口甜舌滑 (已結業)

友人中意食中式糖水，食飽飯求其去間就近既糖水舖甜一甜。店舖唔大，可以坐20個人左右啦，環境係舊式糖水舖咁款，冇話靚唔靚咁白果清心丸綠豆爽清心丸係我成日見到都好想試但又唔知係乜黎既野，我見佢$24碗平平地所以就決定試一次，食落口感煙un既，但唔係糯米糍呀湯圓呀軟林林果種煙un, 綠豆爽我都未食過，以為係綠豆沙，但原來唔係，係碗好清既糖水加煲林阻但仲係一粒粒既綠豆，所以望落去係好清咁既，甜度適中，唔難飲既，我覺得還好。芝麻糊加湯丸湯丸大粒既，味道普通啦，友人食親中式糖水都一定揀芝麻糊既，但係見佢食剩半碗都係第一次見，我諗真係唔係好得，佢剩係講阻話好杰，就冇講其他野。。。

自己食完lunch，就仲想食碗糖水。點咗一份鮮芒果西米撈，芒果畀咗好多，整大碗都擺住大塊嘅芒果，西米口感都好好，好煙韌，粒粒分明。甜度都唔會太甜。食完仲打包咗多一份榴蓮飄飄返屋企食，榴蓮都可以食出是真嘅榴蓮肉，唔係個種冷凍速食嘅榴蓮醬。

係九龍城食完飯買碗糖水歸家食做甜品，懶得行去地x館，行過見有芋頭西米露，都算少有，記得以前佳x攞星星前個芋頭西米露真係好好食，一攞星試過一次就無再去，舊式糖水真係越來越少地方左， 難得見到就買左碗凍ge試試啦，到屋企開黎食，一入口無芋頭味，過甜，仲帶有一絲微酸，好怪，以為係人地舖頭ge特色，咬一啖芋頭粒就明白曬，酸宿味，哈哈～真垃圾～真係一碗壞左ge糖水～哩碗凍西米露都唔知係雪櫃雪左幾耐～不求日日新鮮製作，至少要食得掛!!!!？？？

每次去九龍城食完晚飯後，都會周圍揾吓有咩甜品好食。今次去到呢間裝修唔算出眾，但價錢合理，而且有不少款式以供選擇的小店。我當然點招牌甜品-鮮芒果西米撈，話明推介緊係無令我失望。最讚係用鮮芒果汁做底，食落有一股清新的感覺，加上芒果汁很鮮甜。芒果份量很足，顯出店主大方，用鮮果汁做底將成本大大提升。作為甜品控，我一向對甜品嘅要求都唔低架，值得一試！呢款西瓜大菜糕很適合不嗜甜、愛清淡的食客。西瓜清甜，大菜糕夠冰涼，很適合炎夏消暑。

聖誕夜,諗住以一碗美味既糖水作結,於是專登過九龍城。記得呢間以前都有好幾間分店,其中一間喺新蒲崗,印象中一直都係唔錯的,只係新蒲崗執左之後都幾乎冇食過了。九龍城太多糖水鋪,花多眼亂,就諗住食呢間menu比較多選擇。佢呢間係叫大部分糖水都會拎住罐花奶去你面前問你加唔加花奶蜜瓜涼粉冇加花奶,味道一般般焦糖布甸大菜糕可能我真係有D誤會........原來焦糖布甸係碎上,大菜糕又唔夠爽,我仲要叫佢加埋花奶,成件事就係得個甜字,甜到食唔晒唉,以前既水準去左邊....

《城寨飯後一點甜😋》每次黎到🐉九龍城，幾飽都好，總係好想係度食碗糖水。------------------------------依度最出名係芒果同榴連，今次叫左楊枝甘露（大）同榴連飄飄（大）😋楊枝甘露啖啖濃郁芒汁，爽！榴連飄飄濃香榴連配以兩種唔到口感既西米，又爽又香，絕對推介👏！------------------------------💁🏻芒果Fans 可以試試依度最正既芒果西米露芒汁底！比就咁食一個芒果更芒果！------------------------------另外潮州妹都推介依度既🍧清心丸綠豆爽，清清地，又有咬口，仲幫你下下火添！------------------------------由於小店關係，依度既份量相當足料！價錢相對附近既糖水店亦較平～絕對值得一試！👍🤗------------------------------😋口甜舌滑 (九龍城)九龍城衙前圍道7號A地下

九龍城小舖, 睇住佢由舊年唔起眼, 唔知賣乜, 到而家成間好清晰, 好光鮮, 食物質素更加有大進步!今次係幫襯佢呢期新加既西式甜品, 見佢新餐牌有士多啤梨雪糕厚多士、慕士、焦糖燉蛋、班戟、河粉... 今次揀咗士多啤梨雪糕厚多士. 店員表示要等20分鐘, 都OK既. 同朋友傾吓計, 打下機先朋友叫咗個焦糖燉蛋. 上枱好快, OK喎! 好香, 好有蛋既香味, 唔杰唔希唔太濃, 成件事岩岩好! 到我個士多啤梨雪糕厚, 面個雪糕好食! 成3塊厚麵包, 士多啤梨亦好多好夠料! 麵包蜜糖味好香! 成件事等吓都抵既! 如果推介, 我覺得焦糖燉蛋係GOOD! 另外店員亦有禮貎既! 下次會再黎試其他! 

知道佢地上咗網上外賣平台外賣平台，即刻試吓。唔」網上外賣平台 唔夠$80要加$55速遞錢，都ok, 叫得速遞都叫幾碗。首先網上外賣平台個平台好方便，可以加爆爆珠，平台好靈活。我住九龍灣果頭, 半小時就送到。碗西瓜杏仁豆腐花真係好香！食完個口仲有陣香味碗芒果布甸都好香！材料足亦新鮮！碗大菜高都好正！好有童年係街邊食大菜高嘅味道！因為第一次order , 亦係同店員之前有兩句，要求咗店員送前影幅相望望有無落錯。之前會擔心送外賣都會走晒樣或者凍晒，但而家咁樣又ok 喎！成件事仍保持香滑新鮮！

叫了一碗芒果西米撈食，勁多芒果另芒果好新鮮又甜口感一流而西米人大粒。環境感覺很干淨餐牌圖片價錢也吸引，桌面上的擺設也細心，服務方面非常親切。期望下次再嘗試其它的糖水。

住咗呢區好耐, 算係老街坊, 今日見呢間門面玻璃上有好大碗糖水既相, 先知原來呢度有間糖水舖.  入去坐時, 同侍應傾咗幾句, 原來呢間舖已開咗20幾年, 新老闆今個月剛剛接手, 所以個門面要大攪一番, 話要同黎九龍城食嘢既粉絲知呢度有間好正既糖水舖, 所以內外都重新包裝吓.比人有新感覺咁話. 咁又係, 無D大相都唔知有間糖水舖係街頭侍應哥哥都推介咗白果清心丸綠豆爽, 話唔係間間有. 師傅上菜都好快, 等5分鐘就有得食. 白果清心丸綠豆爽果然令人精神爽利, 又有綠豆, 又有蒟蒻咬吓,  又有白果, 原來係潮州特色甜品之一, 材料咁豐富, 先係$24, 食得過. 去開九龍城既朋友可以考慮吓食泰國嘢過黎"爽"吓!

本人嗜好是發掘一D小食店, 大財團壟斷巿場, 要支持香港小商店~! 今晚收咗工就落咗去九龍城睇有乜小店, 成個衙前衛道好多小店, 小食又有, 泰式又好大, 糖水舖都唔少, 今晚happy friday就食好耐無食既糖水去高興吓! 有好幾間糖水舖, 有幾間都要等食碗糖水啫, 真係唔想等囉, 行到街尾見到呢間"口甜舌滑", 唔洗等喎! 就入去試吓. 入到去都有好幾位客人, 似係街坊, 門口位亦有學生. 見佢地都食緊疑似芒果既食品, 我都叫返碗芒果西米撈先~ 嘩, 碗芒果西米撈一上枱, 有成7片芒果~ 好足料喎! 唔影相唔得! 個芒果汁撈底亦好鮮味! $40! 完全收貨! 又發掘到多一間小店值得支持! 

同朋友聚吓, 食完晚飯就轉場食糖水, 搵咗兩三間都好爆, 又唔想食碗糖水都等咁耐, 再搵搵, 遠處望見"口甜舌滑"就行去試一試. 入去是一舖小舖, 無耐就有位哥哥招呼, 牆上看圖點菜~~  今日天氣凍, 試咗個滋潤既木瓜雪耳. 同糖不甩. 木瓜雪耳好清甜木瓜亦好新鮮! 雪耳亦大塊, 無偷工減料喎! 唔會過甜. 一碗先$24正丫!!! 糖不甩皮好煙韌, 都算大粒 $25好抵食! 臨走店員哥哥仲細心提我地拎走隨身物品!  唔洗等位, 服務又好, 價錢又抵, 下次黎開九龍城都可以繼續食呢間!

九龍城出名多嘢食, 最多就係泰國嘢...今日落開黎, 試吓D糖水先. 離開遠見到個好sharp既黃招牌, 口甜舌滑個名幾過癮, 就入咗去試. 小舖一間都幾企理, 牆上有相, 可看圖點菜. 一坐吓就有侍應招呼. 今次食既係楊枝甘露. 碗楊枝甘露5分鐘內已上到枱, 個碗好滿, 望落好足料. 成炸西柚, 成炸芒果. 賣相唔錯. 食落口都新鮮同鮮甜.  個西米露底椰汁味好香. 料足亦好味, $34蚊算抵食! 聽聞遲D 食到$28再送多一碗西米露. 要密切留意吓, 同friend再黎過!

細細個已經見過呢間糖水舖，咁多年都冇試過就襯今年元宵節幫襯下啦，點知一試就覺得中伏...其實餐牌有寫推介係芒果既甜品，不過始終想慶祝節日，所以堅持叫左兩碗湯丸。我同寶寶分別叫左荔芋西米芝麻湯丸，同紅豆沙湯丸。荔芋西米唔差，都有好少芋頭粒。湯丸皮厚餡硬，似係未煮熟曬，或者d料唔好。以為紅豆沙最普通，應該實冇死架啦，點知就中伏了...紅豆沙味道酸酸的，好奇怪。湯丸照舊硬身厚皮。食食下聽到兩個侍應講一陣要去買湯丸，唔知係咪買黎賣架呢🤔希望佢買第二隻好食d既牌子。環境比較舊，亦都冇開冷氣。空間狹窄，不過侍應幾友善既。

雖然吃完晚餐，已經有點飽，因此就由土瓜灣行到去九龍城，雖然看似是一個地區走到另一個地區，但其實腳程只是15分鐘。然後行到去九龍城，又發現上次那間合成糖水，由於合成糖水的東西也不算太吸引，於是就再行多兩步，走到來側邊這間口甜舌滑。清心丸，好像以往在不少糖水店，也偶有看見這個稱呼，這次在口甜舌滑，就第一次試這綠豆清心丸。老闆端來的時候，還真的有點已打了個突。原來清心丸，不是圓形的一粒，而好像大菜糕切成丁方的模樣。清心丸也沒有什麼特別味道，的確是比較清，淡淡的味道，有點兒像大菜糕那般，中間又有點咬口、有點嚼勁。綠豆剝開了，沒了外衣，碎碎的綠豆爽。而楊枝甘露反而味道更佳，老闆下單的時候也有問我們要大的還是小的，但念在大只貴小的＄3 ，又點了個大的楊枝甘露。大大碗，看似椰汁非常多，內裏的餡料也不少，芒果、西柚、西米露都非常多，而因為椰汁夠多，因而顯得楊枝甘露非常之夾，質感也杰撻撻的。