑葱筍殼魚，薑葱，魚外皮酥脆，魚肉幼滑，見真功夫！味菜炆煮豬肉，份量大，豬肉炆得夠入味，夠林，肥而不油膩，好送飯！大豆芽炒魚餅，大豆芽鮮嫩，有豆味，魚餅有魚味，不焦！金銀旦通菜，味道剛剛好，恰到好處，不咸，湯夠清吃得很滿足，有幸福感！又低食，$360

之前都幫襯過這店款色吾太多款，厨房炒菜太油太咸，但今曰再次有朋友生曰再次光顧，反而又另－種看法，不錯的莱色，有地道的風味，後來我好奇多囗問Ｄ伙記，他們說因最近轉咗一班厨房，所以味道有些改变，吾咸少油又有新意款色又有改進，值得一試

有日無意間看到食友推介，就來照辨煮碗。一共要了三道菜，酸菜豆卜煮沙猛，沙白雜菌（煮）雞，沙羗雞腳。沙猛魚超速送到，大概5分锺，係好事。可惜一夾入口係不致於凍，只係微温，魚肉好實，豆卜最索湯汁但吃着也無咩酸菜味！沙白（煮）雞變身成為一個火煱用煲上，再加個gas爐！！問阿叔（比埋openrice入面將相佢睇）何解？佢好自信咁指住我手機話啱呀，就係呢個呀，我做左12年都唔知咩！？！？由小菜變成火煱，諗住又試下，唔得！真係唔得！雞肉鞋又淡而無味，其他雜菌同湯底又唔夠味！最後嘅沙羗雞亦做得好差，味道有不過未夠火侯，好難咬！！到這時候已非常無引！再加上其他兩枱客不斷抽煙，拿拿聲食完走人！！以後有朋友請我，都唔會再去喇，一個禮拜得一日假，不能浪費最後一粒星都唔想比

多年前從報章得悉呢間小廚，已經幫襯了好幾次。坐落於街市內，不修邊幅的店鋪、熟如親人的樓面、火喉十足的小菜，多年都沒有變改。招牌菜剁麵醬蒸魚尖、薑䓤魚鰾、燒鱔、佐酒的小炒... 很少失手！今次二人晚膳清清地點了菓皮蒸泥鯭、兩隻扇貝＋一隻鮑魚蒜蓉蒸、豉油王乳鴿、炒菜。  泥鯭劏得好乾淨，加左菓皮蒸，一D泥味都沒有，啖淡肉，好鮮甜！  扇貝與鮑魚都蒸得剛剛好，但今次無加粉絲一齊煮囉  豉油王乳鴿一般，肉質雖不嚡口，但味道較淡，要點喼汁准鹽  碟菜炒得好嫩 真的好欣賞又記處理海鮮的技巧，從未甩拖，蒸或煎炸的時間一定拿捏得很準，見到好多街坊都食各式各樣有平有貴的海鮮。

最近天氣有凍翻，有咩好過一班朋友圍埋食羊腩煲？雖然無華麗既環境，但非常親切既大排檔風味，真叫人回味三人行點了一個細窩的羊腩煲羊腩既鮮且嫩，唔會有咬落乾乾既感覺，而且還有肉汁，堡既配料唔多，只有炸枝竹及一些料頭，但枝竹唔油，仲好入味。羊腩煲仲跟左一份生菜，正！

當晚雖然不太冷，但霎時想起火鍋來。在油麻地果欄買了一點水果，便與老公一同步行至又記。根據阿哥的推介，鍋底選來了清酒花甲蟹鍋。湯汁被煮至翻滾時，清酒香氣徐徐地傳出，芳香撲鼻。看到又記門口的魚類，當晚似乎沒有特別的選擇，老公和我兩人又吃得不多，於是由阿哥替我們發辦。大碟上排滿了獅頭魚、沙鯭魚、本地蠔及吊桶仔，也算得上是一個海鮮拼盤吧！阿哥再為我們安排一碟肥牛，份量便正合兩人了！先品嚐鍋底的蟹隻，肉質非常嫩滑、鮮甜、且富有蟹香，豐腴的蟹羔更是意料之外。隨著近年海蟹價格急昇，質量亦不及以前，因此已甚少嚐蟹，難得這次在又記找到從前的蟹味。而鍋底的花甲，質素只屬一般，也許不是我喜歡殼子較厚大、花甲肉較厚身、兼且帶著深橙像舌頭的花甲品種吧！獅頭魚與沙鯭魚都是小魚的類別，這兩種小魚不能人工養殖，所以魚鮮味較佳。在滾湯中烹調片刻，獅頭魚和沙鯭魚便可進食。獅子魚的魚肉以細滑見稱，入口鮮甜，我個人覺得要比石斑更美味，當晚獅子魚的質量完全符合我的口味。沙鯭魚魚味較獅子魚為淡，魚肉偏向爽口，因此大的沙鯭魚通常用以燜煮。我不是蠔的愛好者，就當晚的本地蠔而言，蠔味一般，新鮮度尚好，不過不失吧！吊桶仔非常新鮮，入口柔

隨著環境污染和人類的濫捕，整個海洋生態已遭嚴重破壞，某些生物甚已絕跡海洋，連小時候經常食用兼普通不過的紅衫魚，也被列作不建議食用的魚類，可見現時的生態已達岌岌可危的情況。藉此亦想到香港傳統的捕漁行業，除了環境，亦因政策的關係，早於二十年前已陷入式微的狀態，香港當年的漁港面貌已變得面目全非！在坊間要嚐到真正的艇家風味，似乎難上加難！認識又記是從一段報章的介紹，這段文章已存放在手機一年多了，因平日甚少到旺角和油麻地一帶用餐，所以一直未有嘗試。當晚老公正好在旺角開會，我忽然想到又記，兩人在油麻地果欄買過水果後，便以散步的緩慢步速走到廣東道去。來到門前，竟發現兩家店舖均以又記為名，右手邊的是海鮮火鍋，而左手邊卻是美食！又記是以海鮮聞名，於是我們便走到右手邊的店子。其舖前，擺滿了不少海鮮，大海蝦、海蟹、肉蟹、東風螺、蟶子和蜆隻等，還有不同的海魚，店舖的名字又與海鮮的主題很吻合。舖內每檯均坐滿了客人，於是侍應讓我們到鄰舖，這刻明白了，原來兩家又記均是有關連的。又記裝潢非常 "街坊"，擺放著摺檯、陳舊的椅子，及不太有條理的陳設，完全是地道小店的模樣。看到門口擺放的小沙鯭魚很不錯，正在考慮怎樣烹調之際

慶祝朋友生日，之前有一位朋友到過此店食晚飯。她說這飯店的海鮮水準不俗，而價錢亦十分相宜。但環境就一般。因為大伙人吃飯找地方亦是一件頭痛的事。所以由她安排一試。我們一行十一人訂了晚上7：30，在門口己看見每枱食客在吸煙，而衛生環境亦算差，我們安排在閣樓的一張大枱，一上到閣樓，更加煙慕彌漫。枱櫈牆壁亦十分破舊。幸好食具還算合格。食物方面，我們點了八餸一飯。份量可以在點菜時跟伙記相量一下餸菜的大小。1)油浸荀榖魚-香口，乾身2)勝瓜魚湯浸蜆 - 湯清甜，蜆無沙3)豉汁蒸聖子 - 合格4)蒜蓉蒸開邊蝦 - 合格5)薑䈡炒蟹 - 多膏都唔信6)蒜蓉粉絲蒸扇貝 - 合格7)椒鹽鮮魷 - 不夠新鮮，味道還可8)金銀蛋莧菜 - 合格9)揚州炒飯 - 足料，夠乾身。我們還點了啤酒汽水，埋單都是1900蚊，非常抵食。如果不介意衛生環境及空氣質素，絕對值得一試。

又一個天寒地凍的晚上, 又一次兩口子火鍋癮發作, 於旺角街頭自然想起服務貼身食物稱心的又記是晚室內及閣樓均全院滿座, 伙計示意我們進後巷, 打量了一下覺得坐得不是太舒適, 正在猶豫之際, 另一店員即說可在門口行人路多開一張餐桌給我們坐下不久, 親切的"肥佬管家"已經過來招呼我們, 依舊細心聆聽我們麻煩的要求, 再誠意推介食物今次仍然點了蕃茄薯仔湯底, 肥佬介紹今日花甲新鮮, 加進湯底會更鮮甜, 所以多加了幾十塊錢升呢食物方面跟上一次點的差不多, 但加了一隻大大的白蟹及又記自家製的水餃雲吞加了大半斤的花甲, 湯底果真截然不同, 花甲濃郁的解味遍佈, 令我喝不很多碗湯白蟹不足一斤, 肉厚甜美海蝦及象拔蚌仔跟上一次同樣的新解好味其他的食物亦保持一貫水準又記的服務及食物水準令人滿意, 一定會再來光臨

又記座落廣東道, 比鄰旺角, 但數街之隔有著天淵之別晚上這裡的靜及地道老香港情懷, 鬧市中逃離自由行的魔掌, 令人身心舒泰(求求米芝蓮大人不要賜給這一帶繁盛的星星)又記跟一貫舊式廣東菜館一樣, 門口總是放著一盤盤的是日海鮮示眾, 門外行人路放滿圓桌讓客人豪邁地用餐雖則霸佔公眾地方營商為人詬病, 但此處晚間除了食店外途人稀少, 對公眾沒有多大影響是夜天寒地凍, 想以火鍋驅寒, 但兩口子點食物實在有點困難, 正煩惱之際, 問一下路過的"肥佬"伙計這店有沒有什麼雜錦鍋之類 (我不知道他的名字只好叫他肥佬, 並無不敬, 而他正正是服務一流體貼的"管家")這裡沒有雜錦鍋, 但令人喜出望外的是肥佬可以貼身的為我們taylormade一個肥佬十分細心的詢問我們想吃什麼, 各款食物的份量想要多少兩口子又心猿意馬拿不定主意, 落單消耗了五分鐘, 但肥佬不厭其煩, 相當有耐性在這樣麻甩的地方用餐有這樣貼身的服務, 真窩心至於食物質素亦絕不馬虎蕃茄薯仔湯底清甜配料足二人前肥佬管家拼盤有生蠔象拔蚌仔海蝦豬潤手切肥牛雜丸生菜, 每一樣都新鮮, 其中象拔蚌仔肉厚鮮甜, 豬潤起沙份量剛好足夠二人飽肚而歸尾聲時襯肥佬

昨晚同朋友去食晚飯, 朋友帶我去又記打冷, 我之前冇食過, 以前在旺角都係去砵蘭街個頭D打冷鋪, 本來以為又記質素都差不多普普通通叫左個炒蜆, o者o者雞煲, 肉鬆o者o者通菜, 炒蜆我以為度度都差唔多, 最多係大碟細碟有冇沙的分別o者點知碟蜆真係超好食!!!炒得o岩o岩好, 唔係炒定好耐冇晒鮮味個種, 仲保留到蜆肉的彈性及鮮甜, 亦冇乜齋瞉or炒得太耐甩晒瞉,冇沙, 爽口, 而且好大碟o者o者雞煲亦都係煮得o岩o岩好,平時我唔太好呢一味菜, 因為好多都會做得好乾, 但佢地唔會,外皮脆, 肉身嫩滑, 蒜子多汁通菜就普通D,但係都新鮮, 冇乜渣因為真係好味, 我們又飲緊酒未夠喉, 就叫多個手撕雞, 雞絲都好有肉味, 好好食!結論係我以後去旺角打冷一定會帶朋友去呢間!份量好足夠, 不過呢點可能因為我朋友係熟客所以醒我地, 平日去不知份量係咪咁多,但係味道真係好 我朋友話之前有一排換左個廚,食物跌左watt,但而家再換左個就好OK唯一不足的地方, 係地方真係污糟左D, 同埋會有人在店裡食煙, 受到呢點的話又記真係唔錯

我住係附近,所以久唔久都會嚟食飯,食物都可以一食,份量算大!但地方,枱椅實在太污糟!!!!近來都只係買外賣返屋企食,唔敢係鋪面食!!呢度d滷味一向都幾好食!!!但今晚好其怪,鋪面只有3隻雞,問d伙記話有冇掌翼同牛, 有掌翼呀,冇牛!唯有淨係叫掌翼,平時係鋪面可以睇到d滷味,但係今晚睇唔到,有d担心!!攞到出嚟打開個盒,一股香氣湧出嚟!好香,但色就偏淡,(平時係好深色)沒有想到今次咁差番到屋企開飯!!!""依""""點解味咁淡既!!!!就好似剛放入滷水汁就撈起一樣!!只有香味(因有滷水汁)卻沒有味道!!!!搞到食飯既胃口都冇哂!!!!火都嚟埋,即刻攞番落去閙鬼佢地!!!D伙記無言已對!!!整過另一樣被你啦!!咪喇!!!都唔知會被咩野我食!!攞番錢走人!!!!

身為香港人，覺得廣東道是一個非常有趣的地方，何解？由太子向南延伸至尖沙咀，(其實，應該是由尖沙咀向北發展才對。)上半部的廣東道，不是裝修舖，五金舖，就是街市 ! 但一去到尖沙咀，由港景峰作起點，身價即刻幾何級數提升。由街市變成GUCCI，LV，JOYCE，LANE CRAWFORD等名店。人流由街坊變成一個個財大氣粗的自由人，本質，還是差不多。如果以地方來作比喻，大約是南北韓之別。人流差不多擁向南部，北部一邊的飲食路線，我在貴網站內，以"廣東道"三個字來搜尋地址，結果得出三百幾個結果，頭一百間食店之中，只有四間是位於柯士甸道以北，北面的頭兩名，就是大家也很熟悉的中國冰室，和廖同合荳品店。情況一面倒傾南，那麼，身處廣東道北面，是否沒啖好吃呢？早在年頭，曾經與友人到過近油麻地的"廣東飯莊"，老闆親自出海捕海鮮，有很多比較特別品種，外面同類店是找不到。今趟是友人帶路，來到"又記美食"。這店在貴網站內，從沒有食評留下，我問友人為何會選擇此飯店，她說吃過好幾次，不論是火鍋，或小菜，一樣有水準。與他/她們每一次的飯聚，全是我拍板，是夜將這個重任，交給她來擔當。信和/朗豪/西洋菜街/女人街，代表旺角