合興粉麵茶餐廳

营业中

休息中

【油尖旺區】【合興粉麵茶餐廳】有留意開我油尖旺區嘅用餐體驗嘅讀者實知我呢排幾多喺尖沙咀出沒，由尖東一直殺返去彌敦道嗰邊。今次講嘅呢間「合興粉麵茶餐廳」就喺堪富利士道，就喺蒲仙味滷麵隔離。但係佢哋就門可羅雀，少人過隔離好多，引起我嘅好奇心，就入去一探究竟喇。喂，有雞鮑翅食咁癲，仿嘅翅又點，人類都好多係禽獸扮㗎啦，有乜所謂。整碗 $65 嘅「雲吞雞鮑翅銀針粉」，唔差喎，熱辣辣，料又足，尖咀價算係咁。佢可以加錢要小食，我加 $15 要咗碟「蠔油生菜」，不過不失啦，發揮正常我一般都唔會點挑剔。個餐加 $10 飲「凍奶茶」，屬於正常茶餐廳水準，冇咩好講。然而我想淨食多個雙拼支持吓佢哋，就發現原來淨食唔可以雙拼，咁就叫咗碗 $48 嘅「上湯爆汁牛丸」嚟食吓。冇爆汁有啲失望，正常水準啦呢碗。埋單價 $138，係可以做得好啲，吸引多啲客嘅。。。（地址：尖沙咀堪富利士道5A號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tas

行過堪富利士街，有好多舖頭可以選擇，但係今日想食得清清地，所以行過合興粉麵茶餐廳嘅時候，發現餐牌上嘅嘢都好啱我，再加上見到佢環境舒適，左右兩邊都係卡位，所以就入咗去試。叫咗個蠔仔肉碎湯飯加皮蛋，飯另上，同烚菜全走。嚟到嘅時候份量都算多，肉碎係瘦肉好啱減緊肥嘅我。蠔仔都有好多粒，個湯都唔鹹飲落好舒服。一路食一路觀察到店員同顧客都有傾有講有位後生小姐姐會推介俾客人佢哋嘅招牌鹹雞類嘅食物，最後個客人都話冇介紹錯。我覺得欣賞嘅地方係飲品類有梳打水👍。不過我嗌咗杯檸檬茶走甜，個茶底可以再濃少少整體嚟講食物OK環境坐得舒服，又光猛。餐牌上仲有好多食物我都想叫唯有留返下次再嚟😆。

每天為了午飯吃什麼，真的有點煩，發現公司附近開了家粉麵茶餐廳，就去試一試吧，要了一碗豬腰粉腸麵，豬腰處理得很好，非常新鮮無騷味，肉厚鮮嫩，粉腸也不錯，這碗麵是這附近吃過最好味的一家了。第二日又想起這家店，因為它餐牌除了麵，還有粥和湯飯(其實它的餐牌內還有很多選擇，可是我實在記不起還有什麼啦)，又去要了一碗咸鮮雞粥，雞肉很新鮮，這碗咸雞粥實在太好味，很快給我吃光了。第三天我還是去了這店，要了一碟炸醬麵，麵質彈牙加上肉絲炸醬，開胃惹味，太對胃口了，好味！這家店已歸入我的飯堂之一了。跟員工聊天才知道，原來這店之前在尖沙咀樂道，後來因租約期滿才搬來這裏，店舖名字也改了，由潮X改為現在的合興，原來是老店了，難怪食物都很有水準。