同心泰國菜館 (已結業)

打完波，飢火大旺，去龍城街市買菜之先，來這裏食個午飯...呢度嘅鹵豬手水準確實不俗，但今次唔想再重覆，來個海南雞飯試試...望落去，油飯色水唔夠，色澤不勻循，不太合格；雞倒是有點雞味，醮上泰式醬料而食，比飯本身好食得多...試一口太座扎肉湯河，扎肉片質感比平時食嘅較粗嚡及濃味，但切得厚厚，食得較過癮...串燒等咗成差唔多十五分鐘先嚟，但食落又唔係好熱，奇怪...水準不過不失。講水準絕對及唔上同區嘅金泰...下次都係咪冒險，獨沽一味只叫鹵豬手...

喺超級市場而家都可以買到媽媽麵,我覺得佢既味道比出前一丁好多多聲!呢間泰國菜我之前無食過,今次約左friend喺九龍城街市度打完波只想找個地方坐坐,結果嚟左呢度!食左個mama麵沙律,味道幾特別,同成日食嗰種炒出前一丁係兩回事!酸辣既味道感覺好開胃,本身mama麵既味粉固然野味,泰式既香葉味襯托碟麵都好配合,仲有兩隻大蝦,不失係一個小食既好選擇!

和「同事」、經理人在這兒試試其他泰菜，但今次都主要是試試炒粉炒飯和鴨河。先來了碗鴨河。湯底頗甜(吃完其他炒粉飯都忍不住再喝湯)，鴨肉份量都不少，而且都少少肥，河粉則幾滑不易爛，配上其他香料吃，好味道。濕炒雞肉炸麵，和普通中式炸麵沒有甚麼分別，整體是吃不出任何「泰」式的感覺，但個汁都幾好，所以，都比一般食店的炸麵好既...蝦醬炒飯依舊出色，配上甜甜的肥肉來吃，實在滋味，每次來都要叫上一客蝦醬炒飯吧？估不到這麼快又來這兒Encore，始終，這是對味的食店，來多多都無妨。

Impressed by the number of native Thai who come to this place. We ordered the pig's knuckle, green papaya salad, duck soup noodle, tung yam gong, satay and pumpkin rice.A few of the dish was spicy hot, but we love them, pig's knuckle, the salad and tung yam gong were very delicious.Their 珍多冰was also very good (and cheap at $15).Pumpkin rice was not as tasty as we expected, but overall a very good meal for its price.

2月2日凌晨時份行完維園，番去宿舍附近的九龍城食宵夜，見這兒還在開，便入來坐坐，我記得看過介紹這裡的鴨肉湯河好吃的，但因時間太晚接近收爐，所以只可叫炒的。點了乾炒雞肉金邊粉、泰式炒飯等。等了一段時間，熱呼呼的來到面前，發覺賣相和食開的餐館不同，更別緻。「咕嚕、咕嚕」金邊粉炒得很惹味，很想不停的放入口！而泰式炒飯也非常好吃，調味料各自各精采，吃落有辣、酸、咸味，正！不過價錢真的比較貴(相對同區泰菜小店)，但都有令人滿意的食物質素！另，女侍應不斷主動的替我們添水，值得一讚！

很久前在飲食男女的泰菜集，曾高度評價同心。老公甫坐下，先點了活蝦刺身和海南雞飯(他認為是嘗泰菜的必點菜式)。雖然d蝦好大隻，唔知係咪感冒緣故，那刻不太敢吃生的我硬係覺得d活蝦好難入口。至於海南雞飯，雞不夠滑，大失所望，金寶的一定比它好吃。老公看到店內poster推介豬手，於是點了豬手飯，但我倆都認為不夠腍，再一次失望﹗至於由我點的，則有炒蜆和蝦餅，蜆算大隻，但不是特別香；好在蝦餅很香口，外脆內彈牙，總算找到一樣值得推介的食物。

同事推介同心, 因為我家住近九龍城,泰國菜舖應該食過很多間,但這間未試過, 就趁住有時間會一會吧坐下,叫左青木瓜檬粉沙律走辣,待應問加不加蟹仔, 不用錢就加吧,後來沙律來了郤很辣, 但十分惹味,木瓜絲嚼口有勁,配上檬粉簡直一絕, 但問題來了, 蟹仔原來已經拍偏混入沙律中, 結果要邊吃,邊吐碎片本想要馬拉盏通菜, 但待應推介咸魚炒,因為食店捨得用多咸魚,所以令到菜入味非常~好味道!!!想食咖哩點蒜容包但又唔想食太多咖哩肉既朋友,呢度幫到你,只係得咖哩汁配蒜容包, 三十五元一客最後有道糯米釀雞亦,熱呼呼,甜甜的,不錯~下次人多的話應該可以叫更多不同種類的食物

較早前同朋友合共8人黎過一次,食左好多野,最記得佢既招牌豬手同辣到我飲唔到既冬陰公!星期一,UniKing提議再食,好好好.....生蝦- 正常,同其他地方食既一樣,但係個sauce就辣過其他地方海鮮沙侓 - 有青口,蝦,同大量鲜魷,酸酸辣辣,雖然海鮮唔係好靓,但係新鮮,幾開胃燒烏頭- 香,魚算新鮮,魚腩部份滑d泰式炒椰苗- 椰苗其實好靓,不過炒得唔夠味,浪費左,可能第二種做法會好d,Lanna Thai個椰苗就做得好好. UniKing要左支SINGHA,$25真係貴左d..... 服務幾好,環境都係咁啦,希望下次食可以保持水準就好喇!

上次食完後，一直也沒有再來；早前經過，看見它在幾間鋪外，再開多一間大一點的店，相信係生意幾好，搬過幾間大一點的鋪吧！早幾日見有空，便決定來新店再試，今次先問問朋友那些好食，不再亂試。最後我們叫了酸辣海鮮沙律、豬手(小)和鴨肉湯河。酸辣海鮮沙律- 一食落口，先感到一陣很酸的味道，之後辣才慢慢殺到，真係越食越辣，辣到完全感受唔到其它的味道，認真利害；海鮮份量唔係好多，但就幾爽口，相信都算新鮮，可惜辣味太利害，已食唔到海鮮的鮮味，對我來說，已到極限了。(因辣椒女都話算幾辣)豬手- 上次食過，非常出色，今次來到，當然要再試多次；豬手煮得好淋，而且好入味，唔算好肥，兩個人食、細的份量剛剛好。鴨肉湯河- 鴨肉偏瘦、但又唔會好韌，而且幾有鴨味，可惜份量很少，只得幾舊；河粉唔係粗身的那種，但幾滑口，都算幾好食。今次食完，沒有上次那樣口喝，所以感覺比上次好；相信上次主要係因為那酸辣湯的問題吧！本來想叫喜力啤酒，但沒有；只好改行叫泰國啤酒，但全部啤酒也要HKD25一支，都幾貴。(唔多抵飲)店內間中有隻白貓四處走，很可愛！

今日因為肚餓關係~去左離菅車點最近ge呢間同心~點知......一入去~我地一行三人入到去咩都冇~水都冇杯，到點完野先有三杯水(人地個個一去到即有)都算啦我地叫左南瓜焗飯、串燒、咖哩豬肉、青木瓜檬粉沙律同埋泰式通菜等左一陣~沙律黎先,點知我最期待同最鐘意ge青木瓜得o個幾條，成碟都係檬粉。之後南瓜飯黎喇~見到隔離枱都有叫，煙噴噴咁好似好好食，點知~我地o個個只不過係遲佢地幾十秒上枱，我一見到已經唔對路~煙又冇~我用手摸一摸個瓜殼...凍ge，再用手指掂可d飯~凍ge~我搵個女仔侍應問佢我地呢個飯同隔離枱o個個係咪一樣?點解我地呢個咁凍~點知......佢由頭到尾都冇應我一句，只係自己將我地個飯拎走~再整熱拎返出黎，一句唔好意思都冇個男侍應就好似聽唔到野咁~呢個女ge就好似唔識講野咁~ 咁ge服務~你d野好食到識飛都冇用(當然佢d野冇好食到呢個level)~之後d野都係一般,但係九龍城好多選擇，少呢一間唔少!!!!

外賣了d 野食做晚餐。裝修過喎，靚好多，大好多，因為佢將間雜貨店都做埋餐廳，骨子jor~買了一個雞肉濕炒河& 炸蝦餅。雞肉濕炒河一向都係我GE FAVOURITE!好鍾意o個d粗到有成inch 粗ge河粉，口感好正，有d雜菜、雞肉；今次味道頗淡，唔夠味。炸蝦餅：好得呀，雖然攞到番屋企已經無咁脆，但一樣好味，好彈，食食吓仲食到有蝦殼，真係真材實料呀！用黎點蝦餅ge 醬汁都好得呀！

呢間o野第一次去食. 因為有人介紹話ok.未入去之前見到個門口貼o左又好多雜誌o既介紹. 心諗應該都唔會太差o卦.另外,見到門口價錢牌, 都覺得ok. 見落唔算好貴.所以最後決定入去試試.(入到去發覺舖裡面個價錢牌好似同出面有d出入)我o地一行5人, 一共食o左四百三十.1.豬手飯~真係不錯,雖然係普通o既鹵水汁,不過勝在唔算太肥,而D飯橯埋d汁幾好食. 2.泰國茄子+泰國唐虱魚~小辣,幾好食.個茄子好味.3.綠咖哩橯檬~都ok.綠咖哩好香.不過個檬粉好似米線咁. 4.咖哩炒蝦($14X)~好甜,冇辣味.同其他泰國菜館一樣.冇驚喜.5.青木瓜檬粉沙律($18)~酸+小辣,好多汁,青木瓜得面頭少少.(Remark:-其實叫呢個o既重點都係想食青木瓜, 所以落order時都問o左可唔可以走檬粉,佢o地話可以, 所以先叫.不過到最後都係冇走到. No Good.)6.海鮮冬陰功~料多(魷魚特多), 少辣,不過我自己覺得好似唔係幾夠酸.酸多少少會好d7.蒜蓉炒椰菜苗~冇特別,椰菜苗食落好似芥菜咁. 8.蒜蓉包~都ok喇,不過係唔夠脆同埋有d貴.20蚊得6小片.9.串燒($38/半打)~得雞同豬

寫番琴晚先~７點去到等左一陣先有位~因為今日冇開2/f o個層,叫左生蝦刺身,冬陰公(細), 泰式炒椰菜苗,炸蝦餅,豬手飯..3個人食~生蝦刺身有9隻蝦~都算新鮮,連埋蒜頭同辣椒一齊點食~正~冬陰公既辣味同酸味都算balance~但係總覺得d香料好阻住我飲~炒椰菜苗好食~好少地方有~炸蝦餅有6大件~好彈牙~炸得剛剛好~點埋甜酸醬~好味道~豬手飯原本我唔敢食架~但daddy話係泰國街頭常見既野~同埋都唔只係得肥膏,有瘦肉...所以試左d~原來又真係唔錯wor~飯+鹹菜+瘦豬手肉仲有佢d汁~好味wor~唔知係唔係d野幾開胃呢~?食完7成飽~好~再去食甜品先~臨走買左包炸蝦片$20,算貴~但係食落唔似自己屋企自己炸o個d~唔同佢地自己開蝦粉黎炸??

成日話嚟呢度食餐，但每次都過其門而不入。今次又經過，見過咗繁忙嘅lunch time，人冇咁多，卒之的起心肝...一坐低諗都唔諗就叫: "豬手飯唔該"。呢味係呢度嘅掛頭牌之作...大大嘅一碟飯。除去骨豬手外，仲有蛋半隻、少許芥蘭及醃鹹菜。豬手皮下膠質極重，鹵得夠味，皮部份入口即溶，瘦肉部份亦唔韌，相當不俗。但奉勸怕肥嘅人就唔使叫嘞，因如果唔食嗰D皮，就失去真味了，直頭係暴殄天物...鹹菜若能再鹹再酸一D會更好...伴碟嘅泰式辣醬真係夠勁，用嚟醮豬手及撈飯，一流...仲有好多嘢未試(如豬血湯河)，要揾次跟太太嚟試吓食dinner...

早上路過同心,聞到很香的豬血湯氣味,就隨之將我俘虜著.本來想吸血,陰差陽錯之下,在我面前,竟出現一道彩虹.名叫"彩虹湯河",湯底紅如咳藥水,實際上是用茄醬煲成,嗒落亦有點點南乳味.酸酸甜甜.材料有魷魚,豆卜,魚片等等,下面的河粉,亦夠滑溜.相對如黑色午夜,深不見底的豬血湯下,我仍是愛前者的濃味多一點.