友記甜品 (已結業)

晚飯過後想吃甜品，便來到路德圍，本打算去松記，但人實在太多，便退而求其次去友記，等了不久便有座位。叫了一個西瓜西米撈，只是五粒生而不甜的西瓜放在一碗西米水內另叫了一碗合桃糊及杏仁糊，但應說是了一碗合桃水及杏仁水，只得一個甜字。其實之前來過兩次，每次都因為不用等久而去，每次的水準都是一樣......，如果對食物有要求，來前請自己衡量。

夜晚成11點幾去到...成條得十分之多人, 好似去咗蘭貴坊, 呢度有好幾間甜品店, 去到都唔知食邊間好, 間間都好爆場, 於是是但就去咗呢間!!回到家寫食評...原來去咗一間最差食評既甜品屋...不過今晚所食既甜品不差也好味!!原樽椰子燉雪甲糕鮮奶西米 ~ order 咗個熱, 唔會好甜, 雪甲糕多過西米, 西米可以再多番多便完美!!雪果水晶凍粉 ~ 食唔出好滑既凍粉用什麼做, 加埋唔太甜既芒果底同不少好好味既芒果肉!!

每次來吃友記甜品，幾乎都是外賣回家慢慢享用，因為每次去人實在太多，我經常叫芝麻糊，榴槤班戟~我中意食榴槤，所以榴槤班戟是不可少的，呵呵芝麻糊，其實很一般的，有時只是想吃熱的，所以叫咗~榴槤班戟，不錯，濃濃的榴槤味

中秋節，晚上到處都是人。想吃個甜品也不容易。每次來荃灣，吃甜品必想起友記先，不是食物或環境吸引。只是名字易記，所以每次說去吃甜品，就順口而出 -去友記吧。當晚一樣人山人海，很好運地一去就有人結單，4個人坐在室內。環境擠迫已經是意料中事。我叫了一個芒果刨冰，很快就到，朋友叫的芒果什麼 (不好意思，忘記了)就比較久了。個人來說，對甜食不是特別喜愛，但這個芒果刨冰，我卻很喜歡。關鍵應該是芒果很新鮮，很甜，吃下去很涼快，不失為一個好選擇。

最後一日reg day,,收咗64個freshmen join ocamp ar,,超開心^^,,雖然得3個女仔/.\開會開到11點先走,,返到荃灣都12點了,,同A先生去食糖水=]隨意地行入友記,,唔想食凍野,,就叫d健康d既野食啦=] 海底椰香芋椰汁紫米露 ($20),,雖然唔系好大碗,,但勝在足料,,好多海底椰,,啱曬A先生,,下火呀xD,,同埋真系好香椰味,,聞到都想食,,good=] 雪"虫合"西米露,, 一般,,多水,,料少,,冇乜香味,,好似飲水咁,,可能系热野唔好味掛,,我下次會黎試下棉花冰噶,,希望有驚喜啦=]

一日同男友係荃新天地食完野，之後走去路德圍食甜品，松記成日食，就走去旁邊個間友記，見佢岩岩開位係出面就坐低了。男友唔食，我一個人就點左個栗子蓉焗布甸，等等等...等左一段時間終於都黎了！未食之前望一望，可以好肯定係放左一段時間再拎去叮，表面乾爭爭的...好！唔理，立即動手去消滅佢！匙羹按下去，已經見到好多西米，食食食，啖啖都係西米，我諗比例大約係西米70%,栗子蓉(係粒！)10%, 蛋漿20%，入面都係乾的，冇乜水份，栗子蓉係粒狀，微微硬又冇栗子味...依盅野唯一一個優點係比其他甜品店都大，但大而不精，完全唔好食！我食野一向都唔浪費，但食晒佢都有點點難受...總括黎講，我地以後唔會再去食...其實賣得咁貴，又落咁多西米減成本，簡直係趕客！我以前都有做過糖水店既店員，甜品味道質素本身係唔差的，但老闆因減成本而將西米大量加入楊枝甘露，過左冇幾耐，糖水舖最終捱唔住結業，當然係有好多因素，但個人認為加西米減成本做法係行唔通！

編輯你諗多左喇.....我無用唔同既名去寫食評..內容同我近似果個係我個妹..我同佢一齊去食的.......一心諗住去隔離既虫記..見到多人排隊..睇個樣有排都入唔到去..又見隔離有呢間野..咁就去試下啦..反正都想食下甜野..不過未入去都有d唔對路..有個女仔係度拉客..証明呢間野人流真係好小..入到去..嘩黎料喇..逼到呢..好彩我唔算好肥.都坐到..肥d既真係好辛苦..又dirty..見到好多蚊飛黎飛去..播既歌又嘈..d歌又mk-3-好似落左boutique咁..到甜品黎喇.我就食燉蛋白果d啦..打開個蓋見到有幾粒黑點..食落又唔好味.怪怪地..同行朋友食既楊枝金露直頭攞我命3000.....唉..食完坐都唔坐就走喇(基本上係無食完)...唉真係唔再有下次呀!!好失望..抵佢地成日都無客..

我地本身想食隔離X記,但太多人,又見友記拍烏蠅同見有個女孩好慘咁拉客,所以入去食下,但一入到去,成間鋪橙到好唔舒服播歌播得又大聲食芒果豆腐花,D味好怪又臭臭地,又逼服務好唔掂,佢地竟然飛碗芒果豆腐花畀我冷氣機係咁滴水早知等下位好過

去完街街諗住去食碗糖水見到個職員係門口拉客食野咁辛苦咪走入去試試大佬.....入到去坐左一陣...d蚊起周道飛好恐怖...勁驚勁多....好得人驚...環境真係好差/勁迫/完全接受唔到好..我算....環境差希望食野方面可以好d喇..原來係仲差...愈食愈火.....''金銀露豆腐花''...食落都可以話過得去既...但我朋友食的蛋白蒸鮮奶...黎個陣好多黑色點點係上面好驚唔知乜黎我朋友不停''不起不起''d黑點點....唉....未去過間咁可怕既糖水店.....下次真係請都唔去太可怕了.....價錢又唔咪平過人...好失望= =

見間野好多人..羊群心理以為好正..食落一般..但返到黎估唔到咁多貶面..試左凍綠豆沙..一般...同海皇差唔多..街邊好多食甜品其實..甜而不溜咪ok囉..再試左24$既 小食..螺..肉係小左d..但調味尚算ok..友人都話ok..3x$埋單..係咁上下..一定無得同 有分店個d比嫁la..但緊緊合格la..去廁所見佢d焗既西米露好多個就咁擺係空氣中..等待拎去焗..唔太衛生..環境扣1分..chair實在太窄..我34'腰..大脾稍為粗就巳經恰好放入..再粗dd肥妹肥仔我諗唔駛坐低..

頭先去左友記買甜品外賣，叫左4碗琥珀明珠雜果涼粉，點知返到屋企發現佢地無加到明珠，當下都幾生氣同失望，於即打返電話去友記，諗住都係打去鬧下發洩下，估不到佢地都幾好服務，真係話搵人送返去我屋企樓下，仲送一件芒果班CAKE，服務幾好。順帶一提，友記既琥珀明珠雜果涼粉同椒鹽雞亦尖都好好味。大家不妨一試!!

同友人i係葵芳溫完書回流返荃灣佢想食甜品,於是又去左友記兩個人叫左個綠茶冰綠茶冰 : 都好綠茶味,亦都幾綿wo...友人i都覺得唔差只係配料差左d

同男友係尖沙咀食完飯返到荃灣食糖水男友唔鍾意小樽採用既"美女marketing strategy"而松記我又無咩preference於是好順理成章地友記男友叫左個西瓜甘露,我叫左個萬壽椰棕西瓜甘露 : 個甘露底唔錯,唔係太甜萬壽椰棕 : 入面有海底椰同木瓜,好好食椰水好香好甜,但又唔會甜到起哂痰,海底椰同木瓜份量都唔係少,最後男友仲刮埋d椰肉黎食,好滿足

天時暑熱，吃過晚飯後，同老公落街食糖水行過友記見到大大個牌寫住新出品”雪花棉棉冰”，友記糖水就食得多；普普通通啦，豉油王腸粉先係我最愛，見有新嘢，即刻搵位坐底叫兩個試試，叫咗一個非洲王子，一個彩虹天地。非洲王子即係朱古力冰底+兩三件西瓜哈密瓜+ 圓子同珍珠，嘩！真係我朱古力精話好食就包你話得～個冰底好似倒咗朱古力奶加朱古力雪糕做咁，啖啖都有朱古力味，你唔好諗Hargen Dazs嗰啲咁離譜，但就係好食！物如其名，真係棉架喎！食到尾都唔溶　（我坐喺條街度食架～馬路邊冇冷氣架）彩虹天地即係芒果冰底+兩三件西瓜哈密瓜+ 圓子同甜腰豆，同上，又係似模似樣，食梗芒果雪糕咁，有少少芒果嘅酸味，一樣咁正！！真係好消暑，食完成個人爽晒；不過有啲貴，丞為每人＄２８，再大碟啲就好嘞

六月九日本來打算到附近松記，奈何人太多，無得揀又唔想去小樽，來這裡吃杯綿冰消暑。同行的好奇為啥松記其門如事，這邊卻是小貓三四隻，看過餐牌答案已知一二，分別要了綿冰同水涼粉晶珠。綿冰與流行自選式唔同，生果、果醬都是「固定式」，綿冰吃起來很化學，似吃草莓咳水，同行的脾氣好吃了幾口，自己是試半口都嫌多。涼粉晶珠，很現成的椰汁西米同涼粉，味道應該唔會差的，衰在落單是要凍的，出到來卻是暖的，也不說什麼，草草埋單去。邊行邊談，事做得好不愁沒客路，結果反應在事實上。