台食館 (獨立大廈)

营业中

休息中

性價比極高，適合一日三餐在外吃飯的朋友，可以不斷回頭再光顧的食店，牛肉，麵，湯底，都絕對係對得住佢個價錢有多！👍👍👍👍👍本身真係好少寫食評，即使一日三餐都在外吃飯，但呢幾年香港真係好多餐廳提供嘅食品都好唔掂，先唔講服務質素點樣，但最基本嘅食物，都要對得住自己，尊重返個客先好攞出嚟畀客食，寫呢篇食評同時亦係想呼應返自己上一篇關於自己另一篇關於台灣牛肉麵嘅另一間餐廳嘅嗰篇負評，上話畀佢知我並不是隨便畀負評，真係好憤怒先會咁做，我想話畀嗰間餐廳知，呢啲先係最基本應有嘅水準，唔好以為你自己開響啲遊客區就可以亂嚟，香港好細，即使係遊客區都係有好多香港人會去行街食飯，建議大家如果去嗰啲好嘅餐廳都花少少時間畀返個好評，當係對給他們的鼓勵，差嘅餐廳亦都唔好吝嗇俾個差評佢哋，等佢哋知佢哋咁樣係唔啱！

食lunch叫餐, 阿姐問我飲唔飲野。我口快話唔飲。後來睇餐牌見到跟餐免費，問阿姐，阿姐態度惡劣咁話唔係免費架要錢架叫我自己睇餐牌，個場得幾枱客，有時間傾計無時間答個客問題，再問另一個先講清楚包咩餐飲。我出聲問點解包餐飲都唔講？阿姐居然答我佢無責任話比個客知佢個餐包唔包餐飲喎，姐係唔識睇餐牌/唔識字嘅就要比人厄？唔識睇餐牌就唔好幫襯佢？請d人返黎講多句都懶剩係識叫人睇餐牌不如轉晒電子餐牌電子落單啦，請咁多人返黎趕客。野又唔係好食，態度仲要咁差，lee世都唔會再幫襯。

台食館 (獨立大廈) (油麻地)$63 鐵路滷排骨滷肉飯(7/10🌟)排骨分量好多，有三大舊，表面炸得好勁，食落一般。滷水豆腐好平滑。滷肉夠肥，肉質夠淋。$62 蟹黃膏肉碎拌麵(7.5/10)有微少蟹味，可以再濃郁啲。熱拌麵，麵質唔錯。$39 鹽酥雞(7.5/10)雞肉熱口香脆，啖啖瘦肉，調味唔重，雞肉肉汁唔算多。$45 牛肉蔥捲餅(8/10🌟)捲餅食落煙韌，牛肉唔算特出，配有甜甜地既醬汁，整體特別，ok。📍油麻地彌敦道499號獨立大廈地舖其他分店：📍旺角豉油街92號鴻都大廈地下7號舖📍深水埗福榮街64號地舖#香港美食 #油麻地美食 #hkfoodie #foodhk

係油麻地、旺角同深水埗都見到有分店又見到有蛋餅食 價錢又唔貴所以一於入去試下 點知又幾好食😆鹽酥魷魚鬚滷肉拌麵 $63魷魚鬚炸得好香口 有小小甜既調味粉係表面滷肉同醬汁都夠撈哂成個麵 我覺得拌麵反而好食過飯紅燒牛肉滷肉便當 $58呢個係食肉獸之選 牛肉軟硬適中 滷肉粒肥瘦佔半 都唔算好漏 不過不失啦芥味炸雞蛋餅 $38蛋餅煙韌香口 平時肉鬆芝士蛋餅就食得多好少食到呢啲特別口味 炸雞啖啖肉 估唔到蜜糖芥末醬配蛋餅又幾夾 追加小食鹽酥雞$20 小香腸$20鹽酥雞都幾多 調味岩岩 即叫即炸脆卜卜小香腸如果有埋蒜片會仲加分黑糖珍珠髒髒乳 $20呢杯係黑糖珍珠鮮奶 珍珠煙韌 又唔會好甜杯面仲有粒熊仔冰 好得意🤪

禮拜日和friend在油麻地嘆晚餐，地點由friend推介，是位於油麻地的台食館。入面有好多台灣特色小食，比起其他台式餐廳多左好多選擇。我哋點左夜市香腸滷肉拌麵，鐵路滷排骨滷肉拌麵，一杯黑糖珍珠髒髒乳和一杯凍醇香奶茶。                                          鐵路滷排骨滷肉拌麵好有驚喜，第一次試過如此新奇的排骨。台灣排骨裹上薄薄炸粉，啱啱炸起，熱辣辣，配搭特色台灣滷汁，口感十分豐富，有層次感，咬落香口，推介必食！！！好愛這家嘅滷肉，算是比較滑的那種，煮得非常入味。將滷肉、拌麵醬汁、麵條拌勻， 好易就食曬成碗，非常滋味！                                            夜市香腸滷肉拌麵台灣出品的腸非常出名， 大多數夜市也有售賣這款食物朋友話食落好有夜市的感覺，下次我都想試下我點左一杯黑糖珍珠髒髒乳，味道同老虎堂的好相似牛乳好滑，珍珠超彈牙，黑糖味濃郁，好正朋友點左凍醇香奶茶佢覺得奶味偏重，茶味較淡。如果想試特別新穎的台灣菜 這間餐廳是一個好好的選擇

紅燒牛肉麵正常，牛肉份量都合理，個麵不過不失，但珍珠奶茶唔好飲，冇茶味，一味死甜，另外侍應態度極差，一入去就命令我坐邊，粗聲粗氣，叫左野食又成張單dum落我張枱度，一定冇下次，茶記呀叔啲態度都好過佢地

同朋友行街經過見到好似好正就入左去食晚飯 我地叫左個軟殼蟹蟹黃膏肉碎拌麵 $88望落好特別，一上枱望到好大碟，份量好大，面上面鋪滿左蟹黃膏，仲有一隻完整嘅軟殼蟹，非常吸引。佢地用嘅係幼面，如果可以係刀常削麵應該會更正。但係呢個面真係好好味，味道啱啱好，吾會話太鹹，每啖面撈埋啲蟹膏一齊食十分之正！雖然係有小小多油，但係真係超級值得一試。另外我地仲叫左個起司肉鬆蛋餅 （$36）入面有滿滿嘅肉鬆同醬，而且餅皮煎得唔錯，啱啱整完出嚟即刻食，熱辣辣，感覺味道吾錯，非常滿足。

這天中午和女朋友在附近逛街，然後來了這邊吃午餐。我和女朋友都挺喜歡吃台灣菜的。這家店我們之前來過好幾次，覺得味道很正宗。這次，我依然點的是我最喜歡的香酥綜合便當！鹽酥雞和魷魚鬚的炸粉都十分薄，外皮非常香脆。特別是魷魚鬚，是我吃過最好吃的魷魚鬚！絕對是必點！而女朋友非常喜歡吃台灣香腸，我們兩個share來吃，好美味！滷肉飯的滷肉，滷得十分入味，入口即化， 味道香濃，超級好下飯！香酥綜合飯分量好足，女朋友都可以一起吃。我們另外還點了一份水餃麵來share。這間店的水餃是手工自製的，皮薄餡多，看的出店家好用心。配上店家特製的酸甜醋蘸料，好吃開胃。唯一不足的是，水餃只有韭菜豬肉一種餡可供選擇，如果有白菜豬肉會更加好。

原本想一個人獨遊，突然間好想食台灣菜。忍不住，call住係附近的朋友一齊去台食館食餐台灣菜過下癮。我之前黎左台食館好多次，對佢哋食品已經相當了解。今次跟朋友點了主菜，蛋餅和飲品，分別有：香酥綜合便當（好抵食，必點！），招牌紅燒牛肉麵，起司肉鬆蛋餅和兩杯百香果雙響炮。^香酥綜合拌麵^分量勁勁勁大碟 ，賣相亦十分吸引。魷魚鬚炸得好香好脆口，調味有少少甜味，超好食。鹽酥雞件炸漿脆薄、內裏相當嫩滑，一啲都唔覺得干。台灣香腸烤的恰到好處，外皮唔會太硬，咬入口鮮嫩多汁，果然冇失望！滷肉又滑又香，滷水汁煮得很入味香甜，好啱拌麵黎食。再加上少少酸菜和青瓜絲，中和滷肉的油膩，係點睛之筆。麵質地都算煙韌彈牙，唔會煮到稔哂，讚！^招牌紅燒牛肉麵^今次我推介朋友點了台食館的招牌紅燒牛肉麵，我自己食左好多次，覺得好好味。牛肉滷得入味而份量都唔少，原本配搭的台灣扁麵較粗身，朋友轉左幼麵。朋友話牛肉麵的味道係同台灣夜市的一模一樣！^起司肉鬆蛋餅^起司肉鬆蛋餅一上枱香氣撲鼻，蛋餅皮唔算厚，入邊有好多芝士同肉鬆，口感非常豐富，好滿足！一定要試！^百香果雙響炮^今次賣相就普普通通，冇上次甘吸引。珍珠同椰果擺放有啲亂，百香

聽朋友講過呢一間餐廳好耐，上個週末過咗嚟呢邊附近行街，所以就過咗嚟呢度試吓。呢間餐廳有各式各樣既台式食品、甜品同埋飲品，讓人好有驚喜。無奈今次得一個人黎食，好多野都好想試，但係一個人食唔到甘多野考慮左好耐，最後決定點鹽酥雞滷肉拌麵，烤台灣小香腸同埋一杯熱台灣奶茶。對於台灣菜來講，鹽酥雞算係必食之一既台式小食。台食館鹽酥雞炸得好酥脆，雞肉亦都好鮮嫩，調味很足，好惹味！值得一讚既係鹽酥雞炸粉幾薄身，有好香既椒鹽味。切成丁方粒的滷肉，配以店家特製台式滷肉汁，再加上口感煙韌的麵條，整碗鹽酥雞滷肉拌麵堪稱完美了。而小食台灣烤小香腸亦屬於高上水準。烤小香腸腸味道偏甜，配埋蒜片的味道，口感層次極豐富，個人推介一定要試下！不過台灣奶茶就普普通通，唔算特別。下次應該會試下其他野飲。加上店員算幾有禮貌， 整體所有嘢來講， 好值得再返嚟食

前幾日係旺角附近行街 所以就係附近搵食 經過見到呢間餐廳餐牌幾特別就入黎試下：）餐牌種類都唔少好吸引。滷肉飯同滷肉拌麵系列都各有十幾個唔同口味選擇，仲有台灣特色的紅燒牛肉麵，大腸麵線同埋好多唔同款的台灣特色小食。飲品亦有幾多選擇，包括最經典的台灣飲品 珍珠奶茶天熱唔想食炸野，所以點左綜合拌麵：）{綜合拌麵}$65滿分的滷肉拌麵，滷肉份量幾多，入口即化、肥而不膩。拌麵醬汁有少少麻醬味同滷汁味，夠撈曬成碗麵。濃郁古早味的醬汁用嚟撈飯食真是一流啊！醬軟骨燜得軟爛入味，帶有滷水香，唔錯。滷豆腐好嫰好滑，略帶點微鹹。滷蛋不過不失，同滷肉拌麵好夾。【凍珍珠奶茶】跟餐價$8珍珠奶茶味道幾好，茶底夠出色。飲落去茶香味好濃，珍珠口感亦都煙韌有嚼頭。

近排無得去台灣 突然想食台灣菜 今次就同朋友試左呢間台灣野 估唔到價錢又唔貴 而且仲好好食我跟朋友點左一個魷魚須滷肉便當跟一碗滷肉飯。魷魚須滷肉便當魷魚須即點即炸 上碟時仍然熱得非常燙口 炸漿十分薄脆 炸得好香好脆個人覺得係香港食過 最好食既魷魚須！！！滷肉肥瘦平均 肉汁香濃米質都算煙韌 中規中矩  呢碗魯肉飯分量比係台灣食既多好多記得係台灣食既魯肉飯都會偏油   食細細碗就會覺得漏但呢碗既醬汁唔會太油膩滷肉汁多 足夠撈整碗飯！台南滷肉便當朋友點左滷肉飯 滷肉飯跟一個滷蛋朋友話滷蛋帶有滷水香 都算入味 但有少少鹹 味道唔算好有驚喜不過佢話開初見價錢不貴諗應該都很細碗但估唔到有成個碗的白飯食完都好飽 幾抵食午市仲有跟餐飲品 我哋點左兩杯熱奶茶同港式奶茶對比台灣奶茶 奶味重 而茶味淡味道都算ok 

疫情之下冇得飛，幾年都去唔到台灣 但又好想食台灣野，所以約朋友黎台食館食飯，就當自己去咗台灣旅行。 黎之前睇個餐牌，樣樣野都好想叫黎食但得兩個女仔，食唔到太多野。左揀右揀，我揀左麻醬雞絲拌麵，朋友揀左鹽酥雞滷肉拌麵台灣拌麵呢幾年好hit，平時係屋企我都會買d台灣袋裝拌麵食。呢次係台灣餐廳試下拌麵，睇下會不會仲好食D麻醬雞絲拌麵，用料十分足，上面滿滿一層雞絲。雞絲有雞味，帶少少鹹味，雞肉肉質亦十分嫩滑麻醬好香，相信係自家製，香過我係超級市場買既多多聲台灣幼麵口感有嚼勁，亦好掛汁，同麻醬係天生一對朋友揀左鹽酥雞滷肉拌麵，呢款拌麵加左少少麻醬，仲有滷肉汁。朋友話估唔到麻醬同滷肉汁味道都好夾，撈麵好好味，要我下次一定要試下朋友話鹽酥雞應該係即叫即炸，上碟時仍然非常燙口。炸漿都算薄，但係雞肉有少少乾，可能炸得耐左D野飲我哋叫左兩杯凍珍珠奶茶，甜度冰量都適中，不過不失，下次想試下特飲。仲有好多野都想試，下次黎再食過喇

今日係油麻地附近買野，再一次來到位於油麻地彌敦道的台式小店食野。店家招牌之一的台灣紅燒牛肉麵，我每次黎都必食。因為真係好鐘意這間餐廳的台灣牛肉麵牛肉麵的湯底幾好，酒紅色的湯底有淡淡藥材味，味濃有微辣。麵底可以揀台灣手工扁麵或者幼麵，我就揀咗手工扁麵，正！表面闊大的手工扁麵亦吸收了湯底的精華。手工扁麵份量頗多，但唔算好彈牙，係稍微美中不足的地方。佢個牛肉非常出色，煮得好林，好入味，分量都幾多珍珠奶茶味道唔錯，飲落去奶香味濃。午市跟餐加$8，覺得好抵食！

台菜一直都係我最喜愛菜式之一，今次又約左朋友黎台食館回味一下台灣味道。他的食物真的會令人想起最純正的台灣口味。食台灣野就一定要嗌滷肉飯㗎啦。滷肉鹹味適中，燜到好淋身，帶點膠質口感。佢上面仲加咗隻滷水蛋， 味道中規中矩。配合有嚼頭的米飯一齊食，就係正宗台灣古早味呀。同我之前係台南食嘅滷肉飯味道好相似朋友嗌左鹽酥雞排滷肉飯 ，見到佢雞排嘅份量都算多。朋友話熱辣辣  應該係新鮮炸起，外脆內軟，可以一試。我同朋友就各自叫咗一杯嘢飲，我叫咗梅子金桔檸檬，佢叫咗百香果雙響炮。我覺得梅子金桔檸檬真係非常好飲，一定要推介！金桔味濃郁，梅子帶有淡淡鹹味，飲落非常清新開胃。買單得百幾蚊，價錢合理，值得一讚！