名川麵棧 (已結業)

男友住咗元朗咁耐都唔知原來有呢間隱世美食。好彩今日一家人等小巴嘅時候，入咗嚟食嘢，先發現到好嘢介紹比大家！名川麵棧雖然其貌不揚，店內簡單裝修。但勝在疫症期間非常清潔衛生，令我堂食都好放心。食物種類超多！！各式粉麵飯任君選擇見到隔離枱叫咗冬菇花膠飯好大碟好足料，我都即刻跟～～～花膠大大嚿，全牒起碼有4-5塊！一d都唔姑寒仲有冬菇都好大粒，而且非常入味！！呢個冬菇花膠如果10分滿分我一定比9分！！(扣咗1分因為佢唔夠熱) 呢個絕對係酒樓級嘅滋味冬菇花膠可以配飯或麵，我揀左米線。估唔到跟餐既粉麵個湯底竟然係豬骨濃湯底，一d都唔馬虎仲有木耳粟米等配菜，誠意十足。見到佢有個激辣霸王雞好想挑戰下賣相好豐富，見到佢面頭啲辣椒粉，唔知係咪真係會辣到跳舞呢事實證明啲辣粉係冇料到，只有BB辣不過值得一讚係佢啲雞件好滑，點埋蔥爆香過嘅豉油真係好香口，超好送飯爆香過嘅蔥全部食哂，一粒不留仲有索哂雞汁同豉油香嘅芽菜，點可以放過*炸雞翼*看似簡單，但係可以炸到外皮咁鬆脆，而裏面肉汁仲咁豐富，實在難得好好味！追加多個菠蘿油～呢個就略為遜色一點嘞，菠蘿包係熱同脆嘅，但係牛油就已經溶咗一半。同我理想嘅傳統冰鎮牛油，有啲

.名川麵棧都算係元朗人好熟悉嘅麵檔。早兩日嚟到食咗一個番茄麻辣米線拼炸豬排加鳳尾蝦，同埋一個番茄芝士湯米線拼雞翼加豆卜。一個兩餸麵再配熱飲$50左右，價錢合理。湯底好濃，有麻之餘亦有番茄嘅酸，食落好開胃。番茄芝士雖然無咗麻，不過芝士配番茄又係另一種夾，令人食唔停口。豬扒同雞翼都炸得好好食，唔會太油又香脆，不過餸嘅份量如果多少少就更加好啦。飲品方面都係正常茶餐廳水準，不過不失啦。餐廳嘅座位都好多，又可以叫外賣，岩曬我依啲懶人。

元朗多野食就係人都知， 我就耐唔時會入元朗，因謙謙去嫲嫲踩單車， 去嫲嫲家前我地太肚餓，就係附近食d 野先。天氣實在太凍，所以我地兩人都選擇以下麵食：⚛ 特盛大牛餐 ～ 柱侯牛腩炆得夠腍，牛丸夠爽彈，肥牛就肥左d ，沙嗲牛肉好掂，我點選了酸辣米線，有濃郁的沙嗲牛配搭一流。⚛ 特盛大豬餐 ～ 夠腍的豬軟骨，惹味即炸的豬扒，好多片叉燒， 兩片豬柳漢堡，配上滑溜溜的烏冬，全都係謙謙自己選擇。⚛ 大板章魚燒 ～ 即整出來圓圓的上面配上醬汁和紫色，做得唔錯。🍹 涼粉奶茶 ～ 謙謙話好想試飲奶茶，就比佢飲一次咁多啦， 佢一飲愛上了，因為個底仲要有佢最愛的涼粉粒粒。🍹 紅豆涼粉咖啡 ～ 我已經好耐冇飲過咖啡，但忍唔住都叫返杯，因為有紅豆又有涼粉粒，超吸引， 一飲濃郁的咖啡中帶點甜甜的紅豆和爽口的涼粉粒超愛這一杯。

假日去元朗踩單車，做做運動加強抵抗力途中見到這間「名川麵棧」座無虛席，相信質素一定不錯於是便停下來，胃飽肚皮然後再上路. 🥢B6 $55B6餐配料有豚肉，豬軟骨豚肉不會很肥，肉質鬆軟，豬味濃豬軟骨炆得好入味，而且柔軟帶彈性不用多咬，就溶化在口腔中😍而主角就是煎蛋芝士蕃茄湯米線脆邊煎蛋的口感真是一流👍濃郁的蛋香帶著香脆的口感加上半溶車打芝士，層次感豐富而蕃茄湯米線，加入鮮蕃茄令成碗湯底變得清甜湯面沒有多餘油份，酸酸甜甜好開胃🥰當然少不了一杯凍奶茶奶茶大大一杯，性價比高奶茶奶香茶濃，入口順滑，好有茶餐廳風味.

名川麵棧好地道，食物選擇多，每一次去都有眼花撩亂的感覺。⭐️重量級特盛餐 - 特盛大牛餐作為牛魔王一定要叫這個餐，什麼款式的牛肉都有，餸有柱侯牛腩、特級牛丸、肥牛、沙嗲牛肉，一次過可以玩足幾個願望！牛腩及沙嗲牛肉都炆到好入味，啖啖肉大滿足而且米線份量又多。又可以自由配搭，不同的湯底粉面及飯，食多幾次都不厭。⭐️B6 豚肉片、豬軟骨、煎蛋+芝士蕃茄湯米線蕃茄湯味道自然，有種溫馨窩心的味道。豚肉片不會太肥，又帶有軟骨，更有咬感。豬軟骨好稔、煎蛋是流心的，好正。⭐️大阪章魚燒想不到在這種麵棧也有日式章魚燒，而且賣相味道都好正宗，外皮脆脆地，入面有章魚粒，窩心的暖！⭐️紅豆冰、奶茶涼粉每一次來都會叫特飲，因為好大杯又足材，紅豆接近放滿半個杯，涼粉細細粒同奶茶好夾。

喺元朗都多多地住家飯食，呢區食一定夠平，所以大胃明知今晚冇屋企飯食，攜同大胃之母一齊搞掂定今餐喇有一間幾抵食，食飯有埋湯水跟，湯渣多，味道一飲就知好足料嘢飲媲美茶記，奶茶嘅奶味同茶味適中又香濃跟餐加錢就有特飲鹹檸七都好夠味，夠晒鹹中和返七喜嘅甜幾十蚊就有大大碗飯，質素仲要幾高，豬軟骨入口即融，仲有菇同炸雞翼雞翼炸得好爽口又大大舊，而且好夠蜜糖有啲餐仲有雙蛋揀𠻹呀，真係開心過返屋企食呀呢間諗得過喎，經過不妨試吓

今日見一位住元朗區嘅朋友，佢公司臨時要佢今日之內做好一份proposal，所以我地決定喺元朗食一個quick lunch。佢帶左我黎呢間名川麵棧，佢話呢個幾乎係佢嘅食堂，價錢抵食又好食，所以佢好多時落樓下食野嘅時候都係食呢間。我地叫左兩個麵、一個小食同埋兩杯飲品。特盛大牛餐 $60湯底方面揀左番茄濃湯，麵底揀左上海麵。呢個餐嘅材料真係相當豐富，有柱侯牛腩、特級牛丸、肥牛同沙爹牛肉。每一種材料都比好多。番茄濃湯同沙爹牛肉嘅汁撈埋做一個湯底，估唔到都幾夾。特別一提個牛丸真係幾好食，同平時食到嘅牛丸有啲唔同，呢個牛味真係超濃。超辣番茄湯豬扒雞翼麵（走芹菜）$55呢個係番茄湯底，上面加左20萬度嘅辣粉，如果辣粉唔夠仲可以再加。撈落個湯底到真係幾辣，好食。麵底揀左米線，米線份量好多，食到飽一飽。豬扒有一大塊，雞翼有兩大隻，雞翼炸到外脆內軟，入面肉汁豐富又滑，好食。名川雞翼 $33有四大隻，喺炸得外脆內軟嘅雞翼上面加上大量炸蒜，朋友話一定要叫嘅一個小食。朋友真係冇介紹錯。涼粉奶茶（跟餐加$15）好飲，奶茶唔會過甜，又沖得好飲，係一杯好飲嘅凍奶茶。底下有大量嘅涼粉，份量十足，直情可以當係一份甜品咁食

瞓到中午先起身，即刻打俾住附近嘅朋友仔約佢食個brunch先😆行經呢間餐廳，朋友話好耐之前食過覺得ok，反正我未食過，就決定喺呢度醫肚！🍛三重芝士牛肉丼 + 太陽蛋（$50 + $5）三重芝士有芝士粉、芝士碎及原塊芝士，真係芝味十足🧀牛肉則肥瘦匀稱，份量都唔少，再配埋太陽蛋及醬汁一齊食，真係好惹味，本身係芝士控嘅朋友覺得幾好食😋🍜豚肉片、豬軟骨、煎蛋芝士蕃茄湯公仔麵（$55）豚肉片都幾彈牙，豬軟骨炆得又腍又入味，最鍾意個蕃茄湯底，蕃茄味好濃，酸酸地咁好醒胃，感覺似用鮮蕃茄熬製，確係唔錯👍🏻🧋凍咖啡（跟餐+$3）我倆都不約而同點咗凍咖啡提提神，咖啡無乜特別，幾好飲又唔太甜，屬茶餐廳正常水準😆

來到大橋街街市呢一邊買嘢，順便嚟呢一度食下野，嚟到呢一間麵檔，其實呢一間舖頭都開咗好多年啦，雖然叫做麵棧不過都真係好多嘢食，店員也非常之親民，不斷咁樣問吓我介紹吓啲唔同嘅嘢食，雖然店舖非常似港式茶餐廳，但感覺上都算乾淨，亦都好多嘢選擇，今次我就唔揀佢一啲中式食物試吓，反而試吓佢偏向日式嘅餐嚟食下首先我叫咗兩個小食，分別係炸年糕餅同埋川味雞翼。先講吓佢嘅年糕餅，雖然未到就冇一些大型企業咁有賣相，但係個味道都算唔錯，裏面非常之熱，亦唔會有由油益味，香脆得來有好重年糕味，加上沙律醬嘅甜味，真係非常之夾！另外香川雞翼真係值得一讚，佢嘅川麻味非常之重，雞翼真係值得一讚，辣味非常之夠，咁麻辣味亦都非常之強，對於我呢一啲愛食辣味嘅人來講真係一讚在讚！一碟有四隻，真係好滿足呀！上面鋪上滿滿的炸蒜，簡直一絕！來到正餐，我叫咗個四重芝士安格斯暗然銷魂蛋飯，嘩！呢一個真係好正呀！原因係佢不惜成本用咗好夠份量嘅安格斯牛，配上四種芝士，包括車打芝士、芝士粉、白芝士、黃芝士盡在眼簾，佢先將呢一個飯攞去焗10分鐘，香氣四溢！在上面加上隻半山熟嘅雞蛋，送到黎仲非常之熱，店員叫我將隻蛋同埋啲飯撈埋一齊去食，我跟住佢做食

這間麵棧位於元朗同落街金寶大廈一字8號地舖，其實呢間店都已經喺元朗開咗好多年，人流非常之多，事關佢位於小巴站附近，今日我亦都順路就過嚟方便食個午餐，睇吓佢嘅質素有冇唔同咗。今次我就叫咗一個小食，一個煮餐同埋一杯特飲首先我叫咗個小丸子是一事，呢一個真係賣相非常出色，我覺得佢嘅味道真係唔錯，而且非常有日本嘅味道，對於喜歡食小丸子嘅人來講呢個價錢非常之優惠，而且味道亦都對得住大家很好將來就係鰻魚煎蛋飯，都只不過係幾十蚊，比起其他日本舖頭來講真係算唔錯啦，雖然話呢一間野係港式餐廳，但係佢嘅味道都非常之出色，真係拍得住嗰啲日本大餐廳，加上佢嘅鰻魚汁非常之香濃，值得我津津有味！最後我叫咗杯特飲，佢呢一個係青蘋果梳打，佢嘅梳打都係用價真棧嘅梳打水，價錢都幾親民下，再加佢個青蘋果汁都非常之香濃，完全令我愛不釋手！呢一餐都係食咗差不多$80 ，我覺得非常之超值！

元朗與朗屏之間非常多小店幸好有輕鐵接駁，或者徙步也只需幾分鐘左右位於開心廣場附近，是附近人流最多的麵鋪老街坊友人極度推薦，人情味濃郁特盛大牛餐 - $60蕃茄濃湯口味微酸帶鮮甜，口感滑順不澀，還有一片片的蕃茄肉柱候牛腩口感軟腍，柱候醬十分入味特級牛丸口感紥實牛味足又彈牙多汁肥牛脂肪分佈算均勻沙嗲牛肉充滿濃郁沙嗲及花生香氣日本製蟹王麵需另加$8，質感較為柔軟咀嚼後不怕糊，有彈牙感覺特盛大豬餐 - $60豬軟骨口感肥而不膩，香甜軟糯炸豬扒很酥脆，有肉汁有油香又很滑叉燒與外層顏色對比鮮明，肉質細膩緊緻豬柳漢堡肉味香濃多汁檸檬可樂(特飲加$5)另上冰底及檸檬，口感更加冰涼透心涼粉奶茶(特飲加$5)口感順滑，充滿濃郁奶香涼粉口感嫩滑、晶瑩透澈、清爽可口

今日同媽咪嚟開元朗經過呢間小店見到好多人門口每一枱都坐滿於是就入去試吓餐牌有好多選擇我哋叫咗一個牛牛餐一個特盛大豬餐(啲名好cute😂)食物好快就送到媽咪話個牛牛餐好足料啲牛腩炆得好淋而且有牛味個濃骨湯底飲得出冇味精至於我個大豬餐真係好豐富啲豬軟骨炆到好淋個吉列豬扒炸得啱啱好唔乾我叫咗蕃茄濃湯唔會話太杰身 亦都幾好飲好有住家味道食到一半再試埋佢個辣椒油辣椒油就唔算特別香不過都幾夠辣飲品一杯係凍咖啡 一杯係鴦走咖啡唔澀口媽咪話杯鴦走都幾滑茶餐廳來講算幾好飲食完呢餐我哋兩個夜晚嗰餐都飽到唔係好食得落😂所以真係好大碗幾抵食

去行山之前黎到元朗同樂街既金寶大廈呢間名川麵棧，裝修簡潔，同一般麵線店冇咩分別，檯與檯之間有點迫，不過有透明膠板隔住，可放心.滷水雞翼茄子肉操飯上網睇好多人都會叫肉燥飯，比較出名，所以叫左滷水雞翼拼茄子肉操飯，肉燥多到可以蓋住白飯🤤每啖都可以食到肉燥，肉燥唔會好肥有咬口，味道不錯，茄子幾腍，仲可以掛到肉燥一齊食👍🏻雞翼入味，如果多一兩隻就好香脆腩仔好期待既腩仔😍每舊外皮都烤到好脆，不過口感偏硬一點，肥瘦分明，脆口野我最鍾意涼粉奶茶珍珠奶茶就飲得多，配涼粉真係第一次，涼粉都有好多👍🏻佔左近半杯，雖然冇珍珠既嚼勁，但爽口清涼感覺為之一振

< 名川麵棧🍜 > 📍元朗前幾日同男朋友行街 行到咁上下就去咗呢間小店食野😛🐟鰻魚茄子煎蛋飯🍆 $46鰻魚有四舊 好香鰻魚味 鰻魚冇骨 肉質軟淋 唔錯😋 茄子加咗燒汁好香口 鰻魚配茄子呢個配搭幾特別 感覺好港式🤣🤣 另外仲有隻煎蛋🍳 係太陽蛋 而且入面係流心 撈飯食一流😋👍🏻🐔香蔥霸王雞飯 $46霸王雞份量好多😆 大約有十件雞件 底下有好多芽菜❣️雞肉嫩滑 好香蔥油味 配白飯食啱晒😋😋 🐙大阪章魚燒 $33好少係港式茶餐廳見到章魚燒 食落有驚喜❣️❣️ 章魚燒有五粒 個皮外脆內軟 好食過出面嗰啲🤣 仲有好多沙律醬同木魚碎 好味😋🥤紅豆冰 $23好多紅豆喺底 淡奶夠甜 撈埋紅豆食好夾😆

點左兩款「自選兩餸湯麵」，分別係「花膠仔秘製日式豬軟骨紫菜濃骨湯日本手打烏冬」同埋「菜肉餃子炸雞翼酸辣湯米線」。呢度嘅「自選兩餸湯麵」餸款式選擇多，有超過60款餸揀！實有款啱你！「花膠仔秘製日式豬軟骨紫菜濃骨湯日本手打烏冬」估唔到有花膠食啊！雖然個名叫花膠「仔」，但係超大塊，😍女士必吃！秘製日式豬軟骨同樣大塊，煮得夠腍又入味，最特別係有少少肥膏，口感豐富～紫菜大大塊，好香。烏冬口感煙韌滑溜。「菜肉餃子炸雞翼酸辣湯米線」唔知點解硬係覺得米線要辣辣地先好食，於是嗌左酸辣湯，唔會太辣，酸酸辣辣好開胃，口水都流埋～🤤 配菜都好好味。配菜有甜酸菜、木耳絲同肉碎。芽菜、甜酸菜同木耳爽脆，搭配相對較腍身嘅米線同吃，口感獨特。菜肉餃子皮好滑又薄。炸雞翼炸粉唔會太厚，食落酥脆香口。米線唔會太腍，啱啱好。呢度d特飲都幾吸引。我同朋友都各自加左$8轉特飲。我地想飲紅豆冰，見另外有紅豆涼粉奶茶，但我地又唔鍾意飲奶茶，問下侍應可否轉做紅豆涼粉冰，侍應好好人幫我地轉左！太好人啦！👍🏻紅豆涼粉冰份量超足，多到就滿瀉！涼粉細細粒好cute。