合發翠華餐廳 (已結業)

見到各位對佢d評值咁高，咪搵日同個fd去試下。我叫：常餐 $32香茅豬扒公仔麵 - 一般！豬扒夠淋，但無咩味，不過煎得幾香口。煎雙蛋 - 我改左做炒蛋，哇！差！D蛋炒到嚡，太老。香脆豬仔包 - 正！的確係夠脆，但無乜特別。熱檸茶 - 係夠大杯囉。fd叫：茶餐 大概$28蠔油肥牛撈麵 - 肥牛白灼..普通，d麵幾好！餃(唔知咩涵) - 我估唔好食，因為個fd淨係食左半隻！熱奶茶 - 勁難飲，超多奶...完全唔得！係好多人...但d野好普通囉...覺得貴左d，唔會再去。

最愛咖哩羊架，真係好好味~~另一至愛奶油豬，配埋奶茶，正~~京川鐵板大蝦炒面，唔係好辣甜甜酸酸，不過略為油左啲~~瑞士雞翼，真係要熱食，雞翼滑嘟嘟，凍左唔好食~~揚州炒飯，料多夠鑊氣~~文昌雞飯，啲雞無雞味，唔太熟果啲就滑，熟果啲好鞋，啲醬汁都唔係好得~~總結貴就貴左少少，不過用料的確幾新鮮，但坐位唔舒服~~

早少少食飯, 坐定定睇奧運閉幕式, 除咗魚湯浸菜芯, 浸韮菜花, $18@, 另外叫多個瑞士汁牛肉炒河, $38, 翠華既菜好穩定, 次次食都好甜! 瑞士汁唔甜, 根本無瑞士雞亦既味道(汁), 普通既炒河...再加啲獻汁, 麻麻地, 牛肉片夠滑, 不建議大家嘗試!

一向都知呢間茶餐廳出名多人，無法啦，因以 "翠華"之名嘛...之前同屋企人星期日黎食個午餐，依舊多人，好迫，好迫，一打開餐牌，有"餐牌恐懼症"，真係唔知食麥好...>_<最後叫左個 set lunch，差不多要四十蚊，有湯有野飲，人人都話翠華好好味，但我就覺得差無幾，反而喜愛它的凍咖啡，又幾好飲啊~

在荃灣居住了三十多年, 對附近既食店都有一定認識. 而呢間合發o係茶餐廳黎講可以話係最強~~叫左咖喱石斑扒飯, 都幾辣, 不過d咖喱真係好香濃~~個石斑扒入面仲好多汁tim~~Hihi地再叫多個魚蛋河下午茶餐~~(要走河多魚蛋多湯多菜多蔥~~)食左一粒, 好好食~~不過真係飽到上頂~~打包走人~~

今天仍找不到隔離既翠華...唯有繼續歸入合發吧!去完書局...我地見下午茶餐已由天使麵轉為叉燒湯意, 哂我! 仲有炒蛋+ 牛油豬+ 茶走少甜! 我們各自叫了一個, 相片已是吃了一半時影的, 叉燒大大件, 有五, 六件, 意粉剛剛好, 唔會過腍, 蛋較一般淺色, 夠滑, 不過無乜蛋味, 因為我叫走油, 豬仔包可能係新烘既, 所以好脆好熱! 奶茶無變, 依然味濃!

上星期六中午來到荃灣, 先行醫醫肚先, 東找找, 西找找, 見到翠華茶餐廳. 之前在佐敦店吃過一次, 覺得不錯, 今就就試試荃灣店呢! 當時1:30pm, 在門外有幾位客人在排隊等位, 不過就只等了5 分鐘, 我們也有位了, 是4 人的卡位, 與女友坐在一邊, 老實說, 有點窄, 坐得不太舒服. 有點不悅的是一次拿出DC 影食物時, 因為座位太窄了, DC 撞在檯邊, 弄花了DC 的外殼. 不過算了, 要用的物品就總有花的一天. 說回食物方面, 味道是不錯的.1. 瑞士汁牛肉炒河(很多汁, 河粉都幾滑, 不過味道略淡, 牛肉都幾嫩滑, 菜心既份量都唔少!)2. 鐵板豬扒炒烏冬(豬扒幾大舊, 烏冬炒得幾乾身, 整體比炒牛河好吃)3. 香脆奶油豬仔包(後加的食物, 因為見好多人都叫, 所以試試! $12 一份, 好好食, 好吃香, 奶油又甜美, 豬仔包好香脆, 比平時吃開既奶油多更好吃! 大家一定要試!) 我們還喝了一杯凍檸菜, 一杯凍咖啡, 埋單$130, 不算便宜, 幸好食物水準不錯, 食得過, 不過要再彈一次, 就係座位太窄了!照片可參考:http://hk.myblog.yaho

今日去剪髮前去左呢到食早餐，從未食過，一入去，全場爆滿，剛有客走，所以2人即有位坐底即叫野食。我order左早餐B1.沙嗲牛麵2.低脂炒蛋+脆豬仔3.凍啡沙嗲牛麵不過不失，但炒蛋同脆豬真係好味到不得了，真係冇試過咁好味嘅脆豬仔，咖啡都唔錯，但唔太濃。店里啲阿姐都禮貌周周，只不過係環境太嘈吵。

一直無機會試,今次特登下午茶時間先過黎,叫左鮮蝦菠菜餃米同奶油脆豬.好好食呀!! d蝦好大好爽,個湯底又清清地,一d都唔膩,連d米都同出面d唔同,好有口感.個脆豬係招牌當然都唔差了!但怕肥既朋友可能未必適合了,因為幾多奶油,不過正因如此,所以好香甜可口,正呀! 一定會再來!

尋晚去合發隔離間翠華食叫左個沙牛肉公仔面點知d牛肉係壞既變晒酸味咁都算啦餐廳既職員連一句道歉既說話都無仲要態度好差話如果你轉腸蛋面要加錢大佬呀我食到成個口都酸晒連唔好意思一句都聽唔到個職員仲話而家咪整俾你lor最後我都無要到廢事佢整d唔知咩俾我食其實尋晚叫左其他野都好好食但係d態度真係要改善

舊年...海南雞飯- 雞味唔濃, 亦唔係好滑! 醬...無甜豉油膏, 得酸辣, 蒜蓉! 今年...紫菜魚皮餃米, $22 + $5, 魚餃既皮好薄, 唔似一般粉麵鋪咁硬, 估唔到幾好食, 餡唔太鹹, 米粉質地岩岩好!常餐- 茄蓉豚肉天使麵+ 牛油豬+ 奶茶, $32, 豚肉眼睇有乾, 豬仔包好脆!

補回上兩個星期係隔離既翠華食評先! 鮮蝦菠菜餃米- 蝦有點失準...唔太爽!海南羊肉飯- 只是一碟羊肉加碗油飯, 羊肉又唔腍, 味道比羊腩煲淡...唔好食! 大家食咖哩羊架好啦!冰冷了數天....今天稍為和暖一點, 但十八度都好似寒寒地...我們又再黎食石頭飯, 今次除了魚湯豆苗, 再試魚湯BB 西蘭花, $16 + $2, 呢個西蘭花既莖比一般長...好好食...用魚湯浸又清甜!

前晚係到食宵夜,二人點了如下食物:豬軟骨公仔麵,忌廉湯,煎牛柳飯樣樣都好好食.同區來說,這裡的員工態度的確較為優勝,有禮物兼有笑容嘛!抵佢地賺錢ge..

連續幾天的假期...想吃得好一點的茶餐...這裡是必然的選擇!時間已到了三點, 我只選了個粗粒花生醬厚多士, $12, 及茶走少甜, $12, 前者有1/4磅, 厚厚的, 脆脆的, 醬料多多! 茶走茶味濃...少甜真的少甜, 合乎要求! 老公叫了咖哩什菜飯, $38, 翠華咖哩真的不錯, 很香, 帶少少辛辣, 什菜有茄子, 菜芯(比較古怪), 薯仔, 洋蔥, 蕃茄, 青椒....分量幾多!星期天的下午...人多得很, 茶餐廳不是最好的選擇!

隔了兩天又黎過....今晚食晚餐!一. 泡菜牛肉石頭窩飯, $45, 味道無韓式餐廳咁野味, 咁辣, 個石頭窩唔係太熱, 所以美中不足係無乜飯焦!二. 魚湯浸豆苗及菜花, $20, 兩個都咁甜, 好味!