吉豚屋吉列豬扒專門店

营业中

休息中

是日因為工作去到石門呢個我從未黎過既地方，一出mtr行多幾步就見到呢一間 吉豚屋 快快脆脆食完就開工啦入到去見到呢個超值套餐 $59！有碗飯之餘仲有個湯加杯飲品，冇理由唔嗌呀野菜豚肉湯 大雖然話係野菜豚肉湯，味道其實係麵豉湯加咗豚肉同蘿蔔，葱 偏咸咗d滑蛋吉列豬扒飯 梅蛋就唔算好滑，吉列豬扒都唔係好脆，仲有d淋身添，不過整體黎講 還可以接受啦柑橘檸檬特飲呢一杯反而有驚喜，唔會好甜，柑桔同檸檬剛剛好總結，埋單先知有加一 $65都算可以啦作為一個午餐，路過既不妨一試

剛剛我男朋友在附近踢完波，見到石門都好多食市，咁就過去睇吓有咩食啦。見到有間食日本嘅吉列豬扒，真係好懷念喺日本食吉列嘅時候個味道，咁我見佢個價錢都同日本差唔多，咁就要入去試吓啦。排隊期間見到佢哋製造嘅過程全玻璃，有炸粉，有豬扒，有員工炸豬扒，睇落去都幾透明度高。大約等左10至15分鐘到，我同男朋友兩個就已經有位啦，咁我哋之前一路等佢一路睇餐牌，見到佢哋有個叫吉列豬扒定食兩個人都係一樣嘅餐。佢餐枱一個豬扒汁同埋芝麻汁，俾你任裝嘅。個豬扒飯一想到枱都香味撲鼻。不過望落去塊豬扒呢就唔係好休息，個豬扒望去都八曬曬嘅。因為我哋兩個都嗌左豬扒定食，就每人各自帶多個炸蝦另加8元。你件炸蝦個皮忠厚個過蝦身，識落好趣但係好厚炸被粉，個蝦完全冇味嘅，你食落去只會覺得係熱氣嘅嘢囉個豬扒定食係有個飯同埋有個湯跟嘅，不過我除咗食咗啲菜之外，個豬扒我都係食咗個肉，炸物來講果皮我真係完全冇食過。個飯我都係食咗兩啖，不過以$69將價就貨來比較，佢都係可以算係值得食嘅。不過如果你話好唔好食你講，就唔可以列入範圍之內。

老婆介紹去試，豬扒做得不錯，當然要一試，中午約12點到等位😩等了約20分鐘有枱，特飲算低$13，學生免費👍二女有福，我果杯芒果珍珠味道一般，有點酸，二女荔枝好D可以，講返豬扒真係不錯，我點接近日本廚藝，粉多了少少，豬扒鬆化、加上少少調味味道👍正咖喱汁普通日式可以接受，服務算Ok，加油💪

這間店舖的吉列豬扒很有名，我也點了一客吉列豬扒飯配麵豉湯。吉列豬扒選用梅頭豬柳，咬下去時，肉汁溢出，每口都是濃郁的豬肉味，而且它的質地非常嫩滑，「吉列」部份也十分脆口，炸得黃金色的，賣相很吸引。下次一定要再來。

心情好食貴嘢，心情唔好又要食貴嘢，但咁會食哂啲錢。今晚去咗石門試下，有好多餐廳食肆選擇，港、中、西、日、意、泰、越等等，大大小小各色其式。原本去一間好多人讚及撐嘅店，但入到去後，服務態度麻麻，於是行過幾間，見到入面多人食，又唔洗等，就試呢間。見到隔離檯啲人都叫鍋，左邊檯一家四口一人一鍋，右邊兩母子一個叫鍋一個叫飯，仲有碗好大碗嘅湯，後尾再望番個餐牌張相，同真實個碗比，知道係HK$11，就覺好平，喺中環、銅鑼灣、灣仔，咁大碗湯最平都要HK$35。兩個人食三樣嘢，一個鍋、一個飯、一個烏冬。首先嚟個鍋，個樣okay啦，湯滾之後男友就好忙咁掛住食，熱辣辣，飲啖湯，好味嘅，食得出係用日本打邊爐啲豉油 (壽喜燒Sukiyaki)，個飯好夠熱，啲湯送飯好味，有菜有肉有豆腐有蛋，夠料夠飽。之後嚟咗個烏冬，有埋豬扒，個豬扒雖然唔夠熱，但佢啲肉係嫰嘅，炸得亦脆，唔油膩，有足夠椰菜絲，如果夠熱就100分。雖然唔係熱到辣口，好似某間專門食炸豬扒啲貴嘢咁，但以咁嘅價錢之下，已經好抵食。個烏冬就夠熱嘅，因為佢係連鍋上，個鍋應該冇分類咁高檔，會分做火鍋及放麵食，所以個鍋係有少少豉油溝埋啲泡菜味，我鼻好靈敏所以聞到分

22分落單，崔左2次，47分先有。隔離遲過我入嘅都出埋菜，食左一大半，我都未等到我個餐。野食唔係真係好好食，材料都係急凍肉，午餐價錢系石門個邊算中上。除左落單同崔單個陣外，店員都冇點理過我呢枱係見我一條友on九九坐係度又冇野食先望下我有冇叫野，之後就冇之後了。真心，本身得一條友食已經慘，排隊等左22分鐘，仲要9坐多20幾分鐘，好慘咖！你話你收我30蚊都冇禁嬲，你收我80幾仲有加一俾啲禁嘅服務我真心嬲。重點，我見到隔離枱遲過我入，叫我同樣嘅餐，但上得早過我。Lunchtime得個1粒鍾，我齋係等就等左40幾分鐘。好難叫我唔嬲wow

不管回頭光顧幾多次，仍然能保持一貫水準。依舊是平、靚、正，而且上菜速度很有效率。下午時間還有學生優惠。吉列炸蝦豬柳定食一份定食包括了麵豉湯，這個湯的用料之多，有豬腩肉、洋蔥、紅蘿蔔、大根等等。首先，豬柳比豬扒帶有更多油份，肉質更加鬆軟，口感較豬扒柔順。但是會易有油膩感，有麵豉湯舒緩一下油膩。再加上，大量生菜絲配芝麻醬減少口中的油脂感。但炸蝦較失色，蝦肉不夠彈牙。不得不說的是他們是用日本米，每一粒都好有彈性和飽肚感。日本米是可以配日本生蛋食，每次都會不自覺地食多一碗飯。吉列豬扒 雞扒定食豬扒保持水準！而雞扒有意想不到的收穫，除了油份十足，還保持到雞肉嫩滑，不會過硬。

Lunch終於同同事試列呢間，之前黎次次都排長龍食唔到😅天氣咁涼 叫左個吉列豬柳泡菜烏冬鍋，落單等左一陣就有得食。烏冬鍋個湯底味道剛好，啲泡菜酸酸辣辣咁好開胃，烏冬有咬口，豆腐好滑👍🏻👍🏻 而重點嘅吉列豬柳都有驚喜，有兩大塊，炸得好香脆而且好嫩，唔油膩👍🏻配埋個酸酸地嘅豬扒醬汁真係好好味😋不過好邪惡🤣

4個人龍舟比賽後就黎左呢間近鐵站既餐廳俾佢既假食物吸引左去食店面有好多位 燈光夠 好日式我地一行4人點左超多野食因為比賽完真係好肚餓我就叫左個饅魚蛋飯加炸雞朋友就叫左咖哩 雞排 同炸豬排全部炸物都好食既饅魚蛋既汁就好咸佢配既湯就好飲既 至少無味精最好係到點既都係炸物 佢都無其他小食可以點得另加炸價錢唔算貴但會唔會再黎呢就可能會少D啦因為好似無咩見過呢間既分店 睇完openrice先知原來有好多分別 唔講唔知希望下次再試下其他

平日極少出沙田果一帶，不過咁岩出石門探人就順便係附近搵野食。一行 4 人，午餐時間等左10分鐘左右就有位，餐廳不設排籌，要排隊等入席，有位坐住等。等位期間睇下牆上既 menu , 圖片同價錢都吸引下午茶時間加 $5 就有吉列蝦，好抵呀。其他時段加 $ 8 , 都 ok 既。吉列豬+雞排定食，個人覺得佢個麵豉湯好好飲，又多料，又唔會過咸，係幾正既。主食方面，我覺得豬排好食過雞排，初初會擔心豬排會好乾，但係實際又唔會乾，而且佢個炸衣係勁鬆脆果種口感，一放入口果刻，我瞪大左對眼心諗好耐無食過咁正口感既吉列豬排了飯係稍為涼 d 既珍珠米。吉列豬柳豆腐泡菜鍋烏冬！個豬柳同個豬排完全無得比，豬柳口感差過豬排，比較乾同埋韌 d ...但係個豆腐泡菜鍋烏冬就好正了，辣度剛好，豆腐好滑，泡菜量夠多，烏冬亦唔會一堆堆麵團結埋咁，幾滑幾彈牙，似係 d 冷藏果種靚烏冬。鐵板滑蛋鰻魚定食同照片落差比較大，d 鰻魚份量好少，鰻魚無骨感，入口軟熟，甜甜地。湯汁係類似壽喜燒湯底既甜醬油味道，用黎撈飯食係相當唔錯的！我飲香芒乳酪，味道非常好，好解渴得黎唔會過甜或者過淡 整體來講，除左鰻魚有少少唔滿意份量之外，其他都好滿

好耐之前由於佢地的服務質素未能達我要求, 所以自行black list佢地, 但最近見到電視節目有介紹吉列豬扒飯, 所以抽起我想食吉豬果條筋, 於是搵日平晚六點就嚟食, 人少d, 果然服務都好d, 錯漏少d, 而且又坐得舒服d~ 真係實在太耐冇食, 佢個menu轉哂, 我記得以前係可以選擇飯/烏冬, 但而家全部set咗係飯+湯, 如果轉烏冬, 除咗要加$3外, 仲要連碗湯都冇埋, 原來一碗烏冬貴過一碗飯+一碗湯架~ 吉列豬扒烏冬吉列豬扒個外層吉列皮依然係好脆, 而塊豬扒亦都keep住咁厚切, 所以咬落去係好好質感, 外脆內有咬口, 但又唔會話係un~不過個烏冬d湯就少得可憐, 已經要加錢, 但都唔比多少少湯, 我要嚟浸熱d椰菜絲架嘛~ 而家只係剛剛好夠浸.............唔知點解佢個湯明明唔係好鹹, 但佢d海帶就好鬼鹹, 唔通係海水味太濃? 烏冬唔係好un, 少少彈果種, 又未至於最cheap果種大陸烏冬, 叫做不過不失咁啦~ 吉列雞扒烏冬大致上評語同吉豬烏冬係一致, 只係厚切有咬口的豬扒變成冇咁咬口的雞扒, 外表係分唔出, size差不多, 厚度又差不多, 都係唔差啦~其實佢

今次同吃貨朋友試食呢間專食吉列豬扒嘅連鎖店, 餐牌上面大部分都係吉列炸豬扒炸雞扒炸蝦, 如果果排標緊暗瘡嘅話, 就真係唔敢去試啦😂金黃色嘅吉列炸蝦同埋炸豬扒一咬落去聽到"sok sok" 聲, 就知道呢間餐廳嘅炸物都係新鮮炸出嚟, 果然係名副其實嘅即叫即炸🤤 雖然呢間餐廳最出名係食吉列豬扒, 但小妹覺得豬扒可以再厚啲, 入面嘅肉質可以再鬆軟啲🤔 反而炸蝦有驚喜喎😲 外面鬆脆, 入面熱辣辣之餘, 蝦嘅肉質keep到爽口唔會炸過龍, 證明油温同烹調時間控制得啱啱好👍 點埋沙律醬減低油膩感就更加perfect💯本身呢個便當包左白飯同椰菜絲, 但炸物始終比較heavy, 所以小妹就轉左湯烏冬, 啱哂為食但又唔想食得咁heavy嘅小妹😛

之前lunch時間同朋友去左食，都等左大約15分鐘先有得入，我就叫左個吉列豬柳泡菜湯烏冬鍋，$75都有少少貴。但係食落就發現真係好好食，泡菜味都幾濃同幾香，而烏冬都幾有要口，口感相當唔錯，而個豬柳方面我個人就鍾意加少少豬排汁，食落更好食，而個豬柳本身都幾軟熟，整體而言相當不錯。

今日又同傻老婆出嚟食嘢，一出石門站見到好多好多人，先知呢度已經完成發展，周圍都好多嘢食可以選擇。呢間吉列豬扒店都算多人，等左一陣先有位。7pm只有三個侍應，要照顧成三四十人。落單到上菜都算快，基本上只有吉列豬、椰菜、飯或烏冬，再加五味粉、芝麻醬同醬汁。豬扒夠鬆，有些許豬味及少少肉汁，算合格。配菜椰菜絲加芝麻醬還可以。烏冬和自己煮的差不多，有點失望。呢個價其實算扺，耐無食可以平平地止下癮。座位比較窄，坐得麻麻地舒服。

第二次去食呢間吉列豬扒第一次食就決定要再食一次今次叫左新出的鰻魚滑蛋飯，比想像中冇甘好食，尚可，都係吉列豬扒最正。對面的泡菜鍋非常好味第一次已經有叫過，今次再食，完美。野飲都好滿意芒果和乳酪有時間會再去一次