古早台居

营业中

休息中

叫咗紅燒牛肉麵（$66）入面超多牛肉😍😍而且牛肉好腍，唔會咬唔郁！好抵食！性價比高～味道ok ，略嫌湯底鹹咗少少🤏🏻但整體都唔錯👍🏻珍珠奶茶就正正常常

古早台屋是一家位於九龍城啟德AIRSIDE 5樓FOOD COURT的台灣菜餐廳，這裡的菜單選擇豐富，從經典的滷肉飯、牛肉麵到各式台灣小吃，應有盡有，雖然忙碌時段可能需要稍等片刻，但整體服務效率不錯。點餐後上菜速度也算快，服務員會主動提供建議，並耐心解答顧客的疑問。而且價格合理，飲品和小吃的價位大多在HKD 30-60之間，性價比高。菜單涵蓋了多款台灣經典小吃，如滷肉飯、鹽酥雞、蚵仔煎等，還有創意飲品和甜品，選擇豐富。1. 原色奶茶原色奶茶的茶香非常濃郁，能夠品嚐到紅茶的醇厚口感。茶香濃郁，奶味醇厚，兩者比例恰到好處，不會過甜或過膩，喝起來非常順滑。整體口感非常平衡，雖然卡路里稍高，但作為一款經典飲品，偶爾放縱一下也是值得的。💪 價錢：HKD 38⚡️ 好味指數：🌕🌕🌕🌘🌘🧀️ 約250kcal 卡路里/份2 香檳葡萄紅茶這款飲品的香氣非常獨特，帶有淡淡的葡萄香氣，喝起來非常清新。紅茶的基底與葡萄的香氣完美融合，讓人回味無窮。口感清爽，甜度適中，不會過於甜膩。這款飲品非常適合在用餐後飲用，能夠解膩並帶來清新的口感。💪 價錢：HKD 42⚡️ 好味指數：🌕🌕🌕🌕🌘🧀️ 約180kcal 卡路里/

北上得多，已好耐冇行香港商場，朋友推介啟德個新商場幾有特色唔會好似港式傳統商場咁千編一律，自成一格，所以趁假期咪約埋朋友仔行下。Airside係好有自己風格，設計風格冇咁香港舊場，色調，排位，商户組合都於別不同，加上pets friendly ，商場氣氛十分熱鬧得嚟又唔會太商業化，行得好自在舒服。另一特色就係呢度都幾多餐廳，價格多數係比較大眾化，加上戲院同多花園嘅配套，係消閒好去處。今日去咗五樓嘅food court ，多位，景觀開朗，款式多樣。大家都各有各心水，呢個埸各店出品都唔錯，有人揀咗四川小麵，有人食越式，有人嗌咗鐵板牛肉飯 ，我就叫咗台灣嘢。台式貢丸粗麵: 湯底係牛肉湯，麵有嚼勁煙韌，貢丸大大粒，好有台灣食到嘅味道奶蓋芝士芒果沙冰: 芝士味濃，可以畀多啲就好囉，沙冰好幼細，入口creamy 豬軟骨粗麵: 豬軟骨好冧身好入味，可以太細件，如果多啲就更加perfect 下次行開呢區一定會再幫襯

重陽節一日假，聽日長週要返工，冇乜心機北上。約埋屋企人行下新蒲崗，本來打算去大有街嗰邊揾嘢食，不過行行下唔覺唔覺去到mikiki ，不如行埋去airside ，呢度多嘢又多pop up檔仔，好多後生仔女假期都仲意聚埋係呢個場。行咗一大倫，屋企人買咗啲小裝飾同零食。。。之後就去咗五數food court 食嘢，好多位，但勁多人，要等位。大家各自去買嘢，我嗌左杯黑糖珍珠奶茶同大雞扒滷肉飯，杯嘢真係超大杯，又足料，牛奶非常香滑，珍珠幾煙韌，甜度適中正呀！肉燥飯好入味，好濃嘅油香同冬菇香味，加埋香脆多汁嘅大雞扒，滷蛋同黃蘿蔔都好夾，非常滿足細佬同佢女友叫左鐵板牛肉飯同西多士併炸雞髀🍗，味道都幾正，我忍唔住都黐咗幾啖

星期日airside 真係好多人，成個商場都係狗仔，非常熱鬧同埋舒服自在，朋友揸車帶埋佢對寶貝狗仔，行下公園先。公園地方好大不過就多工程做緊，都係入商場行下，見肚餓就去咗food court 揾嘢食，入到去都見好多狗仔，好鬼死熱鬧够晒氣氛，朋友叫咗個漢堡包套餐，啲肉好juicy,薯仔即炸，好味。我就去台灣嘢嗌咗個下午茶餐，台灣腸肉燥飯同杯台式奶茶，下午茶減價唔減量，大大碗肉燥飯，好够味，台灣腸係即炸嘅，熱辣辣好脆又多汁，好滿意👍。杯奶茶勁大杯，好重奶味，如果再多啲茶味就更加好，整體來講呢度啲嘢真係唔錯，加上休閑嘅環境，真係個週末好去處，交通都好便利，聽遲啲呢區仲會多兩三個商場喎！一定仲熱鬧好玩，可以多啲留港消費囉😉

行過見到幾多人幫襯～一於試吓佢～點知伏伏哋～📣香酥大雞排肉燥飯📣💰$76💰雞扒味道還可以～但份量唔可以稱得上用個"大"字形容～肉燥好少～唔夠撈晒碗飯～📣鹽酥魷魚鬚📣💰$29💰炸得幾好～但個皮有啲硬～份量亦都比較少～📣手作紫薯鮮奶📣💰$36(套餐加配半價$18 )💰呢杯嘢真係難飲～唔知點解佢入邊要配椰果～紫薯味又唔出～我只係飲咗幾啖就飲唔落去～CP值：❌#台式食品 #Airside

今日同friend 去airside睇戲，未開埸，先醫肚😂，同戲院同層有個food court ，見位都幾多幾闊落，就入去揾嘢食，大家各自嗌咗唔同店仔嘅嘢，有人食冰室，有人叫牛肉飯，我就嗌咗珍珠奶茶同牛肉麵，茶香又重牛奶味，啱我。牛肉麵湯底幾正，牛肉好冧，入口即溶又冇渣，係好嘢嚟

第一次去Airside個food court度食嘢，人流多亦難搵位。見到近入口有呢一間台灣嘢諗住試吓咁啦。睇餐牌啲相正正常常咁，就嗌咗個鹽酥魷魚肉燥飯，加個台式飲品。個飯嚟到已經嚇一跳，完全唔係鹽酥魷魚個樣，個炸皮厚到成塊麵包皮咁，仲要唔脆得個硬字，亦都完全冇椒鹽味，好難食。未講完，炸皮入邊嘅魷魚細到攝牙罅都唔夠，大家可以睇吓張相，唔講以為今日我生日呀咁大條。同埋我已經係一出餐即刻攞都可以攤到凍晒咁。戲肉嚟啦，杯嘢飲叫芝士苺苺，諗住都係果汁類實冇死啦。嘩飲一啖嚇死，唔講以為飲緊牙膏，嗰浸化學味同細個用啲水果味牙膏一模一樣，個奶蓋都得個甜字完全唔好飲。重點係呢支野竟然跟餐都要加$20，最後呢餐咁嘅嘢竟然都要成$80🫨🙏🏼。

Foodcourt 都有好多選擇。今次試了台灣菜。這個躁肉飯炸魷魚鬚。粉漿雖然多但炸得好脆，都有大大條魷魚鬚。肉躁份量就好少，味道唔濃。竽泥鮮奶都淡，內裏還有些果肉都不錯。

古早台居，位於九龍城啟德協調道2號AIRSIDE 5樓L504-L505號舖FOODMUSE內。 古早台居有台式料理和飲品，點了鹵水雞髀肉肉燥飯、芝芝百果、珍珠奶茶。 ▪️鹵水雞髀肉肉燥飯 ～ 鹵水雞髀唔算入味，肉燥用作拌飯， 份量剛好。 ▪️芝芝百果 ～ 超多冰粒，味道好淡。 ▪️珍珠奶茶 ～ 味道正常，珍珠都算煙韌。 整體味道普通， 但經過可以一試。🏷️溫馨提示～ 整個用餐體驗均屬個人分享意見， 只作參考😊。 古早台居地址: 九龍城啟德協調道2號AIRSIDE 5樓L504-L505號舖FOODMUSE內

Airside Food court入面既第一間，見佢係主打台灣肉燥，同埋價錢親民，就叫左個飯試下。黎到發現肉燥偏少，不過都好夠味，可以送到飯。如果個飯可以多番啲菜食就會更好。

Food court好多選擇，座位舒適。我叫咗個普通肉燥飯，但完全唔似滷肉飯味，只可以話係肉醬飯。份量好大份，要填飽肚係OK，但個味道令人覺得失望，個蛋都偏乾好柴。珍珠奶茶正常。

琴日第一次去airside 發現都有唔少嘅餐廳最後揀咗food court嘅呢間台灣野嚟食叫咗個香酥大雞扒肉燥飯 雞扒份量都唔少而且外脆內軟 d雞肉食落都好嫩滑 不過肉燥嘅份量可以再多少少另外加配嘅珍珠奶綠係超級大杯 珍珠亦好煙韌 質素拍得住街邊嘅手搖

去到airside ，一定上五樓美食廣場揾嘢食，今次嗌咗個巨人鐵路肉燥丼飯，超巨型，大大塊雞扒併大大件豬扒，香脆多汁，肉燥又多送飯一流，叫多咗個滷水雞翼小食，居然有大大個四隻，滷水好够味雞又滑，30蚊咋！好滿足，仲有杯珍珠奶茶又係好叉巨型，奶滑茶香

今日放補假，工作日大家都要返工，一條友冇嘢搞，落街行一陣。樓下個商場mikiki 行到悶，食嚟食去又係嗰啲，所以行咗去新埸airside，平日個新場都好少人行，本來打算睇埸戲，時間又唔啱，行咗一陣有啲肚餓，就走咗入去五樓個美食廣場，估唔到咁多嘢食，壽司，冰室，越式，韓國。。。睇完咁多間，最想食間台灣嘢，主食唔貴喎仲有半價飲品。今日試下香口嘢，嗌咗個鹽酥魷魚鬚🦑肉燥飯同加$12有杯巨型珍珠奶茶🧋。出餐都幾快。鹽酥魷魚鬚肉燥飯非常正，包住魷魚嘅酥皮非常鬆脆又入味，魷魚鬚好彈牙，一啲腥味都冇，處理得好好，肉燥量都足，冬菇粒配豬腩肉，啖啖油香，撈飯吃一流，巨滿足大杯珍珠奶茶🧋，好鬼大杯，同茶飲店一樣用外賣杯裝，好有心思係反轉擺，唔易跌落地。奶味好濃，茶甘香可口，珍珠好軟身又有小小嚼勁，唔錯有水準估唔到依家香港仲有咁質素價錢又唔算貴嘅餐廳，值得推介