台北倆伴

营业中

休息中

一直都好鍾意食台灣嘢，好耐冇去過台灣，今日經過見到有間台式餐廳，而且仲有下午茶，價錢非常平，咁就嚟試吓啦。因為今日都比較肚餓，所以一開始就叫咗個麻辣海鮮鍋。一上枱見到佢海鮮份量好多，我最鍾意食佢嘅蝦，因為好大隻之餘又新鮮。而且除咗海鮮之外，佢仲有唔少丸類同餃類，我就認為呢個貢丸最好食。而且入面仲有好多粉絲，我哋叫咗個大辣，味道啱啱好，越食越開胃。朋友就叫多咗個雞卷加拌麵，好似50幾蚊就有咁多食物，而且仲有台式飲品。我試咗一個醉雞卷，有少少酒味，酒味唔係太重大人小朋友都食得。

大圍圍方呢間「台北倆伴」真係幾有台灣味！雖然鋪頭細細，得幾張枱，位置唔算多，但食物質素真係唔錯～首先必試佢哋嘅滷肉飯，滷汁香濃夠味，肉燥軟稔唔會太鹹，撈埋白飯簡直一流！鍾意食麵嘅朋友可以試牛肉麵，湯頭濃郁，牛肉塊夠淋，麵質亦都掛湯，食落好有滿足感～不過個人覺得醉雞卷就麻麻地，入口有陣陣血腥味，酒香味反而唔算突出，有少少失望… 整體黎講，呢間店適合想簡單食餐台灣家常菜嘅人，價錢合理之餘，主打嘅飯麵都交足功課，值得一試！記得早少少去，避免要等位啦～

下午茶時間，叫咗一個有麵有飯的套餐，點黑糖珍珠奶茶要加$12。食物賣相跟餐牌上的圖片一模一樣，但牛肉麵和滷肉飯味道都一般水平，而且滷肉飯d汁杰杰的😕；本來想念台灣小吃的味道，希望在這裡解饞，結果白來一趟。黑糖珍珠奶茶的水準令我有驚喜，可能是跟餐有優惠的緣故，珍珠奶茶比一般茶飲店買的細，但細杯反而讓我更珍惜。下次如果再來幫襯，我會揀少冰，因為d冰阻住我食d珍珠。

去大圍新商場行吓，搵吓新餐廳食，揀咗呢間唔太多人等位，價錢比較經濟實惠嘅台灣餐廳試吓。餐廳環境唔錯，座位有點密，上菜好快，由於假期只有1小時用餐時間。彰化花雕雞卷便當 - 便當套餐，好豐富，有紫菜豆腐蔥花湯、小食鴨血和蜂巢豆腐、肉燥飯和一碟雞卷，味道尚算可以，醉雞卷酒味一般，便當套餐仲有一杯飲品，叫咗古早冬瓜茶，凍熱同價。阿仔叫咗慢煮豬軟骨便當，有三大舊豬軟骨，都好腍，碗飯好大碗，肉燥都好多，足以撈整碗飯。

服務非常差星期六午飯時間正常㩒飛等位上一組2位安排坐4人枱下一張就到我地突然有3個人衝入去個姐姐就即刻比佢地坐低我地問職員點解唔使排隊答案係”由我地安排”又係話人地3個所以比佢入先再一次強調”由我地安排”咁我點解要排隊？點解要㩒飛？(睇返原來Google 評分都係服務差，我唔係單一事件)

有少少掛住台灣嘅味道，於是嚟到大圍嘅 台北倆伴，估唔到下午茶套餐嘅選擇超級多，忍唔住叫完tea set 再加小食🥳🥳✨ 台南芋頭貢丸新竹米粉米粉滑嫩細緻，搭配彈牙嘅芋頭貢丸，口感紮實仲帶有濃郁嘅芋頭香，加上甜梅菜調味，層次更豐富。✨ 大腸麵線拼淡水焢肉刈包大腸麵線湯頭濃郁，帶著豬骨湯嘅香氣，麵線綿滑，配搭軟嫩入味嘅大腸，喺正宗台灣味道！焢肉刈包肥瘦相間，令人滿足。✨ 士林鹽酥雞金黃酥脆嘅鹽酥雞外酥內嫩，鎖得肉汁，鹹香惹味。✨ 桂圓紅棗茶桂圓紅棗茶天然健康又潤喉，喺完美的茶飲選擇。✨ 大甲芋頭芋圓鮮奶以濃郁芋頭碎同煙韌芋圓調製嘅 大甲芋頭芋圓鮮奶，每啖都有芋頭的香味，甜度都啱啱好！

已第2次幫襯了。不論那個時段踏入店內，只限1小時用膳時間，就算得1枱客，都會準時提示顧客埋單。記得第一次食下午茶餐 - ‘老阿嬤焢肉肉鬆滷肉飯’，焢肉好入味，醬汁味道適中剛剛好。今次食午餐，不需要等位已可入座。分別叫了2個套餐，‘彰化花雕雞卷便當’ 及 ‘慢煮豬軟骨便當’；落單不到5分鐘就開餐了。正餐的滷肉飯比下午茶餐的大碗，可惜係滷肉汁比較少，最後要乾鯁鯁食白飯。套餐中還有鴨血小食、紫菜貢丸湯，前者味道普通，後者貢丸入口已沒有味道了。至於，主菜豬軟骨軟硬適中，醬汁有點似糖醋汁很惹味。另外的 ‘彰化花雕雞卷’味道比較清淡， 食不出有任何花雕味；感覺味道並沒有其他中菜餐廳的花雕味重。午餐套餐，個人比較喜歡豬軟骨套餐。但午餐與下午茶餐相比，下午茶餐份量已足夠食了。

朋友揀左食台灣野๑ᦲ 𖥦 ᦲ๑無得去台灣 唯有食下台灣野 治一治思念之苦仙草奶茶$𝟙𝟡（半價）黑糖珍珠奶茶$𝟚𝟙（半價）我最想飲係冬瓜仙草間店有冬瓜茶 又有仙草奶茶我問可唔可以有冬瓜仙草店員斬釘截鐵講話無T^T我問可唔可以問下先 佢都係堅持唔問 答我無°¯᷄◠¯᷅°連試都唔想幫我試 起碼你做個樣 入下廚房又或者問下高級啲既 然後先答我無 又或者講句之前有客人問過 公司無得兩樣混合 真係對呢家店既服務有啲保留꒦ິ^꒦ິ逢甲大腸麵線 $𝟜𝟚麵線比平時食開既稀 大腸麵線唔係麵糊黎嫁咩可能無加太白粉？ 似碗仔翅感覺多啲oᯅo有菇同大腸 仲有醋比你但係不推薦一品臭臭鍋$𝟙𝟞𝟠 加王子麵$𝟙𝟘材料都幾豐富 有津白 金菇 冬菇 米血糕 甜不辣芋頭貢丸 福州魚丸 蛋餃 鵪鶉蛋 臭豆腐 豚肉 沙白 大腸 鴨血ᜊ•ᴗ•ᜊ大部分材料都係二人份量 只係丸類只有各一粒澎湖荔枝蝦球 $𝟞𝟚六粒荔枝蝦球扮荔枝既表面 外層好脆(ง ˙˘˙ )ว 內𥚃全是蝦膠我下次要揀間有冬瓜仙草既台灣菜（･᷅⌓･᷄）

圍方食肆眾多，台北倆伴是其中一間經常去的餐廳。主打正宗台式風味，佈置簡潔明亮🫶🏻紅燒牛肉麵+古早滷肉飯，麵條好彈牙，紅燒牛肉入口即溶，筋肉分佈均勻，肉味濃郁。古早滷肉飯配半只溏心蛋和肉鬆，肉燥色澤自然，肥瘦適中👍🏻🤤大腸麵線+淡水焢肉刈，麵線勾芡濃度剛剛好，吃起來極順口，大腸滷得相當入味，入口軟嫩好咬。焢肉刈包配料豐富，麵皮內是肥瘦均勻的豬肉、花生粉、酸菜、芫荽，肥嘟嘟的造型，好可愛🤤😻逢甲肉鬆榨菜蛋餅，外層煎到金黃色，香脆可口，肉鬆榨菜好足料，咸香味俱全🤤大甲芋頭芋圓鮮奶，大半杯的芋頭泥和芋圓，混合鮮奶，口感很豐富～濃濃的芋頭香味，軟Q的芋圓，不好甜的我覺得味道剛剛好😋

第一次黎，估唔到間餐廳都算有驚喜。個餐都算豐富，又有豬紅，塊雞扒又大又厚，滷肉飯又夠多汁多肉，仲可以免費轉飲台式飲品，味道仲要唔差，中午時間又唔算多人，非常推介。

台北倆伴 位於大圍餐廳大 坐得舒適 下午茶時間有茶餐古早滷肉飯拼大腸麵線有一個滷肉飯再加麵線組成完全還原台北麵線味道 大腸乾淨 麵線腍滷肉唔會硬亦唔會乾 五花腩脂肪比例高好香五香粉味 加埋肉鬆 流心蛋 好送飯 鹽酥雞肉鬆滷肉飯除咗滷肉飯仲有配鹽酥雞+紫菜貢丸湯+地瓜酥鹽酥雞係即炸 所以上枱時脆卜卜 雞肉Juicy 粉漿好薄 紫菜貢丸湯唔會過鹹 地瓜酥煙韌 帶有地瓜味 非常滿意 由於鹽酥雞真係好食 所以encore澎湖荔枝蝦球蝦肉非常彈牙 真材實料 而且外層非常脆口免費跟餐 選擇左台灣奶茶 點餐時職員建議可以選擇小甜另外加錢四季春奶蓋 奶蓋非常濃厚 突顯到茶香味用餐體驗唔錯 職員都好有禮貌

今次同朋友去咗大圍圍方呢間一直想試嘅台灣小店「倆伴」，下午茶時段竟然有齊牛肉麵、滷肉飯、小食同飲品，份量抵食又豐富，完全係台式控嘅福音！ **🔶 鹽酥雞肉鬆滷肉飯套餐（HK$62）** 套餐包齊滷肉飯、鹽酥雞、炸地瓜同貢丸紫菜湯，一次過滿足晒貪心又想試多款嘢嘅胃口！滷肉飯肥瘦均勻，滷汁濃得嚟唔會死鹹，加埋肉鬆同溏心蛋，真係有種台灣古早味嘅樸實感。鹽酥雞炸得香脆，炸地瓜酥甜甜哋煙煙韌韌，當飯後甜品啱晒。貢丸湯鹹香清淡，飲一啖中和返油膩感，配住飯食好舒服。 **🔶 紅燒牛肉麵拼古早滷肉飯** 朋友叫嘅雙拼set，牛肉煮到好淋，湯，加埋酸菜同幼滑麵條，台式風味即刻出晒嚟！滷肉飯都一樣足料，男仔食晒成碗都夠飽肚。 **🔶 大甲芋頭芋圓鮮奶** (+$18)芋頭鮮奶奶味超濃，飲落順喉又唔會太甜，咬到粒粒芋圓同芋頭蓉，口感豐富，芋圓控必試！ **🔶 黑糖珍珠奶茶（少甜）** (+$12)朋友叫咗少甜，黑糖香依然突出，珍珠煮得Q彈，少甜後甜度剛好，唔會飲完滯住滯住。 **總結：** 兩個人食到捧住個肚走，人均$80幾蚊有齊主食、小食同特飲飲品，真心抵食！食物質素對得住價錢，尤其滷

早兩日同媽咪行完大圍街市，見未夠鐘接妞妞放學，緊係餵飽咗自己先！好想食鹽酥雞嘅豬太郎就畀呢間台灣倆伴吸引到，仲有多款下午茶套餐𠻹！都幾抵食噃～.➜鹽酥雞肉鬆滷肉飯配紫菜貢丸湯及地瓜酥 熱辣辣嘅鹽酥雞外皮脆卜卜，唔會太厚粉，仲少少椒鹽，夠惹味；油香滿滿嘅滷肉飯，加咗肉鬆撈埋一齊食，口感更豐富；地瓜酥有驚喜，超濃嘅番薯味，外脆內軟得嚟，咬落煙煙韌韌。.➜台中芋頭貢丸新竹米粉諗住清清地叫多個米粉，但啲貢丸係有餡呀！第一次食有芋頭餡嘅貢丸，好特別！令成個米粉無咁單調！.➜花雕雞卷睇落好睇又好食嘅花雕雞卷，散發陣陣酒香好入味，而且肉質嫩滑，唔會柴口。.➜珍珠奶茶 & 愛文芒果起司奶蓋兩杯都可以揀返少甜！珍珠奶茶嘅奶茶茶底味濃，更加啱媽咪飲！愛文芒果起司奶蓋嘅起司奶蓋夠濃夠厚，鹹甜滋味同芒果好夾。.

好少去圍方食嘢，見到呢間呢個鐘數都有啲人氣，就入去嘆返個下午茶花雕雞卷麻辣拌麵 $56一個套餐包4樣嘢，好豐富！麻辣滷肉拌麵+花雕雞卷+地瓜酥+貢丸紫菜湯拌麵好creamy，夾雜榨菜嘅爽口，口感豐富！朝天椒的麻辣味好搶，同時滷肉鹹香惹味，味道上都好有層次花雕酒好入味，充滿醉香；同時雞卷肉質彈實嫩滑，果然係店舖招牌菜！地瓜酥一啲也不油膩，入口香甜軟糯，帶一啲酥脆，份量都啱啱好，唔會食多食濟 紫菜貢丸湯好有心思咁切細咗啲貢丸，食起嚟更加方便愛文芒果起司奶蓋 跟餐+$22唔係講笑，芝士奶蓋成尺厚，香醇濃郁，配合清甜的愛文芒果，真係非常滋味，好想可以再飲多杯！

原來星期六日冇下午茶，以前好似三點後有不過唔緊要，我已經諗住嗌小食嘅牛三寶，不過今次冇得走啦變咗好辣，要問侍應拎幾杯熱水嚟過一過🤣🤣食得辣嘅男朋友都覺得啦牛腱四件，牛筋牛肚各三件今次依然好味大嚿！平時嗰啲牛筋會細細地一條當一件，今次好大條㗎而且炆得好腍，牛肚都一樣係！軟硬適中，牛腱就正常發揮，唔會太腍又唔會太晏！而且都幾厚格一片男朋友個便當都幾靚仔咩都有啲，不過佢滷肉飯啲豬肉就唔係咁好食，炸豬扒好好味，其實佢係酥炸排骨，但係台式嘅排骨就係豬扒🤣🤣咁仲好😚鴨血同埋個湯就普通啦，湯就有啲鹹冇乜特別鮮味，不過好多紫菜冇乜纖維就加多個菜，好味不過偏貴因為40幾蚊 娃娃菜大碗嘅服務態度同環境都好好！好味過沙田嗰間