影片
电话号码
31651387
营业时间
今日营业
07:00 - 17:00
星期一至日
07:00 - 17:00
以上资料只供参考，请与餐厅确认详情
因為要過嚟「鑽石山殯儀館」出席喪禮，而喪禮 就正正晌中午舉行，喺簡單嘅告別儀式，完咗之後同個朋友順向鑽石山方向落去，大家對食無乜太多要求，純粹就腳，就嚟咗呢間「敍苑粉麵茶餐廳」食個晏。其實「敍苑」喺慈雲山都有一間分店，好多年前都幫襯過一次，印象都喺一般般。入到去，環境非常之大，啲位都好闊落，相信都開咗好多年，裝修已變得有啲舊。我哋就啱啱好搵到個角落卡位，淨淨侷食吓飯，傾吓近況。餐牌就隨意影，而午市有供應嘅選擇都不外乎碟頭呀、粉麵呀、午餐呀、快餐之類。花生豬手飯 $56老友原本想食梅菜蒸鯇魚飯，但竟然乜魚都賣晒，所以改咗食呢個豬手飯，豬手都成5件，不過，就唔喺好大隻，味道佢就話OK，都算鹵得入味，反而飯量就多得驚人，但老友好犀利又食得晒喎。牛筋丸河 $47小弟就輕怡少少，揀咗個粉麵，份量方面跟出面啲粉麵店差唔多，啲河粉都幾滑溜，湯頭都唔錯，不過，啲牛筋丸就爭少少，咬落去未叫得做好爽口，有少少溝粉嘅感覺。熱奶茶嚟茶記就照慣常嘆返杯熱奶茶，因為普遍嚟講都唔會差得去邊，咁老實講，佢杯熱奶茶都算唔錯，茶底都叫幾芳香，喺柔滑度爭啲啲。因為餐廳本身客人唔多，所以，食完都唔趕你走，可以慢慢坐，阿姐仲收拾好晒枱上碗碟，抹一抹乾淨張枱添，咁我哋又坐得舒服多少少。
继续阅读
叫左早餐兩食送麵，點知只來飲品，過左一排都無麵到，以揮過手，阿姐有應但無來！無法了（我夠鐘）要走，都要收20！俾得條氣唔順😡😡😡😡😡😡😡😡😡😡😡😡😡😡😡😡😡😡😡😡下面仲要評分，有無0分呀，下面評星係假的！我俾0分0分0分呀
继续阅读
好耐冇食呢間, 佢疫情期間變咗好多例如餐牌款式少咗同埋變咗唔做晚市, 5點就close. 今次試咗兩樣之前未試過嘅: 梅菜扣肉飯+酥炸魷魚鬚. 總括來說兩樣都超級鹹…-梅菜扣肉飯: 份量冇問題夠我食一餐有多, 最後食剩半碗飯. 肉嘅質感幾好夠淋, 只不過佢超級多油(參考下面第二張相)同埋好鹹-酥炸魷魚鬚: 分量多, 魷魚鬚夠大條有咬口, 即叫即炸炸得好脆, 不過佢炸完之後落咗好多鹽, 整到成碟超級鹹-最後食完我要狂飲水因為真係好！鹹！🥲下次如果再去我就試吓其他本身冇咁鹹嘅嘢食e.g炒飯, 睇吓係咪都係咁鹹先.
继续阅读
呢日本來請咗假嘅 #小秘書，因為工作安排，臨時比英國嗰邊號召返公司🤨 #小薯 嘅我唯有唯命是從🙇🏻♀️🙇🏻 諗住落樓下食個早餐先返去啦，點知慢吞吞嘅我搞到過晒鐘，只好改變主意轉食午餐😅 可惜ABCDE餐都唔啱我胃口，靈機一觸記起爸爸話過「敍苑」個 #梅花扣肉飯 都唔錯，一於試試😆外觀望落去都幾吸引，只係顏色深色咗啲，醬汁好濃好杰，味道都幾咸吓😅 不過用嚟送白飯都OK嘅。講到啲 #扣肉，都炆得幾夠火路，係某啲部位比較瘦，食落比較鞋口😅 不過眼見周圍嘅人都食得津津有味，係咪我要求過高呢？或者大家就係貪「敍苑」夠地道，阿姐啲招呼夠人情味掛。簡簡單單一餐都OK嘅😉
继续阅读
first of all, horrible hygienic level. (why this restaurant still operating in Hong Kong?)secondly, terrible staff attitude. (why hiring so many uncivilized elderly lady? they were so loud and dirty. this disgusted everyone in the restaurant)thirdly, the food is actually not bad, good skilled chef. The only issues is the cleanliness, is the owner ever care how the service staff clean the cutleries? I will report to local authorities to address the hygienic issues. This actually worst than some of the dirtiest restaurants I ever visited in mainland china. Terrible.
继续阅读