双囍冰室

营业中

休息中

之前見到有人介紹雞白湯米線，今日特登過嚟試，都幾特別，味道亦唔差。黑松露醬蘑菇雞白湯：油封鴨腿+豬軟骨+棉花魚肚，金蠔味雞白湯：油封鴨腿+豬軟骨+唐揚炸雞。兩個湯底都好夠味，不過我老公唔係好鍾意黑松露，我下次會試四川麻辣，豬軟骨真係好似介紹咁好大條，而且好夠腍，油封鴨腿就有啲失望，好似整得唔夠耐所以唔夠腍，直頭係有啲韌，埋單嘅時候有同店家反影，態度正面、話可能一煲有啲上下嘅問題，但係我覺得唔會囉！而且我之後喺第二啲群組有分享過，有人話上次食都係韌，仲話下次一定唔會再試，棉花魚肚味道合格，都幾多有三、四件而且都幾大塊，唐揚炸雞得有少少驚喜，夠香脆夠熱，好味。套餐可以揀三個餸，最抵食應該係鴨腿同豬軟骨，因為兩個份量都好夠，特別係豬軟骨，一條好長好足料，相對其他餸就似乎普通咗啲，好似今日嗰個炸雞係好食嘅，但係得兩嚿仔，同另外嗰兩個餸嘅份量相差太遠，但係鴨腿佢又整到咁勤，所以下次應該都唔會食，唔知可唔可以揀兩份豬軟骨，因為其他選擇份量比較少唔多抵。

💐 留港消費 ~ 隱世美食餐廳 😋🍽️五一假期, 去錦田附近走走逛逛, 揀咗呢間位於錦田郵政局附近嘅 <雙囍餐廳> Lunch，估唔到啲美食都幾高質😍 🍲 黑松露蘑菇湯 配炒蛋丹麥吐司黑松露蘑菇湯 , 用鮮蘑菇打成濃湯, 仲有片片蘑菇, 入口香滑濃郁, 加上勁香黑松露味… 口感非常豐富… 齒頰留香 勁like 炒蛋, 嫩, 滑, 鹹香半熟炒蛋… 丹麥吐丹, 蘇鬆柔軟, 好滋味🍝 金蠔味雞白湯 + 豬軟骨 呢個湯底(金蠔味)鮮香美味, 好特色米線軟硬度剛好, 2塊大大豬軟骨, 炆得好入味, 軟滑整個湯粉 超match ❤️🥩 巴馬火腿蘑菇三文魚奄列配丹麥多士好驚喜的奄列… 大大塊Parma Ham, 大大塊煙三文魚, 粒粒蘑菇片, 滑炒蛋…口感豐富, 超好味...每個餐都好有特色, 好味

我住在錦田超過十年，居然近兩年先至發覺這一間餐廳，餐廳入面嘅多樣食品都試過，冇得詐型！佢個白雞湯麵線超好味，尤其是豬軟骨大碗飯平靚正店裏服務又好，每次叫佢加咖哩汁佢都給我一大碗，一啲都唔孤寒~總之到咁上下時間就要食佢一次

叫左個蕃茄黑松露湯+土司全日早餐焗豬扒飯4寶飯全部冇味 本人係果d唔食濃味辛辣野 覺得McDonald’s 雞翼都覺得好辣既人 都覺得d野淡而無味 個湯簡直係水加d黑松露粉 唸住加啲通粉食埋佢 真係攪唔掂 全部野食好似唔識煮野食調味咁 錯晒！！！！好浪費食材！！！叫左個蕃茄黑松露湯+土司全日早餐焗豬扒飯4寶飯全部冇味 本人係果d唔食濃味辛辣野 覺得McDonald’s 雞翼都覺得好辣既人 都覺得d野淡而無味 個湯簡直係水加d黑松露粉 唸住加啲通粉食埋佢 真係攪唔掂 全部野食好似唔識煮野食調味咁 錯晒！！！！好浪費食材！！！

村裡有出色日本拉麵村裡有自家炮製美妙的法式洋蔥湯雞地有誠意美味的台式刈包壓餅雞地有出色的日式 Omakase 串燒劇院附近有廠佬車仔麵舊郵局附近有真材實料超惹味的花甲粉雞地有本地飼養優質健康雞..............正所謂元朗食事樂趣多，早前在錦田發現了日本直送的雞白湯米線！有趣的是雞白湯米線出沒在一家朝九晚五營業、名為「双囍」的冰室裡。踏進「双囍」，裡頭沒有一般冰室的懷舊 Feel，花花綠綠的牆身、牛頭掛畫、紅凳黑桌的裝潢倒有點新派。餐牌選擇簡約，除了中午 (1130/1200) 供應的雞白湯米線、日式咖喱飯，便是一般冰室常見的早餐、焗飯、出前一丁、意大利粉、三文治等，不過又不難從簡約裡發掘出其點點滴滴的自成一格，例如油封鴨腿炸蕃薯條和醬油豬大腸炒蛋一丁等，均挺有趣的！我們首次到訪的焦點正是在霧著蒸氣的廚房裡！如前述，雞白湯由日本直送，大廚在基本雞湯底入手，花心思滲進了自家元素，黑松露醬蘑菇雞白湯、金蠔味雞白湯、四川麻辣雞白湯，感覺甚有意思啊！這三款湯底附日本海帶和豬肉碎，而另一特色是如車仔麵般自選三款餸料，個人特別對棉花魚肚、油封鴨腿和鹹腩肉有興趣，每碗 HK$58 包一杯冷熱

第二次幫襯❣️第一次發現呢間舖頭嘅時候，第一次食，真係驚為天人，覺得係呢一區有呢個質素，實屬難得🤣。喺呢啲都市小角落，有啲隱世小餐廳，都幾開心☺️仲要註明「日本直送白湯」，都咪話唔驚喜！👣值得科勞指數：🏃🏻‍♂️🏃🏻🏃🏻‍♀️🏃🏻🍽香濃蕃茄湯通粉：豬軟骨🍽早餐：叉燒湯意粉配多士、炒蛋份炒蛋唔知發生咩事，超級無敵大份，一個女仔真係食唔晒🤣炒蛋夠滑，男朋友嗰份多士，係我最鍾意食嘅牛油肥肥多士！忍唔住食咗一嚿😋我果份係蕃茄湯通粉，不得了，食過會想下次再叫😝好甜，配搭通粉非常夾。📍地點：錦田

星期日同老婆同個女出錦田市中心行下，老婆話好耐之前食過呢間，事前無做資料搜集，一行左入去就體驗前人“讚嘆”既服務態度，我唔知入面仲有位，見企入舖咁耐無人有反應帶位就諗住坐近門口張檯，等佢執檯，點知就比佢“招呼”入去坐，仲好“溫馨”咁叫我唔好坐未執既位。未食已食左成肚氣。好彩打工果個有口音姨姨有禮貌好多。我點左杯榛子咖啡，一啲榛子味都無....又多冰又淡，衰過最平既3合1咖啡粉開既...另一杯朱古力只係多少少朱古力粉味諗住A1一定係舖頭最出名既野，點知自己諗多左，芝士蛋咖哩牛排飯牛排一般，但可能打生蛋汁喺面再焗，啲飯好濕，好難食火腿西多士係入面最好食既野，糖漿夠甜，個女好鍾意食，至少糖漿好味，呢間餐廳我會推介個糖漿

食物叫做有啲花款，但毫不出色！啲通粉就過硬，意粉就漲曬，啲汁又鹹又杰，一撻撻，完全唔合格！得個吐司好啲，食物一般還是其次，服務態度真係差到冇朋友，去食嘢仲要睇佢哋面口，嬲爆爆好似爭佢錢咁！電話叫外賣，問完一樣嘢冇就cut你線離，曬大譜！咁辛苦，不如唔好做啦！以後都唔會幫襯！

大年初三，錦田真係無乜食店會開門，經過双喜，都有啲猶豫，因為開飯呢度都算幾多人比劣評😌但因為太肚餓，所以都係決定坐低試吓。點餐紙又唔算好難處理，我仲覺得好清晰添😗呢度做街坊生意就梗架啦！呢啲先係小店嘅特色嘛，環境都算乾淨企理，坐得舒服，店員服務質素又唔錯呀🤔又唔算差，叫咗兩份早餐，無論煎蛋，豬肉腸，多士，細緻到果舊牛油都覺得呢間小店係喺食物上有用心的，間餐廳都坐得爆爆哋，但上菜都超快🤨整體嚟講，我都好滿意呢間餐廳😋

假日兩口子去錦田遊遊下..這個地區簡潔，就像世外桃源，巷內見到間冰室，入去試下及嘆嘆冷氣小小的冰室，有一福特式牆，以親民的感覺營運我地叫了2份餐第一份：「淡芝士牛肉醬蕃茄意粉」淡芝士融入番茄醬內，而且意大利粉硬軟度剛好，配上冰凍檸檬茶，唔錯不太甜，第二份：「全日常餐」叉燒通粉，叉燒好味不會乾爭爭，配上牛乳炒蛋，都幾滑，另配上丹麥吐司，都幾特別，餐飲免費可配上「朱古力泡沫咖啡」咖啡味很重，朱古力味好少

除了『天空之城』，唔係宮崎駿嗰個吖，係一個地方有好多餐廳嘅。係元朗錦田週邊基本上就得茶記，唔係話茶餐廳唔好，不過成日食都會悶㗎！今日要介紹嘅係一間小店，地方位置唔開揚。但只要去到錦田郵政局，行去後面見到有個中銀提款機，隔離嗰門口就無錯㗎喇。望下個餐牌，焗飯/意粉/烏冬/出前一丁/米線/三文治/奄列，哇！好難揀吖！再望下，都有好多套餐，幾中環feel再揀唔到牆上面有好大隻意大利飯四個字手製漢堡都有煙三文魚溫泉蛋卡邦尼意大利飯，個碟大，但係啲飯都填滿晒。呢個已經唔記得咗叫咩名，大約都係牛肉意大利飯啦，呢個個牛肉就真係麻麻哋。同事話牛肉冇咩口感，不過睇個樣啲牛肉都麻麻地，好似太薄，有啲鞋霎霎嘅感覺囉。我最愛藍芝士醬番薯條，份量一啲都唔小，而且每次都係即叫炸，好抵食㗎！

服務態度極差！隔離檯個小姐應該係叫左個法式全餐or英式全餐，佢問個老闆有冇牛油同埋果jam， 個老闆好大聲兼且好惡咁講『要咩？』，於是果位小姐再問有冇牛油同jam， 跟住個老闆勁惡咁話『你當呢度係半島呀 ！』聽完勁唔安樂lor。 個老闆洗唔洗咁惡鬧人呀， 都係做街坊生意姐，冇咪冇lor， 態度唔洗差嘅。 之前食過幾次，間野d侍應態度不嬲都好差， 點餐紙又好混亂。為免貼錢買難受， 以後唔會再食。 

其實錦田食肆唔多，早餐更加冇咩選擇，雙囍冰室位置不在大街，之前都望佢唔到，今日見到，又唔係好多人，試下。餐廳裝修唔錯，乾淨，不過open kitchen既關係，有少少油煙味，可接受，冷氣夠涼的。叫左兩個餐，一個牛扒餐34蚊，有牛扒(三件)+炒蛋+煙肉+茄汁豆+兩塊奶油厚多士，+5蚊配冷熱飲，老實講，好大份羅個餐，聽到有人叫兩個餐三個人食完全可以理解，不過老闆話星期六日如果唔係一人一個餐會另收一杯野飲錢喎。食物味道係好食架，全部都係煎出黎既但又唔覺得好油喎，個炒蛋都好多…真係真係好飽…另外叫左個司華力腸餐，都係34蚊，超超超heavy，因為真係果條好大條既腸成條上，一樣配有茄汁豆，炒蛋同厚多士，我懷疑食完早餐唔使食午餐啦…跟餐要野飲，無論冷熱都要加5蚊，榛子咖啡牙，朱古力泡沫咖啡牙，鮮奶咖啡果D全部都只係加5蚊，雖然細細杯，但都幾抵飲，質素OK，加5蚊要求不能太多，實實際際已經好好。話說間野早餐坐唔滿，我有少少奇怪，因為間野明明大件夾抵食，又好食，上黎睇食評先知，原來好多人都話佢服務質素好差，其實真係老闆語氣差D，老闆娘黑面，但OK啦，茶餐廳食野係冇溫暖笑容架啦。

川味麻辣雞米線- 湯底雞味淡雅，微黏口，不油膩- 米線滑溜偏腍，沾滿雞湯香氣- 雞件去骨暖上，啖啖肉。肉質嫰滑，帶雞肉鮮香- 麻辣醬的主調是花椒的麻，少辣，味溫帶甘苦。拌米線同吃，甘香惹味

今日入錦田同朋友一齊食双囍，佢好鍾意呢間餐廳既海南雞飯（＄48），自己之前食過都覺得唔錯，所以同佢一樣叫咗海南雞。首先講下海南雞，個湯底都依然有雞味，但可能希望越大，失望亦越大喇，印象中呢度既雞都嫩滑，但今日食既時候最最最大失所望既係d雞肉非常「鞋」，一d都唔滑☹......至於碗飯就充滿椰香味，算係可以保持水準。服務依然不過不失，都係一般既茶記既service.不過碟雞真係扣咗好多好多分，所以整體嚟講印象麻麻。