古朴年代咖啡．酒館 (已結業)

意粉普通，pizza好垃圾，好明顯係焗好餅皮，有人order就放料上去加熱，西班牙海鮮飯是辣的，餐牌上並冇提醒，甜品預先要求寫happy birthday, 要收$15略嫌小器。店內職員9成態度差，沒笑容，沒禮貌，唔願做。枱上有一半碟都係崩盤嘅，要求換過嘅時候，職員話「我地所有碟都係咁架喎」，上菜有空間唔上，係要喺人同人之間上，眼神仲要表示我地仲唔讓開。餐廳基本的食物質素同服務都不合格，免費都不會再去。

今日入到大圍，又上openrice搵野食～搵到呢間古朴，環境幾有情調lunch set $58 主菜：煙肉洋蔥尖通粉 （係好味既！醬汁呈杰身,味道濃郁，同長通粉好夾，唯一可惜煙肉係用人工合成肉，而唔係煙腩肉，所以唔香）飲品：英式茶（Loyd牌既茶包，莓果味，ok） 甜品：忌廉蛋糕(味道都幾好，軟綿綿，有心思用朱古力醬裝飾)其他食物好似都唔錯，特別係all day breakfast不過注意呢間餐廳係無茶餐廳飲品（檸茶/好立克果類）賣架！

幾個中學同學好耐無約出黎見面，而大家都住沙田，所以都約左係大圍依間cafe。有其中一個同學之前食過，話食物質素唔錯，最緊要係坐幾耐都得。店內裝修特別，走歐洲的懷舊風格，令人入到餐廳環境感覺好舒服。我們一行六人點了6款食物。千島蜜桃雞pizza，雖然餡料不是太豐富，但餅皮脆而不硬，味道鹹度適中。西班牙海鮮飯，餐牌上寫兩人份量，的確都好大鍋，材料有藍青口與魷魚，搭配綠色和紅色的小椰菜和蕃茄，令個飯色彩鮮豔繽紛，飯很黏口又不會太硬。香草雞翅就普普通通，無什麼特別至於蒜蝦多士，好香的蒜香味，蝦好新鮮又爽口，多士香脆德國腸拼盤，我對腸的種類認識不多,但眼見應該都有4款以上的腸，還有3款醬配搭，味道非常 Juicy。溫泉蛋煙肉意粉味道幾好，意粉有咬口，溫泉蛋好流心，煙肉份量適中食下野，傾下計，好快就過左兩個幾鐘，最後叫埋女士最愛的甜品。心太軟的首要條件是流心 - 合格，一匙切開，就已經看到內裡的流心朱古力漿流出來，味道不會過甜。另一款tiramisu 拿破崙，外表好吸引，酥上面磨成幼滑細緻的粉末，以幾層酥皮夾着忌廉，味道融合不膩。

All day永遠都係咩都有嘅集合 Benedict好滑，蛋黃醬都啱啱好唔會太稀/太"傑" 個包好煙un, 火腿咸佐少少，但combine埋成個食有中和返腸嘅種類都有三種，法蘭克福腸，香草豬肉腸同雞肉腸，煎香得嚟又唔會太油薯泥好creamy好細滑, 但感覺cream味重佐少少。

有一日路過見到依間 cafe 裝修幾特別, 就決定要搵日去試一試！我覺得都算係一間有主題既 cafe, 你知啦, 通常 cafe 啲咖啡就得姐, 野食就………… 當我打開餐牌, 價錢算做實惠 , 所以起初對啲食物無乜期待, 但我係錯, 估唔到食物都有一定既水準俾到你 , 特別係個 Tapas 蒜蝦, 有水準, 啲蝦又大隻同爽口 , 仲有 live band 陪住我開餐, 胃口大增

初六快樂！準時下班，便和朋友去了車公廟轉個圈，車公廟真的香火鼎盛，很熱鬧。晚飯選了在附近的古朴年代咖啡·酒館，這𥚃很特別，給人很放鬆的感覺。原來也有音樂會時間，喜歡音樂的朋友可以有個地方交流及分享音樂。文青感覺很強烈，感覺自己也很文青。朋友推薦Rose Chocolate（$34），玫瑰花香芬樸鼻，朱古力味香濃，令人回味。朋友則點了烤杏仁朱古力（$34），她說杏仁的味道很香，原來朱古力也可以配合多種口味。野菌沙律伴油醋汁（$82），野菌與洋蔥再加一些胡椒炒熟後放在新鮮沙律菜上，新鮮配搭，回味無窮。西班牙風腸雞肉鑊仔飯（$168），色彩繽紛，看到已經胃口大開，大量蔬菜，豐富感觀及口感，飯煮得剛好不會太軟，腸仔略鹹，建議配蔬菜一起吃。好喜歡這裡，會再來的喔。

上一次試了Gimick coffee 後，　今次決定試食物～西班牙海鮮炒飯一定家小cafe 竟然有PAELLA, 價錢不算是太貴，一於試一試。賣相不錯，　而藍青口與魷魚尚算鮮甜，還有小椰菜和蕃茄，爽口，飯是黏口，還算是ＯＫ蝦多士多士脆口有牛油味，　而蝦更是新鮮爽口，夾起來味道很好朱古力咖啡"溶"這杯特別的咖啡當然要再玩，不過今次黑朱古力味比較重，好像苦了一點，搶了咖啡味

今日渣車路經大圍，終有機會食吓叫了個lunch的benedict 旦set lunch,跟一杯咖啡嚟到d腸好似白灼腸，薯蓉凍的！係堅凍！即係剛剛喺雪櫃攞出嚟嗰種凍！benedict蛋下面個包同火腿又係唔熱，只係暖！係我食過咁多間最差的！仲要$78+10%！差到爆！等埋杯咖啡，又係唔熱！又話即磨都唔似！似茶餐廳的咖啡！而級數衰過大x樂、大x活無下次！

Tea time叫左杯特濃朱古力咖啡，上台時個賣相吾錯！個杯面有個朱古力波，另有一杯熱辣辣咖啡。待應叫我地將杯咖啡倒入杯，倒左入去個波會自己溶，好得意，好似自己整咖啡咁。味道都吾錯，下次試下其他！

                         “…所謂古朴，就是照自己的節奏過生活，反樸歸真。                             食物及餐廳的裝潢，均不及食客的心情重要…”       這家café餐牌上印著以上這句話，這是一家開宗名義販賣心情的café，可惜我在訂座的時候並不知道。我承認這是間蠻漂亮的店，灰樸的牆身配合簡單的木家俱，點綴以簡單的水管裝飾和鎢絲燈泡，帶有一種工業味。然後再適時地擺置幾個仿古電話﹑打字機，混搭一些鄉村風的布藝裝飾和小擺設，讓整個店面不至於過於冷﹑硬，反而有種溫暖﹑懷舊的居家感覺。            當我走進這樣的店面，自是眼前一亮，以致即使我翻開餐牌，看到開首那段文字也沒為意，甚至無視我們已經吃過午飯徑自點餐。黑松露忌廉野菌長通粉 ($68)      打頭陣的長通粉味道其實是好吃的，長通粉火候掌握得不錯，煙韌有口感，每條通粉都沾滿了黑松露忌廉汁，黑松露雖然明知不是上品，但味道尚算清香濃郁，徘徊在口腔中，足以讓人心花怒放。水牛城雞翼($42/四隻)      可以接下來的卻是……我不會形容是災難，但對施行熱量摄取配給制的女生，

第一次黎到古朴，意想不到响大圍都有間咁有feel同質素嘅cafe。門外面有幾張户外座位，玻璃窗上掛有閃閃燈泡，cafe裏面裝修甚有特色同氣氛，而且座位寛倘，係relax嘅一個好選擇。講返食物，今次在下午茶時段光顧，無tea set。都好~唔洗俾tea set所限制，可以試多d款式。叫咗tiramisu 拿破崙，外表睇落吸引，但食落無咖啡味。 酥皮雖然脆，但硬咗d，一切開就散曬，變得體無完膚。奇怪地只嘗到咸味，可能係咸忌廉引致，有點怪怪的。再黎原味梳乎厘，發得夠高，有空氣感，蛋味濃。唯獨火喉爭少少，裏面仲有d蛋汁。流乎厘配以雲呢拿同曲奇味雪糕加上雲呢拿醬，味道非常匹配。再黎小食蜜味雞翼，初時以為雞翼有點頹，但一食落就有驚喜。香草味相當濃郁，肉質嫩滑。只得四隻真係唔係好夠喉。至於伴碟沙律菜新鮮，黑醋亦醒胃。讚~至於飲品方面選擇多。今次點了基本cappuccino 試試基本功。奶泡豐富，咖啡甘香，無苦澀味。下次可以試下其他飲料，相信亦不錯。原來每個星期五，六晚都有live band演出，氣氛應該會更好。除咗咖啡，仲有酒精飲品供應。期待下一次嘅古朴嘗試。

店名:古朴年代咖啡.酒館地址：大圍積福街72號地下D鋪好味指數：7.5/10價錢：$0(Facebook打卡即送)Latte兩人打卡送一杯latte/cappuccino。 味道香濃的latte製作絕不兒戲，還有拉花贈送，光看賣相已經加分。店名:古朴年代咖啡.酒館地址：大圍積福街72號地下D鋪好味指數：8.3/10價錢：$72燒帶子墨魚汁意粉對比整個menu，這個意粉價錢的確不便宜。可是燒帶子只得一粒，份量少得可憐。味道鮮味且有口感。意粉味道有驚喜，濃黑的墨汁均匀每一條意粉，鮮味且有點惹味的感覺。當放進口時，牙齒被那黑黑的墨汁塗黑了，很像喪屍一樣，笑得我們捧腹大笑。店名:古朴年代咖啡.酒館地址：大圍積福街72號地下D鋪好味指數：8.5/10價錢：$52蛋汁煙肉意粉餐廳環境優美，店名和裝修亦與同樣是cafe的牧羊少年有幾分相似，但詢問過後知道兩間店是完全沒有關係的。常見open rice別人comment苦候了很久才得進店用餐，小妹與友人當天閒日午餐時段不用等位，還可以選擇最岩自己feel的座位呢！這裡的食物水準確實不錯，蛋汁煙肉意粉的汁散佈在每一條意粉上，香濃的蛋汁和卡邦尼的味道在口中

叫左一個鵝肝雜菌長通粉，鵝肝都好大舊，什菌又好多。還有小食拼盤，份量好多，每一個醬汁都食唔停口。可惜墨汁魷魚圈，炸粉太多，好'溜'，似食炸墨汁，吃了一件便不想吃。

Happy Friday 想同幾個朋友搵個地方飲杯野傾下計，周圍都係迫滿哂人，都唔知去得邊到～有個朋友仔介紹我地呢到試下，9:00 p.m. 入坐，唔洗等位，坐露天雅座仲有冷氣嘆，唔錯！到11：15 餐廳要關門，我地先走，indoor 有人喺到唱歌會糟d,outdoor 雖然係靜，但要搵人serve你都唔係容易，總括黎講都可以encore

大圍，又一沙田食野之選😋，出名都野食，琴晚我同朋友去左聚舊，話大圍有間環境好好既餐廳，就一於去試下😎入至去餐廳氣氛好好，有live band聽🎷，都好有水準，餐廳有自己既風格，走小小懷舊既小酒館咁🍹比大家睇下入面先，好有氣氛架✨，每張枱都有枝綠色玻璃樽可以自己加水野食黎講餐廳係走西班牙風🇩🇪，今次四個人食就嗌左四樣野👦👧👦👧，首先係西班牙小食併盤($138)，有別平時食既腸仔薯條小食併盤，依個充滿外國風情🍴，有炸墨魚圈，蕃茄醬肉丸，蒜香蝦，蒜蓉包同千層薯仔蛋餅跟住上枱既係招牌砵酒什菌鵝肝尖通粉($75)🍝，鵝肝香味輕輕傳入鼻到👃，已經令人食指大動，加上炒過既什菌，同砵酒汁包住每一條尖通粉，真係只可以講一句 - 好味呀😻一波未完，一波又起，跟住係另新熱推既西班牙海鮮炒飯($138)🍳，依個好得意咁用鑊仔裝住，飯係屬於較黏既，上面以小椰菜，蕃茄點綴，但飯入面既海鮮料都唔馬虎，有蝦，魷魚等配料🍤最後就係烤雞pizza🍕， pizza底係超薄底，咬落去卜一聲💥，加上惹味醬汁既雞肉，四個人食真係開心又飽肚。🈵🈵🈵