叙苑粉麵茶餐廳 (已結業)

都算係我去過態度最差的茶餐廳,迫到我唔開openrice鬧都唔得 !!!!!!!!!!!!!由於整天只係朝早食左個飽....去到2:00p.m .....直頭肚餓死....約左mum 係klb 行街, 行街前打算同mum 食個下午茶醫醫肚先...結果入左喱間茶餐廳....恐怖事情黎啦 一入到去, 見到好多人等位......心諗星期日多d人都唔奇怪既.....好啦同媽咪等等等 差唔多5mins 終於有位.....坐低 之後 叫左至少4次叫人黎執野....冇人黎...有個呀姐 見到我地揮手 佢望一望 居然冇理我地...自己坐低 係到食佢既 lunch.....有冇過份d呀.....叫你其他同事幫手執都好呀...完全冇反應 當睇你唔到....再揮手其他d呀姐 都係當睇你唔到....等左5mins 先有人 執野.....仲要好差態度叫等等.....去到落單 都要揮至少4手先有人理... 最令人火爆係 中途係見到d呀姐 自己係到傾計 有講有笑.......當d客透明一樣 !!!!!!!!!!!我叫左個雲吞米線($27), mum叫左牛腩河 ($29)雲吞米線: 的確係好多雲吞 , 大約有 5粒

呢間店位於大街.做的是附近居民生意.買的有點心.小菜同潮式粉麵.環境有少少舊.得少部份卡位.其餘也是圓枱.而服務也不過不失.今次主要係食潮式粉麵.價錢雖則不算好便宜.27至29元一碗包飲品.也算合理..凍檸茶:茶味弱,檸也足夠.但味道我也嫌太甜....牛什米:一點也不肥.連牛腸,其餘的火喉也足夠.湯底也不會過鹹,而份量亦足夠.已合格有餘....其實我入去前.我覺得.呢間店會好差...結果都不是..值得笑臉

非常"就脚"的茶歺廳，不妨一試早歺有中點(雞扎、蝦絞、燒賣、鳳爪、蒸飯)，牛雜雲吞麵，三文治，公仔麵，多類選擇。沙爹牛肉麵 (x2) - 沙爹牛肉不太咸，但少了洋葱香味，覺得欠了些甚麼麵淋了少少，整体不錯午歺肉、炒蛋、多士 (X2) - 午歺肉太乾，炒蛋不太多油，多士凍了....淋咗，如果上枱即食，應該好好味凍奶茶少甜 - 欠茶味，失敗凍檸茶 - ok共52元

今日同2個朋友行德福....攰攰地想食d野.....商場入面d餐廳太貴啦.我多數會行遠少少去敘苑食吓野.貪佢比較多元化.....奶茶呀咖啡呀....西餐快餐.....粉麵飯都有.....我鍾意呢度的盅头飯+奶茶.....天氣太熱好彩呢度d汵氣ok舊式茶餐廳格局...不過佢d牛腩.牛什我就吾太喜歡食..好乾身有渣..反而呢度的奶茶呀盅头飯ok架快餐都算大碟好食.....希望佢地d牛腩.牛什整好d啦........哈哈

正月初一‧晴今時不同往日，就算是年初一，都有不少的地方都有東西吃，如這裡。下午時份來到，非常的多人。見有牛腩，加五元還可以有坑腩，就來一碗坑腩米。等了好一會才有得吃，似乎單就幾多。說是坑腩，看上去也不似是好吃的部份，收多五元，有點欺場。吃起來幾韌，水準很一般。反而個湯底有點牛肉味，意料之外。包飲品，杯熱咖啡毫不香濃，一般水準。年初一，要加一，無可厚非，不過這裡的水準似乎也只不過爾爾。

一個3點3的時間去咗叫了一個正常價錢的麵食,好可惜換來係一個如同下午茶餐也要好的份量碗麵,一眼數到四粒白墨丸及加上丁丁小米線,好彩...好彩已叫加入腩汁,不然有可能係白開水+鹽粉+葱花就是其湯底冇否定佢嘅墨丸同魚丸係好出色,（因之前也有食過...）但也要比多點兒良心,不是每樣食品也賺到盡,現在我明白到點解街上乜乜米線,物物米線會由早都旺到晚,【原因除咗材料,湯底也勝本地茶餐廰十個讚,】『價錢约論差不多,你會捒多餸,湯底好,麵底厚,』還是.....還是這種茶餐廳!!食材比誠意減去不少分數!對唔住你係我心目中只有60.分剛好合格~~

這間餐廳以往我多數都是叫外賣的,而且食的也是盅頭飯和點心今天因為踢完波 所以和朋友們入去食這一次因為太肚餓的關係,所以叫了價錢合理而不需久等的快餐我點了- - 白汁雞扒紅腸飯和凍檸茶少冰白汁雞扒紅腸飯- - 白汁不會太多和"杰" 飯的份量也足夠 撈埋黎食簡直一絕 雞扒是煎香的 當然肉質是一般 但是份量很大 價錢來說也是便宜的 在晚上時間這間餐廳也是一個不錯的選擇

敘苑在九龍灣這一帶是較有規模的茶餐廳。除一般常餐和小炒碟頭飯外，也有點心和牛什粉麵。平時來多會吃肥腩米，這裡的牛腩雖說不上非常出色，但在沒有潮式粉麵檔的淘大(甚至九龍灣)來說，是不俗了。今天到來，點了：燒賣雖是茶餐廳，也有點心吃！款式不多，但整天供應，也有盅頭飯賣。燒賣是酒樓級數的，內含鮮蝦！味道也比得上酒樓。不是那些街邊的魚肉燒賣。蛋牛治烘底包雖烘得不錯，但錯在方包不靚，不夠鬆，所以烘得不脆；吃下像吃紙皮。蛋牛則不會煎過頭，收貨。熱奶茶奶茶一般，有點點酸味。整體來說，是一間可以的街坊茶餐廳，路經也可一試；但不是出色到要特地拜訪。

　　這篇是差不多大半年前的食評，其中的評價可能已不適用於現在，請大家注意。　　九龍灣是會考前每星期必到一次之處，許多食肆都試勻，這間茶餐廳也不例外。衛生沒問題；招呼也ok，茶餐廳質素；環境也夠光亮。　　我和友人每人一煲，冬天暖暖身子。實在味道我實在忘了，但我記得的是我和友人都一致認為我們的煲仔飯不好吃，特別是我的白膳那份，有異味，所以我最後只吃了一半。牛肉窩蛋我試過覺得ok，不特別好食但也不特別難吃。為何我印象會這麼深刻，是因為我一向覺得煲仔飯只要跟足程序，不理用什麼煲和什麼爐，好難唔好食。用炭爐當然較好，但不用也不會差了，我又不是食慣炭爐煲仔飯。這家的煲仔飯真係唔好食，不管是不是間中失手，應該未必再來，反正同類的茶餐廳大把，九龍灣食肆選擇也多。

一早, 要來九龍灣辦點事. 約了人9點半的, 我8點45分到, 應有大把時間. 早上有時間Spare會做乜, 當然會去食返個早餐啦. 巴士站後面的牛頭角道, 就有大把野食.就過了馬路, 就有一間茶餐廳. 說有半小時spare time, 但因為要行返去德福才發現實際上我有既時間其實唔係幾多. 呢份早餐, 需要急急地食用.茶餐廳手腳都幾快, 落完order, 轉個頭, 一份牛油方包及火腿奄列火速的盛上. 方包軟滑的, 奄列雖是薄薄的, 但以早餐份量來說, 其實夠哂.之後, 是早餐的主菜, 我叫的, 是紅腸湯意粉. 湯意粉, 是香港特式, 一個中西合壁, 由冰室創立的西菜中食既食品. 用上雞湯做底, 味道好壞其實是看雞湯是否濃烈. 而這個湯底不是濃, 算是有點味道果種. 不過, 味道都可以, 紅腸是煎過再放湯的, 味道特別的香口. 意粉, 是港式的全發脹意粉, 剛好發到最後的階段, 非常腍, 但又唔會一夾就斷開. 算是不錯.用了20分鐘食完個早餐, 匆忙地, 趕過去地鐵站, 寧早到不要遲到.

今晚叫外賣諗住叫d小菜, 叫了一樣菜芯炒牛肉, 據我一向食的炒牛肉, 首先是會用鮮牛肉炒(不會是早餐的沙嗲牛肉的), 二是真的會把菜和牛肉炒在一起,起碼會乾身的囉!請大家看看這碟所謂炒菜,其實是把"6"菜放在下面整齊排列(因為是"6"的關係),,超多水;上高舖上一層沙嗲牛肉(早餐專用果隻)(看附圖)。估不到叫外賣苦等了45分鐘後,仲打了去催促後, 一打開竟會這樣...其實, 這已不是第一次了, 之前叫牛肉也曾經給予早餐的沙嗲牛肉! 這一次我們便決定打去投訴他們(加上等了近一個鐘), 哇, 原來佢d態度哋係咁, 他們不但只說炒菜是這個樣子的, 而且仲講佢哋只是專登把菜整齊排列好喎(嗱大家睇圖學嘢),真的第一次聽見。佢哋當然無道歉, 仲給線添! 無禮貌到極點!!!!!!!!!其實如果大家想吃到真正的炒牛肉,真的要事先聲名要鮮牛肉,否則會是早餐的沙嗲牛肉囉!仲有,炒菜也要事先聲明,否則佢哋會答你,「師傅炒完d菜會逐條逐條排好佢」。真的不明為何炒完後會菜還菜,牛肉還牛肉,水還水。(其實咁咪唧係冇炒過囉!)真心的一句抱歉真的這麼難嗎?有錯要認不是小學生也懂得的道理嗎???

工友食評來到九龍灣鑽地，下午茶時間醫肚餓最就近的就是呢間叙苑﹗熱屎辣辣要我食粉麵飯真係無興趣，所以來個淨雲吞充飢便算﹗雲吞夠哂大粒，一碗有成七八粒咁多，行內少見﹗吃落味道鮮甜，每粒都起碼有三隻蝦肉，雖未算大蝦卻爽口彈牙，豬肉比例岩岩好，不會搶哂蝦味，份量中庸確不同﹗埋單又唔係貴，$22蚊，食完唔會飯氣攻心，繼續集中精神鑽地，好好好﹗

呢頭要找外賣食午餐，我估試左咁多間最平都係呢間﹗$14有鳳爪排骨飯，份量仲要不少，鳳瓜一隻排骨成十幾粒。味道尚算不錯，不過味得很緊要，不是豉油的問題，而係本身蒸飯時下得太多油了，食完感覺很膩﹗

十二點，一個食宵夜既時間，不過因為training既關係成為我晚飯既時間。唔想太夜訓所以食少少野算了，要左個北菇蒸雞飯，飲熱奶茶。胃已經痛了幾小時了，好在幾分鐘就有得食。不嬲都覺得呢度既蒸飯好好食，今天更加覺得好食。滑雞無滑，可以盡情的吃，飯的水份亦適中，好食!熱奶茶沒什麼期望，但有驚喜!十分滑而且有茶味廿蚊換了一餐好食的晚餐。

前前後後師傅黎過呢間食店都好多次, 但點解到今時今日先有食評呢? 全因師傅唔係唔記得食店個名呢, 就係唔記得個字點寫, 所以搵唔到囉! 今次終於的起心肝, 記底食店個名喇!兩口子入到去, 伙計招呼坐底, 商量一輪後決定要一隻糯米雞, 一籠蝦餃, 干炒牛河同埋豉椒排骨飯! 先講下隻糯米雞, 糯米雞都幾大隻下, 份量幾夠, d料有雞粒同埋小小冬菇粒, 好香好味, 而糯米就唔黏牙, 但拆開塊荷葉時就發覺幾黏手下, 呢度差少少; 蝦餃一籠四隻, 蝦肉算爽口但皮唔算叫厚, 茶餐廳黎講收晒貨啦, 師傅覺得隨時好過好多酒樓呀; 干炒牛河炒得好靚, 色澤賣相真係相當吸引, 牛肉都幾多而且幾鬆, 不過就油左少少啦, 但就真係好好味; 豉椒排骨飯排骨真係骨多過肉, 而個豉汁唔算太吸引, 不過都算大碟, 可以啦!總括黎講師傅覺得呢度選擇好多, 有點心, 牛什粉麵, 炒粉麵飯, 煲仔飯等等, 真係應有盡有; 而師傅最鍾意呢間食店有點心食, 除左可以當飲下茶咁, 仲可以有其他野食, 加上質素唔差, 價錢相宜, 一籠點心都係十雞, 加多六雞就可配熱飲, 絕對抵食; 師傅覺得呢類型點心茶餐廳都算幾特別, 師傅下次一