葉味小食

营业中

休息中

近附近打完波，成11點幾肚餓想揾野食，行過見到有小食舖。竟然見到有賣魚皮！即刻試返個先，超好食！魚皮本身就唔係好多地方有得食，呢間個魚皮夠晒彈牙，又夠辣，真係食過最好食既一間！

順欣樓下間唔中都經過間鋪～終於第一次幫襯～睇左食評先幫襯～諗住做晚餐買左豬扒炒烏冬、炸髀、鹽酥雞豬扒炒烏冬：唔好期望好似茶餐廳有鑊氣個d，似撈烏冬多，都多XO醬，份量就比較少，但佢價錢都比茶餐廳平。鹽酥雞：比較推介，味道幾好～雖然細細舊，但唔會話成舊炸粉，啖啖肉炸髀：同其他評論一樣，有少少咖喱味～味道不過不失，但係全隻髀都係熟晒～唔會有紅色血水嗰啲👍🏼～～～～～～～～～～～本身想食埋佢車仔麵嗰啲，但係剩係得米粉同米線，下次有機會試埋個多春魚

返到上水夜媽媽又肚餓！最岩就係去葉味買小食返屋企食啦😋又平又抵食👍即叫即整🔥上水人必食宵夜店/小食店😍老闆娘又好人😊做慣做熟街坊生意😛每個街坊經過都會同老闆娘吹水🥰係愛呀哈利～❤$30(烏冬+$2) - 最抵食車仔麵大大碗又多料3餸😋$20 - 大大份食唔完嘅鹽酥雞😳$20 - 即叫即炸熱辣辣多春魚😆$15/3串 - 食唔停口雞肉串燒🐔$15 - 又爽又麻辣刺激撈貢菜🤩$20 - 惹味香噴噴XO醬炒烏冬🤤哩間鋪頭係屋企附近真係好正😋放學收工都可以黎買小食返屋企食😋係人情味重嘅小店！又平又抵食！😄👍

夜晚行行下肚餓，見到有間黃金小店，一定要入去幫襯一下。老闆娘同老闆都超親切❤️叫左一碗細酸辣粉、一碗車仔麵、一份腸粉、一份炸燒賣、一份鹽酥雞同一份多春魚。酸辣粉細細碗，粉彈牙，味道適中，適合非重口味既人食。如果食得辣既，就要叫老闆娘再加辣d啦。細酸辣粉份量剛剛好，食完仲有雞可以食其他小食。腸粉落醬既時候，老闆娘問左我地幾次：「真係要辣醬？」因為我地有個小朋友係度，非常細心❤️腸粉不過不失，配埋良心，變得異常美味！炸燒賣外脆內軟，即使拎到返屋企個皮麵係脆的。味道偏淡，本人係淡口味人士，表示非常鍾意。但如果是重口味人士，就要叫老闆落多d調味料啦！鹽酥雞係本人食過全北區最好味既鹽酥雞，沒有之一。鹽酥雞表皮炸得脆，但入面既肉仲好嫩，而且啖啖肉，而非垃圾肥豬肉。多春魚又係炸得外脆內軟，味道也是偏淡，另外條條多春魚d籽都多到要爆出黎，絕非減肥成功多春魚！口味偏淡又想食炸野既絕對要試試哩間，可以再食多1萬次🤤

哩間係屋苑樓下既小食店，食物種類選擇好多，令人眼花撩亂🤨。而我就揀左兩款超邪惡炸物黎慰勞一下自己。因為全部都即叫即煮，所以大家預返啲等候時間⏱。炸雞脾🍗 $21簡直熱辣辣到辣手阿，等佢涼左陣就急不及待放入口。佢外皮起哂鱗片，一睇就知好脆口，食落索索聲，啲肉汁係咁流出黎🤤。而佢醃料都非常入味，仲有啲咖哩味🥘，啖啖都係肉，炸得岩岩好。炸薯條🍟 $11同樣都係熱烘烘，係波浪紋薯條，都算外脆內軟，薯仔肉滿滿，正常水準。後來見到唔少區友推介佢既餃子，下次都會再黎試下既！😛

尋晚難得約埋成班舊同學係紅場打完波🏀，就係附近買d野食，拎走去啤一啤🍺吹下水，因為第一次幫襯，便信老闆娘推介🤗：麻辣餃子（必食😍），炸雞軟骨（即叫即整既雞軟骨好juicy 👍🏻），薯條就正常水準🤔，下次要再試埋其它😆（太多款😭有排先試勻 晒，打多幾場波先得💪🏻🤣）後記：間店原來重有車仔面同酸辣粉，老闆娘話如果鍾意食辣🥰，下次過來試下酸辣粉先😋，價錢又抵食，又可以比支付寶同微信支付👍🏻方便我地班打波淨帶部電話出來就攪掂😎