可可店 (聯威新樓)

营业中

休息中

第一次去食消夜。之前淨係去過食甜品。有兩間其實唔知有乜嘢分別不過今次去咗近街尾右手邊嗰間十一點幾去到大約六七成滿。碟頭野算多選擇。叫咗個乾炒沙嗲牛河, 好味，冇油。我會再嚟.

夜麻麻去完HKU，都忍唔住要去我至愛嘅可可店食返個晚飯，時間已經嚟到10點鐘，其實我一啲都唔肚餓，不過硬係要過嚟坐下，食少少嘢先捨得走。飢餓嘅男友叫左個黑椒牛柳絲烏冬$48，上碟嘅時候仲冒緊煙，隔左個位都飄到陣胡椒香味過嚟，胡椒味沒有太搶，看下去比平常嘅牛柳絲烏冬淺色（唔似平常落好多老抽），烏冬面條夠煙韌！我就叫左個咖哩蘿蔔$15，咖啡汁都幾辣嘅關係，我叫伙記倒喺側邊。原本喉嚨好乾，食舊蘿蔔清甜夠腍，冇筋，醺上少少咖哩汁吊味就啱哂。食完梗係要整返個糖水埋尾啦，呢排要補身，飲返個桑寄生茶$17就圓滿喇！𠵱？明明入嚟嘅時候可以揀位坐，點解瞬間周圍坐滿哂人嘅？可可店果然係越夜越精彩！呢度食物多元化，價錢又大眾化，抵佢長做長有👍🏻

宵夜去處其實不多，尤其是我每每午夜時分才在港島區下班。向港島西進發，走到堅尼地城，有可可店和附近的真滋味美食。多年來屹立不倒的店子，入夜後人氣旺盛，捧場客中不乏山上那所大學的學生。來了多次，知道煎腸粉加蛋是名物，卻總未參透它有何過人之處。或者是半夜三更肚空空，來點混滿濃厚醬汁的熱辣腸粉，就已讓人覺得特別溫暖。炸雲吞、水餃、腐皮角那些炸得夠乾身，香脆不膩，美味。而且可以雙拼的，不另收費。來一碟牛河作結，雖然看樣子似模似樣的，但吃落油膩，似乎不是店方擅長的項目吧。加上是深夜，吃太多澱粉質也不很理想，所以此味並不推薦。這樣一來，又更顯出了腸粉的優勝之處了。

可可有兩個門口既一邊係聯威新樓個邊，一邊係爹核士街個邊我平時買開同坐開爹核士街個邊既岩岩入到去爹核士街個邊無位坐，就行去聯威個邊啦禁我見得有張大枱得一張空椅，個位個子不高既阿叔話有大枱有兩個位做乜唔坐，跟住我心諗邊度有兩個位，佢呼呼喝喝禁係第二度拎一張椅黎話呢度咪兩個位囉態度好差！我見有兩個位都晨早坐落去啦未拎第二張椅岀黎就喝我地話有兩個位好，坐低左後，嗌極寫野都無人應Well我地走左但我媽話想食糖水所以嬲都要嬲住行翻去另一邊爹核士街個邊買外賣，呢邊阿姐啲態度好好多！聯威個邊個班差勁態度！

作為西環嘅老街坊，睇住西環以前有好多出名老店,新中華, 德記..家樂…其中呢間 可可店都可謂西環人嘅集體回憶。雖然地鐵通車以後多咗好多西餐廳進駐，但可可店呢間小店我覺得依然係無可取代的。可可店別名:港大學生飯堂，次次嚟到都總會見到好多枱學生，開門入去，無人會serve你，哥哥仔會好串咁問: 要咩，跟住呢? 繼續啦…不過，感覺唔知點解好香港 haha! 去可可店，我同朋友都係會點佢地嘅小食，而除咗小食，呢度其實仲有小炒，麵食，套餐甜品…只要你講得出嘅宵夜良伴佢地都為各位夜鬼源源奉上～今次我同朋友都係點例牌：　腸粉加蛋，碗仔翅，蠔餅加魚旦1.先講煎腸粉加蛋：因為人流多，所以都係即叫即整，腸粉煎得香，加埋蛋無得輸!另外，食煎腸粉醬汁可以說是靈魂不可缺少，難得可可店甜醬可以任加，而麻醬香味亦濃，美中不足感覺味精比較濃....(是因為我下了太多醬吧?haha!) 2.碗仔翅：比起街邊嘅算比較有誠意，除咗基本冬菇，肉絲，仲有蛋花等等材料，都算CP值高。3.另外，仲有我最愛嘅蠔餅! 比起同區另一家，我覺得佢比較有誠意。蠔餅外貌好似薄撐，但一入口覺得煎得剛好唔會太油膩，蠔仔亦都唔少，誠意推薦!4.魚旦

西環，個人真係比較少踏足，始終我唔係港島人，要踏足呢個地方，真係需要地下鐵路既幫忙。近日港鐵港島西線通車，讓我也來湊一下這個熱鬧。晚餐，已經吃了，一大班人冇其他野做，又開始圍成一圈，最後決定找個地方，吃一碗糖水，繼續我們未完的話題。隨便找來這間餐廳，看見餐牌有甜品賣，也不理三七二十一，便衝入餐廳，反正未試過，一試也無妨。餐廳比較小，很老字號，小本經營的感覺。打開餐牌，最吸引的甜品一家是榴槤，可惜店主話已經賣哂，只好再選其他。超多芒芒椰小丸子 $28超挑萬選，最後選了這款經典許X山的飲品，價錢算幾抵，芒果都算幾多，但係不夠甜，始終冬天食芒果，總要碰一下運氣，但小丸子都算做得幾好，夠煙韌，而且份量夠大杯。芒果不算很深色，甜度欠奉，慶幸不算太酸。小丸子做得不錯。始終港島西區還算初開發，相信要長一點時間才有更多餐廳進駐，有競爭，才有進步，但小店，大家還是要撐的。

聽聞可可店是港大學生的飯堂，每次來總看到幾枱的港大學生。這兒主流香港街邊小食，如咖哩魚蛋﹑煎蘿蔔糕﹑燒賣，腸粉，炸雞腿等，應有盡有。另外亦有一些面食和飯餐，如雲吞麵，撈麵，生滾粥等！特別喜愛這裡的炒粉面，穫氣十足炒得十分香口，而且所有食品價錢合理，又開到淩晨，簡直是西環石果僅存的樂土！炒烏冬穫氣十足，烏冬口感煙韌，讚！煎薄撐的面有點脆，熱辣辣上碟，而且很厚身，比酒樓的好吃得多。煎腸粉加蛋，香港地道美食，必點。

頭先同friends食宵夜叫牛筋麵,估唔到佢變咗做毛筋麵!!! is not just nasty.... And the way that 阿姐 said it..." 牛筋一定有毛架啦，個個都咁食㗎啦！頭先嗰個客嗰碗仲多毛啦佢咪照食曬" ...... I was like that freaking ridiculous!!! 跟住個friend 仲要玩嘢話嚟食毛架嘛。越多毛越好食！and the 阿姐話"咪係"..... Since when Hk became like this??? I have never eaten any beef tendon have any hair tho.......😠😠😠

曾經從經常出入西環的友人的口中聽到，算是集體回憶吧？晚餐之後嗜甜胃口頓時開啟，還是想吃點熱的暖暖胃，糖水是最好不過的。對這邊不熟悉，好在友人知得多，提起了可可店，讓我也突然想起這家小店。　　走了不到五分鐘就到達，要不是友人發現店子招牌，也許會忽略掉。但看那新簇簇的店面及內部裝潢，沒有友人們說的集體回憶老店的模樣啊。而且可可店原來不是只賣糖水的，也有小吃及小菜等可嚐。只是不知道味道及質量是不是如昔日那般呢？　　喳咋　$17的賣相不太吸引，但暖熱而份量合宜。甜度不高，也沒有加椰奶，食時來得不膩。材料足，每舀一下都是滿滿的，不過不稠身，沒那麼易飽滯。另有一款叫喳咋西米露的，不知道又是如何的了。

店面挺大，什么都有。我点的沙茶牛河，沙茶味并不浓，有一点孜然香，牛肉分量挺多。朋友点的酸辣粉，味道够重够鲜。海带绿豆沙很糯，不是很甜。有机会再试煎肠粉，炸云吞～

今晚夜食晚飯，這個鐘數選擇不多，老公提議不如到可可店，就這樣決定吧！ 以前讀書時也常到可可店食宵，當時還是間小店，現在可可店越做越大，除了糖水，還小港式小食，想不到連小菜也有！ 今晚就試試這裡的小菜，我點了金針雲耳蒸雞，色澤光鮮，雞肉雖不是新鮮雞，不過肉質鬆軟，美味多汁，金針亦都爽口甜美～ 第二度餸亦是小妹點的（老公原來想食梅菜扣肉，不過他知我想食這個），蝦醬豆卜蒸豬肉，小妹喜愛的住家菜之一，蝦醬的甘香惹味實在難扺擋，豬肉很爽滑，味道頗鮮，不過這個豬肉醃製過有點過滑，小妹還是喜歡家中媽媽煮的帶點口感的咸蝦蒸豬肉，家那種味道，始終難以代替。 一道小菜配一碟飯，份量很多，下次要說少飯。 除了糖水小吃，這裡的小菜很有驚喜，$36這個價錢，有這個質素，難怪越做越大。

Fried Rice Rolls with Egg | 香煎腸粉加蛋.曾聽說可可店的蛋煎腸粉是全港最好食的 當然要來探個究竟!🤔 腸粉不是普通的齋腸 而是蝦米腸☺️ 滑溜程度就普通 而且蛋漿並沒有平均地包裹著每一條腸粉 大部份的腸粉都是沒有蛋漿的 相中最前面那一條已是最有蛋漿的了😢 最重點是一點都不脆口 蛋煎腸粉的重點就是要脆! 這碟完全做不到 好失望😟

朋友揸車帶我去的，如果唔係都幾唔方便！諗唔到佢嘅咖喱汁都幾辣！叫咗腸粉煎蛋加咖喱汁不過好漏，煎蘿蔔糕同咖哩蘿白正常口味！朋友介紹的炸腐皮角香脆惹味，勁好味不過好貴！$31蚊得8件倒！

有咸又有甜，乜都有小食店！多謝朋友仔既好介紹！炸雲吞~炸得香脆又唔油，脆卜卜，兩啖一口，再加沙律醬，好味道！腐足雞蛋糖水加蛋~腐足煲得全溶化了，而且煲得不太甜，雞蛋亦不會過熟，蛋味好香！雖然待應姐姐態度一般，但可以理解的！小店繼續努力吧！下次再試你的腸粉了！

上次我妹夜晚10點幾同朋友係堅尼地城食完晚飯，話外買糖水比我同細佬食。本來想食熱芝麻糊，但我細佬都想食呢款，所以我改食凍雜果椰汁西米露，諗住share食。第一次食呢間店既糖水，所以我地都係order大路野。我碗西米露味道正常，但我細佬個芝麻糊成碗燶左😡，完全食唔到，我地試左一啖成碗丟左😢！！！如果我住堅尼地城一定成碗拎落去叫佢試下同叫店家唔好賣比其他客！😡正常呢d中式糖水一定係煲定一煲，而芝麻糊通常都會有堂食客點，如果堂食客點左燶味芝麻糊就一定會反映，禁店家就會知道成煲芝麻糊壞左。所以我希望係我地禁唔好彩，點左一碗新煲起而燶左既芝麻糊。