發記腸粉粥品 (寶鄉街)

营业中

休息中

晚上來這間粥店食晚餐，點新鮮蠔仔粥（$36），朋友點了碎牛肉粥（$32），再order了一個炸兩share食，好快就到，兩碗材料都好多，蠔仔好肥美，好大隻，好有口感，碎牛粥啖啖都有碎牛肉，碎牛肉好香，似有炒過先放粥！炸兩皮很滑，但中間唔算脆，再點了杯芝麻豆漿（$12），很香芝麻味亦都好大杯，食完很飽。

看完牙醫，醫生說要避免吃硬的東西，不如吃粥 ...“碎牛蠔仔粥” ... 可能蠔仔會出水，所以粥不見得特別綿，不過粥底是不錯的，牛肉是沒多少炸米粉的那種，粥不會糊口，而且牛肉很嫩，蠔仔又大大粒、飽滿、新鮮，總共有十粒，粥又加了蔥白、薑絲一齊煮，整體的味道、配搭很好，才45塊，「抵到爛」！“蔥花蝦米腸”，腸粉夠多蔥，又煙韌、嫩滑，豉油也鮮甜，所以沒有加麻醬甜醬，品嘗原味，很好。 吃完一大窩粥，本已吃飽，但剛才的腸粉實在太捧，我把持不住，馬上返兜，多點了一個“炸兩”，這個炸兩不得了，一座山一樣，絕對不是外面那些“炸一”或“炸1.5”，份量絕無欺場，粉片依然煙韌、嫩滑。

小店位置方便但座位不算寬敞，勝在有非常強勁冷氣坐得舒服，我家老闆帶著我由舊舖跟到來新舖也已經一段時間，喜歡這裡食物出品甚住，尤其是鮮蝦腸粉，暫時是大埔區內我吃過最好味的。

🧧大年初二慈山寺参学后有机会第一次来大埔广福道这边吃饭，大家一起愉快喝稀饭！自从来了香港以后，对什么粥粉面的热爱就从未停歇，一天三顿喝粥都没问题。🥣这家店的地理位置相当不错，就在广福道边，巴士站引入眼帘，港岛大埔神线307便可在此搭乘。小小令人失望的是这家店的粥我觉得偏稠，喝到后面和在内地街边2块钱的洗锅水并无二致。比较钟意他家的炸两，肠粉裹上油条，一定要多加芝麻酱和芝麻，双重芝麻散发出的香味令人食欲大开！

位於大埔平平實實一間老字號粥品店，發記除咗大埔老店之外，仲喺同區開多咗間分店，朋友都推介過幾次，用心製作、好味大碟又經濟，今次經過一於入去試吓。坐位陳設同一般粥品店差不多，但用有椅背嘅櫈，坐得比較舒適，裝修簡潔平實，感覺清潔乾淨。#豬什銀針粉 $36銀針粉都好耐無食，通常食都係浸湯，呢度係用醬油炒，仲要豬什炒，我都係第一次食，本身都唔係好食內臟，不過朋友話係必食，就一於試吓，果然無介紹錯，銀針粉個醬油味好濃郁，唔係一般嘅味道，總覺得佢個醬油係有啲橋妙，銀針粉炒得乾身，細細碟都好有鑊氣，豬什爆炒得好香，尤其覺得豬粉腸好正，唔會覺得有浸內臟嘅膻味，配料有椰菜、芽菜及紅蘿蔔絲，好味到有啲覺得唔夠喉。#傳統炸兩腸 $19呢度食炸兩最正就係新鮮包，意思就係油炸鬼仍然脆卜卜，俾熱辣辣嘅腸粉包住，做到內脆外滑。腸粉厚薄適中，份量都有三條，自行將甜醬、辣醬、麻醬盡情唧上面，超級混醬大啖食，入口層次豐富，滋味無窮。#靚靚碎牛粥 $27越來越少地方有得食，見到餐牌有就即刻叫，都幾大碗，有味粥底好綿，用個小瓦煲奉上，保持住熱辣辣嘅溫度，仲見到一個個滾緊嘅小泡泡，生滾免治牛肉再加炸米粉，加埋蔥花，回憶味道返晒

星期六去幫襯粥店來個中式Brunch，叫了艇仔粥、炸兩同炒銀針粉三樣野，一共$74，邊個話食粥會平d架？不過又咁講，味道同份量都ok的。呢間粥店的艇仔粥係用類似煲仔飯的小煲上嘅，所以份量都算大，收$30都可以接受的，配料都係魷魚豬皮瘦肉嗰啲啦，個粥都ok的。炸兩都算新鮮，唔似係一早整定嘅，油炸鬼都係正常唔會脆嗰種啦，其實唔un已經好好。本身諗住叫豉油王炒麵但見到有炒銀針粉見好少見咪叫吓啦，炒得都算香，唯一挑剔就係真係比較油。

❤️食過好多間蠔仔粥，發記係真正新鮮蠔，粒粒飽滿😍😍😍，唔腥唔臭，裡面仲有足料，唔係得幾粒個種👍👍👍👍👍❤️炸兩都好正，內脆外軟🤤🤤 🤤好多其他店嘅炸兩裡面都淋又韌🙄。醬料又足，醬油，甜醬，芝麻醬，自己任加，有埋芝麻任加。❤️及第粥都好好味，足料。❤️銀針粉一定要食，炒得好夠火候！重點留意避雷！ps 元朗鳳峳南街後面有間假發記！大家千萬唔好去，有齊上面講嘅其他店的缺點！仲要扮發記😡