雙節棍粉麵餐廳

营业中

休息中

今日走去試咗間餐廳嘅菜，真係大開眼界！家鄉薯仔炆雞翼啲雞翼爽口雞汁滿溢，薯仔咬落去外脆內軟，不過啲熱情過勁，微微焦香，絲毫唔掩蓋住佢哋嘅鮮甜；嘆一口水，感覺喉嚨嘅鹹嚼嚼，味精份量睇黎要問下師傅收斂啲先得。🍗生炒咕嚕肉又香又嫩，啖啖肉嘅質感好滿足！洋蒽微「青」，不過柔中帶脆，啲菠蘿仲有驚喜，甜到喺心裡頭開咗花。🍍最後來嘅濃湯杞子竹笙時蔬，飲一口，清新提神！湯汁可能輕盈咗啲，不過嘅確名副其實感覺良好，竹笙食落去軟綿綿又飽滿，真係食得開心又食得健康。🥣喺呢家餐廳，每款味道都好有「層次」，啲食物咁整心情都跟住好晒！下次仲要返嚟試一試佢哋嘅其他招牌菜色！

三五知己收工出嚟睇波聚一聚，這裏也算是一個不錯的地方，環境舒適地方潔淨啲夥計又親切，以前睇波都係去酒吧多，依家睇波會嚟呢度順便可以食埋飯，我最鍾意呢度嘅黃金流沙鮮魷好好味，香脆濃郁嘅蛋黃味包住鮮魷外脆內彈牙，加上肉質爽甜肯定係新鮮嘅魷魚，我嘅至愛…

收工時間去食飯，本身經過見到佢個名幾得意，就上網睇下食評，又幾多好評喎！咁就諗住入去試下…..點知一坐低，啲伙記無禮貌，野食又貴，嗌左條蒸魚加個飯，條魚凍既！又無味！好差唔會再食！

雙節棍粉麵餐廳（石峽尾）食物: 蕃茄濃湯稻庭湯烏冬套餐吉列魚柳稻庭湯烏冬😋😋😋熱奶茶😋😋蕃茄稻庭湯烏冬：蕃茄湯唔會太稀，菜爽口唔淋身。烏冬份量岩岩好。吉列魚柳：非常鬆脆，魚類滑嫩。😋😋😋👍🏻👍🏻熱奶茶：一般。😋😋總結: 環境唔錯，午市忙碌，但唔洗等位，食物幾好味，值得一試。分數 食物: 7/10環境：6/10服務: 7/10推介: 7/10上菜速度: 7/10地址: 深水埗石峽尾石峽尾邨白田街33號美葵樓地下5號舖

有啲肚餓想食個下午茶，諗住去百分百，但係咁啱佢門口有位泊車可以睇到有冇人抄牌，咁就入去食個下午茶啦，叫咗個肉絲炒麵同埋星洲炒米，熱咖啡同杯熱奶多茶，估唔到杯奶茶好好飲喎啲咁奶啊應該有牌子好有香味，睇得出有用心做，另外星洲炒米真係好好味足料火腿、雞蛋、叉燒、韭黃、蔥洋、蔥全部都有又唔多油鍋，下午茶$38非常抵咁嘅價錢都好認真做其實真係幾好食，下次要試吓佢嘅晚餐，見到佢好多小炒菜式，酸菜魚都有喎，下次要來試吓。

全港茶餐廳去過無數咁多間，但雙節棍真係令我不斷encore再encore嘅茶記。每次去都有驚喜，第一地方乾淨衛生，第二勁多選擇，而次次都心大心細食邊樣好，但奇怪地每次嗌嘅菜色都勁入味同好味。而我自己最推薦大家嘅係我成日食嘅雞煲、黃金蝦同黑椒牛柳絲炒島冬、份量好充足，大推👍🏻👍🏻👍🏻

地址－雙節棍粉麵餐廳深水埗石峽尾石峽尾邨白田街33號美葵樓地下5號舖前排同老友去深水埗睇GAME，睇完後要食飯，但係深水埗間間餐廳都勁多人排，行下行下就去左石硤尾個頭，睇到間餐廳名有點搞笑，就入去試下XD💋家鄉薯仔炆雞翼，勁大兜！真係勁大兜，佢唔知係薯仔份量多，佢雞翼都好多，數過都有8隻咁多！仲要每隻都好大隻下，似平時買急凍的大SIZE雞翼，以餐廳黎講應該比較少見，幾好，食落冇咩雪味，佢事先有裹粉去再炸，幾有層次，唔錯。薯仔方面，數唔到咁多舊，我地最後都投晒降，食唔晒咁多粒(咁當然關我細食事啦，一定係！)但可惜的係佢炸得過左火，有D燶味，可能師傅太忙掛，我唔相信佢家鄉興咁燶囉，但整體黎講佢有點過鹹，食完全晚都要狂灌水，好似落左唔少味精咁，浪費左高品質的食材，可惜也！💋生炒咕嚕肉，我朋友提議食呢個，我呢D咁順得人意，當然唔會拒絕啦，上到黎份量都唔惹少，勁多肉，仲要啖啖肉，唔係用排骨，味道方面唔錯，唔會過鹹，係洋蒽有點過生，我就冇咩野，如果介意的話可以避一避，D菠蘿都唔酸，可能呢期當造關係，食親都好甜，勁正！💋 濃湯杞子竹笙時蔬，我地係健康小人類，當然要食下菜菜去平衡返啦，見到呢碟菜名都幾

試過一次堂食呢個煲,雞走油後肉質仍嫩滑,配料好豐富,有薑片,蔥,大隻蝦乾,秀真菇,枝竹...好好好味~所以隔咗一段日子再ancore外賣都同以上一樣好味！点知今日28/8叫咗外賣就好失望,雞肉質乾,配料薑~薑~薑~枝竹,蔥......蝦乾and秀真菇係米怕熱逃走咗,去吃邊！

野食好好味😋又低食👍🏻👍🏻值得推薦做節叫到會，真心超級低食👍🏻👍🏻蝦超級大隻,好新鮮，蝦頭超多膏，好juice炸魚豆腐，送到黎仲好脆,我以為淋曬，估唔到有驚喜🤩中有隻雞，超級滑，摯愛隻雞😍😍羊腩煲，超級入味，入口即溶😋😋

之前都去食過飯幾次，但因為疫情問題已經轉叫外賣了，今日收工回家，叫了條蒸魚跟豬手飯外賣在家吃，因為突然之間好想食魚，起初還有點擔心食蒸魚外賣送到嚟屋企會唔會唔好食，但係送到上嚟都仲係熱辣辣好好味，蒸嘅時間剛剛好條魚嘅肉質鮮嫩，啲豬手又夠淋又入味，今晚嘅例湯係我最喜歡嘅木瓜雪耳甘筍湯，我特別推介這裏的例湯，因為係好多地方飲完例湯之後會好口渴，可能加了好多味精，但這間餐廳的例湯飲完沒有口渴的感覺，我就知道這裏沒有加味精了，最鍾意嘅係佢落足料嘅例湯，所以我在這比個讚他們希望他們繼續努力！

已經食過好幾次，食物味道算中上啦，食物種類也多，睇得出是用心經營，價錢也合理，招呼幾好幾有禮貌，只係略嫌地方不夠大，經常中午時候要等位。推介牛腩，豬手，中午快餐及下午茶炸大雞髀👍🏻👍🏻👍🏻👍🏻

薑葱覇王雞個汁嘅味道係ok的，但真係唔應該翻叮！我寧願佢好似白切雞咁樣凍上淋個汁，起碼雞皮會爽口啲。雙節棍薄餅見係推介，即管試吓。係脆的，但太鹹喇！其實可以落少啲鹹魚茸。西芹炒帶子炒得太猛火，有啲焦焦哋賣相大打折扣。帶子好迷你，收$78得細細碟⋯唯一係個蜜汁薯仔排骨比較好少少。薯仔夠哂焾、排骨有脆骨又唔韌。餐飲真係唔得。華田淡茂茂，奶茶個茶底又濃得滯。其實呢度越嚟越多單位落成，照計不愁冇生意。但呢個水準，真係替佢擔心。

今日成班朋友仔一齊去左雙節棍食晚飯，之前有同老闆講想食魚春，今日去到佢地都為左我地準備左個麻辣魚春煲另外加多$50仲有埋魚卜講真的！係其他餐廳真係未必食到架，同埋個廚師真係整得好好食，不過老闆都同我講左想食既話預早同佢地講聲，因為未必成日有。不過真係好好食加上我見佢地成日都有推出新既菜式，起碼多啲款式可以諗下食咩！最重要係有時我地成班五知想食咩好既時候，佢地都會比啲推介我地諗下，起碼少左諗食咩既煩惱

每次過嚟食飯都好開心，員工很親切每一次都會介紹好多新菜式，有時成日出街食飯都唔知食啲乜嘢好，這裏的員工會很親切地介紹有什麼好吃的這是我最喜歡過嚟食飯的原因之一，其次就係食物質素唔錯價錢亦不貴，這裏的例湯材料十足，我未試過一間茶餐廳送嘅例湯有冬菇發菜蠔豉雞腳湯的，這晚例湯我喝了幾碗，老闆見我鍾意飲還問我夠不夠可以拿多幾碗畀我飲，這晚我足足飲了三大碗例湯啊，我問老闆這麼足料嘅例湯是不是日日都有，老闆笑著說例湯天天不同的，如果你鍾意飲湯多D嚟食飯看看下次你碰上什麼湯，好開心滿足嘅一頓晚餐。

難得復活節長假, 好多人都去郊遊。 真係太多人, 我和朋友選擇去返小區食下野算。真係小區反而小人。我地黎到石峽尾, 美荷樓附近, 發現有新開既茶記。雖然唔係咩好少有特色店, 但環境新, 夠乾淨, 我地就入去食。由於限聚令, 本來冇咩人都要等位一陣。經一輪探熱, 清潔後, 我地叫左: 楊州炒飯, 海鮮炒烏冬, 豬扒包野飲都係一般餐飲, 但我覺得水準不錯。熱檸茶好似越黎越難搵到好飲既, 出面好多又苦又酸, 一係冇味，但這裡既熱檸茶真係仲有茶味檸味, 好正。而食物方面都真係幾好食, 我之前其實食過佢既乾炒牛河仲正。好有正式茶記水準, 而佢個豬扒包更係大過隻杯, 好利害。 這一餐真係值得回味，可以推介。