名島麵包西餅店

营业中

休息中

行過荃灣想去名島買平霸包，$4個，$11三個，$13四個，喺門口發現咗新出牛角酥皮蛋撻$10個，星形，抵過市面嗰d，買咗一個試，點知係凍既，但牛角酥皮皓脆，至少有20層，有咔咔聲，蛋味就一般。平包買咗三個，芝麻包、咸包同小麥包，第二日早餐🥣食，小麥包仲好軟熟，正👍🏻

其實這裏的麵包糕點是很便宜的，但那些態度不可一世的阿姐令人不會再光顧。那天我買半磅曲奇，四個蛋撻加兩個紅豆餅，那位阿姐先將四個蛋撻放在袋子，再放兩個紅豆餅在上面。我說想分開紅豆餅和蛋撻，因為蛋撻是買給人的，阿姐態度囂張的說不可以，話咁會罰二千蚊blah blah blah….. (下刪五百字）。跟着我問那可以換一個大少少的袋嗎？那個小袋子一拿，手指已經掂到紅豆餅了。又是一輪囂張的說，個個到係咁，得你一個話細blah blah blah…… （又下刪五百字）香港就是因為這類自以為是的服務員給玩殘了！

荃灣小店名島出名平包，平時正常size$11三個，但而家新出優惠$13四個，仲有斑蘭味，仲可以😌溝唔同包，最後買咗4個：斑蘭、咸包、芝麻包同提子包。食咗個斑蘭包做早餐🥣，有斑蘭味，加埋杯咖啡☕️都夠飽。

芒果蛋糕mix黑森林蛋糕 $160 一磅一個蛋糕有2種味道呢個幾好，可以比大家自由選擇自己中意食嘅小店蛋糕都幾好食幾高質，不過啲水果有啲酸，尤其芒果同奇異果。啲cream同蛋糕夾層配搭得岩岩好，唔會覺得太多cream好漏，黑森林夾住啲啫喱都幾香提子味，整體都幾唔錯！

平時我早餐🥣食面包🥯，所以襯周圍去搵面包🥯店買面包🥯，新區固然貴，舊區小店平，但唔知點解又平又好食既面包🥯店買小見小。今日推呢間荃灣沙咀道名島，就係又平又好食😋之選，荃灣仲有間街市名島，但因為唔同老闆所以價錢同質素都唔同，價錢同質素都係沙咀道好過街市，但人流就一定係街市多d。下晝去到名島，撞啱小麥包新鮮出爐，熱🔥辣辣，漲卜卜，好靚仔🤵‍♂️。$4個，$11三個，當然買三個抵d，仲可以夾其他包例如甜包、咸包同芝麻包。我買咗兩個小麥包分兩日食加多個咸包留俾我囡陳皮妹食，$11要俾現金

名島在荃灣有兩間分店，一間在楊屋道Citywalk一期對面，一間則在沙咀道，雖然係同一集團的麵包店，但所賣的包款不儘相同今日就來了沙咀道的分店試吃他們比較特別的麵包款式以下係他們有出售的迷你包款式脆脆三角包🍪 $ 7其實它就是把三個迷你版，中間有不同餡料菠蘿包連在一起，包括有紅豆沙🫘，椰絲🥥和比較特別嘅花生醬🥜餡。不要被它的名字誤導，實情它一點也不脆🙉。作為一個菠蘿包來說是完全不合格，菠蘿皮不脆點兒腍，可能放太久了？？加上菠蘿皮味道也作偏甜包本身偏偏的，也不鬆軟💁🏾。不過不似在吃空氣包，很實在，會吃得飽。🤰至於它中間的餡料也普普通通🙆🏾。椰絲餡似是雞尾包裡的甜椰絲；紅豆沙餡就是偏甜嘅豆沙蓉，似是現成買的；花生餡則是和花生燒餅一樣是粗粒鹹花生醬。餡料份量適中， 不會太多令整體吃下去好「流」。始終太多不同味道混合不過如果包中間的空隙可以大點，把餡料平均分散，那包個外皮感覺就不會有好厚實的感覺再試食朱古力脆脆泡芙$13很大個的一個泡芙， 漲漲的，比拳頭還大 泡芙如其名，即使夜晚才買，但它的外皮仍然保持酥，沒有變軟空心泡芙中間是滿滿的cream Cream 能做到綿密順滑，香甜又不算太膩Cre

食蛋撻當然要新鮮出爐、熱辣辣、皮脆蛋滑時吃，所以不是遇上剛出爐的不會買。經過名島時間剛好，買了半打蛋撻$20，要了3個酥皮3個牛油皮。有些人不知道蛋撻皮分兩種，酥皮一層層入口會較鬆化，而牛油皮的口感則像曲奇餅的鬆脆，兩種撻皮各有捧場客。另外，蛋漿與撻皮的比例要適中，蛋漿要做到軟滑有蛋香味，入口即溶化。今天買的整體感覺只有以上說的七成，沒有大驚喜。而且，放在下層的三個蛋撻皮有點焗得燶咗，打了折扣，所以只可評普普通通吧。

平日經過沒有留意. 早排經過剛巧見拒上緊蛋糕, 見拒外型不差. 甘咪入去買番個試下. 但食後,發現 拒打既 忌廉打得很軟滑, 不會太企身. 性價比高, 生果無因價錢關係而內裹偷減.  令我有回驚喜.  所以, 今日專程訂多次. 試試拒品質有無更改. 但今次取蛋糕一看後. 品質仍舊不變. 小店品質來說, 算是有水準之作.