台灣ET鹽水雞

营业中

休息中

今日去買勁受氣首先問咗係咪買兩份可以擺埋一齊裝，個師奶已經好唔耐煩咁問我要乜嘢佢幫我圈，大姐⋯我都未睇你圈乜鬼呀！成間鋪得我一個客都要咁催我😂😂😂買兩份擺埋一齊諗住會俾大d嘅盒裝住，點知兩份嘢都係塞暴個一人餐盒，個師奶態度勁差🤦🏼‍♀️🤦🏼‍♀️🤦🏼‍♀️佢話兩份擺埋一齊啱啱好 ，如果要多一個盒要加多兩蚊😂😂😂大佬⋯我係買兩份喎，正常係咪要兩個盒裝呢？我得要求一個盒裝咁係咪要大啲既盒呢？算啦⋯今日年廿九就當呢兩蚊豪比你哋過年啦⋯⋯唔怪得佢哋d生意差過對面涼皮九條街，成日見到人哋對面排長龍，佢哋就喺嗰度拍烏蠅🪰原來係有原因的🫢🫢🫢

成日都食四川辣辣涼皮，加上多人排隊又肚餓，今次就轉下口味食ET鹽水雞先，都好似成年無食過啦！😅仲好似加咗價貴咗幾蚊$💰今次點咗$50一人餐加$10冷麵，餸方面我揀咗🐔脾+秋葵+🐷耳+甜不辣，仲有優惠加$1有1隻🐔翼，$1實在係太抵，無理由唔加埋嘅😆其他幾款餸我都想食，下次先再食😋咪道方面我揀咗小辣，食落有沙姜味，🐔脾嘅口感都幾滑，🐷耳咬落爽脆，秋葵都好味😋加埋個冷麵真係好飽呀！🤣下次都係唔加冷麵啦！😆😆😆

兩個人叫咗一隻雞,配料叫咗秋葵、芭樂、蘋果,再加麵底,咁就$100喇...夠食好多嘢🥲不過佢新出嗰個加檸檬味都幾好食 開胃啲 佢啲雞都幾滑 但係成日都俾漏本身餐跟嗰個洋蔥俾我..

我起碼買過好幾次外賣，只有頭一次係俾足料，然後次次都俾少我1-2個餸。第一次俾少餸都以為我嗌得多餸，佢唔小心執漏，就當自己黑仔。點知之後再買外賣，我特登+$要多個盒，叫啲呀姐將雞套餐同剩餸分開裝，避免啲呀姐又執漏。點知返到屋企，發現都係俾漏餸然後就打去同啲呀姐講。佢就叫我下次買既時候同佢講返漏左咩餸，補返俾我。如事者，之後幾次外賣不論我嗌多餸定少餸，佢都會有俾漏餸既情況發生，然後又係叫我下次再買再補返啲餸。仲要愈黎愈難食，啲雞又鞋，嗌中辣個汁又淡又唔辣。我覺得根本唔係唔小心，佢地係以呢個方式令人不停返去買。生意真係唔係咁做架！而家就算我幾想食鹽水雞都唔會幫襯呢間分店！

疫情底下，個個都無得出去旅行，台灣係香港人好hit嘅旅遊聖地，因為台灣距離近而且台灣小食都非常吸引，好在香港有好多台灣美食，但在眾多美食中，我個人最鍾意就係台灣鹽水雞。今日黎到旺角中心，見到有一間小店賣台灣鹽水雞，非常之吸引，我嗌一份一人餐先$50，可以選擇一個雞腿或者雞胸再加三樣配菜！配菜嘅選擇非常之多，我揀左雞腿肉、米血糕、杏鮑菇、皮蛋😆再加$10 嗌個冷麵👍🏻👍🏻雞腿肉好滑！味道有少少淡口，嗌左中辣都唔會好辣，配菜方面杏鮑菇必嗌！皮蛋撈埋一齊都幾特別，可以試一試！

今日行開旺中口痕又諗起初初新開時食過係好好食就走左去買，買左個$50set 雞腿+三餸，有豬耳，菠蘿，同甜不辣，黎幾樣都係我覺得同鹽水雞好夾嘅嘢攞到返屋點知食落發現個雞肉都唔係真雞肉，都唔知係咪落格換左啲肉，唔係真雞肉個員工又唔講比人知個雞就係超級粉超級難食嘅口感，個汁都係好多粉又唔溶咁喎，食落口就係成口粉咁，加埋個唔係雞仲要扮雞嘅雞，簡直粉到啊媽都唔認得間嘢真係越做越求其越做越難食，總之我就唔會再有下次

行旺角又諗唔到食咩😂所以一於去掃街！( ´▽` )ﾉ✨雞胸🍗+3款配菜可能係自己唔係太食得好濃味嘅野🤔所以就覺得成盒有啲啲偏鹹咗少少🤏加上啲海帶盒有少少掛汁, 令到我自己食完覺得有啲口渴🥲會勁想飲野飲😂所以最後買左枝茶解渴(˶‾᷄ ⁻̫ ‾᷅˵)🤣🤣不過佢啲雞肉係滑嘅👍🏻同埋份量都好多🤤我係同fd 食！如果食開濃味嘅朋友應該會鍾意😂#et鹽水雞 📍旺角彌敦道688號旺角中心1樓F55 號舖

每一次返完夜校之後，都會特別肚餓，需要搭車返出去旺角搵嘢食。我一直都知道旺角中心開咗好多嘅小食店，由旺角新之城穿過旺中一樓之間開咗「台灣ET鹽水雞」，呢間小食店我一直都好鍾意，難得見到呢間舖頭即係有緣份，咁就幫襯佢嘅招牌菜式啦。由於我得一個人，所以我揀咗一人餐（A餐），餐單上面可以選擇雞胸或雞腿或3隻雞翅，再加三款配菜。通常我都會揀雞胸肉🍖，因為肉質比較嫩滑，食落唔會好「諧」，而且份量好多，配菜方面佢都有好多選擇，今次我想清新啲，所以揀咗菠蘿🍍、杏鮑菇、青瓜🥒，額外再加多一份蓮藕。由於套餐嘅關係，所以三款配菜以外再加都只係每款$7，價錢尚算恰當。今次我叫咗走蔥、走蒜、小辣。大家下次可以試吓其他配菜架

旺角中心有很多小食店，每家都各有特色各有自家的招牌菜式‼️👅「 台灣ET鹽水雞」是一間經常光顧的小店‼️😋 香香的、辣辣的、令人吃不停口的美食‼️🤗▫️❥$𝟭𝟱𝟰 1隻雞🐥+6款配菜🥬+招牌洋蔥🧅☟☟小店的香辣氣味獨特，一聞到就猜得出它的出處‼️🤭 1隻雞可以分為2大盒🥢 配料款式也不少‼️😋 每次必吃蜂巢豆腐和米血糕‼️💕

🆗 𝗘𝗧鹽水雞 @etg_hkღ 𝗔餐 (1人用) $48已經食過好幾次唔同分店嘅ET鹽水雞～揀咗雞腿肉、甜不辣、杏鮑菇同埋魚片，走蒜小辣～醬汁都幾惹味，特別喜歡甜不辣，煙煙韌韌！但自己都係比較喜歡可以加芝士嘅阿土伯🙊加上ET多間分店，個人覺得如果特登來旺中掃街的話，quota可以去食其他嘢🤪╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬

疫情期間冇得去旅行，我一直以來都好掛住台灣嘅鹽水雞。今日行過旺中見到有呢間寫住台灣鹽水雞嘅舖頭，一於拉住朋友試一試。我哋叫咗雞髀，再加咗杏鮑菇，甜不辣同埋蘋果。食落超驚喜雞肉好嫩滑，嗰個鹹味好恰當適中，同台灣嘅真係差唔多味。我揀嘅配料全部都好好食，食得出好新鮮，好欣賞佢杏鮑菇都畀咗好多，呢間舖應該會列入我每次黎旺中都要食嘅店之一。

去旺中睇下有咩適合低碳嘅我。見到呢間鹽水雞，其實有好多分店，但係一直都未試過。見到啲嘢食都幾啱食，有菜有雞，所以決定試下啦。48元一款雞肉，三款配菜， 價錢都可接受。我揀咗雞髀肉、西蘭花、椰菜同小黃瓜，走辣。因為我唔食得辣嘅，見住佢落咗一大羮粉，本身唔知係咩粉嚟嘅，心諗會唔會係落味精，定係落雞粉呢。隔咗一日先食，肉質都可以， 菜都係爽脆嘅。味道唔算好咸。不過食完就開始feel到『奶嘢啦』 因為勁大浸蒜味喺個口度，已經狂飲水，但係一個鐘之後嗰陣蒜味都仲係口度， 揮之不去。原來嗰羮嘢係蒜粉。最尾要食一粒朱古力先可以蓋過嗰浸蒜味，而家諗起都有啲驚。

真係好掛住好掛住好掛住 台灣我哋幾時先可以去旅行🛩今次去咗旺角中心 ET鹽水雞 買咗個B餐半隻雞雞皮好爽口唔會油膩雞肉都唔會好柴除咗半隻雞嘅雞肉 (份量有點少🤏🏻)另外仲可以自選三款唔同嘅配菜揀咗兩款台灣嘅代表甜不辣 同米血糕 ⋯仲揀左雞髀菇大約有30款不同配菜喔！一定有一款岩你😏整體味道都幾好當然冇得同台灣嘅作比較啦😃///

第一啖食洋蔥已覺得勁吾掂 得辣唔甜 見系一個配菜選擇就夾住肉食 食食下發現明明點一肉三配菜再加2個配菜 先發現俾少左個配菜 但已到屋企無理由返去要返 好無奈⋯更何況我買嘅時候全店只得我一個人點餐 都俾錯 笑吾笑⋯

一向都好喜歡去台灣旅行，行夜市嘅時間，特別喜歡食鹽水雞，嫩滑嘅雞加埋不同嘅配料真係令人垂涎欲滴。今天同老婆去旺角中心行街，見到呢間小店很多人幫襯，之前都聽人提及過佢嘅名，就決定試吓，買咗個鹽水雞返屋企品嚐。雞嘅份量很多，雞肉很新鮮，食落非常爽嫩，雞皮很薄一啲都唔肥膩，味道剛剛好，價錢亦都十分合理。亦都可以選擇適合自己嘅辣度，配合個人口味。今次揀咗青瓜、杏鮑菇、齋根、蓮藕和高麗菜作為配料令到整體嘅口感非常豐富，個人十分喜歡齋根，甜甜地好好味！另外青瓜同蓮藕都非常之爽口，十分新鮮。值得推介！