疊囍居

营业中

休息中

喺觀塘飲茶多年，終於有間稱得上最高質，食完讚不絕口嘅酒樓，一定要推介俾大家🫶🏻喺開源道馬會對面嘅源成中心，好易搵好方便📍下午茶竟然有超抵灌湯餃，平時食親都$40左右，呢到性價比極高都只係$19.8，必需人頭一人一盅😍🥢極品鮑魚灌湯餃 $19.8超抵，真材實料，鮑魚彈牙爽口，灌湯餃內餡有蝦有肉，足料好食🤤🥢明爐燒鵝湯粉（碗）$36.8🥢蜜餞叉燒（碗）$26.8又係好抵好好食，呢到出名燒味，燒鵝同叉燒都好正，叉燒好腍入晒味，燒鵝油份多夠香口🥢鮮蝦菜苗餃$31.8皮夠薄，餡料多，蝦肉爽口彈牙，好多菜苗🥢叉燒餐包 $36外面甜甜地，麵包軟熟，叉燒餡係蜜汁甜甜地，好食🥢原隻鮮蝦腸粉 $49大大粒先啦，腸粉夠滑夠薄，好好食🥄生磨蛋白杏仁茶 $38估唔到呢到甜品一樣咁好食，蛋白同杏仁茶都夠滑，好香杏仁味，好鐘意🚩疊囍居 (觀塘) 📍觀塘開源道64號源成中心2樓

觀塘酒樓特別多,通常都會係APM或者鱷魚恤中心揀一間,今次兩邊都唔揀,揀咗源成中心的疊囍居。星期六下晝都有啲抵食點心，🤗冰鎮醉香鮮鮑魚和黑松露炸蝦角都超抵食！兩款點心都係$9.8。🔸冰鎮醉香鮮鮑魚鮑魚真材實料,份量足,鮑魚肉質細嫩有咬口,味道帶酒香。🔸黑松露炸蝦角外皮炸得香脆微韌,蝦肉彈牙,黑松露的味道很突出。🔸砂鍋鮑汁炆鳳爪鳳爪炆得很腍滑,而且入味,勁重膠質,食完個唇有黏笠,鮑汁濃郁鮮味,而且很夠熱。🔸原隻鮑魚灌湯餃湯底清,但味道濃郁唔會死鹹,味道鮮甜,餡料豐富,鮑魚質地彈牙腍滑。🔸黑松露珍菌石榴粿外皮軟腍易散,裏面有幾種菇菌,口感爽口,黑松露味較淡。🔸冰花紅蓮燉桃膠呢款甜品有桃膠、紅棗、蓮子,龍眼肉,味道唔會太甜,又夠熱,食完仲好滋潤,啱曬秋冬季節食用。點心款式多，味道唔錯，坐得亦都舒服。

呢間酒樓乾淨企理，服務又好。午市點心選擇都幾多，仲有特價食品。當中必食推介係$9.8一隻嘅冰鎮醉香鮮鮑魚，真係超抵食！鮑魚彈牙，有酒香，冰鎮後更顯鮮甜，絕對係必食😋點心我哋叫咗蝦餃皇，蝦肉爽口，餃皮夠薄。而上海小籠包新鮮熱辣辣蒸起，湯汁鮮甜，皮薄餡靚～～另外，原隻鮑魚灌湯餃，有大大隻鮑魚，用料十足。手打陳皮牛肉球，牛肉大粒，陳皮味香濃～～至於香煎瑤柱蘿蔔糕，一入4件，蘿蔔糕厚身結實，煎得金黃～～

今晚選擇新店舖「疊囍居」吃晚飯，除了位置處於交通的觀塘區，更重要是要一嘗地道的廣東風味佳餚，新店舖裝潢亮麗整潔，空間感寬敞，座位舒適，服務殷勤。百里香雪花牛肋條~賣相有大將之風，出得廳堂又美味，齊條雪花牛肋排拆骨，配以百里香的清香，肉排腍滑鮮嫩，肉味香濃可口。椒鹽原隻吊桶仔~薄漿酥香脆口，吊桶仔肉質嫩滑鮮美，相對椒鹽鮮魷就更加吸引了。 鮑汁真菌炆伊麵~甘香的伊麵吸收鮑汁，吃到簡單的美味，實而不華。蓮子雪耳桃膠糖水~金秋時分，免費奉送此養顏潤燥糖水，真的幾窩心架。菜餚整體表現以鮮取勝，沒有味精口感，可以再來飯聚。

位於觀塘源城中心❣︎疊囍居❣︎係一間食粵菜同點心海鮮酒家，裝修高貴舒服，呢到嘅點心超好食超推薦比大家，我今日去到全場full晒，仲好多人等位添，侍應推介我食燒鵝，佢話整燒鵝嘅師傅係由北京請來👍🏻 而且係現場即烤，不過我今日來嘆茶，下次一定要同家人來晚飯試下佢地嘅燒鵝先😋👍🏻❣︎醬燒妙齡鴿❣︎$68🌟必食推薦🌟乳鴿燒得皮脆肉嫩，馥郁香氣，食完包你唇齒留香😋👌🏻❣︎魚肚棉花雞❣︎$39魚肚軟腍入味，雞肉大件嫩滑，仲有冬菇同蟹柳，相當足料。❣︎南乳花生豬手❣︎$29🌟必食推薦🌟豬手炆得軟淋入味，佢個醬汁教得非常出色😋👍🏻加左啲黑椒粒落去，有少少辣更加惹味。❣︎啤梨鹹水角❣︎$39🌟必食推薦🌟整成啤梨形狀相當可愛👍🏻外皮煙靭酥脆，餡料鹹香軟糯。❣︎原隻鮑魚灌湯餃❣︎$58灌湯餃超大隻飽滿，湯汁濃郁夠味，內有原隻鮑魚。

中菜在任何時候都是我和家人的Comfort Food 😋 中菜多變化，百吃不厭！ 今晚到訪位於觀塘的疊囍居酒樓食中菜😋 餐廳環境幾寬廣舒適，高質菜肴吸引了不少食客。我們點了三道特別推薦的小菜，每一道都很回味-🔸柚子醬脆皮蝦球 $148這道菜讓人一試難忘。蝦球外皮超薄酥脆，蝦肉超大粒鮮甜多汁。柚子醬的微酸微甜與蝦球的香脆完美結合，為整道菜增添了一層清新的味道-🔸正宗文昌雞半隻 $168 文昌雞肉質鮮嫩，皮薄肉滑，每一口都充滿了香氣。配上特製的薑蓉，讓雞肉的鮮美更上一層樓，絕對是雞肉愛好者的最愛-🔸龍蝦湯西施泡飯 $168這道泡飯以濃郁的龍蝦湯為基底，飯粒吸滿了鮮美的湯汁，還加了蕃茄粒、香菇及勝瓜。每一口都能感受到龍蝦的鮮甜和米飯的柔軟，簡直是天作之合，令人回味無窮-疊囍居的精緻料理和優雅環境，讓人流連忘返。 下次再同家人中午來飲茶食點心😋

呢排都係公司工作多，都係附近食下野、原來觀塘有間中菜都幾好食，再加上有唔同嘅海鮮，點心、有啲特價菜例如冰鎮鮑魚嘩都係$38.1隻大大隻超抵！仲有仲有呢度嘅乳鴿同埋燒鵝都有特價！另外呢度嘅下午茶都係非常之優惠有好多唔同特色嘅小菜同埋小食！大家經過觀塘都可以留意吓！我見到今次有個雞煲翅竟然係有特價！咁就一定要試吓！跟住我就買咗呢三款：百里香雪花牛肋條288首先唔使講大大條好多肉，牛肋條味道獨特百里香未到滲晒出嚟！同埋非常之嫩滑！宮廷雞湯翅$88眾所周知就係非常足料，雖然感覺唔算好大煲，份量比較少但係未到就真係都好濃，加上真係食到雞湯翅，都算值回票價！冰鎮醉鄉鮑魚$38呢個就更加唔使講啦、爽口彈牙味道偏自然！但係以冰鎮鮑魚嘅質地來講做得唔差！疊囍居觀塘開源道源成中心一樓

前龍皇位置，在youtube上得悉另開新酒樓，有下午茶時段，所以決定一試。裝修光猛，約14:45入座不用等位，目測樓面員工數目充足，服務尚算快捷。極速點了三個下午茶點心加一碗义燒檬粉(讚！以及超熱潮州粉果和灌湯餃)，再後加兩樣點心，特意點名蘿蔔糕只是微暖，下次可以省略。整體上是可以再光臨，唯獨落單方面有改善空間(為何沒有掃二維碼自助落單？仍然要呼喚職員幫忙)，埋單時發生小插曲以致鄰桌一項點心錯誤地加進我的賬單內(因為職員之間仍以長距離呼喚落單點心內容)，最後職員都禮貌地致歉更改，讚！

這家位於觀塘新開的中式酒樓，位置優越，从地鐵站走1分鐘就到達。而他最特別的是很新開張的特色點心保證你看了介紹和相片必定來嘗試一下。特別推介是他的水煮魚春卷，水煮魚特色是舊麻辣魚片特別香滑，而這個春卷內就包含了嫩滑的魚肉片和超勁香口的麻辣醬汁，廚師即點即做整件點心都非常新鮮，香脆麻辣口感非常特別。一般人都會嘗試他的鮑魚灌湯餃，鮑魚不是非常嫩滑，但是足夠大隻，絕對能滿足你吃鮑魚的慾望。肉骨茶腐皮卷，肉骨茶的味道香濃而腐皮卷吸收了肉骨茶的味道，吃進口特別滋味。

鮑魚好正好大只！鮮味夠足！星斑配蛋白底再炸一部，搭配很特别。龙虾配鬆脆麵包底，很特別很香，菜式非常創意和特別！鱼翅很足料，火腿當湯料很香！火腿單獨吃也很香。服務非常好，滿意！十分推介！

10月1日，11點都酒樓，見等8張枱，所以決定等下，點知最後成1點鐘先入坐😡😡個叫位阿姐，只叫3-4人枱，唔想做2人枱生意，不如直接cut左佢啦！等左1個鐘後都想走，就係覺得2，3張好快到，最後食物咩質素都已經唔會再黎你地留返枱做3人以上既客人啦！

作為前龍皇嘅忠實支持者，又在自疊囍居開張兩個星期以來已幫襯五次，本人覺得有資格為疊囍居寫第一份食評，雖然本人好少寫食評。本人之前喜歡龍皇，因為覺得佢個咕嚕肉係全世界最好食嘅，但食完疊囍居，發覺除了咕嚕肉稍遜，其他嘅出品，都比龍皇優勝。龍蝦伊麵嘅伊麵，超級煙靭，極有口感。文昌雞好正，好難得喺香港食到有水準嘅文昌雞。豉油皇虎蝦有意外驚喜，以後唔使去鯉魚門食海鮮了。豉油皇銀芽吊桶仔，超級有鑊氣，又一意外驚喜。頭抽乾炒牛肉河，終於搵到有水準嘅乾炒牛河。蛋白杏仁茶，每次必食。晚餐38蚊一隻嘅冰鎮大鮑魚，誠意滿分。最後講到本人至愛嘅咕嚕肉，味道滿分，只係本人稍嫌脆皮厚咗，口感無以前龍皇咁卜卜脆。