友記甜品 (已結業)

旁邊都有幾間糖水店 只有呢間冷清清唔洗等位 我都估到唔方好食得去邊 唔知入到去真係中伏d店員已經黑口黑面,入到去坐到勁逼。叫左個炸魷魚蘇同埋楊枝甘露。1) 炸魷魚蘇份量少又貴,D魷魚細隻得可憐,咬落去D炸粉仲多過隻魷魚,唔香口唔好食好伏! 2) 楊枝甘露只係不過不失,求其去街邊買枝現成都比佢好食。奶落得太多食評我真係好少打,不過呢間實在令人太失望,又貴又唔好食,態度又差,冇下次! 

夜晚1點機到達，就是只有這間還營業，於是走進去吃一個宵夜糖水，點了一個什麼鮑魚春捲，味道可以，外面還是脆脆的，而内裡的鮑魚，相信都不是真的鮑魚，但是很特別，點了一個鹵水雞翼，鹵水雞翼很大隻，但鹵水的味道就不夠，一個焦糖燉蛋，味道真不好吃，又吾夠熱，最後點了一個心太軟，從未吃過這樣難吃的心太軟 內裏的朱古力是不會流出來的。 四樣東西，一百多元，實在有點貴 。 但在沒有其他選擇下，真的沒有辦法

不知所謂，我睇咁耐open rice都冇寫過食評，真係要專登開過寫佢1） 野唔好食，食過奇異果刨冰，上面就有奇異果，下面全部白冰，無味2）價錢唔平，成30元一碗可以偷工減料到咁3）服務態度差，真係最衰e樣，雖然唔係對我，但真係睇見都火，坐我隔離枱果d人比佢趕走，之後重大聲叫人食完好走，多謝合作，哇，真係去食甜品都係想開開心心，如果大家唔想破壞自己的心情同氣氛，就唔好去食啦

琴日同gf食完飯想食糖水,,見間野又有8折,人小小唔洗等所以就入左去嘗嘗啦,點知發現中左伏!要左一個芒果西米撈,一個楊枝甘露,各$28 & $29,,價錢其實唔平,糖水上左黎見到個樣就已經覺得唔好食,,食落口陣味好奇怪,根本唔係平時食開芒西同楊枝甘露個隻味,d西米仲要淋曬,好難食,食完真係好後悔!早知食隔離個松記or明師博好過,仲好講話開店十周年!唔明點解可以生存到十年= =''之後e+先發現係openrice哩間野都甘多喊樣,我唸都唔係我自己問題,唉!早知睇左openrice先啦

尋晚(29-3-2013 Fri耶穌受難日)一大班人燒完o野食後,8:45pm左右話走喇,好似係女友人F提議食甜品,佢同女友人CI討論去葵芳定荃灣食,CI就擺我上枱,話如果我都去就去荃灣食.我o地覺得葵芳唔多甜品舖,於是我一口答應.由於有小朋友要返屋企瞓,同男友人LKL約o左人,所以最後得返7個人一齊食,我o地o黎到荃興徑,我發覺有一間我食過o既執o左(o衣o家o係openrice睇返,係五代同糖),之後見到一間已經爆o左要等位o既,我o地繼續向海霸街行,見到淺草重有位,但女友人F話呢間唔好食.咁向右轉啦,我話有松記(不過我心諗,唔好食呢間啦,又貴又一般),又有月頭同男友食過o既主打西式甜品o既明師傅,但佢o地見多人,而且我話呢間友記係好耐,而友記仍有位,CI就造 咁呢間啦.OK,我o地7個人坐出面,各人叫自己o既甜品食,我要$24.00o既朱古力布甸,女友人WK要$29.00o既南山風情綿綿冰,女友人F要好似$29.00o既楊枝甘露,女友人S要好似$25.00o既唔知咩o野芒果西米露之類o既o野,女友人W同男友人CL都揀o左$33.00o既熱o既椰子燉品系列,我唔記得W要咩喇,CL

某日半夜買外賣時經過友記，見到好多人食炸野，而且賣相ok，所以決定今日試下雞翼尖--＞炸過的雞尖舖上很多蒜粒，非常㘃味，只是肉質稍un炒腸粉--＞賣相ok，味道一般椰皇椰汁湯丸--＞椰肉清甜，湯丸ok，正！椰皇三雪--＞包括雪梨、雪耳、雪蛤膏，覺得雪蛤膏有陣腥味，只是一般。

同友人吃過拉麵,再購物後就決定吃甜品,棄盈記不吃好像這間友記真的沒有吃過!雖然都坐滿了人,不過一問有沒有位,又竟然可以安排到,就與友人一試好了!一人來個冷甜品,我看中了那個有益力多冰底,雪糕,西瓜加上黑珍珠的'夏日情人'($33),用椰皇盅載著賣相是不俗的,不過西瓜冷得變了西瓜冰件, 雪糕我也預算不是什麼好貨色,不過那個益力多冰底,一見顏色就知道不對了,是什麼該死的益力多冰底?明明就是乳酸,我寧願店方寫清楚一點!!底部還有點黑珍珠,我真的以為自己是在吃西米,一點嚼勁都沒有,要吃些從沒吃過的店,除了勇氣...也要一點運氣!至於友人的芒果冰,吃下去那冰底加了糖水吧.....不比我的難吃就是了!下一次,如果要吃不好吃的甜品,我就寧願不吃好了!

其實我地無咩要求，朋友聚埋一齊，都唔係志在食，但食物質素的確太差先講我地叫左D咩：　芒果西米露　豆腐花紫米露　楊枝甘露友人L話，芒果好少好酸，如果係季節問題，咁點解其他舖頭果D可以係咁多同咁甜架呢?　至少應該有返少少芒果味呀 ，連芒果西米露都可以得兩片芒果，而且D西米仲有幾粒係硬架添所以，我地都唔再奢望碗楊枝甘露會有咩驚喜，結果，碗楊枝甘露的確係無咩料到而Lahris碗豆腐花紫米露，算係比較正常，但總係覺得怪怪地，整體而言，三碗糖水都好淡，Lahris平時食野可能食慣重味，但另外兩位朋友都覺得無咩味，「稀到好似水咁」，的確係佢地既direct quote，我諗，佢地講既「稀」，除左係個味唔夠之外，就係用料不足，而呢兩者根本係同一回事，用料唔夠，咪唔夠味囉！仲有就係，如果個甜品係一定有落椰汁既，我個人認為，你有必要事前話俾食客知，又或者分開上，都係一個好方法，因為，的確唔係個個都鐘意加椰汁，我地唔係極厭惡椰汁既人，所以無要求換，亦都覺得無必要換...Anyway，為左唔浪費食物，我地好努力咁食，但係Lahris真心覺得每食一啖都好辛苦最後，因為見到個waiter執前面將枱，仲將成碗只係食

綜觀友記的食客都是以十多歲青春少男少女為主要顧客, 20度穿迷你裙、鬆糕鞋或者男孩子穿仿皮鐵扣膠上衣、skinny jeans也就是這店的dress code, 舖頭門囗放了四數張檯也大部分被他們坐滿, 應該係方便吸煙呱；店內空無一客, 就等熊爸媽做第一檯非吸煙客人店內裝修陳陋, 橙色膠板牆身配仿酸枝檯凳(檯凳大多充滿經歷, 實在是傷痕累累) 檯上的膠餐牌也非常不濟, 用手摸完都油淰淰叫一客「友記招牌椰皇系列」的萬壽椰蹤 $30新鮮椰皇內裝有用椰皇水煲過的木瓜、海底椰肉, 入口暖烘烘, 飲落潤喉, 甜度適中；清潤椰皇水裏蘊含大量木瓜原素, 所以喝得到木瓜原味 煮腍的海底椰肉是膠質狀, 入囗油潤 新鮮椰皇的肉帶椰油兼軟腍, 店家細心地附上小鐵羮, 輕輕地在椰皇裏挖挖, 滿滿的一盅椰皇肉, 越食越滿足懷舊牛油焗布甸(栗子餡) $27掀起那焗燶的布甸皮, 內裏樣子的確不濟 西米與吉士糊不協調, 焗後吉士糊成嚿嚿, 口感不滑；栗子粒量少兼味道淡, 食咗都唔覺栗子味

以為比附近兩件難食，點知出奇地好！又唔使等位！勁好吃！服務又好！D 料好足！價錢比其他店稍平！我個friend覺得有一份芒果有D酸，老板娘立即換！推介！下次再試其他嘢先！榴槤飄香：榴槤不單飄香，食落亦好香，淡淡肉！！

唸住去松記食糖水，但超多人，唯有食隔離店友記。非洲黑人：朱古力綿花冰既朱古力味唔夠香濃。熱燉蛋：原本要凍既，阿姐冲忙中落左熱既，唔夠蛋香味。包羅萬有：即係樣樣材料有d，十分求其而味道普通的甜品。椰皇湯丸：甜左d，食完幾 “濟”。榴槤飄香：榴槤不單唔飄香，食落亦唔香。炸雞翼：雞翼外皮十分香脆，內里入味，幾正。炸魷魚鬚：香口野味，好味過糖水好多。呢度既糖水真係求其到爆，同松記無得比。

在荃灣晚飯後,友人想吃d甜品,有一間出名的,之前吃過,人山人海,所以沒去,看到過幾間舖,有一間好似賣相幾好,就走入去試試.叫了三款甜品1)琥珀明珠+涼粉+蜜瓜 - d明珠是一粒粉狀軟軟沒味道的東西,涼粉沒涼粉草味,好淡, 蜜瓜也不是當造的,所以沒味道2) 金沙湯丸 - 係用油炸ge湯丸, 食落成口油,外皮又唔夠脆....,褢面d芝麻較為香d3) 椰皇湯丸西米勞 - 西米好少,不過味道都幾清香椰皇味, 芝麻湯圓d芝麻較香,湯圓皮也不夠un依家食糖水的價錢也不平,外面真的好多有質素同埋款式新的糖水店,如以此種質素,肯定好快被陶呔. 所以呢,點解有d舖咁多人,真的有原因的.

原本想去較出名的糖水店, 可惜實在太多人, 天氣又冷, 見友記的亞姐極力拉客, 於是一試.柯打一碗什果西米露和芒果刨冰.什果西米露先來, 賣相不提也罷, 成碗西米露好稀, 水多料少! 食落好淡.刨冰一到, 好細個, 出面其他刨冰都系碎冰, 呢碗卻成舊冰硬晒, 完全難以入手.等食得時已溶大半, 味道更淡茂茂.怪不得亞姐甘努力拉客也沒太多生意.

今日由於烏龜要閉關，本大鯊自己游去同朋友去睇狂野時速５（Fast and Furious 5）。我地喺荃灣廣場睇７：４５場，睇完行到去松記（友記隔離）大約１０：００，本身諗住仲好早應該唔會太多人，點知行到去已經有超多人喺松記等緊！唉...好彩呢條街仲有好多間糖水舖，於是我地唯有去第間。呢條街除松記同友記外，仲有：１. 明記甜品　－　不過價錢稍貴，＄３０－４０一個甜品，而且款式唔多，雖然本大鯊有８折卡，但幫襯過一次之後都唔想再去ｌｕ。２.小樽甜品屋　－　賣點係青春少艾女服務員，多數著短裙或熱褲，靚唔靚就見人見智，本大鯊就費事comment不過可能由於ｄ姐姐太青春，服務係差到加零一！但各位男士如果想欣賞短裙或熱褲姐姐的話應該唔會介意o既～至於甜品就大約＄３０一個，款式比較創新，例如有水果湯圓，分子甜品，不過味道就好一般，再加上各位姐姐成日嘻嘻哈哈咁做野，隋時等一個鐘你都未有野食，所以鯊龜都唔鍾意泥～３.沛公甜品　－　初開張時用料十足，但慢慢就愈泥愈少料...甜品價錢有平有貴，普通甜品如西米露，紫米露等只係＄９，其他特色ｄ既如千層班戟有料腸粉就大約＄２５。呢度最出名o既係榴槤甜品，鯊龜試過榴

隔離果幾間勁好人，我地初到貴境..... 唔知地步...... 就入咗去喇...... 芒果豆腐花..... 芒果勁酸.... 豆腐花無味....芒果西米露..... 芒果勁酸.... 西米露質地古怪..... 什果西米露..... 什果入面只係西瓜係合格.... 走果陣我地明白到.... 典解隔離果幾間都咁多人囉~~~