吉野家 (已結業)

路過旺角，夜晚時間間間鋪頭都超多人，於是我就選擇少d人幾吉野家，要自己行落去、突然間安靜許多，我去到時差唔多六點，果時唔多人，叫做芝士竹輪牛肉火鍋，以為係牛肉，點知係肥牛，而且全是肥肉，一點都沒有瘦肉，我讓店員換，店員竟然同我講肥牛全部都係咁，很正常，大佬、你見過全是白色肥肉的肥牛嗎！一點瘦肉都沒有，係要幾廉價幾肥牛先可以做到這一點！！佢最終幫我換左，但唔記得穿我，我心諗算了，費時同你講野，但我真係無言，本身我唔食肥肉，我本身以為係牛肉，拿到是肥牛就算，我只食瘦肉咪得囉，但我發現如果我只食瘦肉幾話可能咩肉都食唔到⋯痴線！用我換左一盤新幾肥肉好少少，一半瘦肉一半肥肉，pass，費時同佢講野除左肥牛唔健康，其他都算健康，簡左味增湯底，有d太清淡，但係話說芝士竹輪得一個點解叫芝士竹輪火鍋呢⋯⋯⋯奇奇怪怪⋯⋯⋯⋯

間唔鐘同friends打邊爐係人生一大樂事。不過外面打邊爐並唔平，所以要搵岩我尼啲窮人嘅火鍋場真係唔易。吉野家六，七十蚊一個火爐的確幾平，好岩我尼窮人。咁我同friend就一人order一個蟹棒火鍋。蟹棒味道嘗算清甜，其他食材，例如冬菇，豆卜都唔錯。唯中美中不足嘅係，我地另外加嘅2盒肥牛相當肥膩，白雪雪部分非常多。我同friend都食左幾口，就決定將部分肥牛放棄左。希望下次可以食到好啲嘅肥牛啦！

芝士竹輪鍋 $53.9-配特切火鍋牛肉-日式濃湯配讚岐烏冬加咗配菜響鈴、蟹棒、火鍋牛肉+芝麻醬今日練完跑，去咗食吉野家。叫咗個新鍋，今晚都好多人去食吉野家，落咗order等咗20分鐘左右先有得拎個鍋。等埋佢滾，等咗接近15分鐘左右先食得，個鍋好細、d火又唔猛，真係等到我瞓著。個鍋有一粒類似芝士丸好好食，芝士味好重，有流心效果。烏冬就好彈牙，牛肉正常味，點埋個芝麻醬又幾夾嘅。如果唔使等咁耐，都可以再食嘅。同朋友兩個人食，唔算話好飽，唔夠就可以再加配菜。呢餐飯加埋$100找，算抵食。

大雨中的下午茶，身在吉野家的我並不想吃飯。招牌肥牛肉拼即食麵連飲品都是$26，倒是第一次吃這個配搭，若然是撈麵應該會更讚，用招牌肥牛肉及牛肉汁來撈即食麵哦！肥牛肉片是薄但供應的一碟份量是圍成一團的多，即食麵是與肥牛肉片分開放，即食麵煮得有彈性，不會過份的腍，可喜可賀！味道 4環境 3服務 3衛生 4抵食 4

想打邊爐，但係又唔想食太貴，所以就去吉野家到打邊爐啦，叫左個芝士竹輪窩雞肉烏冬， 過咗十分鐘到，佢就送菜上嚟啦，芝士竹輪真係好好味，入面嘅芝士好濃郁唔會太咸，之後雞肉會覺得啖啖肉，煮耐左都唔會好鞋，之後先烏冬都幾好，唔會痴底，整齊嚟講都幾好食

鰻魚飯3食 $89三食定義咩都吾搞就咁食，加粉加芥末，加湯……所以三食都係以2食比較特別黎到係熱呼呼都吾錯，份量都夠食，而且食落醬汁吾太甜剛好，鰻魚薄身左少少，加左山椒粉之類變成少少辣口感特別不錯。之後再試加湯和飯令到醬汁淡少少味道不錯。以這價錢黎講都合理價，可以一試蟹棒鍋 $大約65-70見有新想試下，始終芝士年輪最好佢最大賣點係2條長到嚇親人既蟹棒，煲都放吾到，不過吾好預有蟹味，青口大隻到呢……忍吾住放係隻匙子影出黎就知道。其他同舊火鍋冇咩分別，試下就夠突然掛住芝士年輪，褔袋之類火鍋系列

Lunch就地食-吉野家 每次想起吉野家 都必點牛肉飯 其他新品什麼蘑菇汁飯 感覺太像頹飯了都唔太吸引想食得green d 就叫左個野菜牛肉飯 fresh d嘛. 比和風牛肉飯更健康野菜係胡蘿卜 豆角 西蘭花 有D汁浸著 因此一點也不鞋口 感覺是滑潺潺的 口感幾好 好鍾意食牛肉都好林好夠味 硬是覺得加價後縮了水orz..份量唔多這是單購$36..沒有日本茶但有水提供 用紙杯裝 衛生程度極高!!!

今日同同事食lunch諗唔到食咩同事突然提議話食吉野家！平時去親吉野家都係打邊爐 好少食飯好啦，見咁耐冇食過吉野家午餐 去食下啦走到咁遠 專登食吉野家 （唔近公司）但我見到有新野（好似係） 秘製醬汁煮豚肉飯 第一次黎吉野家試豚肉食落ok ge, 不過醬汁偏甜 都係鍾意食牛肉飯多啲！

OTO到夜媽媽，公司樓下又冇咩野好食，要行遠小小先有間吉野家，去到叫左個外賣拎走，咖哩雙拼-雞扒牛肉(好似$48)番到公司打開，又幾多料啵，牛肉一貫水準，因為薄切所以一D都唔鞋，唔錯。雞件好滑，仲要D皮唔肥，唔知係點整呢，間間都可以整到咁滑。撈埋有粒粒薯仔嘅咖哩汁，平平地咁就一餐=]。

要儲錢買樓,所以要學習下搵D平野食今日跟朋友去左食吉野家,佢話個芝士火煱好正黎到見到真係唔錯,芝士味好重,原因係因為真係好多芝士成個煱感覺好靚雞肉都唔錯,幾好味幾滑而且真係幾多菜,食完都夠飽

果排出左火山芝士雞鍋，咁啱朋友又想試下，於是今次嘅聚會就黎左呢度食雞煲！呢個鍋嘅賣點係好 多 芝 士！雖然冇特登影，但係都可以睇到一半嘅，成個鍋都係芝士粒除左雞之外，呢個鍋仲落左小小青椒、黃椒、洋蔥等，但係唔計飯同野飲，就係得咁多...另外有一碗水，可以溝稀芝士鍋，不過我都係落左小小，唔想令到芝士唔夠濃雞粒冇骨，所以可以一粒一粒咁食落去，而雞肉都算嫩口但係芝士味冇我想象中咁濃，唔知同果小小水有冇關係，不過都係失望當朋友們都揀烏冬嘅時候，得我一個揀左飯，而將飯溝落芝士鍋食果陣，飯嘅口感即刻受影響，變得諧左可能鳥冬真係會好啲其實個鍋唔係話好差，不過最慘係份量，一個芝士竹輪鍋都有唔同配料，就算加埋碟牛肉、配埋烏冬都仲平過呢個芝士鍋小小，同行有一兩個係叫翻芝士竹輪鍋，我食完睇住佢地仲慢慢食緊，呢個時候我諗唔通點解我要食火山芝士雞鍋 好彩冇幾耐就唔再賣呢個鍋，真心食雞煲都係去翻創興廣場好過

第一次來這間旗艦店的吉野家食飯, 要落樓梯到地庫的，發覺原來這間吉野家面積好大，而且裝修好似真係寧舍靚同埋乾淨，連員工都特別多！眼見枱枱都係食火鍋，香氣撲鼻，我和朋友都叫左一人一個芝士竹輪鍋， 仲追加響鈴同埋加大汽水 將食物搬到枱上後， 很快就有員工搬上爐和點火了，平時在其他吉野家店吃通常都要等幾分鐘的！ 服務好又快！湯底選了日式濃湯，這間分店的湯底好像特別濃郁，不錯！鍋入面有金菇，紹菜，冬菇，腐皮角，粟米，南瓜，豆腐，蟹棒等等，很豐富，還有另一碟肥牛，份量蠻多的，不過主角芝士竹輪就只有一粒　這間分店的火鍋餸都好似特別好咁，有好大粒冬菇　還有一碗已經煮熟的烏冬，幾彈牙！吃烏冬的時候加湯和芝麻醬，好好吃呢！下次都會黎呢度食！

今日返工又要外勤,食飯時間自然唔準,等到3點幾先食得飯,好鬼肚餓橫掂下午茶時間,不如去食吉野家,平得黎又幾好食,不過味道真係要撞岩分店既旺角分店好似麻麻地,d牛肉薄d同多d根位,食落口感麻麻而且唔記得叫多汁,真係唔肯比我,攪到食白飯咁不過依度牛肉好似多小小,都幾飽,$22抵食啦不過加可樂加2蚊,有小小比佢陰左既感覺,早知飲綠茶算數

之前睇雜誌見到介紹吉野家有芝士雞煲食，身為芝士迷既我點可錯過呢?!雞煲份量絕不少，雞肉有7-8件，再加有青椒"黃椒、洋葱作為配料!雞煲上檯一陣加熱就好快傳黎濃厚既芝士味!!夾起雞件時，每件雞件都黏滿芝士，仲有芝士拉絲添~即使食到咁上下加水再煮芝士味都唔會大減，芝士味濃味而不膩! 

這日看戲前還有時間食個晚飯，就來了這裡食個火煱這是每日限定的帆龍餐牛烏冬火鍋($64.9)，也許因是限定大家都想把握機會試，見附近很多人也點這個整體好滿意，芝士丸好吸引夠大粒，一咬開芝士汁係咁流。今次個粟米都好清甜，仲有個烏冬都一流好彈牙。作為主角的牛肉都好好味，厚薄適中又夠牛味。其他配菜例如帆立貝都表現合格。