名代宇奈備長炭燒鰻魚飯專門店 (黃埔天地黃埔號) (已結業)

咁貴既鰻魚飯仲未食到啦平價既就叫做試過下好似之前比alfred劣評過既過江龍名代宇奈好多年前杜如風都係節目有介紹過不過果間係日本店當時見到幾百yen可以食到咁L大條鰻魚真係驚為天人不過人大左睇既野都唔同晒平野無好呢個定律都刻左係腦入面咁都有過下口癮去左呢間鰻魚飯既專門店而家名代宇奈係香港都有四間由和心集團經營我就去左黃埔果間次次行經aeon其實都有望過呢間野但永遠都無人既餐廳名都有寫係備長炭燒鰻魚飯專門店門口就已經可以望到入面廚師燒鰻魚既畫面咁我估都唔會呃人唔係用備長炭掛餐廳格調都算平實始終都算係連鎖餐廳人流少坐到四人位都幾唔錯餐牌就好多野揀對照番日本官網餐牌價錢其實大約都係十算以內日本餐廳黎到香港貴左都係意料中事就唔算話係貴到離晒譜而且呢間餐廳而家唔洗加一都算係咁所有飯類食物都有味噌湯跟加15蚊可以轉鰻魚肝湯呢個普通味噌湯就完全無特別溫泉蛋鰻魚飯食鰻魚飯最驚就見到呢種碗感覺好似好渣咁其實溫泉蛋飯就點都好食加埋碎鰻平平地七八十蚊其實都叫做可以一戰既咁呢度都有盒上既鰻魚飯原條太貴普通鰻魚重又好似唔夠過癮就揀左特上份量都算多唔算肥美咁呢個價位都無咩可能係活鰻亦都唔知係邊度產地只可以話係一分

放工到店，不用等位黃埔分店也是採用電子落單1）雙層鰻魚丼$108配赤味噌湯及漬物，另追加泡菜$12、溏心蛋$12比較鍾意肥美位置，所以選了雙層丼，2片都係鰻魚腩位置。燒過的確夠焦，但鰻魚油分較小，即使已選魚腩位置，食落頗乾身，外層也沒有太多魚皮膠質感。而醬汁味道適中不會過濃，沒有搶過魚味。2）溫玉牛肉丼$78配赤味噌湯及漬物，另追加溏心蛋$12牛丼味道唔錯比鰻魚好吃，牛肉也有厚度。採用日本米，口感佳。原本想叫鰻魚玉子燒，但當天售完。

今日幫朋友送佢個仔上興趣班，見佢話好肚餓，就帶左佢去食正野！之前聽朋友講依間幾好食，睇睇下實力！因為呢一間係鰻魚專門店而佢個炸天婦羅套餐係有一件炸鰻魚，第一次食炸鰻魚好特別炸左之後好似冇咁多碎骨，都幾大條！因為個天婦羅係即叫即整，所以要等15分鐘左右炸蝦天婦羅有炸蝦一件炸番薯兩件炸鰻魚一件炸冬菇一件炸茄子兩件炸南瓜兩件都係80蚊，性價比upupup！炸天婦羅，好好食，炸粉好薄，好熱，新鮮炸出嚟！烏冬，非常彈牙，份量非常多，加埋啲昆布係側邊好好食朋友個仔都食到好滿足，話下次都要食！唯有同佢爸爸講喇！

失望的鰻魚飯呢間野基本上就係一個以鰻魚飯做最大賣點嘅鋪但係佢啲鰻魚個汁又唔夠濃厚唔夠地道條鰻魚唔可以叫難食但係真係好瘦削同我食過嘅好食嘅鰻魚嗰肥美嗰種鮮味嗰個香氣根本就冇得比得罪講句板長個鰻魚壽司都好食過佢呢個鰻魚主打唔係話入唔到口但係性價比嚟講真係爭咁啲囉🙂其實已經客氣左一間鰻魚飯專門店嘅鰻魚仲要係連鎖都仲可以搵到啲咁瘦嘅貨返嚟我喺一間非專門店食嘅鰻魚個味仲正宗仲傳統條鰻魚仲肥美過一間以鰻魚飯自居嘅專門店唉自己諗🙂

日式鰻魚專門店！黃埔Aeon有好多餐廳，因為燒鰻魚嘅香氣，我比呢間鰻魚專門店吸引咗。鰻魚質素果然冇令到我失望。平時我唔係特別愛好鰻魚，都覺得呢度啲菜式唔錯，不過定價稍高。鰻魚野菜天婦羅烏冬$72- 第一次食鰻魚天婦羅，粉漿薄脆，新鮮炸起，味道較比普通嘅蒲燒鰻魚淡。其他天婦羅配料都唔錯。鰻魚重$98 - 鰻魚份量幾大，油脂豐富，外層燒得微微香脆焦香，內層熱辣辣好軟熟，燒汁味濃，送飯一流！仲可以免費添飯！推介！+鰻魚肝湯及漬物$15- 鰻魚肝味甘，未食過嘅朋友仔可以試吓。不過我麻麻地呢種味道，所以下次未必再叫。

上年食過好幾次既天婦羅一直都唔差, 但今次令我非常失望!!!完全唔係天婦羅做法, 食材炸到過晒火, 又乾又硬! 新一年剛開始, 價錢已加左價但手工差左咁多! 已冇信心再食天婦羅

外賣鰻魚飯，看似美味，但飯裏有飯粒，很硬很硬，用手指搓也不爛，應該是新鮮飯混入隔夜飯，如飯中有細石，根本無法挑出來，又吃不下 會胃痛，只好整盒棄之，極之失望！無下次！大家小心！！

今日又想搵番日本味道。。。去左黃埔食日本引進既品牌名代宇奈鰻魚飯，依間係日本都食過😊鰻魚井鰻魚厚身軟滑，以炭燒個邊位燶燶地好香，加埋山椒粉又香又麻辣感覺鰻魚海老天婦羅重井天婦羅唔會太厚薄薄地一層，數量就茄子、蕃薯、南瓜各2件，冬菇、蝦、鰻魚各1件，特別想講下鰻魚天婦羅，雖然外皮天婦羅漿炸到好脆，但裡面鰻魚仍然好嫩滑，隻蝦好彈好實好新鮮吾會淋晒，其他係水準之上係香港食鰻魚飯都係暫時未會轉第二間，價錢合理品質唔錯

用外賣平台買左2個鰻魚飯：鰻魚重（上） ($148), 鰻魚重($108)唔知外賣同堂食有冇分別⋯點解可以有咁多好評⋯我地個鰻魚重多骨到好難進食，我已經係用筷子每次夾勁細啖，每一啖都一定有骨⋯每一啖都好似下面d相咁 👇🏻👇🏻 D骨都唔細，條條都咁上下長 👇🏻👇🏻叫人點食⋯連舊魚中間同側邊排骨都冇起⋯ 除咗有骨，亦有少少腥⋯⋯⋯我仲諗住食靚d既鰻魚先叫重唔叫丼，但都係咁既質素⋯好失望⋯唔會再食！

鰻魚迷嗌親壽司都一定會揀鰻魚，同時好鐘意鰻魚汁撈飯，哩間名代宇奈備長炭燒鰻魚飯專門店其實都開左好一段時間，第一次係喺tst isquare食，係幾好食既🤩 所以今次又黎食lalala🥳 本身叫左鰻魚重$98，個盒係四四方方，貪佢影相夠靚😂 點知佢落錯單，俾左哩個雙層鰻魚丼我$108，貴左十蚊😂 但原來哩個d鰻魚仲肥美😍😍 係魚腩黎，而鰻魚重就係用魚尾😆 所以黎哩間食既話識揀啦，睇你要樣定要夠好食肥美😂 最鐘意哩間鰻魚專門店係即叫即整，鰻魚汁配上珍珠米，我又可以食到好幾碗飯啦😍😍 想食鰻魚既話都可以考慮黎哩間啊，好多分店的🥰

3/5Wow for this price is really good grilled eel rice! Rice is nice, eel is soft tender moist and covered with nice sauce.Better then some hotel Japanese restaurant, crazy.Eel liver is good too. But tempura is too crispy and ingredients are just fine.

經常經過呢間店舖，終於有機會入去試吓～ 因為疫情關係較多人選擇外賣，但我覺得燒鰻魚當然要盡快食先試到真正嘅味道，所以我都選擇堂食！其實吸引我嘅係陣陣嘅燒鰻魚香味同埋合理嘅價錢門口嘅餐牌都幾吸引而且會員有外賣八折，堂食又免加一去到當然要試吓鰻魚飯，我哋揀咗個比較平價嘅鰻魚飯試吓！可以見到師傅即叫即燒，一上枱就聞到陣陣炭燒香味，令我諗起之前去京都旅行嘅炭燒鰻魚飯雖然$68但係飯量都唔少，鰻魚都算肥美，唯一美中不足嘅係飯比較硬另外因為我想食烏冬，所以叫咗個天婦羅鰻魚什菜烏冬雖然等得比較耐但係一食落口就知值得炸粉唔會太厚，什菜天婦羅都唔會太乾重點係我第一次試鰻魚天婦羅，原來都好好食，外脆內軟，又保留到鰻魚嘅汁可惜烏冬唔夠彈牙，可能煮得耐咗，但仍然值得推介

今日去黃埔行下aeon～睇下附近有咩食～咁橋隔離就發現佢啦！專食鰻魚！！🤣🤣見環境又舒服開揚～一於試試佢！入到去d位好濶～坐得都好舒服～服務態度又好好！值得一讚！講明專食鰻魚～所以佢所有嘢都係以鰻魚為主～～如果叫鰻魚飯的會包麵豉湯喔～味道就普普通通啦！前菜好似係青瓜～😂😂我食5太出因為冇咩味～🌟鰻魚重（$98）我其實都5明咩為重😂可能重量級多飯d？？男朋友話幾好味～但一鶴拉麵個度d鰻魚飯好味d～（我未試過所以作出5到比較）但我覺得5錯都算～咁ge價錢算抵食！🌟鰻魚天婦羅烏冬（$78）好好味啊原來鰻魚整成天婦羅～超欣賞佢！！烏冬都好彈牙！！非常滿意！！真係第一次食鰻魚天婦羅啊！！❤️推介！🌟炸雞（5記得左幾錢⋯）5乾身！仍然好又肉汁～配d酸酸甜甜salad source即刻冇咁油膩～☀️☀️☀️☀️☀️☀️☀️☀️☀️☀️☀️☀️☀️☀️經過黃埔又想食鰻魚可以一試啊！～性價比高！服務又好！！

本身自己好鍾意食鰻魚，見到呢間野話自己係鰻魚專門店，點都要去踩下場嘅去到呢度唔係唔食鰻魚呀嘛！？為咗食真的佢地既鰻魚，我叫咗雙層鰻魚丼，友人叫左溫泉蛋鰻魚丼先講溫泉蛋呢個啦，個溫泉蛋望落唔錯，返上面鋪左好多䓤，鰻魚就比較碎，不過朋友話OK唔錯到我呢碗雙層炭燒鰻魚飯，一上就見到兩大舊鰻魚，都幾厚身專登影俾大家睇有幾厚以作參考食落有微微炭燒味，個汁唔似我喺第二度食咁甜，食得到鰻魚本身既味，但都好夠味值得一提個set 送麵豉湯加漬物，更可以免費加飯成個飯都唔錯，不過食到後尾會有啲膩，始終鰻魚係比較肥既魚話說試完覺得唔錯，所以就帶屋企人黎食今次叫左個新野，鰻魚牛肉丼如果俾我揀，我會推薦食呢個多個雙層鰻魚丼，因為抵啲，同埋冇咁膩呢個唔錯，隔耐少少可以再黎食

有日本炭燒鰻魚飯專門店在香港開店，急不及待要去試食，每次去日本都會去不同店舖吃鰻魚飯，在店外排隊時一陣陣炭燒鰻魚香撲鼻更令人期待，可能名代宇奈抽油煙機超強力，沒有燒鰻魚香以致要找店舖位置。已經過了午餐繁忙時段，店內食客不多，鰻魚飯套餐有碗特濃麵豉湯及漬物，兩樣都超鹹，喝了兩口已經放棄了，期待的炭燒鰻魚飯終於端上餐桌，鰻魚燒得剛剛好，表面外脆內軟又肥美，醬汁足夠，再灑下七味粉一起吃，好滿足喔，色味都有，稍嫌未夠香味四溢。