可可店 (聯威新樓)

营业中

休息中

懷舊咖哩三寶咖喱鱼蛋   - 彈牙爽口，咖喱汁香濃帶微辣，經典港式風味 咖喱豬皮   - 豬皮軟滑像海綿一樣飽含咖喱汁，一口咬下去爆汁咖喱蘿蔔   -清甜無渣，煮透後吸盡咖喱香- 辣度可選小辣/大辣，甚至加 辣油 提升刺激感生炸雞髀-直接生雞腿下油鍋炸透皮脆肉嫩、鎖住肉汁雞髀外皮如玻璃紙般酥脆，咬下去有 咔嚓 聲不帶油膩感 調味簡單鹽醃撕開瞬間應有肉汁滲出，雞腿肉飽滿厚實蟲草花燉雞湯 -搭配雞肉、紅棗、枸杞等藥材慢燉，湯色金黃清澈味道清甜帶菌香 湯色透亮無浮油，表面泛金黃光澤喝完微微發汗，喉嚨潤澤，熬夜後救贖感強金銀菜燉豬展  -搭配豬展肉 蜜棗、南北杏慢燉湯色琥珀清亮 功效潤肺降燥白菜乾的天然甜味與蜜棗交融帶淡淡杏仁香，尾韻回甘無苦澀燒鴨瀨粉  -燒鴨皮呈琥珀色，脆如薄紙咬下 咔嚓 作響 皮下帶一層晶瑩脂肪 腿肉嫩滑多汁，胸肉厚實不柴，骨髓略帶粉紅鴨味油脂香爆濃

黎到西環呢頭順便搵下野食，呢邊選擇唔算好多見到呢間可可店而且價錢都唔貴之下就決定食下啦。睇完menu之後決定食金針雲耳蒸雞。金針雲耳蒸雞份量都唔小，都算係足料，雲耳都算係唔少，口感爽爽地，ok的。蒸雞份量都唔少，雞都係算大舊而且食落去都算滑，味道ok啦。46蚊呢個價錢食到呢個質素同埋呢個份量其實算係唔錯既。而且上菜速度都算快，對於速食既係ok既。。。。總結。。。西環呢邊比較少黎，對於區外人黎講，呢間係小菜質素同價錢方面都算係抵食既。

今日去可可店外賣齋腸，拎返屋企先發現入面有蝦米！打電話問先知，原來佢哋所謂『齋腸』就係香煎腸粉，預設含蝦米。但我面對面落單時，店員應該可以略為解釋，亦冇確認我係咪接受葷食配料。作為素食者，買錯食物很愧疚 ，亦很失望！如果菜單寫明『香煎腸粉（含蝦米）』就唔會點錯。希望店家改善標示，或主動提醒客人食材內容，避免其他素食者中伏。大家叫『齋腸』前記得問清楚！

係西灣一間開左好耐既店舖.由起初淨係賣小食、麵..到有飯..各式糖水飲品..牆上貼左好多感謝獎。..蠔餅蠔仔唔算好多..但每隻麵算大隻..唔係嗰啲碎濕濕嘅。有好多蔥係入面 好香。係家庭式晚蠔餅👌🏽👌🏽..煎蛋腸粉..即落雞蛋煎..上枱都仲熱辣辣外表煎得香脆..入面腸粉滑溜👍🏽👍🏽加埋混醬 好吃 無得輸😋😋.凍綠豆沙、凍紅豆沙超級夠凍！👍🏽而且好足料..好大碗！食極都有咁😂😂甜到適中👍🏽👍🏽抵食😀.小店黎講 用料實在 對得住價錢👌🏽

真係好食到癲！rool:頭先去咗呢間茶記食嘢，個蠔餅脆卜卜，入面啲蠔仲要好新鮮，一啖咬落去成個口都係蠔味！班師傅真係有heart做嘢！個冬菇馬蹄蒸肉餅都係極品黎，啲肉嫩到震，仲要夠juice，啲馬蹄又爽口，完全無得頂！最正係個牛腩，肥瘦比例啱啱好，個汁啲味仲要勁香！配埋啲白飯真係完美組合！飲品都大大杯，又平又好飲！總之真係好抵食，想食返間窮家富戶嘅好嘢就快啲黎啦！總之真係好抵食，想食返間窮家富戶嘅好嘢就快啲黎啦！

「佢…贊助過無數學生佢贊助嘅學生，令佢獲獎無數佢鑊鏟下嘅，每一碟都係用心製作仲贊助？成個學生會都俾你心心喇！」平時去唔少餐廳，都會見到貼上雜誌嘅介紹，而呢間位於西環堅尼地城嘅可可店，雜誌嘅介紹就欠奉，但就見到勁多感謝狀！細看之下，原來老闆經常贊助各間大學嘅學生活動，深受學生嘅喜愛！而附近嘅街坊都因為價錢大眾化，好鍾意嚟呢度食吓嘢！今日我就嚟到可可店食晚餐啦。香煎蛋腸粉腸粉叫即煎，所以食落熱辣辣，加入埋雞蛋，令腸粉更加香滑，加入埋醬料，更加好味。咖哩三寶三寶有魚蛋、蘿蔔同豬皮，最欣賞佢個蘿蔔，唔老無渣。但咖哩汁係上枱時淋上面，所以唔夠入味。合時燉湯燉湯有好多款，我哋分別叫咗杏汁燉豬肺、西洋菜燉排骨、金銀菜燉豬肺，碗碗都勁足料，而杏汁燉豬肺有勁香濃嘅杏汁味，仲有成5舊豬肺，豬肺勁乾淨！飲完碗燉湯非常暖胃好滋潤！如果配飯飲燉湯仲有優惠添。豉汁蒸排骨排骨份量多，好入味，而排骨底下嘅豆卜先係精華所在，索晒汁，送飯一流！豉汁炆釀涼瓜5件大大涼瓜，入面釀滿豬肉，好飽滿，真係好有屋企嘅味道。豉汁豆腐蒸魚塊魚塊無骨好滑，啖啖肉又索晒汁，加多碗飯吖，唔該！

我好爱香煎肠粉加蛋 好奇妙的口感！🥢肠粉外面一层裹上蛋液被煎的焦焦脆脆的，而内里依然很Q弹软嫩，再混上超级浓郁的芝麻酱，味道更是出其不意💦雪糕红豆小丸子 🍨做得特别的漂亮上面的冰淇淋混合，这下面的牛奶冰红豆小丸子，口感特别的丰富，香甜中也不会很腻海底椰黑糯米 也相当实在，糯叽叽配香甜甜就不会不好吃，我觉得比红豆的更好吃！都好吃！还很经济实惠

呢間餐廳真係hku學生嘅評價校外食堂！又平種類又多，如果唔知食咩又唔想食大學canteen，就來呢間餐廳睇下，豐富餐牌一定揾到想食嘅嘢！晚飯同糖水一齊搞定嗮！今次揀咗豬手飯，四粒豬手軟爛入味，仲有菜底，得45蚊，香港其他地方都揾唔到呢個價錢嘅豬手飯！鐘意豬手飯唔好錯過喇。欖菜肉鬆炒飯很特別，第一次食到呢種炒飯。我唔鐘意肉鬆但其實都冇太大肉鬆味，已經炒成細碎肉鬆絲，加埋炒蛋，呢碗炒飯真係好香！小食種類都好多且平。今次嘗試香煎蘿蔔糕，兩大塊先21蚊，且唔算太油膩。除咗粉面飯類，仲有奶茶同糖水，價格同糖水專門店相比都平好多，見到隔離張台食糖水都好大碗。種類真係好多！記得來呢度食飯食糖水

如果大家唔想受氣就千祈咪去。無論係廚師又好、店務員又好，首先態度差。落單嗰陣已經勁唔耐煩，但係見到咁多香港大學感謝狀，然後又成日好多廣告話必食必食，再黎見價格又OK，咁就覺得應該做開街坊生意，可能態度差啲但係啲嘢好食又平，應該都算唔錯。但係啲嘢食上到嚟勁難食，質素又差，一啲味都冇，落半罐辣椒醬都拯救唔到，仲要話係佢嘅招牌餸。炒飯又係災難，差過叮叮即食炒飯。😡跟住最令人氣憤既就係餐牌上面寫話「冷熱飲品半價」，咁冇特別標明嘅話就以為所有嘢飲都可以半價啦，點知嗌咗個西瓜汁最後埋單話冇半價，理由係因為西瓜汁唔係飲品，係甜品。我嗰下真係O晒嘴🤷🏻‍♀️講真錢我就俾咗，但係呢個理由就真係接受唔到。我同佢地講如果西瓜汁唔可以半價嘅話，就應該清楚列明，唔好用呢啲手段。估唔到佢哋竟然話我唔知可以問，搞到我一頭問號。🤯咁我點會知道西瓜汁唔係飲品呀大佬，真係比佢講曬。最後錢又比左，飯又難食，又受氣，真係真心black list，呼籲大家唔好去。🙅🏻‍♀️🙅🙅🏻‍♂️

點了一份咖喱三寶，一份蚝餅，一碟牛河，一份炒拉腸，三杯奶茶，盛惠214文，呢个價格睇起身仲ok，旦系出品完全垃圾。咖喱三寶肉丸全是粉，豬皮有毛，咖喱又唔好吃。牛河，河粉和牛肉都唔得，牛肉硬到极。炒拉腸麻麻地。奶茶竟然是奶茶粉沖出來的。實在難以相信，甘一間爛店，號稱港大食堂，居然可以開甘耐，仲要甘多人絡繹不絕甘來打卡吃飯。同樣的價錢可以買的到比這裡好吃一百倍的東西！永遠不推薦來這裡吃飯！我帶朋友來吃都覺得蝕晒面！

位於西環尾嘅可可店，可以話係差唔多由細到大～必食推介佢腸粉加蛋😂咖喱三寶～另外都好鍾意食佢嘅薄餐～雖然麵粉會比較多，但係感覺另一番風味～由於西環嘅糖水店唔係特別多～而可可店夜晚係會做埋糖水宵夜～有炒粉麵飯之餘，仲有腸粉炒麵之類嘅小食～另外仲會有埋糖水供應～糖水方面唔係咩特別新款嘅糖水～～而係一啲比較懷舊色彩嘅糖水～例如紅豆沙，綠豆沙，芝麻糊等等～另外仲會有芒果西米露和西瓜西米露😂而家仲有新款嘅芒果西米露係沙冰嚟㗎幾特別可以試吓

很适合作为hkuer的宵夜选择，营业时间晚，价格实惠，选择多因为人多地儿小，不可避免的要拼桌先是去喝过一次薄荷奶茶，很清凉清新的薄荷糖水味后来又去吃了一次糖水，桑寄生蛋茶特别养生，杏仁黑芝麻糊蛮香浓的杏仁味

如果唔係宜記休息，我都唔會幫襯可可店。可可店環境擠迫，好多時都要等好耐位，侍應可能因為太忙，都唔會太有禮貌。唔好彩嘅話叫極都冇人應你，想落單都難。環境亦都好嘈，落單好多時都聽唔到你噏乜，上錯菜嘅機會都好大，落漏單亦都好常見。食物質素方面，同個店名一樣，尚算可以。其中一樣餸係出面茶餐廳比較少有，叫老幹媽蒸豬爽肉。正常我每次嚟都會叫呢個，老乾媽係乜嘢？我又真係唔知，不過豆卜同豬爽肉都係我比較鍾意食嘅，調味亦都唔錯。送飯一流。其他碟頭蒸餸，都幾好餸飯，幾個人叫幾個餸，都會食得幾開心。尋日好熱，所以叫咗兩杯果汁，芒果汁同奇異果汁。唔知道係咪鮮榨嘅，不過味道真係麻麻地。印象中可可店嘅檸茶奶茶都只係一般。不過如果喺深夜，嗰一區其他店都閂晒㗎啦。其實都只有呢一間選擇。

第一次到訪可可店真係有被呢間店驚艷到係出面睇以為係大排檔點知入到去見到餐牌就feel到原來呢度係茶餐廳一個餐係今時今日嘅香港黎講唔算貴 50蚊以內都食到一餐好滿足嘅飯真心推介！

做完運動約咗朋友嚟食個糖水。佢哋呢個黑糯米雪花冰超正，小丸子好彈牙，芒果又好新鮮。我哋食到停唔到口。價錢只係41蚊一份，但份量好足夠👍🏻入面位置都好多，仲有熟食/各式飲品。想食炒麵炒飯都有，滿足唔同需求 好正