友記

营业中

休息中

唔知佢哋點收錢，我叫咗油麵，餸就魷魚，螺肉同豬腸……大家估下收我幾錢？係59蚊！魷魚螺肉得雪味！豬腸難食到一個點！仲話係舊式車仔麵有水準？我呸！同區試過回味，蘭姐！都好過佢！對不起，永不再幫襯！

呢次去咗間號稱手藝正宗的車仔麵店🍜，實話實說，跌落眼鏡嘅好味道！👀 選擇太豐富，想點都得，但係我就跟心水揀咗招牌辣柚皮米線。講真，個辣柚皮辣得嚟又香，一啖落去，辣味直撲鼻端，個人好似一啓起胃口噉！再講吓個湯底，唔會好似某啲鋪頭濃到飲落去個人似係食糖水噉，佢就好適中，潤喉得嚟又有層次。再提下個牛筋，嚼勁足，彈牙之餘，又含滿咗湯汁，真係食得出師傅的用心同埋功夫。食完之後，個口腔留住既餘韻，足足好一陣子噉久。😋服務嘅話，同樣無得彈。店員笑容可掬，見到你碗底都會主動問下要唔要再加少少。食飯嘅時候會感受到佢地嘅貼心同埋熱情，搞到我下次諗住帶其他朋友再黎試下。有機會搵食，記得試下呢間，唔好只係等o係好出名既鋪頭档口排隊啦，有時就近間小店都可能係你下一個最愛！👌🏻

喂喂喂，朋友，介紹 yat 間面店喇，食嘅時候真係有種回到街邊小食攤嘅感覺。首先，嗒到碟豬紅呀，嘩，真係夠哂彈牙，入到口感覺到滑溜溜咁落肚，真係好滋味！幾好嚟，经常食車仔面都少點酸齊佢，今次試下，意外地發現質地脆爽、醋味啱啱好，有一種「夠哂水準」嘅驚喜。黎講下啲油麵，煮得啱啱好，唔會太軟熟成爛渣渣，咬落有嚼勁。再加上啲雞翼尖、牛脯，雞翼尖微微香脆，但牛脯就較為碎，味道係贊但質感上有少少失分。服務方面真係唔錯，店員態度親切，盡力推介自家嘅咖喱汁。但衛生方面嘅確要醒神，骨渣同汁漬喺檯上唔係太討好。整體嚟講，如果你身處附近，想食返口地道味，嚟呢度搵食絕對無失望。總結返，食得開車仔麵嘅你，睇吓遇唔遇到心水餸就決定落單嘅款式，唔好錯過。最後，個柚皮我都係要推一推，係真材實料嚟架！🤤👍👌

今日去左友記車仔麵食晏，阿媽話咗要試下佢地個辣柚皮，先講，冇諗過柚皮同辣味可以咁夾！辣得嚟刺激到我食指大動，柚皮爽口得嚟，夠曬特別。車仔麵添，每樣餸都贏在新鮮，親民得嚟。特別鍾意佢哋個豬腸，清爽唔膩口，食落有咬勁又唔會太硬，每次黎都必點😋。牛肚又溜得掂，一啖啖嘅咖哩味，夠晒惹味。啖啖肉嘅牛腩豬紅，唔使多講，真係滿足晒食肉嘅欲望，而加上咗嗰秘製咖哩汁，簡直係嗰碗麵提升到另一個層次。🍜 無錯咖啡,意式滴漏🍛最後，食完呢碗麵，感覺好似胃口都滿滿嘅，好似有種暖笠笠嘅滿足感。呢間車仔麵，無論係打邊爐還是坐定定嚟一碗，都係香港D小食嘅韻味嘅好代表。要講好味，你真係要親自試下先知！👍

7月3O日揾食肥華與靚媽，到此間鑽石山老字號，友記，車仔麵店踩場，繼續尋找現時，鳳凰村車仔麵強者，同肥華食過嘅，姑姐友記及味源，車仔麵店一樣，此店所提供嘅粗麵，都未能合肥華口味，而豬皮，蘿蔔亦不及上述兩間麵店，至於牛腩，豬紅此店又比個兩間，略勝一筹，而此店個鎮店名物，柚皮，就冇得輸，加上此店亦有卡位及環境亦算企理，最難得嘅係，此店竟然有茶，水供客飲用，淨係呢樣設施，已得盡肥華好感，所以今次肥華會，給予B+評語給此店

作為的士司機，開工搵飯食😆去到黃大仙區覓食，就去呢間車仔麵~🥢四餸麵🍜豬腸、牛腩、鹵水雞翼、通菜最緊要落沙爹辣醬同辣菜脯！就一定要食伊麵，少有的車仔麵地方有得食~豬腸：夠入味，唔會有異味牛腩：就鍾意佢有咬口，唔係太淋鹵翼：唔會太咸，同鹵水味十足搭返條菜就唔會成隻食肉獸咁！

又要出街做嘢今次嚟到黃大仙老老實實講我就真係好少去黃大仙嗰頭搵食本身想去龍記食車仔麵點知人哋係逢星期一休息所以就嚟咗附近呢一間車仔麵店喇第一次幫襯望到門面其實就未必會入去食嘅不過車仔麵癮起冇辦法啦喺門口見到有一個餸已經覺得非叫必可佢就係炸油渣唔知係咪我見識少啦我平時去開啲車仔麵都冇一個選項所以點都要食嘅除咗嗌油渣之外我仲食咗豬腸蘿蔔同埋螺肉牛筋五個餸 超多😂佢哋仲可以俾你㖭辣菜鋪辣汁都係可以另外自己家嘅個辣汁就幾好食啦但可惜個羅白唔多冧有d失望一路食一路聽到有人話要一個餸叫做牛彊咁我又唔知咩嚟嘅不過又係一啲少見嘅食材如果下次我有過開嚟等我都試吓先

45元三餸麵我寧願幫襯味源好過啦。喺味原食排少少都值得。人哋碗面大大碗牛腩大大件。送冷熱飲不另外收費。餸菜款式又多。雞腳都有兩種選擇。姐姐服務態度有善。(老闆娘除外。)餸菜全部大大件。相比起友記真的相差很遠。淨係講個面底都大啲啦。所以我決定以後繼續幫襯味源車仔麵。

之前住附近一星期食一次左右，搬咗之後成日會掛住友記，耐唔耐都會返黎食一次我一定一定會食蘿蔔絲，真係好好味呀！唔知我係咪見識少，未喺其他地方食過除咗蘿蔔絲佢都有其他特別啲嘅餸例如有皮、牛姜；但因為我通常食蘿蔔絲、豬油渣、炸雞翼、西洋菜、通菜、蘿蔔、螺肉，冇留意其他😂同埋一定要加佢個辣汁（多啲）、蠔油汁（小小），會令成碗麵昇華😂😂😂通常食$43 四餸連凍飲，大大碗真係又平又抵食！試過同一條街果間人氣店，我食慣友記覺得好味好多！不過都有朋友覺得另一間好食啲嘅

今日黎開黃大仙，一直都知道附近有間車仔麵好出名叫x源 點知黎到見到排晒長龍，門口有10幾人等緊 於是去側邊個間車仔麵試下一人叫左一碗車仔麵，豬腸幾好味 其他好似無咩特別，不過30幾蚊一碗仲包埋飲品係算抵食 但特突再黎食就未必了

新年前就去左轉黃大仙拜個神問個籤，行完個大運後就當然先醫返個肚鳳凰新村個邊有間老字號車仔麵，當然要試下3-4點去到個陣已經坐左8成人，好似多數都係老街坊店舖亦好有懷舊風味，先到門口點送比錢，之後拎住碗野找位坐底食野，一個人既會有d論盡重點一提--枱前會兩個盛住蠔油汁同咖哩汁既銀色盆，蠔油汁令到個車仔麵更鮮味，而咖哩汁帶少少辣會更惹味，老細仲好大方咁比人任落今次就叫左三個送--雞翼尖, 牛筋同螺肉雞翼尖同出邊不同，出邊好多都係滷水，但呢到就係咖哩汁，不過咖哩味不濃牛筋好推介食落唔會太痴牙，好有膠質會好煙韌螺肉亦係推介之一，出邊比較少呢個款式，螺肉身好肥美，食落好爽口同入味，帶少少辣更惹味總括黎講:車仔麵係港式風味之一，去返d老店幫襯果然有一番風味

今日晏咗食午餐諗住求其去食碗粉麵，喺黃大仙附近諗起食車仔麵，咪行上去鳳凰新村呢間老店囉。其實呢間老店已經幫襯過無數次，最近唔洗點排隊，可能附近有間車仔麵老店重開。無論如何，我還是覺得你最好。乜都唔洗講，重點推介佢個酸齋先，非常入味，酸甜適中。齋本身無油“益”味，呢個最緊要，軟硬適中，食落有咬口，加上醬料又夠味。上佳之品！必試！個人習慣，我要求分碟上，咁酸甜汁就唔會影響我碗粉嘅食味今日揀咗蘿蔔、雞翼及豬腸，蘿蔔唔太夠“淋”，可能唔夠火喉。雞翼非常大隻，啖啖肉，不過不失。豬腸很出色，我特别喜歡佢用呢款小腸，洗得乾淨，完全沒有臭味。讚！通常食車仔麵最夾係配番支玻璃樽可樂，呢度四餸麵加支大可樂，只係四十一蚊，物超所值，可以一試。

依間老字號車仔麵，個時住附近成日麵食不過話明老店，咁多年都屹立不倒真係有佢原因每次黎親都一定有人排隊價錢唔貴，平價車仔麵，每次黎親麵一定叫三個餸菜至四個餸菜，其中一樣一定係佢地既酸齊，真係十分推介個麵一定會叫粗麵，仲一定要加腩汁。野飲方面當然要加錢啦，玻璃樽可樂真係食車仔麵之選雖然店內的裝修及坐位唔算太好同太多但勝在佢地好有人情味，同埋野食留得住人到現家搬離左黃大仙，我不時麵會返去幫親👍不過千其唔好打算夜晚收工先去食，因為佢地幾早就關門，最好放假午飯時間去

小秘書專程由黃大仙港鐵站爬上嚟鳳凰新村，目的都只係為咗搵好嘢食。早兩日見朋友擺咗張「車仔麵人龍相」上Facebook，所以我都嚟襯熱鬧 😳好可惜7:00都未夠，我嚟到已經見到啲姐姐喺度清洗👉🏻👈🏻 唉 無緣！唯有下次請早！拾唔到橙、就去隔離搵個桔啦😌 「友記」都好耐歷史㗎喇，聽屋企人講佢喺我mammy年代已經喺鑽石山經營，清拆之後先搬到嚟鳳凰新村。成間舖坐滿8成客，揀嘢食同比錢都喺門口搞掂，要自己捧住碗麵埋去位食，真係有啲論盡🤔 不過食物味道都保持到舊式風味嘅，尤其係牛腩，果種皮連筋嘅口感，唔係個個廚師都做到，不過酸齋就無咩酸味，反而有啲過甜，魚蛋正常囉，豬腸都算乾淨嘅😊 不過我就唔多接受唔凍嘅可樂，伙記拎埋嚟已經開咗我又唔好意思退... 唯有勉強接受啦🥺

今天中午，突然想食車仔麵，於是和老公到雙鳳街友記車仔麵 舖 一入到去 店舖位唔係好大 但亦都唔覺得有好迫自己感覺 人流好旺排隊叫餸啦送菜的款式呢都有好多即係都有幾十種 咁我自己就叫咗 豬腸豬皮豬手 牛筋四個餸 試下啲味道 豬腸味道好香好煙韌 豬皮好爽好入味豬手有蚊到啱啱好唔會太淋 牛筋 唔會太晏 又入味 最主要係呢度 自己調教嘅 辣汁 將成碗車仔麵提高咗唔少層次 我老公都有試過其他嘅 餸 味道都唔錯 聽事頭婆講 每朝五點鐘返嚟就開始 預備啲食材 普遍嚟講 味道好 再加上人情味 呢間車仔麵都值得一試嘅