合記

营业中

休息中

呢個茶檔出品絕對係水準之作，左邊食麵右邊飲咖啡奶茶，fit晒。凍奶茶夠香濃，奶同茶嘅比例唔錯，真正有茶味又有奶味。奶醬多鮮油多做得一絲不苟，多士炕得夠乾身兼帶微脆，拎黎嘅時候仲係熱嘅，所以鮮油多嘅牛油溶得夠快夠勻巡，入口特別有快感。至於佢嘅奶醬多，煉奶同花生醬嘅比例亦係非常balance，呢個好重要，因為如果奶太多就會搞到件多士太甜而且會濕立立，如果煉奶太少又會唔夠味，所以千祈唔好睇小呢件事，出面十居其九都唔係好掂，試吓你就知。

其實一直係屋企樓下聽人講話杯奶茶好飲，但係咁多年都冇試過，今日天氣唔熱唔凍啱啱好因為呢度冇冷氣，如果夏天係幾辛苦，去到嘅時候因為已經差唔多三點可能師傅休息，所以佢話冇食物餐蛋麵嗰啲供應，剩係得三文治同埋奶茶，於是就叫咗兩杯奶茶，男朋友好鍾意飲奶茶佢都話呢間嘢OK，不過未屬於出色到特登嚟飲，好懷舊嘅地方，環境欠奉人情味濃，得閒行過可以上嚟試吓，呢啲咁舊嘅地方已經買少見少，三文治多士嗰啲都好平，但係因為喺已經係隔離叫咗碗麵，所以就要下次再試下啦

住喺荃灣咁耐，成日幫呢間茶記，喺香車街街市樓上，由讀書食到而家出嚟做嘢。啲餐都抵食，我有時會11:00-12:00嚟，當brunch 食，一餐過搞掂！😆通常，我去到會叫快餐，有一碗麵、多士&一杯飲品(凍飲)，都係$33。個麵有一個餸，推介午餐肉，佢煎到條邊好脆好香😋，老闆娘仲會放多幾條菜落去😚。麵底類似福麵，唔太多地方有得食。多士都好味，我通常叫奶醬多，勁多醬～🤗🤗呢個時候嚟都幾舒服，涼涼地，夏天就可能會熱啲，不過好食又抵，性價比都高都值得嘅！

今日中午去荃灣走一圈，太耐無上香車道街市食，今日帶埋朋友食，最重要唔好怕熱，心靜自然涼！先黎一杯凍檸菜蜜，還是覺得凍檸茶好飲西多，即整，共有兩塊面包，內里沒有花生醬，朋友告知無醬覺係正宗西多，我長知識我聽街坊問「仲有無豬扒啊」，我下次會識叫了

幫襯過呢間位於街市樓上嘅大牌檔好多年，但係多數都係在秋天冬天的季節才會嚟，因為夏天真係唔可以冇冷氣食嘢。現在已是深秋，天氣涼涼哋，我又再係呢間食肆嘅常客嘞。10次有9次我都係食快餐，一定係食油醬多，餐肉麵加飲品；油醬多係我嘅至愛，由細食到大都冇變，呢度嘅油醬多，麵包都算厚，牛油同花生醬都好重手，唔似得有啲餐廳孤孤寒寒俾少少就算，餐肉麵亦都幾大碗，味精唔重，而凍飲都係加1蚊；成份快餐只係$28, 連凍飲$29, 唔計環境，呢度真係好食！抵食！

終於的起心肝打食評第一擊係隱世街坊茶檔環境就真係麻麻最主要係無冷氣收2：45星期一休息食物方面哩度無抄粉面飯得啲水吧野我次次黎都係食多士豬扒米奶油多_9.5/10用上厚多士真正外脆內軟唔會乾爭爭必食(老闆娘整係最好食架)豬扒米_8/10鬆化入味仲要有2大塊米就用一個褔米份量細左啲茶走_6/10就真係一般般啦唔夠茶味成個餐先33蚊今時今日邊到搵所以我都推薦大家黎試試總分_8/10

難得休假一家人食餐飯，唔知係我地太早去到定係點，5pm入去坐低，就叫侍應攞壺茶過黎俾我地「好瘦高高地果個」當時就係見到佢一個人係度，就我地一張檯食飯。攞茶至少叫佐5次，到發火最後食飽飯茶先送過黎。真真過份！

第一次帶同P大人一齊去, 人很多的一天, 咁既情況搭枱喇~我是為豬扒而來, 但我貪心的點了豬扒牛肉麵+熱檸茶~P大人就點了個好清的火腿通, 說要健康一點!這是我第二次自己一個人再去的豬扒蛋麵, 今次有兩片生菜係麵上面, 而豬扒同上一次比一樣好食!檸茶不錯!豬扒沙嗲牛肉麵 - 豬扒真的不錯, 未知係咪因為加了沙嗲牛肉既關係, 感覺油左D..我問P大人會唔會好淡, P大人唔會仲話幾好食喎!後記: 老實說街市上的環境可能唔係人人接受到~

在江記吃蠔油鳯爪麵，在隔壁的合記要了一杯奶茶。忽然瞥見合記有做西多士，馬上要了一客。看著師傅從麵包架上提出大半條未切的方包，心中已大喜。現切現賣的方包，此西多士一定夠厚，一定是無夾心的古早味。聽到打蛋的聲音，心中很是期待，終於，熱烘烘的西多上桌了。一口咬下，噢，是久違了的滋味啊。七十前的老餅們，如果你們懷念年青時，巷仔茶檔風味的西多士，合記一定可喚醒你味覺的記憶。

呢檔不起眼的合記，隱藏於一個街巿仔上面，系大排檔風味同家庭式經營的茶檔薄薄的多士烘得香脆，花生醬搽得豪不吝嗇而且搽得均勻，甚有水準，午餐肉煎得香脆豬扒雖只得一塊， 但卻即叩即煎，而且醃得入味，麵佢地用上福麵，不用加錢，奶茶亦算順滑，大排檔水準呢度價錢相宜，套餐只賣＄26到30，散叫亦唔貴，仲要全日同價，而且同隔離上海麵檔可互點食物飲品，雖然表面上鄰店系競爭對手，但根本卻不存在競爭（因為賣的食品完全唔同），完全發揮老香港互相幫忙的精神，夏天來只有冷風機但冇冷氣，真系幾熱，可惜下午三點就收檔

平時一有時間同屋企人幫襯合記隔離果間食面，點都一定會叫合記既西多士過下引，西多都有翻咁上下厚嫁，好有小時侯既味道，厚厚既面包入面夾住香濃既花生醬，炸出黎熱辣辣，金黃色，完完全全剛剛好，唔會過晒火，宜家出面有幾多做到呢~再加埋支大樽可樂~正牙，簡直系一大享受。埋單 4支可樂加1件西多 50蚊左右，抵！

自從上一次無意中來到香車街的江記，發現在這裡可以尋找到真正的本地小店，而沒有受大財團的洗禮，小妹因此很喜歡這裡，想把所有食肆都試勻。是日來到的合記，是一間很平凡的茶餐廳。下午三時，有一絲擔心2樓這裡的餐廳已關門，幸運地來到時未收爐，仍然可以點麵食。這裡的食肆餐牌都很簡單，全都寫／掛在牆上，最搞笑的是合記的多士／三文治的餡料就只有蛋和火腿，確實是非常自家feel呢！吃這客火腿蛋三文治烘底，小妹吃得出他們的用心。相信如此簡單的食物，再不會下廚的人都可以做到，實在沒有難道。但這客三文治，首先竟然一共有兩塊完整的火腿，而不是將一塊切開，用料不吝嗇這點已可加一分。熱辣辣的蛋，剛煎好，還附帶蛋汁，今時今日在外面吃蛋治已買少見少，功夫實在到位。最叫小妹欣賞的是烘底外脆內仍軟，而且啖啖牛油香，明明不太難，但實在不是連鎖茶餐廳可以做到，這就是我愛這地方的原因。我們點的特餐是豬扒麵，跟餐的牛油多士竟然可以轉成奶醬多士，那就恭敬不如從命了！花生醬很足，是幼滑版，小妹就較為喜歡有粗粒版。多士與剛才所說的烘底一樣，都一樣吸引。散點一客才$6，很平民親切的價錢。論到豬扒麵，也很home made。豬扒頗軟身，是有

曾經係尼頭返工 LUNCH必食三合一茶餐 E到平水準OK 但無冷氣要有心理準備"熱"茶水合格 好喜歡尼到D方飽好新鮮軟熟 牛油好香