吉吉魚蛋

营业中

休息中

今日去藍田探朋友，經過呢個商場勁多小食，周圍掃街，試咗呢間吉吉魚蛋，我諗應該魚旦最好味，所以第一時間叫咗魚蛋，不過我想講原來樣樣小食都好好味，唔係淨係魚蛋😬，尤其是佢辣辣地嘅醬汁，令我胃口大開，仲有試咗佢哋格仔餅好脆口，花生醬多到流晒出嚟，好啱我胃口，店員仲好細心提我 我小心熱～我叫咗一些外賣返屋企，我最喜歡係魚旦／蘿蔔／瑞士雞翼／魷魚，雞翼做得好香好入味，白蘿蔔好夠淋夠味，好彈牙，魷魚好爽^ ^重點提示，一定要加埋啲醬汁吃，好有驚喜，最重要食物價錢都唔貴首先喺現場熱辣辣食咗佢嘅燒賣，豉油甜甜的，燒賣都好大粒，🤤味道都唔錯～

見到都幾多食評係話態度唔好或者嘢食質素唔得但係呢間小食店，成日都係好多人排隊尤其是返工同放工時間🕧🕐🕧🕜🕑🕝🕒🕞🕓🕟🕔🕠🕕🕡🕢🕗🕗🕣🕘食過幾次都覺得唔錯魚蛋燒賣，正常發揮比較讚嘅係魚蛋有得揀唔同辣度嘅醬料微辣、中辣、大辣都有可以因應返自己食辣嘅程度去揀返～有時口痕食個雙拼都幾開心，雖然有啲罪惡感😈😈😈另外腸粉套餐都係幾好嘅早餐選擇，嘢飲都有埋唔使煩～仲有見到都幾多客人會買炒米粉或者糯米雞做早餐💁‍♀️💁‍♂️💁‍♀️💁‍♂️💁‍♀️💁‍♂️💁‍♀️💁‍♂️💁‍♀️💁‍♂️💁‍♀️💁‍♂️至於店員態度方面其實落單至到攞嘢食都好快暫時冇覺得佢哋好串或者態度差

4月10日夜晚喺藍田地鐵站附近，想食小食，去店嗌咗個外賣。野食如下：雞翼，糯米雞加豆漿，雙拼，章魚燒落完單，就去咗附近再買其他嘢食，返到嚟見店已經打包好咗，拎咗個外賣就走。返到屋企準備食，先發現冇左個章魚燒，想打去舖頭講聲，發現店舖原來冇電話，完全冇得追究。嘗試過喺Google到搵到店舖有一個電話，但果一個電話都係唔啱嘅，打咗過去真係唔好意思。提醒一下自己，下次都係要保障自己對下單。 店舖可考慮增加聯絡方法。

今日買咗幾串小食，牛柏葉有臭味，臭渠水味，食物非常唔乾淨，應該放咗好耐，或者入咗劣質貨品，一入口已經吐出來了，如果俾小朋友食咗，就慘啦。🥵🥵🥵店員的服務態度超差，同店員反映食物質素，佢態度極之惡劣，仲話冇客人投訴過佢地的食物喎！店員的臉色臭過過街老鼠，說話語氣惡劣，好似欠左佢好多錢咁，完全係唔想做生意咁款，以後都唔再幫襯佢地差差劣的小食店，從來冇遇到咁差的小食店!!!!!💩💩💩💩💩👎👎👎👎👎

呢間藍田吉吉魚蛋，真係藍田嘅名物，好多學生解放到嚟買，難得嚟到藍田就買來試吓，佢哋最出名呢就係個秘製嘅醬汁，真係必食㗎！🍴魚蛋 $8 (8/10)好煙靭都有魚肉味，小辣嘅秘製汁非常香口，味道辣辣地唔會太辣，食到入邊有好香嘅香料同埋薑絲！🍴燒賣 $8 (7/10)燒賣比較硬身，都有魚味嘅！🍴牛柏葉 $11 (8/10)幾爽口!推薦指數: 8/10講真魚蛋燒賣牛柏葉就係正常嘅，但個醬汁真係好好食，價錢又唔貴，值得8分！

星期六下午三點去買雞蛋仔，唔算多人，前後同時間應該只有四五個人等緊，阿姐只顧住整公仔麵燒賣腸粉嗰邊，3部雞蛋仔機得一部function，等左5分鐘先出到一底俾我上一個客人，心諗如果好食唔介意慢工出細貨。等多5分鐘終於到我底出爐，阿姐挑起底雞蛋仔一放風扇位就即刻攞紙袋入起俾我，底雞蛋仔喺我未行出地鐵站已經淋到變成一pat嘢。質感，我以為自己食緊雞蛋糕，味道，無蛋味，淡而無味。$16，真係曬錢曬時間。

今日中午因為趕住返工，所以諗住買個魚旦撈麵在店前速食啦，落單時問收銀野串串地架啦！點知食左幾啖真係要吐返出黎！因為d麵硬 我吞唔到！跟住我都好聲好氣架啦：唔好意思，你地個麵好硬！店員一（負責煮野食）：點會呀！我不嬲都咁煮！收銀阿姐又加幾句：要淋早d講呀！我： 我要正常食到既麵！收銀： 咁咪落單前講要淋囉！我：我要吞到既麵都要講？你唔好講咁多我要打俾你地老細！（呢刻我已經火都黎埋）兩位員工即指住：請員工熱線手機號碼，有咩叫老細自己同我講！仲話自己有cctv! 跟住我立即打去俾呢個負責人反映事件，最主要係反映員工態度好有問題！負責人話換/退錢俾我！咁我又同個兩位態度好差既員工講：而家退錢定換俾我？收銀：咁你想退錢定換呀？我：退錢收銀：咁唔好 我換俾你我： 咁你又問我，你真係好笑！（痴線，咩員工黎）等左十分鐘，我見到我個撈麵浸左好耐到煮野食阿姐： 小姐，你個麵拎得起未呢？我： 你真係好笑喎，你唔係廚師？唔係你負責煮？我去餐廳食野係咪要叫廚師幾時落送。幾時拎起，煮幾耐？我又忍唔住又要打去俾佢負責人，反映佢兩個員工玩野！我真係希望負責人望下cctv! 好聲好氣同佢地員工反映，員工們用咩態度對客人

吉吉魚蛋💚龍蝦丸 $10魷魚 $11八爪魚 $13人均消費: $11.3 (3人)-龍蝦丸🦞好好食😋有層次粒丸入邊嘅龍蝦粒粒分明🤤好大粒·魷魚🦑冇八爪魚咁彈牙一咬即斷嗰隻所以先分得出魷魚同八爪魚🤣·八爪魚🐙好彈牙·佢有得揀醬汁: 微辣 中辣 同大辣🌶我哋揀咗微辣但對我嚟講 都有啲辣🥵個底係沙嗲醬正🤤好似長洲沙嗲味·以上評價 同🐖一齊寫所以帶返頭盔先👷🏽‍♀️-18/7/2022 ate全部擺晒落個碗度吉好方便😋好適合做下酒菜-好味程度：🌕🌕🌕🌑🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌕🌑🌑·#od藍田覓食之旅#od食串串嘢#od食掃街·希望疫情快啲完結啦💛大家都要身體健康💛

收工返來買外賣，首先自己衰嘅，忘記買銀針粉，後補再買，號碼分別係82、84。某男店員收我張外賣單見到84，仲咦咗聲，我話係呀銀針粉呀，佢仲話有呀有呀重覆點咗2次，點知返到屋企，碗粉唔見咗囉！

收工返到匯景商場,,呢度買咗串魚蛋,魚蛋細細粒,但很鮮味,而且粒粒彈牙,加上鼓油和辣汁作搭配,更惹味😋😋再叫一個阿仔最鍾意食嘅格仔餅,更可以要求店員整得香脆些,熱辣辣的格仔餅非常香脆,見到也垂涎欲滴😋😋

在地鐵站一出口行不遠就看到這間小食店一個腸粉套餐$21，包四條腸粉燒賣及豆漿分量不大不小，如果不肚餓可以當一餐食味道正正常常而且速度都好快而且小食店旁邊都有很多空位，方便買完立刻吃，環境都尚算衛生如果豆漿份量再多少少更加好

相片主sell 冬菇碎肉碎花生銀針粉打開食時發現，純資料性評述，冬菇碎一粒，肉碎幾粒，蝦米3粒。花生就反而你想落幾多都得， 剩低全部都係7彩顏色嘅雜豆，賣25蚊一碗得雜豆銀針粉幾有誠意！唔識評價係乜，貴定超貴。 味道ok. 鹹度適中。銀針沒有少少煙韌爽口感，沒有驚喜，不過普遍都係寫煮到焾哂，冇焾到爛已算好。 仲似條粉。麻辣味正正常常，辣味正常，有麻嘅效果。主要想食冬菇肉碎嘅效果，結果又係相片與真實出入完全2回事。

放工諗住是但食個飯，就叫左盒糯米飯食，點知食第一啖已經有幾粒米硬到食唔到，諗住應該只有幾粒係硬到食唔到啦。點知食埋第二啖都係同一種情況，隨即向店員反映：「盒飯好似未熟。」我在店員面前用匙羹&手指都整唔爛粒飯。然而，店員拿出生米並說：「你唔可以說飯未熟，生米是這樣的，但你可以說盒飯整得唔好食/差。」咁我而家講係好差，硬到石頭咁叫人點食。最後，店員都換了其他食物給我。以後唔會再去😃不夠200字給差評，以此補數。

服務態度好差，員工不友善。魚蛋普通，一般流水式咁整，唔係特別好食，又重味精，價錢又唔係平，匯景會有更多好選擇。今次買了雞蛋仔，等左十幾分鐘都未到，問一問先記得，原來完全無睇過火，整燶哂！之前都買過，個員工都會較時間，呢個阿嬸完全無，淨係掛住同人傾計，哂左我十幾分鐘時間，我趕時間佢退錢比我就算。 我諗大家下次要買格仔餅，雞蛋仔都要幫佢計埋時，唔好哂自己時間，不過佢既雞蛋仔都偏空心，無咩咬口，可以唔洗試！

吉吉魚蛋 (藍田)藍田匯景道8號滙景商場3樓14B-15號舖-----燒賣：好一般 好工場ge燒賣質感 完全非手製 魚味唔濃 質感都算扎實 基本上就係食質感同醬ge味道 燒賣ge本身根本無咩味 同商場入面有好多魚蛋都好食過佢 好麻麻 下次唔會叫🙈🙈🙈-魚蛋：外表雪白 幾彈牙 魚味比起魚肉燒賣ge味濃郁 配搭埋微辣ge咖喱汁（雖然好味 但有少少多油）味道還不錯 整體不過不失 但係都係比同商場ge其他小食店比下去 整體一般般 所有食物都好工場感 無特別-----👶🏻B仔整體評價：9/10個👍🏻👶🏻B仔抵食程度：8.5/10個👍🏻👶🏻B仔環境評分：買走yo👶🏻B仔味道評分：9/10個👍🏻👶🏻B仔回頭機會：9/10個👍🏻-----#swallowhongkong跟住我一齊吞食香港啦！🤤#swallowlamtin