友飯食 (已結業)

今日經過火炭區做嘢，感恩順利地提早做晒啲嘢，一於食個獎勵吓自己😆行過見到呢一間 「友飯食」 寫住下午茶都有做折扣，咁就想去幫襯吓先！ 第一次嚟到，見到個環境都好大好企理好舒服，唔似一般茶記咁，第一印象已經好好👍我哋兩個人叫咗兩份茶餐，吉列豬扒拼沙律，西多士跟凍檸茶。 好大份喎！ 🌟吉列豬扒拼雜果沙律個吉列豬扒好大份，炸得好脆，完全唔會太厚粉，沙津係我兒時最鍾意食嗰啲雜果沙律，滿滿嘅回憶出晒嚟，豬扒配埋沙律醬，完美滿分嘅配搭👍🌟西多士跟凍檸茶呢個係香港人解壓3點3，必備嘅item。 個西多士好大份，大過我手掌，上面配埋一嚿牛油再加埋糖漿，正！ 你再配埋凍檸茶，好香檸檬味😆整體嚟講呢間餐廳嘅質素都唔錯，全部都好正常發揮，最有驚喜嘅係份量好大，價錢又有折扣！ 抵食👍

聽朋友講呢一間茶記都好正，啱晒踩完單車入嚟搵好嘢食。 見到個餐牌都好豐富，我哋唔算太肚餓，所以叫咗個沙嗲牛肉包同埋卡邦尼意粉！ 又有驚喜喎，個沙嗲牛肉包好吸引，沙嗲牛肉好多，鋪滿晒成個包，爭啲唔夠位裝咁滯😂 上枱亦都係好熱辣辣，個汁係好加分，成個包我哋share食，好Yummy！ 個卡邦尼意粉都係好出色，煙肉個份量好多，掛晒汁，好好味，咁樣嘅價錢都係幾十蚊，真心比好多西餐個質素高幾皮👍另外試咗佢哋嘅樽仔奶茶，好得意，細細個嘅樽，但係原來唔係剩係得奶茶揀，可以揀咖啡都得，個奶茶都係好出色，茶味好香，茶同奶嘅比例好好，又唔會偏甜👍整體嚟講，呢間茶記都係好出色！ 👍

幾十蚊就食到花膠？同事同我講都唔信，佢話公司附近最近開咗間超級抵食嘅茶記，用料係矜貴嗰隻，話幾十蚊就有交易，食到雞煲食到成隻雞，我本身都唔信，但係試完之後，原來香港都仲有正嘢㗎😆😆😆我哋一行三個人見到個Menu都難以置信，午餐嘅選擇好多，唔係普通嘅碟頭飯，但係係幾十蚊嘅價錢！ 😂我自己就揀咗呢個花膠雞煲，花膠好大塊，重點係啲雞好多，又夠嫩滑！ 個湯都好一流，全部都係精華，呢個50幾蚊有交易😆同事就嗌咗個蠔仔粥，見到啲蠔都係鋪滿晒喺面，再配埋啲湯，又係淡淡精華，食完個人成個暖曬！ 好補身，性價比極高👍另一個就邪惡啲，佢叫咗個炸子雞跟薯條，係足足半隻嘅炸子雞，啲雞皮好脆，share咗少少雞俾我哋食，啲雞肉真係好嫩滑！ 呢個價錢搞唔掂，真係超抵！ 呢一間應該係沙漠中嘅綠洲，香港超級罕有🥹 一定要支持佢哋呀！ 太抵了！

最近睇網上面嘅評論，有好多都推介呢一間茶記嘅沙嗲牛，今日放假，又撞正難得好天氣，一於幫襯吓呢個早餐先！環境好大，位同位之間好闊落，服務都好主動，仲要係有笑容咁樣問你㗎！ 呢個服務今時今日嚟講好有質素職員好細心，佢推介我哋可以揀米通，第一次食，好得意喎，煙煙韌韌咁樣，好特別啊！ 佢哋仲可以自由配搭，我揀咗沙嗲牛配紅腸再加隻煎蛋，個沙嗲牛真係好入味好濃，仲可以跟埋熱奶茶配埋脆豬，真係抵到爛！ 最重要係呢個質素已經係好高質，但係佢哋而家做緊折扣，早餐同下午茶都仲有八折，抵到爆！ 夥計仲同我哋講佢哋晏晝嗰啲午餐都好好味，我見到有羊腩煲喎，幾十蚊就有交易，下次一於試埋佢😋

好正呀！！！ 幾十蚊就食到羊腩煲，真係難以置信🤣 我同事係咁推介佢發掘到一間正嘢，呢間餐廳雖然係茶記，但係日頭都有羊腩煲食，仲要係幾十蚊就有交易，仲要跟湯同飯同埋嘢飲，真係抵到爛！ 我諗緊咁平會唔會係伏嚟㗎，但係真係好味！ 有圖有真相，份量好大，個汁好夠味，羊肉亦都好多，枝竹亦都炆得好腍！ 埋單都係$72咋 🥹🥹🥹真係唔到你唔信，佢仲配埋個腐乳醬，講真，今時今日出街食一個煲都成幾舊水埋單，仲要係個煲大，份量亦都唔係足料，但係呢個煲啲羊肉數量一啲都唔少，大大份！ 真係好抵食，又好味！ 不過佢哋個午餐係不定期提供價，所以唔係期期都一定有羊腩煲，但係佢哋係逢星期一就會update，不過我個同事就話佢其他嘢食都係有質素保證，下次一於試埋其他😁抵食：5星味道：5星份量：5星

作為火炭嘅街坊，好多朋友都推介我最近開咗呢一間高質茶檔，真心食物水準真係好高質，價錢仲要好抵！ 我哋一行三日，每人叫咗：魚香茄子，西檸雞，香辣雞煲，跟白飯送例湯！ 三樣餸可以開心share，全部超好味😍😍😍全部都好有鑊氣，魚香茄子辣得來好惹味，西檸雞個汁甜甜地，炸得好香脆，最難得係入面嘅雞肉亦都好嫩滑。 但係最令我鍾意嘅就係呢個香辣雞煲！ 佢雖然個辣度教咗冇得走啦，但係少少辣都好惹味，同埋好多都係雞髀位，個醬汁真係好惹味，全部白飯清晒😆😆😆唔怪得晏晝12點開始已經人來人往，不過聽職員講，生意亦都唔係keep住好旺場，咁其實都係關大環境氣候事，所以咁高質嘅小店，大家真係一定一定要多多支持啦！ 另外值得一提嘅係，佢哋嘅早餐同下午茶都有八折🥹🥹🥹 其實幾十蚊已經好平，佢哋仲要再做折，真係要撐爆佢哋先得😆

呢個應該真係係我一直以來食過最好食嘅沙嗲牛麵，個醬汁超濃，但係又唔會Over咗，牛肉好腍，最欣賞嘅係個牛肉係除咗沙嗲汁之外，仲有好香嘅牛味，之前有一次食過，但係相信廚房應該改良咗，依家嘅沙嗲牛真係好好食！ 堅有料到😆😆😆再配埋佢哋嘅奶茶，四十零蚊，就食到勁高質嘅地道港式沙嗲牛。 真心鍾意食高質嘢嘅朋友，真係要入嚟呢間食👍👍👍👍👍味道：⭐️⭐️⭐️⭐️⭐️抵食：⭐️⭐️⭐️⭐️⭐️人情味：⭐️⭐️⭐️⭐️⭐️

天氣時凍時熱，令人個胃口都真係唔知食啲乜嘢好，見到有好多餐廳最近都推出咗羊腩煲，屋企附近呢間都係，幸運地發現到好嘢😆呢個羊腩煲個汁好入味，羊肉炆得好腍，最緊要份量好夠，加埋一都只係$75 ！ 真係超抵之選！ 😍😍😍😍😍我哋再嗌多個蔥油雞，焗雞好嫩滑，夠晒驚喜！ 又係真心正😌聽屋企人講，呢間餐廳都算係新開，有啲慚愧，開咗都一段時間而家先嚟幫襯，依家先發現原來有一間高質正嘢喺我屋企附近，最重要係高質夠晒平！ 啱晒我😆😁

本身住喺附近，收到呢張coupon，見到呢間新餐廳都幾多選擇，咁一於就幫襯吓試吓！ 食咗佢哋招牌嘅炸子雞，果然堅！ 話就話係得半隻，但係個份量真係好大，一個人都食唔晒，可以揀飯，意粉或者薯菜，我就梗係揀自己鍾意食嘅薯條。 最欣賞嘅係個雞炸得皮好脆，但係裏面嘅肉依然好嫩滑！ 仲要係熱辣辣放喺枱面，廚師功架一流！ 所以食晒成碟，完全冇難度！冇辦法啦，太好味😆😆😆😆😆我唔肯定佢哋係新張期間先做優惠定係點？ 但係我睇返個Menu，其實佢哋個性價比都好高，全部都幾十蚊就有交易，仲要唔使+1。😍我呢個炸子雞跟埋杯凍飲，都係$66 咋！ 唔怪得咁多人排住隊幫襯👍

呢間應該會成為我嘅住家飯天堂，因為啲菜式真係好健康，同埋冇乜點落味精，仲要有靚湯，價錢又抵，冇理由唔幫襯😆呢日晏晝叫咗粟米焗魚柳飯，肉碎炒四季豆同埋蒸肉餅，全部嘢加埋百零蚊有找，仲要跟埋嘢飲同埋靚湯，太抵，質素好高👍個粟米焗魚柳飯份量好大，熱辣辣，最鍾意嘅係個蒸肉餅，都係食咗一半先記得影相😂 冇辦法啦太惹味，送飯一流🤣仲有啊，個樽仔奶茶都真係好好飲，唔會太甜，呢個都係必點！ 呢間已經幫襯咗好多次，次次話要提自己幫佢出食評，但係都唔記得咗，今次終於記得！ 大家一定要去試吓，真係高質👍🫡

喺大圍附近返工都一段時間，最近新開咗呢一間：友飯食，係我食過最好食嘅蔥油雞扒煎蛋飯🤣🤣🤣自問食過香港都好多間嘅冰室，茶記，呢間都係高分之選，環境企理乾淨，食物出色，夠大份夠抵食，幾十蚊有交易😆呢味：蔥油雞扒煎蛋飯，真係滿分，個太陽蛋煎得勁靚，配埋秘製豉油同埋蔥油，撈飯超一流，個雞扒夠晒腍，雞肉好嫩滑👍 同埋佢哋唔係淨係可以揀雞扒㗎，轉做豬扒都得🤣另外再叫埋個蒸肉餅飯，又係送飯一絕完美配搭，再加埋兩杯地道香港凍檸茶，成個晏晝大滿足😌😌😌佢哋晏晝嘅菜式經常性都唔同㗎，自己都試過唔同幾隻款，每隻款都高質😉

睇社交平台關注組，見到有好多人力推火炭呢間冰室，趁住今日放假，一於過嚟試試！ 地下有一個大大綠色嘅招牌見到：友飯食，好搶眼，地點容易搵，上到去見到勁多人😱 好彩佢哋個位置都好闊落，唔會同人坐得好迫。 我哋一行三人坐咗卡位，叫咗三樣嘢食，必選強烈推介：香辣雞煲。幾十蚊就有交易，原先以為個份量應該好細，點知原來有海量咁多嘅雞件，仲要全部都係我鍾意食嘅雞髀位😍 最最最欣賞係佢哋個秘製醬汁，有少少辣，但係好惹味，我哋另外再嗌多幾碗白飯，全部清晒😆👍另外都叫咗炸子雞，個皮好脆，充滿着油光，熱辣辣！ 最欣賞嘅係佢個雞肉仍然可以保持到嫩滑度👍 大食嘅我哋再叫多個西多士😆😆😆 配埋可樂，好大塊牛油，份量大，糖漿就另外自己加，鍾意加幾多都得。 總體黎講，呢一間真係好抵食，環境好，食物真心高質，必推介香辣雞煲😆👍

雖然我住新界東，但甚少黎火炭，不過早排幫個fd上佢屋企睇一睇啲裝修野，所以就順便攪完一齊黎食個tea先閃人。食完比我感覺啲野食係平靚正👍我地一人一份tea set::::魚柳包跟凍檸水，西多士跟可樂。魚柳炸得勁脆，個炸粉唔會太厚，用嘅果款魚係好滑嫩，亦都自帶脂香。長形芝麻潛艇包帶鹹香味，暖暖地又帶少少脆面。西多士痴線地好食👍👍😍超級之香，同埋都係脆口。中間花生餡份量恰好。真心無得彈呀！！下午茶餐有包野飲，所以勁抵食。我諗我之後都會選擇過黎呢邊食tea~~見到仲有個王牌焗飯，睇個樣都覺得真心正，下次就揀呢個😆

喺我心目中要數cp值高嘅餐廳，「友飯食」一定榜上有名。今日我好叻帶左個死黨黎，佢食得勁開心😂😂😂我地係一齊放半日然後黎食左個late lunch架，我地掛住吹水hea左成兩個鐘，好彩餐廳唔會見你食完就趕人走😆沙嗲牛肉包+凍檸水：有surprise呀啲沙嗲牛肉嘅份量好足料！醬汁又多又惹味。牛肉唔會有筋，好易咬。個包又軟熟，高質好食。卡邦尼意粉+凍檸茶：原來都幾大碟喎，我死黨食唔晒分左啲比我。煙肉塊數多，芝士香濃，意粉有咬口，卡邦尼醬汁煮得好食，絕對唔係d淡某某。總結又係高質好食。

最愛蔥油豬扒🥰友飯食啲野係我近期食過數一數二抵食嘅，而且味道質素完全無令人失望過。喺地鐵站行去數分鐘路程，喺火炭嘅工廈入面的，餐廳啲冷氣夠晒涼，又可以坐好耐，夏日炎炎黎食好西都唔錯我地order左份蔥油豬扒煎蛋蛋飯&凍檸水，再加腿蛋治&熱奶茶。蔥油豬扒要大讚囉！首先係蔥油夠多而且真係極香！第二樣係個豬扒個size!好大份呀正呀！肉質都嫩tim ga! 仲有呢個太陽蛋煎得好靚，隻蛋都大隻ga, 飯底好多，我一個女仔食唔晒tim haha腿蛋治勁抵食，臨走order多左份腿蛋治外賣做聽日早餐😚餡料唔細，特別係炒蛋好厚，真係足料喇！好開心聽朝又有得食😚