吃茶三千 (荃新天地)

营业中

休息中

決明子烏龍鮮奶($38)吃茶三千嘅茶底真係好出色 可以話係廢水界頭三位 今次試左有三粒星嘅決明子烏龍茶底 佢地嘅茶底係用萃茶機現萃茶葉而成 係特別香濃 飲起上黎仲有回甘 配鮮奶非常夾 走左甜都好好飲 怕太苦專登加左仙草凍 結果真係非常配合 極好味嘅奶茶！🤤松針柚粒冰茶($42)呢排期間限定 非常解渴 超多西柚粒粒 店員推薦半糖 我覺得再可以少啲糖 所以怕甜之人可以再低啲糖度 飲完一陣透心涼 大家捉緊夏天尾巴飲喇🤓🤓最鍾意有埋繩拎住周圍走🤓🤓

未聽過一間鋪係因為店鋪或員工問題唔比退款要客人一定要承受！差爆單又落錯 又冇人做單 落單時承諾15分鐘內製作好超過20分鐘 都唔比貨人仲要話一定冇得退款？一定要等你製作🥴🥴客服就話我們深感抱歉，並希望您能理解。就當解決事情？我真係不能理解😧你地內部問題就要顧客去承受 買你地產品仲要受你地氣？十分失望😞尊敬的顧客，謝謝你的反饋。我們非常重視您的意見，並對您在我們店內的體驗感到抱歉，日後會針對類似情況再作出培訓及改善措拖。根據您所提供的情況，我們的店員同事當時正在處理其他客人的訂單，因此可能導致您等待的時間超過了預期。我們在下單時已經明確說明了需要約15分鐘的等待時間，並且您下單的飲品在20分鐘內已經全部準備好。然而，基於我們公司的規定，超時情況需要根據現場情況而定。在這種情況下，我們無法為您處理退款申請。我們深感抱歉，並希望您能理解。如果您有其他疑問或需要進一步協助，請隨時與我們聯繫。客服都幾好做 簡單講兩句就可以完事

🍴 鳯來厚奶 $43 (7/10)只可以少冰，甜度固定，係金鑽鳯梨果醬同鳯梨肉，食落酸甜有口感，甜度剛好，青茶比較清香加埋厚奶，配搭ok好飲，係細杯咗啲！推薦指數: 7/10鍾意鳯梨可以一試，冇伏。

.來自台灣嘅吃茶三千出了名茶底靚、香💁🏻‍♀️原來茶底是用萃茶機現萃茶葉而成，所以茶飲值得等待我地叫左兩杯茶飲，香橙冰茶$33、青檸芬朵西$32🤤..香橙冰茶$33可以自選茶底，包括綠茶、桂花、青茶，我選擇了桂花茶底，茶底好香濃，淡淡桂花香，配上香橙🍊味，好適合炎炎夏日，清爽！..青檸芬朵西$32青檸原汁+牛乳，清爽香滑，最近天氣又熱又淡田，飲返杯最適合，飲完成個人都好清爽🤩「青檸原汁喎會唔會好酸架!!」🤔我又覺得唔會喎!! 配上牛乳又感覺剛剛好喎🤤咁嘅配搭都幾新鮮，第一次飲..地址：吃茶三千 (荃新天地) (荃灣)荃灣楊屋道1號荃新天地地下G31號舖..#吃茶三千 #吃茶 #台灣茶飲專門店 #台灣 #台灣美食 #香港茶飲 #茶飲界精品 #台灣茶 #現萃 #現萃茶 #吃茶三千銅鑼灣#吃茶三千旺角 #618 #吃茶三千南昌 #吃茶三千海港城 #吃茶三千ifc #吃茶三千太古廣場 #烘焙 #焙茶 #台灣茶 #荃灣 #荃灣好去處 #荃灣美食 #citywalk #好飲 #水果茶 #招牌茶飲 #香橙冰茶 #青檸 #香港美食 #香港好去處

記得幾年前去過尖沙咀分店買吃茶三千試, 嗰陣撞正假期真係有排長龍, 排左成粒種🤣不過質素絕對係物超所值😋. 事隔幾年,經過荃新天地見到吃茶三千, 又咁岩岩岩開門冇乜人排隊, 緊係快快趣買黎過下口癮, 滿足下勁耐冇飲既慾望🤩個人最中意既就係可以簡茶底, 唔洗咁死板咁set死飲茶底, 口味更加多元化!!仲要係即叫即沖, 用萃茶機現萃茶葉而成,所以沖出黎既茶底係好濃茶香味!!! 睇到有香橙冰茶, 聽個名好岩依家天氣咁熱飲黎Fresh下. 之前聽過男朋友介紹 , 珍珠奶茶都係好好飲, 所以就買埋黎試下~🥤香橙冰茶 ($33) : 可以簡茶底-松針綠茶、水仙桂花、玉露清茶 , 配以香橙果露而成。 我就簡左水仙桂花。 味道一入口就係桂花既清香味, 仲有水仙既香氣同味道, 非常濃厚. 配以香橙果露的淡淡橙味, 成杯野好Fresh同好好飲!!!🧋國王珍茶奶茶 ($36): 作為一間正式既台式飲品店, 緊係唔少得有珍珠奶茶😬 加上男朋友既推薦, 就買左黎試下。 依款茶飲就settle左茶底係鳳尾紅茶, 配以皇家厚奶同國王珍珠. 用鳳尾紅茶沖成既茶底味道比較濃, 奶可以中和左紅茶既苦澀味. 而國王珍珠粒粒

夏日炎炎，行街既時候當然唔少得要買番杯手調降下火啦! 今次就去左人氣台中過江龍茶飲店「吃茶三千」買野飲，好欣賞佢地既茶底係用萃茶機現萃茶葉而成，唔怪得之佢地好受歡迎成日排隊啦今次試左佢地個水蜜桃果茶系列，味道都好有驚喜🍑蜜桃烏龍奶蓋水蜜桃清香，推介佢地個奶蓋，入口帶微微鹹香，順滑無比，甜度剛剛好🍵蜜桃烏龍冰茶烏龍茶入口甘醇，加入香甜的蜜桃汁，可以同時品嚐倒茶香同果香，入面仲有啲桃肉粒粒，口感豐富另外仲有蜜桃冰茶同蜜桃綠茶奶蓋，下次有機會試下先

第二次係荃灣呢間吃茶三千買珍珠奶茶，點知體驗非常之不愉快，飲到一半食到異物，係一張非常污糟的透明膠紙！當下吐出黎見到非常之反胃，完全唔知呢塊咁污糟嘅膠紙到底係你地邊個環節出左問題混左入去裡面！對於店舖衛生問題產生懷疑，我係珍珠奶茶熱愛者，呢種情況係第一次遇到，如果塊膠紙係乾淨都唔會咁憤怒，係極污糟⋯食品安全真係非常之緊要，相信你地員工自己都唔想飲/食遇到呢類事情！希望加強及注意店舖衛生及員工管理！

環境：首先飲品店位於荃灣荃新天地一期商場，商場地理位理位置方便，附近幾個大型商場都是用天橋連接住的，所以我比較鍾意去這個商場行街，商場企理商店多元化，這間飲品店就位於商場的下層，會有少少難搵的，不過飲品店附近都有很多食肆，咁如搵野食就會好搵好多首先飲品店的飲品包裝，好有趣地會整一個繩制的手抽俾你拎住杯嘢飲，基本上一見到杯嘢飲就知道係吃貨3千，雖然外觀具有很易的識別，但係茶底都非常好，有很香的茶味，茶底很厚，同埋奶撞埋一齊非常好飲，珍珠到口感十足，值得推薦

留意到小紅書成日推這家，充滿實驗精神的我趁路過就試試。來自台灣的吃茶三千一啲都唔平，一杯約價三四十元左右，特色係在於包裝方面，係幾適合「打卡」。國王珍珠奶茶($37)鳳凰紅茶+厚奶+黑糖珍珠，紅茶味帶少少澀，對我來說濃度唔算高，奶味亦都比較淡口，輕甜的關係奶茶口味比較淡，係比較台味嘅奶茶，而甜味有啲假，茶底整體一般，反而係珍珠比較Q彈好食。聽說是排隊熱店，所以用戶戶送先下單，然後到點自取不用等。總結並唔係傳說中咁好飲，完。

一向受大家喜愛排隊是沒關係的發覺買完後越來越多人圍進去看甚至阻塞通道但服務員並沒有接螢幕顯示所以客人都沒有辦法唯有久不久圍進去問我忍不住問為什麼沒有按顯示店員說她們都很忙我跟她們說你們越是不按人群只會迫進來問那豈不是更忙吧！好奇怪😳

曾被YouTuber譽為台灣必試珍奶🧋嘅《吃茶三千》，今次🐻🐻‍❄️終於試左！🧋熔岩黑糖波霸鮮奶💲37🐻‍❄️味道好有驚喜！本身無咩期望，估唔到黑糖同鮮奶可以咁夾！🧋珍珠本身有黑糖味，而且好煙韌🐻‍❄️好like個煙韌度👍🏽👍🏽🐻🐻‍❄️一試即刻加入encore list👍🏽每杯仲會有紙杯套送，方便攞住邊行邊飲👍🏽不過都有啲可以變得更好嘅地方，第一係無得調整甜度同冰，🐻🐻‍❄️都食得甜，所以覺得好味，鍾意❤️微糖嘅就可能覺得過甜。同埋一樣有珍奶嘅普遍問題 — 好快飲晒鮮奶，剩返冰同珍珠，珍珠本身有味，單獨食都ok，但冰融後就會有溝淡嘅黑糖水🤣結論：值得encore👍🏽黑糖鮮奶+煙韌珍珠 真係無得頂🤤

假日一定好多人排長龍, 今日見冇乜人, 同朋友一齊買返杯飲下😛吃茶三千其實都飲過好多次, 每次沖出黎個品質都keep到水準, 值得一讚👍👍🧋國王珍珠奶茶(熱)因為商場冷氣好凍, 所以揀左飲熱😅😂我想講飲過吃茶3千嘅珍珠奶茶, 真係返唔到轉頭, 飲唔到其他出面嘅手搖飲品店, 首先我自己真係唔係太鍾意珍珠果種口感, 但呢間珍珠嘅煙韌係好合我口味,奶茶茶底好香滑🥰🧋水仙桂花蜜+纖玉果子(凍)水仙桂花淡淡花香, 加左蜜糖好潤, 唔係死甜果種, 清甜解渴, 加埋纖玉果子即係好似蒟蒻呀啫喱咁, 有少少咬口, 又無珍珠咁肥, 減低罪惡感🤭

🚩荃灣荃新天地🚩成日聽見吃茶三千好好飲，包裝又靚，好想飲返次，但每次經過都好多人排隊，不過今次有幸試到，外賣返到公司☺️☺️☺️國王珍珠奶茶🧋 $36紅茶底加厚奶配國王珍珠😀😀😀珍珠都幾好味，有咬口甜甜地凍頂烏龍鮮奶茶🧋$34自己再加左珍珠，叫左少甜，甜度我覺得可以叫返正常，因為佢唔太甜，幾好入口，有茶味我好希望可以再試埋其他款式既飲品，見佢有水果茶同水仙桂花茶個d😌😌😌😌📍 吃茶三千 (荃新天地) (荃灣)🗺️ 荃灣楊屋道1號荃新天地地下G31號舖

次次經過其他分店都排長龍，有朋友等左成個鐘先買到🫣今次行完街經過見到冇人排隊，即刻買番杯先。因為準備去食飯，所以放棄左國王珍珠奶茶。⭐️蜜桃冰茶 $40茶底清香，桃味濃郁，唔係死甜味又假果種糖漿，雖然桃味蓋過茶味，但飲落好清新，果粒都多，夏天熱辣辣果陣飲會好爽🤭

有冇人同我一樣好中意飲珍珠奶茶🧋🤣 今次就黎到《吃茶三千》，試下呢間人氣奶茶店既珍珠奶茶😛‣ 國王珍珠奶茶 ($36)呢杯係由鳳眉紅茶+皇家厚奶+國王珍珠製作而成，佢地介紹話當中既鳳眉紅茶屬於重烘焙既茶種，口感醇厚，甘甜持久~我自己飲落就覺得茶底果然好特別，同平時飲開個啲多一份烘焙味道；而珍珠就好大粒，又煙煙韌韌口感唔錯👍🏻整體黎講，佢冇平時常既珍珠奶茶咁甜💭 C͟o͟n͟c͟l͟u͟s͟i͟o͟n͟平時成日都大排長龍，今次係襯放假平日下晝去就唔洗等好耐，大概5分鐘左右就有得飲啦🥰珍珠奶茶都整得唔錯，有機會會再回購😍💰Total: $36📍吃茶三千｜@chichasanchen_hk 荃灣楊屋道1號荃新天地地下G31舖 （到訪分店）尖沙咀廣東道3-27號海港城海運大廈2樓OT264號舖尖沙咀梳士巴利道18號Victoria Dockside K11 Musea4樓411號舖銅鑼灣軒尼詩道500號希慎廣場5樓511A號舖深水埗深旺道28號V Walk地下G-25號舖旺角太子道西193號MOKO新世紀廣場1樓158號舖旺角上海街618號地下G04D號舖