合興車仔麵

营业中

休息中

老實講，車仔麵不是太多地方有！仲要係好食的！份量又要足夠！這家店已經在元朗很出名！在排隊或寫紙仔，因為舖頭比較細，枱就唔太多！我食嘅車仔必點嘅餸，豬豬雞翼尖！再搭一個韭菜餃😂揀咗個香辣汁係甜辣嘅！中辣對我嚟講啱啱好！豬腸係我鍾意食嘅，不是那些肥肥的！亦都不會有好大浸嘅豬味！豬紅好紮實，不會一夾就散！雞翼尖滷水味夠，但我本人喜歡比較軟身啲！韭菜餃非常新鮮！一路食嘅時候，發現啲餸食極都仲有，面已經食完，還有很多餸！價錢成為$52，整體嚟講價錢合理，餸嘅份量比較多！對比起面量有點少！大食的人建議加底！

呢間合興車仔麵已經食咗好多年，水準仍然keep到，仲係咁多人排隊。次次食親豬紅同豬腸，係必叫！另外再加咗瑞士雞翼，今次老闆送咗蘿蔔俾我加餸。呢度嘅豬紅，口感唔同平時嗰啲咁碎，食落去淡淡湯汁，好入味。豬腸又係滷水得好入味，同埋好大份，三個餸勁抵食。瑞士雞翼就正常發揮，蘿蔔都入味嘅。呢度辣魷魚都出名，可以自己加辣，不過真係好辣，建議分開另上。去食嘅話要早啲，出面會有Mark低每日邊啲餸已經賣晒，牛𦟌就成日都唔見有，有時賣晒啲餸就四五點已經閂門。

再訪元朗人氣車仔麵，合興車仔麵係元朗非常出名，上次就去左鳳翔路分店，而今次就去安寧路分店，為左可以唔使排隊又可以食到熱門嘅餸，係佢準備開門嘅時候已經係門口等，以往嘅經驗話我知，只要你遲過兩點熱門嘅餸就會俾人清曬，想食嘅朋友仔就要早啲去排隊😎•1️⃣自選車仔麵 - HKD:$60配料：牛肚，牛柏葉，咖喱魷魚湯汁：腩汁，鹵水汁，微辣香辣汁牛肚唔會靭，炆到好腍牛柏葉口感爽脆，份量驚人咖哩醬汁香濃，爽囗嘅魷魚

講到元朗車仔面好多人都會提永年但永年唔太岩我個人口味因為佢主要食滷水所以車仔面我一定首選合興以前一向食開大橋街市個間後來佢係雞地開咗分店, 我就轉戰雞地好多人話2間店來貨唔一樣, 點都係大橋街市個間好細但大橋個間太細太窄了我都係鍾意坐雞地分店舒服D每次必點木耳餃, 陳皮魚蛋, 豬皮同埋冬菇炆得非常入味疫情下仲出有抗疫套餐只需$4X就有5餸一面, 真係抵到爛佢個咖喱汁真係不得不提超!級!好!食! 超!級!惹!味!我最鍾意叫佢另上, 等我慢慢自己再溝落湯頭到有時仲要用黎"沾"添真係辣得過癮呢間餐廳絕對係要encore encore再encore

今日熱到爆炸， 最好不過來一碗熱辣辣美食。合興車仔麵在元朗區一直十分有名，咖喱魷魚一直是鎮店之寶。見時間尚早，立即衝入店裏面，這裏必須至少叫三款餸，所以叫了咖喱魷魚($18)，豬腸($12)同牛腩($18)粗麵($12)配小辣腩汁。咖喱魷魚醬汁香濃，材料新鮮，咬落爽口，辣度夠，辣中帶一絲絲甜，的確令人欲罷不能，一路流汗都一路要食👍🏻不過要食，記得要趁早，中午時段真的就已經沽清。豬腸同牛腩味道表現正常，普普通通。辣汁好食，真的好辣，是那種辣到你會流汗的辣味。不過整體來說，價錢偏貴，雖然份量不算少，但性價比不算高，可以一試。 @Big_Big_Foodie

元朗必食既車仔麵🔥🔥真心正🔥平時成日都要排長龍今次就早少少去左食，差唔多十一點都要等一等位🙇🏻‍♀️每碗3餸起！腩汁幼面（韭菜餃、素鮑片、手打魚蛋）$42手打魚蛋得3粒，都好食夠大粒夠彈牙👍🏻原來普通魚蛋係陳皮魚蛋好似有成10粒🤤🤤下次要試下🤤🤤韭菜餃都有三粒，都幾大粒韭菜味都幾香素鮑片大概有8片，正常嘢唔會淥太耐唔會咁靭滷水汁幼面。微辣（魚片頭、雲吞、墨魚丸）$42滷水汁就冇乜太特別，可能因為我揀咗微辣微辣其實都幾辣下🙇🏻‍♀️😆😆想叫辣嘅朋友要小心考慮吓🤣🤣墨魚丸3粒都幾好食，有啲墨魚肉👍🏻👍🏻魚片頭有4粒都唔錯，幾香魚味雲吞都有4粒，豬肉雲吞，唔算係好大粒，好味👍🏻👍🏻如果大家想食又唔想等太耐，記得要早少少去，因為佢鋪面都唔算大得好少位🙇🏻‍♀️

永x?係...元朗嘅，字面正確唔計let it go盤菜有正常味覺嘅人都唔會去食x年佢老豆未退休嘅時候真係世一車仔麵個仔接手之後就跌得快過插水所以~ 唔好同真元朗國民講永x俾人打唔好喊😆講返正題合興大件夾抵食嘅叫$18, $12蚊餸類別冇得輸另外鹵水豆腐同蘿蔔表現都唔錯要食車仔麵就早啲好快買哂🙈味道：🌕🌕🌕🌕🌗CP：🌕🌕🌕🌕🌕--------------------

本人覺得係元朗區最好食的一家車仔麵店啦。好掛住合興啲豬腸和辣汁和腩汁湯底。加埋個味道係好夾。唔會好似有啲做到個辣太辣食唔到。小辣已經令到成碗麵味道變得好惹味。辣得嚟係好味過癮。每次必食豬腸和滷水雞翼，我嘅至愛😍😍我食咗好多年，間中會encore的一間車仔麵小店。😋😋😋😋😋

湯底味好夠，唔淡，唔係好似水咁，冇永年咁多味精，叫左微辣，呢到小辣都好辣，所以叫辣度要保守d。豬腸份量多，鹵得岩岩好，洗得乾淨，易入口。咖哩魷魚，魷魚都係一般食到嘅水平，佢個咖喱汁好惹味，超辣

合興係我間中放假日子都會心思思想去食嘅一樣食物嚟🤤😍😍今日中午時份去食，見到金錢肚同牛草肚已經賣唒。我就揀咗我必食嘅膽就係豬腸及雞翼搭個豬脷試吓。🍜麵底我叫油麵。湯底好濃郁嘅腩汁及秘製香辣汁（叫咗小辣）湯底。令人想飲多幾啖。😋😋🔸豬腸及雞翼，係魯水淹過的。好濃好好味。豬腸係洗得乾淨及新鮮。雞翼都幾大隻淹得好濃味好香。仲要份量都算幾多㗎。😍🔸豬脷，第一次食。感覺都幾大塊，份量都多，好好𡁻，但係口感爽脆唔會好韌好難𡁻。都唔錯。😋

平時經過都見到有唔少人等位+等外賣的車仔麵，今日星期六12點幾，竟然唔洗等位就可以入座聽聞呢間店的咖哩都好堅下的，所以我叫左最唔辣的微辣，但都好辣🥵 車仔麵最少要叫三個餸，分幾個價錢，我叫左牛孖筋，魚皮餃，魚片頭，腩汁，每款餸都有4舊，牛孖筋好大條，有4-5條，好入味，好煙韌但又夠林，湯底有四款可以揀，有清湯，腩汁，鹵水汁，香辣汁總括來說，係值得試嘅車仔麵，味道好，食材質素唔差

合興車仔麵都算係元朗名物 以「辣」出名 呢間小店舖位較細 所以經常會見到店外大排長龍 亦都有唔少人等外賣🍜 餐牌種類多 有比較特別既牛草肚 鳳爪等～12點幾嚟到已經有幾個餸係沽清 想食真係要早d 菜單逐樣收費 最少叫三餸 我就叫左油麵 咖哩魷魚 魚蛋 豬腸 腩汁 老闆娘特登提醒個辣係唔惹少 幫我減左個辣度👍🏻腩汁湯底冇咩特別 甚至可以話比出面車仔麵腩汁更淡味 好似清湯咁…. 但秘製辣汁就挽回唔少分數啦 好惹味 加左少少已經夠辣 辣中帶甜 後勁十足🙌🏻 每一份餸份量都超多 魚蛋都成10粒 好抵食😱 魚蛋係陳皮魚蛋 正～ 必叫咖哩魷魚 爽口 偏腍🦑 豬腸乾淨好淋 冇異味辣汁真係合興靈魂既存在✨ 唔食得辣既就不值一試啦🥺 餸份量多 令到價錢更加合理🙌🏻合興車仔麵📍元朗安寧路59號裕豐大廈地下A1舖

元朗係美食集中營😂我都幾鍾意食車仔麵。試過永年，食神，許祥昌，同深水埗既文記。我覺得合興係最好食，綜合起嚟整碗麵係我最喜愛最傳統嗰種車仔麵味道。暫時嚟講佢係我心目中既世一😁喺合興我通常必食既係豬腸同雞翼。第3個餸就睇當日心情去叫😂👉豬腸，醃得好入味，腸入面洗得乾淨亦唔多脂肪兼爽口，兼索左湯既腩汁和辣汁。雖然永年既豬腸都唔差既，但性價比就冇咁高囉。好味指數 ⭐️⭐️⭐️⭐️⭐️👉雞翼，食到醃得好濃既滷水汁味兼大大隻。食唔到有雪味。👍好味指數 ⭐️⭐️⭐️⭐️今次仲叫咗貢丸。以前我都食過蘿蔔，醃得好入味。仲有佢最正梗係個辣得好過癮既辣汁同埋個腩汁湯底。食得辣既我平時要少辣已經覺得好夠辣。我認為食太辣會掩蓋咗其它餸既本身味道。 車仔麵我較喜歡食油麵或粗麵。因為佢哋好索湯汁。希望搵日下次早上去食，可以試到大熱好快賣唒既牛坑腩牛孖筋牛栢葉鵝腸啦😍一到中午多數都冇唒架喇。為食既您下次請早😂有時唔想太費神諗食咩，但又想食得到經濟既好西既話，去合興食個車仔麵都係個唔錯既選擇嚟。

由於今次嘅體驗好好 所以決定寫我第一篇嘅食評星期一18:00收工 返到去元朗差不多19:00起附近買完野 就行去隔離合興買車仔麵外賣做我嘅晚餐老闆娘勁好人可能見到我一袋二袋 所以主動叫我入去坐低畫食啲咩因為個陣都已經7點幾 所以最人氣嘅咖喱魷魚賣晒🥺最後我叫左雞翼、豆卜、蘿蔔米粉 小辣返到屋企一打開見到原來老闆佢地畀多左幾舊鹵水豆腐畀我試鹵水豆腐勝在大舊鹵水雞翼好入味～蘿蔔無渣豆卜起咁多間車仔麵黎講係我食過以黎最好食而且佢個辣汁真係辣得好過癮 有種食完又想再食嘅感覺老闆娘話個辣汁就係咖喱魷魚個辣汁!!! 今次雖然食唔到咖喱魷魚但食到佢個辣汁都好開心希望下次可以成功嗌到咖喱魷魚

作為一個元朗人，啲朋友成日問我有咩好推介如果你同我一樣, 好鍾意食辣, 一定要黎試下合興車仔麵！佢既辣真係令人上癮, 我每次都會外賣返屋企 + 辣醬另上佢嘅車仔麵係好傳統嘅味道，亦都係令人好滿足嘅味道先講面底，我每次都會叫米粉外賣返到屋企都唔會林晒，非常爽身亦都非常入味講到一定要叫嘅餸就一定係豬腸！份量多, 肥美, 入口即溶無怪味!另外佢嘅蘿蔔同雞翼尖都唔錯如果你同我一樣好鍾意呢啲傳統嘅車仔麵就唔好錯過合興！講真呢個年頭仲有咁大碗真係好抵食真心溫馨提示, 佢星期二休息, 我成日唔記得摸門釘 > <