吉野家 (已結業)

吉野家既火鍋 已經光顧過很多次了 過一排就好想食 真係食極都唔會厭的！晚市時間大概7:30pm來到，都仲有位，仲要係星期五 HAPPY FRIDAY，正正子今次就特別啲，叫左個清湯湯底，如果食開清淡既朋友不妨一試，之後加湯既時候，再自行配濃湯或者蕃茄湯火鍋要加配鮮雞蛋($3)才算完美，另外再加多$3有杯凍檸茶。其實最主要係個麻醬，才是整個火鍋的靈魂沒有它就不成事了還有值得一讚的是 - 《烏冬》，不是超市幾塊錢的烏冬，是煙煙 un un 的口感。不錯不錯

牛肉飯明明要求少牛肉多洋蔥，整碗吃完卻只看到兩片比平常還少，倒是牛肉比菜還多。雖然說有加了魚鬆但是在沒特別要求要汁的情況下菜加肉加魚鬆加汁不多撈完整碗飯。餐牌上的特飲停售了也不寫出來要問才知道

對於住馬鞍山嘅我，想搵間連鎖美食都冇 。既然最近，吉野家喺馬鞍山開新分店 令到我又想再食吉野家。今日下晝喺公司樓下嘅吉野家食下午茶，坐喺度食嘅人唔太多，好多人都嗌外賣拎走，因為貪佢夠平又好食，好多人喺五點半鐘左右買，當晚餐食又可以慳番廿幾三十蚊。喺銅鑼灣食嘢真係唔平，開口埋口都60蚊70蚊，好啲嘅更加係百幾蚊，而家用30蚊嘅價錢就可以食到ok質素嘅日本嘢，吉野家都算係咁啦。和風牛肉飯（細），吉野家最好就係可以不斷加牛汁，用牛汁撈飯真係超級正。有時有口牛肉絲、牛肉碎嗰陣醬油香味撈飯真係一流，唔變肥仔都唔得啦！我同事lunch食得太多嘢，所以下午茶叫咗和風牛肉公仔麵。佢哋一定係用出前一丁 ，好多茶餐廳叫出前一丁都要加兩蚊至五蚊，甚至乎十蚊都見過。不過吉野家貴為大集團當然係唔使加啦。而鮮製凍檸檬茶都係加三蚊就有啦，兩個餐70蚊有找，今次我請咗同事食，其實都好平啫。下次等我馬鞍山分店冇咁多人，真係要晚晚去打躉，食下一人頹火鍋。

The same Yoshinoya experience I had as with the previous ones. Ordered a regular beef bowl which tasted good. The ambience and service are also great. Would visit the same branch again when I'm in the area.

下午茶時間，最近減緊肥，吉野家既野雞飯絕對係一個好選擇，因為下午茶時段，價錢平之餘仲份量剛剛好，唔會話比自己食得多左，減緊肥既人士可以好似我咁走埋醬，或者醬另上，需要既時候淋上去，唔好就咁跟醬上，唔係d飯都幾肥，雖然咁樣食會dry d，但係減肥都係需要付出代價的，雞都算嫩，整體ok

喺銅鑼灣shopping 行到天黑，晚上十點幾，飯都未食。但成十點幾好多餐廳都準備last order ,唯有見到眼前間吉野家頂下肚先。因為太肚餓，諗住食番普通牛肉飯。但望一望樓梯口見到張大poster 介紹三重芝士牛肉飯，嘩。。。芝士控的我又心心眼，要出動了！ 而朋友就叫磨菇煎雞扒飯。三重芝士牛肉飯只係$46 ，就有咁大碗，咁多芝士牛肉飯，仲有杯熱茶。三種芝士，包括車打芝士，mozzarella同埋Parmesan芝士。三種芝士溶為一體口感好豐富，芝士味好濃厚，加一小片牛肉連飯入口非常幸福啊！！牛肉雖然份量少左啲，但水準都一如以往，唔會太乾，亦唔會勁多肥膏。磨菇煎雞扒飯其實未放入口已經感覺似肯x雞磨菇飯。食落口係完全一樣，只係多左啲雞扒。磨菇汁食落普通，偏淡，磨菇份量多。至於煎雞扒就較為失水準，煎得非常之乾，雞皮都唔洗多想，無脆口感的。

好耐冇食吉野家～雖然有小小頹飯之選，不過又真係平令正喎～ 下午餐個餐成日都唔夠飽，但宜家出左新野🤔竟然係丹麥多士仲要加8蚊炸！梗係要試：）👉🏿✨茶餐 細牛飯 加多士 hkd31 💸📌牛肉飯唔多講啦，講下新野丹麥多士！一共有3款味，丹麥多士配楓糖/丹麥多士配奶醬/丹麥多士配肉鬆沙律醬～📌我自己叫左楓糖😍佢既多士係有36層。食落有層次又鬆軟👍🏿真係好食架！淋埋啲楓糖醬，真係巧巧次🤤值得一試呀！

小毒毒一人晚餐營養之選：$42.5 野菜煎雞飯，烚菜抵銷了煎雞的肥美。平時晚餐在家只吃一兩口飯的我，總會吃光吉野家的大碗飯，因為她的珍珠米煮得好好食，配上煎雞照燒醬一流😋😋😋

九龍區我見到嘅雞都係細細舊。俾我發現到港島區係有清泉架。我就一到下午茶就黎食，暖笠笠架，飯粒又唔會超林，拿捏得啱啱好（其他分店會）蔬菜蘿蔔爽口清甜。雞肉又林又多肉。

今日去完銅鑼灣Apple Shop ,我朋友買了一部iPad mini,就去到附近嘅吉野家食午飯。我們各自叫了煎雞牛肉飯一客，雞味很香很好味，牛肉有牛肉味。👍這個套餐還配有一杯七喜汽水，價錢十分相宜。😍

講真吉野家除左下午茶之外 佢地嘅早餐真係幾抵食 行行地20蚊都有找 由於好耐已經冇食過佢地嘅早餐 於是起左身之後就約左兩friends落樓下一齊食 我地叫左個野菜牛肉飯 粟米海苔牛肉飯 同一個烏冬餐 坦白講黎吉野家就真係一定食牛肉飯 唔使食其他 因為個烏冬真係麻麻地 雖然係豬骨湯底 但完全覺得屋企整都好過佢 好彩有埋個香腸炒蛋同餐肉 多士都ok ge 但真係唔會有下一次 如果海苔同粟米可以再多少少就好啦 20蚊黎講牛肉飯就係最抵唔使諗

早餐。。。蕃茄通 無蕃茄味。。咁大碗湯得陣濃烈膠蕃茄膏味。通粉入唔得味。煙肉凍硬。豆唔洗提。。。蛋無味,32元唔覺肉痛，但無下次，其實如果唔識整。唔好整真心難食。

早餐時段嗌咗個蕃茄通粉餐 個通粉想點😑😑得兩三啖都算 洗唔洗俾咁多湯 好似食緊人地食剩嗰啲嘢食咁。。嗚哇我美秒嘅一天俾呢個通粉破壞咗😭早知去食老麥好過 起碼好樣啲 大伏啊呢個 大家唔好食！

Udon afternoon tea set was very small in amount and it had no taste... Soup was very bland and udon was just usual type. But you can add chili etc by yourself. At one area, they have drawer full of condiments (shichimi, red pepper flakes, picked ginger and soy sauce)As for the portion, I thought for the price, it should have at least two more fish cakes... That's because I've found afternoon tea set prices to be quite low.Also, the place was quite messy... but i think that's because of the weath

吉野家最出名就係下午茶新出咗個芝士黑松露牛肉飯聞落去有黑松露香味既撈落去個飯就會變咗怪味芝士汁太太太太太多啦 又太杰食半碗就好滯 結果浪費左好多芝士味一般 仲要遮蓋晒牛肉嘅好味 好難食總結 太杰冇芝士味嘅芝士汁 同牛肉飯一啲都唔襯好似為咗追潮流 而硬推出嘅飯😡😃炸雞係喜出望外嘅好味！炸粉好食 炸完都好有肉汁完全冇硬梆梆乾爭爭 😒不過芝士汁都係冇乜芝士味＄12而言係絕對抵食 唔係劣食題外話 呢個早餐有豬骨湯烏冬真心吸引 一定要搵日試一試銅鑼灣分店 座位係好舒服但洗手間係十級污糟！