叠記咖喱

澳門超級紅的咖喱牛腩 是老字號印象最深刻的 就是這裏辣 真材實料人均幾十元 性價比不錯一般人建議 微辣 咖喱牛腩飯 $48都係屬於平價 甚至平過唔少快餐店招牌菜「祖傳咖喱牛腩」我覺得辣少少會好食啲 。味道同喺澳門食分別唔大如果唔鍾意食辣 可以揀滷水汁 當然咖喱會比較惹味-另外 推薦呢度嘅麵食，因為呢度嘅都叫做「橡筋粗」「橡筋幼」麵條有彈性另外仲可以加配料好似一般車仔麵咁-牛腩香經過長時間的炖煮 入味又可以保留到本身的咀嚼感份量完全對得住呢個價錢如果胃口比較大 可以加餸所以我另外加咗碗餃子 印象中30幾蚊價錢合理 大大隻 食得出係手包唔係.來貨 滿意我就會撈落咖喱一齊食瑞士雞翼 正常發揮 滷水汁唔錯糧尾的好朋友 咖喱牛腩飯 有肉有菜$48 想點 重點，佢幾細心，會分開咖喱汁上因為怕撈埋埋一齊就會 太辣驚喜！我更鍾意食牛筋 但係唔可以食太多如果唔係會好膩 飲品加$9 凍檸茶OK 大杯

聽同事講澳門叠記好出名，以前啲人去襯都一定會食，仲大排長龍呢家係香港已經有3間分店，今次食過之後發現佢地咖哩味唔重🤔 但香料味好足，入口温和，牛腩一片片，連住一層脂肪，唔會煮到好乾好鞋，牛筋反而煮得更軟腍滑嫩若唔夠食仲可以+$12追加配餸，有啲meun上面冇，但qr code入面有得叫😂例炸豬扒，呢個都幾推薦，外皮鬆脆，入面仍保留肉汁，夠曬juicy*牛三代麵 $63*如珠如寶麵 $53*牛三寶 $58

好耐冇喺香港食過車仔麵今日去太子花墟買嘢，咁啱經過呢間專門食咖喱嘅車仔麵，一於入去試吓車仔麵配搭選擇非常之多，叫咗兩款麵其中一款係牛三代麵裏面嘅餸菜包括咖喱牛腩、牛筋、牛肉片咖喱牛腩超級入味，而且好重牛肉味，牛筋非常之軟，腍超級黏口，額外再加咗份豬手同芥蘭份量都唔少豬手骨膠原超重，而且好夠腍，芥蘭都好新鮮爽脆如珠如寶麵非常豐富，包括豬皮、豬大豬、豬紅、豬手、豬頸肉另外再加咗通菜同白蘿蔔豬皮豬大腸同豬紅都超級入味，而且處理得好乾淨，白蘿蔔真係好出色，因為超級多汁，而且一啲都唔覺得老，又唔會多纖維，豬手同樣炆得好軟腍腍另外再叫多份炸雞翼$15有兩隻超級抵！而且炸得一啲都唔油膩幾好食飲品檸檬蜜都只需要加$9，整體CP值極高！下次會再想試埋佢哋嘅咖喱薯仔飯

之前去澳門成日特登去食咖喱麵，估唔到終於開咗嚟香港啦。而且仲有幾間分店，三間分店嘅位置都好方便，今日咁啱經過見到，咁就一於嚟試吓啦。我就叫咗個牛三寶麵，因為好食得辣，所以叫咗個勁辣，一上枱就已經聞到勁香嘅咖喱味，飲咗啖湯果然又香又辣，但係佢嘅辣味一啲都唔傷胃，個湯飲落好舒服。我認為最抵讚嘅就係佢嘅面底有好多選擇，我就叫咗橡筋粗麵，連埋個湯真係好好食，因為佢嘅面質雖然彈牙，但係都好掛湯，食落好香口。另外仲叫咗個咖喱三寶小食，我認為佢嘅豬皮最好食，因為夠大塊，而且吸晒啲咖喱汁，真係好香。因為朋友唔係太食得辣，就叫咗個小辣，我試咗少少個湯底。雖然唔係好辣，但係比較易入口同埋好開胃。而且呢度嘅碗碟好靚，碗同筷子都印咗舖頭名，非常適合打卡。而且呢度嘅牛筋都好好食，食落牛嘅質素好高。呢間餐廳又平又抵食，我覺得仲好過澳門嘅咖喱麵，不過嗰日佢都唔算太多人，希望多啲人知道呢間好食嘅咖喱麵店啦。

今日去太子上課！放工後往叠記咖喱食晚餐,我點了咖喱牛腩米線和凍奶茶,咖喱牛腩米線我選了bb辣,另外我選了炸朱扒,咖喱牛腩辣度適中,食落惹味,牛腩肉質鮮嫩,大小適中,入口即熔,食落啖啖肉,米線食落爽口,而炸朱扒炸得金黃,肉質爽口香脆,佐酒一流,整碗咖喱牛腩米線材料豐富,食落惹味,口感滿足,最好凍奶茶飲落茶味香濃,奶味香滑,餐廳座位舒適闊落,咖喱牛腩食落啖啖肉,咖喱辣度惹味適中,朱扒炸得金黃香脆,食了一碗惹味咖喱牛腩米線

下午茶餐算係好抵食，兩餸麵唔使$40 ，叫咗咖喱牛筋拼豬軟骨粗麵。本身我自己都鍾意食爽口嘅面，所以面底就揀咗正常。（佢係用app自行落單，好多嘢都可以有得揀自己嘅喜好，呢個值得讚。）碗面上枱嘅時候覺得好唔錯，又夠大碗，好可惜一夾起啲面，係硬嘅，得五成熟，諗住食咗啲餸先，用啲熱湯繼續浸熟啲面，好可惜，食晒啲餸，啲麵都係超硬，唔係爽口果隻，係未熟嗰隻。同店員反映，問如果有微波爐可唔可以幫我叮吓，佢就話佢哋啲面係咁樣，就冇再理我。咁我食晒啲餸飲埋杯奶茶，就唯有放棄啲面，真係冇辦法食到。奶茶唔錯。因為除咗面底之外，其他嘢都唔錯，所以ok評。

夜晚餓餓哋又唔想煮飯，入咗間麵店食。餐廳由澳門過嚟，主打咖喱牛腩，另外有多款唔同種類嘅麵食、飯、小食等供應。最多人叫應該係佢哋嘅雙拼麵，可以自行選擇麵條，配菜，醬汁等，唔夠飽嘅亦可以再加麵底同埋主食。雙拼麵要咗河粉，軟硬程度適中，湯底本身無味道，所以一定要選擇醬汁，滷水汁、腩汁、瑞士汁，個人最鍾意後者，味道最濃郁，鹹中帶甜。配料方面有豉汁牛腩同牛筋，牛味突出，唔嚡，牛筋爽口，而且幾入味。必點炸豬扒，炸至酥脆，薄切，鹹香味十足，越食越過癮，一塊絕對唔夠食。菜品方面有蘿蔔同生菜，新鮮，鮮甜，無渣，唔錯。水餃就有兩粒，皮薄餡靚，可以試試。

lunch買外賣返office食，行過見到呢間改自己個名做乜乜咖哩，諗住差極有個譜，點知有d嘢原來真係可以差到離哂譜，首先d牛腩又乾又鞋又柴又硬又韌，口感好似食緊湯渣咁，個汁一d咖哩味都冇，又稀又死辣，本人係食得辣之人都接受唔到佢果種唔識形容嘅死竦味，再黎就係咖哩牛腩飯居然冇薯仔而係用咗完全唔啦更嘅生菜墊底，生菜加埋果d唔係咖哩味嘅死辣汁水，一條菜都吞唔落，最後食咗兩啖(如圖)已忍唔住成盒扔咗，之後就餓到放工，本人甚少給差評及絕非浪費食物之人，但差成咁真心有責任提醒下。

心目中一直想吃那種夠多汁味濃郁好送飯嘅咖哩，可惜我誤會了😌入到去坐低睇完餐牌有感出事了，當吃了第一口時已知道唔對路，再吃發現係完全唔係路。我心諗我應該入錯左地方，我應該唔係想食呢種咖哩😌

傳承三代，有70多年歷史嘅澳門咖喱食店，叠記咖喱在香港太子開咗分店，梗係要過嚟試吓！餐廳地方潔淨高雅。主打傳統橡筋面，以及各種以咖喱為主的菜式。如珠如寶麵有多款餸菜：南乳豬手炆至軟淋入味，入口充滿骨膠原。豬皮口感Q彈。豬紅滑溜入味。豬頸肉口感鮮嫩帶脆湯底加左滷水汁，但唔會過咸，橡筋粗吸收湯汁，彈牙又美味！嗱喳麵餸菜更豐富：有豬腸、豬皮、豬紅、魚蛋、蘿蔔、生菜。豬腸乾淨冇異味，炆得夠林好入味。魚蛋彈牙，其他都好入味，橡筋幼沾滿加咗秘製辣汁嘅湯底，辣辣哋超惹味。小食：四寶豬份量都好多。有豬紅、豬皮，豬手、豬軟骨，全部都好入味，尤其係豬軟骨燜得非常入味及軟腍，令人回味無窮。凍華田和凍奶茶都夠味，不會過甜。

呢間1947年已經創辦嘅餐廳，真係夠曬歷史，最出名就係食咖喱，喺香港都有幾間分店。叫咗兩款雙拼麵，咁就可以試多啲餸，佢有款好特別嘅麵，叫橡筋幼同橡筋粗，食落比一般嘅面比較彈牙，完全冇鹼水味，值得一試。撈粗叫左麻辣BB辣，平時我都幾食得辣，但呢個BB辣竟然對於我嚟講係啱啱好，所以唔食得辣就記得唔好叫啦，不過鍾意食辣嘅朋友，就一定食得好過癮。呢度咁出名咖喱，我另外叫咗一款祖傳咖喱牛腩（$98），食落有獨特嘅藥材味，同一般咖喱完全唔同喔。

去花園街買花順便附近搵食叠記咖哩，話係澳門77年老字號😋聽講牛腩牛雜都好出色牛三代咖哩牛腩、牛筋、牛肉米粉配招牌咖哩汁，牛腩、牛筋都炆得好入味，有咬口，牛腩掌肥瘦適中，牛肉夠嫩滑有口感😋蘿蔔冇渣夠林，咖哩汁好好味唔會好咸嗱喳面豬腸、豬皮、豬紅、魚蛋、蘿白粗面 ，鹵水豬腸、豬皮鹵得好入味，煮得好林另外加一個小食，淨水餃🥟皮薄，餡多😋叫面加幾蚊就可以配飲品🥤都好抵食而且咖哩味好好味😋下次經過會再食

在網上見到很多差評，本身並不考慮去嘗試呢間「過江龍」，但係看見他在這個環境也願意在香港立足，勇氣可加，所以給他一個嘗試！垃圾都係一次啫果然網上的說話不能盡信，我不是一個專業食評價或者食家，但我直接講 我覺得好好食！1~食物質素我老公食咗辣魚豬扒包，我叫左一個四餸麵，個包份量足（如圖），我個麵叫左中辣，湯底好鮮，咖喱好香辣味十足。反正就係我哋兩公婆都好鍾意食❤️2~餐廳環境相比起其他車仔麵座位舒適，冷氣夠凍3~服務態度幫手落單嘅姨姨好有禮貌，但係可能對餐牌未夠熟悉總結～唔錯，有下次

叫了簡單嘅咖哩薯仔雞翼飯，仲以為可以好好食一餐澳門疊記咖哩… 點知…咖哩，好明顯係落辣椒油做嗰個辣味，完全冇咖哩嘅香味；啲薯仔一啲都唔入味，畀我感覺就是白水灼熟之後淋上“咖哩”汁；雞翼更加唔使講… 失望！

佐敦新開咗， OpenRice而家未有，真係未食過咁難食嘅咖喱車仔麵，一尾死辣 又唔香，都唔好講佢難唔難食 員工態度極惡劣，隔籬枱可以人手落單，死都要我QR code落單，都唔緊要，仲要落雨要我擺把遮喺遮架，把遮唔見咗俾人拎咗，串我叫我打電話報警先可以幫到我🤷🏿‍♀️