可可店 (聯威新樓)

营业中

休息中

點了一份咖喱三寶，一份蚝餅，一碟牛河，一份炒拉腸，三杯奶茶，盛惠214文，呢个價格睇起身仲ok，旦系出品完全垃圾。咖喱三寶肉丸全是粉，豬皮有毛，咖喱又唔好吃。牛河，河粉和牛肉都唔得，牛肉硬到极。炒拉腸麻麻地。奶茶竟然是奶茶粉沖出來的。實在難以相信，甘一間爛店，號稱港大食堂，居然可以開甘耐，仲要甘多人絡繹不絕甘來打卡吃飯。同樣的價錢可以買的到比這裡好吃一百倍的東西！永遠不推薦來這裡吃飯！我帶朋友來吃都覺得蝕晒面！

位於西環尾嘅可可店，可以話係差唔多由細到大～必食推介佢腸粉加蛋😂咖喱三寶～另外都好鍾意食佢嘅薄餐～雖然麵粉會比較多，但係感覺另一番風味～由於西環嘅糖水店唔係特別多～而可可店夜晚係會做埋糖水宵夜～有炒粉麵飯之餘，仲有腸粉炒麵之類嘅小食～另外仲會有埋糖水供應～糖水方面唔係咩特別新款嘅糖水～～而係一啲比較懷舊色彩嘅糖水～例如紅豆沙，綠豆沙，芝麻糊等等～另外仲會有芒果西米露和西瓜西米露😂而家仲有新款嘅芒果西米露係沙冰嚟㗎幾特別可以試吓

很适合作为hkuer的宵夜选择，营业时间晚，价格实惠，选择多因为人多地儿小，不可避免的要拼桌先是去喝过一次薄荷奶茶，很清凉清新的薄荷糖水味后来又去吃了一次糖水，桑寄生蛋茶特别养生，杏仁黑芝麻糊蛮香浓的杏仁味

如果唔係宜記休息，我都唔會幫襯可可店。可可店環境擠迫，好多時都要等好耐位，侍應可能因為太忙，都唔會太有禮貌。唔好彩嘅話叫極都冇人應你，想落單都難。環境亦都好嘈，落單好多時都聽唔到你噏乜，上錯菜嘅機會都好大，落漏單亦都好常見。食物質素方面，同個店名一樣，尚算可以。其中一樣餸係出面茶餐廳比較少有，叫老幹媽蒸豬爽肉。正常我每次嚟都會叫呢個，老乾媽係乜嘢？我又真係唔知，不過豆卜同豬爽肉都係我比較鍾意食嘅，調味亦都唔錯。送飯一流。其他碟頭蒸餸，都幾好餸飯，幾個人叫幾個餸，都會食得幾開心。尋日好熱，所以叫咗兩杯果汁，芒果汁同奇異果汁。唔知道係咪鮮榨嘅，不過味道真係麻麻地。印象中可可店嘅檸茶奶茶都只係一般。不過如果喺深夜，嗰一區其他店都閂晒㗎啦。其實都只有呢一間選擇。

第一次到訪可可店真係有被呢間店驚艷到係出面睇以為係大排檔點知入到去見到餐牌就feel到原來呢度係茶餐廳一個餐係今時今日嘅香港黎講唔算貴 50蚊以內都食到一餐好滿足嘅飯真心推介！

做完運動約咗朋友嚟食個糖水。佢哋呢個黑糯米雪花冰超正，小丸子好彈牙，芒果又好新鮮。我哋食到停唔到口。價錢只係41蚊一份，但份量好足夠👍🏻入面位置都好多，仲有熟食/各式飲品。想食炒麵炒飯都有，滿足唔同需求 好正

好耐無黎到港大附近今日懷舊一下🥹 呢間鋪頭港大住Hall既人都會熟悉黎食宵夜🌛 坦白說食物唔係特別出色 不過夠惹味糖水選擇多🍱 一班人聚會都唔錯😅環境一定比較迫衛生麻麻哋 仲會食食下掉檯🌚 今次黎食都係找回一份風味🏫⭐️ 杏仁糊蓮子蛋 🤍口感偏綢但係都算有杏仁香🌰 配上蓮子同蛋比較清潤唔會過甜🍳⭐️ 香煎腸粉 🫔加上蛋特別香口😚 配上麻醬醬油再加上芝麻🧂超適合做宵夜⭐️ 燒鴨撈麵 🦆燒鴨唔會乾爭爭🔥 撈麵配上腩汁真係好邪惡好惹味😈CP值好高⭐️ 芒椰西米 🥭芒果甜度高💛配上椰汁同西米係好經典嘅港式配搭😜

細個住係西環 可可店真係由細食到大即使搬走左之後 一講食宵夜都係會想返黎心血來潮想食煎蛋豬扒面 雖然menu冇依個combination 但有人情味既餐廳就係咁 你咩嗌得出既都有得食老實味道唔係特別正 正常發揮 但食既係環境 熱熱鬧鬧 人情味濃 食既係回憶💕

我今日先係跑空佐間燒臘店 跟住隔離間台灣嘢要排30幾號 所以我就入來試下哩間 因為有幾多人 所以我覺得可能還好叉燒菜圃粒炒飯🆘料係唔少 都幾大份 但係真係一陣燶味 图片都可以睇到飯粒上幾多黑黑啲嘢 同埋味道真係幾鹹 幸虧有嗌住個湯可以稀釋下😅豉油雞腿無功無過 超市水準 西洋菜排骨湯確實係足料 西洋菜同埋排骨都唔少 但唔知係咪冇落鹽 沒味道 但係搭配嗰個超鹹炒飯啱啱好😵💰盛惠99蚊總結 我就應該排住隔離台灣嘢 在一陣燶味中怒寫食評🆘如果大家來可以避開我哩啲嘢 我睇好似幾多人嗌炒河粉

建议不会说粤语的食客避雷这家店，点餐服务员听到说普通话的顾客服务态度就会极差，陪同学来这边玩，刚进来问有没有位置就被怼，那么多位置你看见么，想着太累了不和她计较坐下点餐，上来的西米露吃出一个头发，喊她看一下，就非常厌恶的表情大声叫唤，真的是叫唤“你没看见我在忙吗，你等一下不行吗？”同桌说粤语的顾客她态度都会很好，真的素质太差了。在其他地区店铺都挺好的，这家服务员真的太疯狂了！最后上来的云吞 里面也吃出一只蚂蚁🐜！真是太大开眼界了！

今次係hku 上完堂之後想揾d 宵夜食下，就即刻諗堅地可可店。十一點幾去到店內坐滿人，三個人逼係一張二人枱🤣🤣，可以睇得出可可真係好熱鬧。今次嗌咗個雞蛋腸粉同雪山小丸子紅豆冰，係招牌甜品黎。個人特別喜愛小丸子所以每次都會嗌呢個甜品，食完好消暑同解渴，仲幫到我哋recharge energy !

估唔到而家啲糖水舖未夠11pm就閂門…好彩喺Openrice搵到間收4am嘅茶記係有甜品食~不過甜品不是重點~我哋叫嗰兩樣小食先正正子🙆🏻‍♀️💁🏻‍♀️賣相唔討好嘅<<咖喱小三寶>>($44)有一堆疑似白烚嘅豬皮魚蛋蘿蔔加pat咖喱汁🤷🏻‍♀️估唔到原來啲汁惹味又夠辣~蘿蔔鮮甜多汁，好彩唔係浸住咖喱煮~~~如果唔係…煮到入晒味就食唔到嗰種甜味🙂💁🏻‍♀️估唔到咁大塊嘅<<香煎蠔仔餅>>($38)齋睇都見到佢有唔少蠔，而且好大粒!仲要本身我麻麻哋炸蠔餅~所以煎嘅就啱晒😋蔥花令整體香味更出，煎蛋又唔會煎得好老，帶有少少嘅濕滑，質感唔錯🙌🏻

夜闌人靜，就係西環尾 - 堅尼地城 凌晨二時多，基本上無乜食店仲會開舖。有一間店 - 可可店。人稱係香港大學所謂嘅深宵食堂。入到去人滿滿坐坐，有人食糖水、甜品，飲下珍珠奶茶。有人食碟頭飯、炒粉麵飯、食下小食。我就選擇咗食呢個比較小人叫嘅，炸鮮蝦雲吞 $38，一碟有 5隻，碟面附有沙律醬。上盤係熱辣辣，真係要攤一攤先有食，以免燙傷舌頭口腔。食落口，有鮮蝦彈牙，拌咗啲肥豬肉做餡料，係幾香口嘅。無油益味，新鮮炸出嚟，一定係翻炸再翻炸嘅。宵夜嚟講，的確係合格以上。

對於我呢個 HKU 舊生嚟講，呢間可可店絕對係一個熟悉嘅地方，我仲喺度留低咗無數美學生回憶。今日啱啱喺附近開完會，我又醒起呢間懷舊港式小店，所以決定過嚟食個快lunch。我叫咗份煎腸粉加蛋同埋一碗 生滾雞粥。首先，腸粉煎得香脆可口，再加埋特製嘅混醬，口感豐富，味道絕對無得輸！而生滾雞粥，粥底綿滑，雞肉煮得啱啱好，唔會過爛，食完好暖胃！總括嚟講，呢間人氣懷舊港式小店繼續保持到佢嘅傳統風味同質素！

碟碟都大大份，雖然位於堅尼地城但係價格相當便宜，飽得好滿足🤤仲有勁多唔同種類嘅野食 由燒賣魚蛋到炒粉麵飯甚至乎珍珠奶茶、楊枝甘露應有盡有。營業時間更加去到凌晨4點，宵夜推介！✨🍳煎腸粉加蛋 ($22)普普通通腸粉加蛋煎 煎到腸粉有啲焦邊再加上蛋令成個口感變得豐富同埋姐姐加左好多醬🤤幾時食都咁邪惡😈🦐炸鮮蝦雲吞 ($37)內餡有新鮮爽口嘅蝦球，配上炸到金黃色脆卜卜嘅雲吞皮，外脆內軟！🧄蒜蓉魚蛋賣 ($19)適合重口味者！燒賣上面都鋪滿蒜蓉！🥕煎蘿蔔糕 ($19)落足料嘅蘿蔔絲，仲加左胡椒粉配搭，突出蘿蔔嘅鮮味🦆燒鴨瀨粉($34)燒鴨肉質嫩滑、肥滿而不膩；可惜瀨粉太乾身，湯底唔夠味