名川麵棧 (已結業)

今日去了元朗一日遊！又新街附近的一間小小的茶餐廳！好有人情味的茶餐廳！一入餐廳店員好有心機講解店的特色菜！我們點了特盛大牛餐柱候牛腩，特級牛丸，肥牛，沙嗲牛肉菜飯牛腩好淋滑！牛丸好好味內面有一粒粒的牛根！爽口彈牙！沙嗲牛好滑！菜飯好香一點都不油利！日式叉燒，流心蛋，蟹棒，蕃茄米線日式叉燒好好味，好入味！流心蛋好滑小食章魚小丸子外面脆脆，內面有八爪魚肉！飲品紅豆冰好香奶味！紅豆軟糯！奶茶涼粉紅豆冰香濃的奶茶和涼粉好配！

去元朗逛街，在開心廣場後面隨便找家餐廳吃個下午茶，估不到有靚湯飲，要介紹下！這間名川麵棧，有一般茶餐廳的快餐，也有粉麵餐和小食，選擇比一般茶餐廳多哦！職員介紹有芫茜皮蛋湯的粉麵，好味又下火，這就試下吧！點了一個鹵水雞翼煎蛋芫茜皮蛋湯米線，和 一個鮮牛肉、豚肉片芫茜皮蛋湯米線，連餐飲$55,凍飲加$3。先說飲品，天氣涼我們飲熱飲，這裏的味道特別濃郁，一杯熱菜蜜，一杯阿華田，是我喝過以來最濃味的西洋菜蜜味道，完全不吝嗇用料；阿華田粉也落得夠多，令味道更香，其他茶餐廳相比下是很淡味的。鹵水雞翼煎蛋米線，平凡的菜式，因為有芫茜皮蛋湯做湯底，覺得味道已經很不同， 湯的味道很清香，秋天乾燥，飲湯真的特別舒適。皮蛋用料超多，足有一隻份量在一碗湯粉麵。鹵水雞翼有兩隻，炆得很入味又不會太咸，喜歡有煎蛋，這是吃下午茶最平凡但最受歡迎的食物。鮮牛肉、豚肉片米線，肉的份量也不少，感覺有點中日fusion, 因為豚肉片大多在日式火鍋中吃到，鮮牛肉片就是港式茶餐廳最常有，這樣混合的吃法還是第一次，但味道不錯，豚肉片很新鮮，有豬肉香鮮，牛肉也沒有醃得太軟身，質感仍結實。由於芫茜皮蛋湯真的很好味，連湯也喝光。意猶未盡

在開心廣場後面有間不太起眼的麵檔（名川麵棧），但食物好有驚喜!鰻魚茄子太陽蛋飯 - 意想不到有 crossover 丼飯，日式mix 港式。鰻魚有半條，質素與其他日本餐廳食到的差不多，一碗$48不是貴而鰻魚沒有特薄，燒汁正宗。茄子同鰻魚意外地夾，蛋是流心的，好食的港式丼飯！芫茜皮蛋湯米線 - 湯底芫茜味好香濃，意外地好食，芫茜控必來朝聖！湯底好足料，除了芫茜，也有almost 一隻皮蛋，也有粟米木耳，有日本拉麵的feel。太陽蛋外熟內流心，滷水雞翼入味，驚喜！飲品都好不錯 - 紅豆冰/奶茶紅豆涼粉冰：份量多，紅豆夠沙，涼粉切到細細粒。價錢平均$40-$60，平民價，值得再來。

星期六一覺睡醒就十二點多了，在家浪費一下時間後就出去吃午餐了。今天因為要幫媽媽買菜，所以來到大橋街市附近找吃的。因為剛好過了最繁忙的時間，不用等位就可以進去了。餐廳有很多選擇，而我就看到其中有一個重量級特盛餐正好滿足我這個大胃王！再加了一份小吃和轉了做特飲！特盛大牛餐　（６０元）這個基本把我想吃的都全包括在內了，有柱侯牛腩，特級牛丸，肥牛和最重要的沙嗲牛肉！剛送到的時候，滿滿的一碗料，完全看不到麵，份量給的非常足！我叫了番茄濃湯，湯底充滿濃濃的番茄味，酸酸甜甜，很開胃！麵我就叫了很特別的上海麵，因為平常都很少會見到有上海麵可以選擇的！上海麵十分幼滑，有彈性，配上湯底後十分好吃！配料方面，柱侯牛腩煮得十分入味軟爛，還有牛筋吃起來充滿膠質，特級牛丸吃起來很彈牙，內裡有大量肉汁，肥牛也有油香和牛味配上湯汁不錯，沙嗲牛肉有濃濃的沙嗲味，牛肉有牛味！整完吃得十分滿足！不過這裡的湯底都有加了西芹，如果有不喜歡的，記得叫店員不要下！鮮蝦大大粒雲吞　（３２元）這個比較特別的是湯底不是普通的大地魚湯，而且濃骨湯，湯底能喝出豬骨的香味，是一個特別的配搭！雲吞方面，每粒都有２粒蝦仁在內，十分足料，蝦肉彈牙，

黎大橋街市買餸，順便食埋個晏先，來左名川食，呢間店都有左好多年，雖然叫麵棧，但其實有好多野食。一坐低店員就送上熱水同餐具，枱面同調味品等摸落無痴立立，感覺很乾淨。點了個飯，有例湯送，是日例湯係菜乾豬骨湯，湯幾甜，飲完無口渴，正喎。天氣咁熱叫返杯凍飲先，諗緊要紅豆奶茶好定涼粉奶茶好，點知店員話可以兩溝，又好喎，咁就整杯紅豆涼粉奶茶啦，哈哈。奶茶很香滑，紅豆甜甜的又夠綿，仲有爽口涼粉增加口感，好飲喎，最正係店員提醒紅豆已經夠甜，所以話杯奶茶走甜會好啲，又真係喎，咁樣好啱口味。餐牌實在太多野揀啦，左諗右諗，見人地食雞飯好正咁就點呢樣啦，沙姜鹽焗雞飯～雞脾黎喎，雖然賣相有啲亂，但份量挺大呀。雞件少少鹹夠哂味，肉嫩滑，雞皮下又無太多肥膏，好味。點埋個沙茶姜醬無得頂，呢個醬真係好好味。飯大大碗，仲撘條菜添。見佢個小食list居然有大阪章魚燒，好奇心下叫左份黎試下，呢啲咁傳統嘅小店居然有小丸子食？！賣相似模似樣喎，上枱時仲好香添。小丸子個size比專門店小一點，但一樣做到外脆內軟，粒粒有章魚肉，加上醬汁夠多一啲都唔姑寒，好食呀～食兩樣野再加埋杯野飲飽到上心口呀，超滿足的一餐。

同老婆都早放，所以陪佢入元朗行下街。行到攰就行左入去呢間都幾多人食緊鋪頭食晏。🍆鰻魚茄子煎蛋飯$46鰻魚汁味濃，鰻魚彈牙有口感，配埋隻太陽蛋既蛋汁，撈哂成碗飯都唔夠。🐥滋味香辣雞飯 $46雞既份量比一般既雞飯多，仲搭左個雞鎚位比我，辣度亦足夠，似_仔米線既中辣，雞件亦夠嫩滑，。🍹跟餐轉特飲只需+$8，要左紅豆冰同青檸梳打兩個飲品都好足料，不馬虎，尤其紅豆甜度岩岩好，粒粒紅豆都好似好豆沙咁👍🏻

今日同朋友嚟過元朗小旅行 去咗南生圍度踩單車 出返嚟之後經過元朗小巴站隔離嘅呢間名川麵店 門口坐住好多 顧客我哋就選擇咗坐入面 卡位比較迫 不過望落都算乾淨衛生朋友叫咗個咖哩牛腩飯 汁同飯係分開上咖哩嘅份量都幾多 食落唔太辣係一般嘅港式咖哩味道 牛腩幾淋幾入味 入面仲有幾嚿巨型薯仔我就叫咗個豬肉大盛米線 入面已經包括咗幾款唔同嘅豬肉料理 有漢堡扒 豬軟骨 炸豬扒 叉燒等等 米線煮得煙韌 蕃茄湯底亦都清甜濃郁另外叫咗個小食爆脆腩仔 外皮脆卜卜同燒臘舖嘅有得揮 入面係一層一又一層嘅豬五花肉 口感豐富非常邪惡

每個星期都會去元朗做facial,次次做完都會食車仔麵。但今日落大雨，就費事行到咁遠。咁啱見到呢間幾多人咁啱見到呢間，又平，就入去試試。三重芝士牛肉丼 加太陽蛋隻蛋煮得好靚，太陽蛋真係好太陽，個黃煮得啱啱好。好流心。我最鍾意將蛋黃汁撈埋啲飯食。成個味道都會升級晒好多芝士，有芝士粉又有芝士碎。估唔到同牛肉係咁match. 個飯再撈埋少少洋蔥。比起出邊某連鎖快餐店ge, 呢個特別又好食好多。牛肉份量好足夠。第一啖食落口真係好驚喜。牛肉唔韌，飯粒又有洋蔥甜味同芝士香。紅豆冰。好飲，紅豆同奶嘅比例調校得好好。每飲一啖都可以飲到紅豆粒。呢間我絕對會返嚟食 ,估唔到普通茶餐廳都可以食到好食ge嘢。下次我想試吓佢個雞翼，因為見到Openrice其他人啲相好似幾正

做完瑜伽 要去大橋街市買餸順手食埋個下午茶🤪🤪🤪🤪見到好多叔叔坐係門口傾計應該係一班司機 因為隔離就係小巴站一入到去 就感覺到人情味香港既食肆 大多都係連鎖集團 人情味 買少見少蜜餞雞翼真係好好食 即叫即整個皮好脆 𥚃面既雞肉好嫩口個醬甜甜地 但又唔係好甜果種太陽蛋豚丼飯外貌靚靚仔仔 一啲都唔輸蝕豚肉份量好多 唔會老唔會乾身洋蔥份量亦好多仲好貼心 俾多碗汁奶茶涼粉原本想淨飲奶茶 老闆娘問我試唔試特飲話可以加涼粉/紅豆又幾得意啵 就加涼粉試下涼涼切到好細粒 飲管都可以吸到就好似珍珠奶茶咁老闆娘仲好貼心問我 洗唔洗少甜 因為涼粉本身都有糖我見個個街坊都同店員有講有笑真係好耐無係餐廳感受到愛啦係愛呀 哈利

明川元朗街坊食堂😚小食湯麵開係小巴站隔離都好似多街坊✨濃骨湯貢丸炸豬扒米線有陣時會好怕豬骨濃湯會好鹹咁佢哋又唔會喎！另外炸豬扒係分開上唔會浸到林晒very good！香菇公園但也有咬口！✨蕃茄濃湯滑雞絲酸菜米線朋友話蕃茄濃湯，粒粒大蕃茄都幾足料酸菜夠味道滑雞絲好似手撕雞俾肉咁啖啖肉！米線量亦非常夠飽！✨蜜餞雞翼係BBQ感覺嘅雞翼外層有芝麻粒粒😳外皮好似炸過咁脆🤤入邊雞肉好白滑🥳✨熱奶茶同埋凍檸茶茶餐廳水準嘅飲品凍飲加兩蚊🥂上菜非常之快大碗又經濟抵食米線🍜街坊食堂👌🏻

成日比朋友仔笑我食好西，唔貴唔食，其實我都有貼地嘅一面，因為今日趕住見客，就自己一個食個快飯。係元朗見到名川麵棧，食個快靚正都好喎，雖然個名叫麵店，其實裏面都有飯同下午茶食。好，坐低睇吓有咩好食先。香辣雞飯，雞嘅份量好足，而且做到香、辣嘅條件，雞肉都算滑，因為夠辣，所以送飯係唔錯嘅選擇。底部仲有芽菜，芽菜食落夠爽口，辣辣地好惹味。今日天氣又熱返，飲番杯紅豆冰夠涼快，椰汁味夠，而且紅豆有部份起沙，唔錯！

本人最近學人食減醣餐，又要戒殿粉質又要戒糖，令我出街食嘢都有啲煩惱！行過名川麵棧，見到門外啲餐牌好多選擇！入去坐低望吓個餐牌，除咗有粉麵外，仲有好多小食選擇！口淡淡要食啲刺激我味蕾嘅食物！於是我就決定食香脆腩仔同埋四川口水醬青瓜拼貓耳仔少辣，🐱貓耳仔係乜？就係黑木耳👂🏻啦！我仲叫咗一杯凍檸水走甜，貪佢有啲酸味可以中和啲辣味，但店員姐姐好sweet問我走甜怕唔怕太酸呀？我話唔怕，我怕辣多😅先食香脆腩仔，望落去雖然有啲肥，但咬落去脆卜卜，又唔鹹，好好食呀！再食埋碟四川口水醬青瓜拼貓耳仔，嘩！啲青瓜咬落清爽帶辛辣，香口帶刺激，食完一口又一口，黑木耳又唔腍，爽口，唔錯！雖然比我預期中辣，但真係越食越想食！我中途忍唔住叫姐姐俾多杯水，我話少辣都辣咗啲！店員姐姐話下次我可以要求BB辣就會好啲！今餐真係食得飽又唔會咁寡，自己整又要多功夫，都係食餐廳好。我下次要食埋呢間嘅粉麵，因為我見到好多人都食呢間粉麵，仲要好多配搭！👇🏻👇🏻👇🏻👇🏻👇🏻P.S呢度啲姐姐服務好親切，非一般茶記能做到👍🏻

今日同朋友去咗同樂街嘅名川去食個下午茶，🙆🏻‍♀️🙆🏻‍♀️平時嗌外賣就嗌得多，坐係舖頭食都係第一次。我一般都係叫辣蕃茄湯烏冬🍜，今次一於試下新嘢先！！🤔我就叫咗好出名嘅冬菇花膠菜飯，而朋友就叫日式豚肉湯烏冬（因為朋友唔食得辣淨係簡咗豬骨湯底）。首先，冬菇花膠菜飯果然係有佢出名嘅理由，啲花膠同冬菇都好入味之餘又唔會好咸，個汁係薑蔥蠔油用嚟送飯真係一流，而冬菇食得出係用咗鮑魚汁去炆，咬落去好juice同夠淋身，另外花膠係我中意嘅口感，係偏爽口亦都唔會有腥味，50幾蚊呢個價位好值啊！然後，朋友個下午茶日式豚肉湯烏冬好抵30幾蚊就有個餐包嘢飲，我就們食咗佢個日式豚肉，呢個價位竟然都有驚喜，煮豚肉個汁係偏甜啲洋蔥入晒味，最重要係啲豬肉片係唔鞋口咖！烏冬我就建議大家加8蚊轉手打烏冬，因為我自己就比較中意手打個隻口感。食到一半朋友就想試埋個蜜餞雞翼，嚟到一碟有4隻靚靚仔仔，炸雞翼做底再加上蜜餞做汁，甜甜咸咸咁好惹味，雞翼唔會炸到好乾身，肉質嫩滑多汁。仲要一讚就係，同朋友吹水吹耐咗啲雞翼凍晒都好脆口，味道都無變，同埋呢個小食都好岩細蚊仔食！名川絕對係一定會無限回頭嘅餐廳～PS：個雞翼有3隻味啊，食得辣朋

有個大肚婆好多嘢都唔食得又費事食咁飽就揀咗間食麵嘅入去入到去雖然佢全部都係阿姐但禮貌唔差 啲餐具同埋碗仲用熱水洗過先俾我哋大肚婆覺得好感動覺得佢哋好好冬菇花膠飯 冬菇同花膠絕對唔少絕不孤寒 佢應該係蠔油味好有住家飯嘅感覺好少喺出面食到呢個飯豬骨湯米線+豚肉+雞翼+豬軟骨本小姐好鍾意食豬軟骨當然唔會放過豬軟骨豬軟骨絕對唔係剩係得肉或者骨而且佢好軟林林 個味好香雞翼炸到啱啱好豚肉好香 加上洋蔥好香甜 杏仁霜杏仁味好香 唔會好甜檸樂煲薑啱晒大肚婆佢嘅薑味唔會過重

杯紅豆冰好好味 而且佢有好多紅豆 紅豆唔會好粉，上面個奶好香 唔會好甜仙草奶茶 奶茶味道適中，唔會好淡好苦亦唔會好甜 仙草份量都好多個米線係豬骨湯，麵嘅份量都好多，好夠飽，味道亦好香濃😋😋個雞翼炸得好香脆，個豚肉片唔會好肥膩，而且啲豚肉夾埋啲汁好夾呢個係蕃茄湯底入邊好多蕃茄，所以蕃茄味好香濃，碟鰻魚茄子 鰻魚嘅口感好軟熟，而且唔會有魚骨