嘆甜品 (已結業)

呢間嘢完全係過分 叫左個榴槤冰雪 $72蚊個D2榴槤現成出嚟得2條仔圍住個雪榚同原圖差勁遠 滿心期待諗住會係正常份量早知唔叫啦 係過分先會比差評頭先食之前完全唔記得影相 諗住算數但係少得 太過份完全係呃錢唔建議大家過嚟食 平時都知榴槤係會貴啲 份量會少啲 但係唔係咁樣掛 食左2淡已經唔想食一啲都唔抵食 ，2條榴槤圍邊仔 真心好少囉希望店主可以檢討下呢啲係期望落差太大圖文其實都預左係不符 但真係差太遠先會比差評大家真係留意下

環境: 鋪頭唔大，但為食豬八點幾去，幾乎坐滿，坐落都幾舒服，但同隔離枱隔得好近🐷食物: 鐵觀音麻糬華夫餅，$78💸，見係佢哋限時新品，於是心動不如行動🤣佢哋即叫即整，華夫餅好熱，雪糕嗌咗士多啤梨🍓味道冇乜特別，個蝴蝶🦋以為裝飾，原來可以食，但乜味都冇，麻糬很新鮮，就像雪米糍🍡嘅皮咁，醬就有好濃嘅鐵觀音味🫖🐷各位大西北朋友仔不妨試試

堅守着食完鹹嘢就食甜嘅原則，食完飯就喺天水圍呢間甜品舖到買咗外賣其實外賣嘅份量都好多睇落就應該唔會比堂食差，其實呢間都唔錯，而且我哋走咗煉奶都唔會冇味同埋唔會好甜唔會膩。Oreo 雪花冰⭐️⭐️⭐️⭐️雪花冰上面滿滿嘅都係Oreo碎同oreo鍾意食Oreo嘅應該超滿足同埋仲有麻糬粒事關小編真係好愛麻糬同埋oreo 所以食冰都好愛呢種配搭簡直真係好幸福而且有埋Oreo雪糕加埋成件事嘅配搭就真係好食好食加好食鮮雜果雪花冰⭐️⭐️⭐️✨（3.5）水果方面其實都好新鮮好甜襯埋雪花冰嘅牛奶香都好百搭好好食不過雪糕方面呢款稍為遜色啲士多啤梨味呢款味道唔係好突出同埋好似有少少死甜feel (唔係話好甜好甜嗰隻唔知有冇人明我講咩）不過其實都好好食不過同前者比較會比較prefer前者

叫咗西瓜西米露（鮮西瓜汁），佢外賣單張同埋餐牌都係話鮮西瓜汁，真係搞笑，原來西瓜係白色架 你俾唔到鮮西瓜汁，就唔好寫先西瓜汁啦，照寫椰汁西瓜西米露，有相睇，邊忽係鮮西瓜汁？誤導客人，冇下次，垃圾

炎炎夏日最好緊係坐低嘆甜品，悠閒寫意一下，所以今日就黎到嘆甜品🤣 🍧芒果飄雪 $62牛奶味很重既雪花冰😋加埋芒果醬同煉奶，味道更豐富😝😝而且旁邊既芒果粒超甜！又夠多，推薦😋😋真係消暑佳品😁🥭楊枝甘露 $39本身無咩太大期望，但一食落去芒果汁勁濃郁☺️溝埋椰奶，西柚同西米，口感豐富，酸酸甜甜勁開胃😆🍌焦糖脆脆香蕉鮮忌廉窩夫配雲呢拿雪糕 $62呢個一上黎已經嘩一聲，賣相好靚！口感好好，外脆內軟，唔會過份甜😚焦糖脆脆鋪埋起面夾住食，又有朱古力醬點綴，正😋😋😋總括而言好食，會再回頭的🤣

#港女覓食到天水圍天水圍美食都好多架，不過甜品相無乜選擇😂想食甜品嘅話呢可以去位於天耀嘅呢一間甜品店。今次係同一班朋友去食，所以可以叫得多款啲，每樣都試下🤤✨竹炭黑芝麻麻糬窩夫配雪糕 $63窩夫食落鬆軟，內有煙韌嘅麻糬。不過黑芝麻味就唔係好食得到，因為佢係將黑芝麻粉灑在窩夫表面，純粹貪過癮試下新產品🤭✨榛子朱古力石板街窩夫配雪糕$60窩夫食落鬆軟，而且Topping配料都多，有爆谷棉花糖仲有啲杏仁脆片係上面。✨芒果鮮忌廉窩夫配榴槤雪糕 $68另外+$2配榴槤雪糕，不過芒果配榴槤呢個組合一啲都唔夾🤣🤣🤣下次都係揀返正常味道雪糕。✨朱古力心太軟配雪糕 $48朱古力心太軟一向都好食嘅，焗到表面小小脆入面做到流心效果。✨和風飄雪 $55底層係牛奶雪花冰配以甜煉奶，配料有麻糬紅豆馬利餅餅碎及雲呢拿雪糕。佢嘅雪花冰食落係軟綿綿架😍入口即溶嘅感覺。✨總結人均消費💸：$60/1人味道：🌕🌕🌕🌗🌑份量：🌕🌕🌕🌕🌑服務：🌕🌕🌕🌗🌑質素：🌕🌕🌕🌕🌑🍴 嘆甜品 (天水圍)📍天水圍天湖路2號天耀廣場LG1樓LG14號舖嘆甜品除咗天水圍分店之外，佢地仲有間店係屯門紅橋架☺️屯門虹橋店以貓貓🐱為主，入到店鋪會見到好多

💛嘆甜品 (天水圍)👎🏿糖不甩丸子窩夫配豆腐雪糕 $63窩夫”軟熟”零外脆，感覺似預先整好再返叮🫠糖不甩口感好霉，零煙靭😟Nuts 有陣怪味，好似過左期甘😵雪糕正正常常🥹要感恩啦🙏🏻.👍🏻白桃乳酸 $8(跟餐)正正常常，唔好期望太多🙌🏻📸25.05.2023.💁🏻‍♀️去開天水圍，男朋友話個到有”嘆”食甘耐冇去，心思思佢個窩夫，點知中曬伏🫠食食下仲有烏蠅陪你食😵不了啦👋🏻

準備試芒果小丸子 點知拎返屋企係芒果西米露好誇張 如果係咁點解我唔嗌芒果西米露？D小丸子少到好似無幾粒，圖片上個芒果小丸子無椰奶無西米 返到黎完全唔同曬 難食 覺得俾人呃！需要200字先可以留劣評 咁我唯有打多幾隻字 我都知圖文不符係基本，但係有時完全係兩樣產品黎，咁樣好誇張！我想食芒果蘆薈小丸子，你俾芒果椰汁西米露加幾粒小丸子幾粒蘆薈粒，呢個唔係芒果小丸子囉！最後你地個外賣自取聽電話個男仔，唔識接外賣單，我講完一個order佢一句嘢都無講，我都唔知我應唔應該繼續講下一個。

《天水圍新開甜品鋪🍨》本身屯門有鋪~宜家開埋黎天水圍‼️▪️岩鹽拖肥Oreo鮮忌廉窩夫配豆腐雪糕 ($60)✨窩夫係軟身，而唔係脆皮嗰隻✨好似食緊雞蛋仔嘅味道✨cream夠多，少量oreo餅同杏仁✨岩鹽味冇乜，豆腐雪糕食到有豆腐味▪️榴槤飄雪($69)✨牛奶冰上有榴槤蓉&榴槤雪糕，雪糕未算濃烈✨榴槤蓉放得有啲hea🫡✨小丸子同椰果正正常常✨有一支煉奶俾我地，撈去牛奶冰到好食好多.✍🏻整體:天水圍食得入口嘅甜品鋪真係冇乜🤥呢間算正常，性價比唔高，位置較少如果去天水圍想食甜品都係一個選擇

元朗食完飯，諗住食埋 b仔先返，朋友话天耀有間新糖水舖，立即睇openrice留言區，大家都话屯門店好味，咁我地就返黎试下天耀分店，去到見到都多人買，應該掂啦，買完15分鐘返到屋企，一開撈下西米黐住一pat pat，心知不妙，開第二碗，又係黐住晒，算！可能好食呢，一试完，忍唔住立刻要開個戶口寫評價， 芋頭，小丸子，蘆薈 ，重要料好少，成個底汁似水，2碗夾埋70幾，貴唔貴見人見智，但開得舖唔應該依個質素。。。

榛子石板街窩夫（$60）聽聞呢間甜品舖比較出名既係窩夫，窩夫有唔同食材配搭，選擇都幾多，雪糕味道可以自選，揀左曲奇味。賣相好靚，但係窩夫完全唔脆，建議額外加錢喺窩夫入面加麻糬，令個窩夫食起上黎多左層煙un軟熟口感，會好食好多。窩夫配料亦都好多，有焦糖爆谷、棉花糖同榛子碎片，所以口感相當豐富，焦糖爆谷每粒都好脆。總結整體味道質素普通。

晚上同朋友到新年先開張嘅甜品鋪試食住係屯門嘅朋友應該對依間鋪頭吾陌生門外已經有5-6人等緊外賣鋪面大約可容納16-18人餐廳環境好似去左貓貓cafe 咁.牆上有貓跳板樓梯同喵喵裝飾聽聞窩夫係佢地招牌🧇今次試左焦糖脆脆花生醬鮮忌廉窩夫拼朱古力雪糕份量十足.非常值得一試甜品種類方面.除左有招牌窩夫之外仲有中式同台式可以照顧埋老一輩嘅需要服務員都好有禮貌～👍🏽雖然吾係成日去天水圍.但希望下次會再去試佢其他嘅出品❣️