名店車仔麵

营业中

休息中

車仔麵不嬲都係我至愛，之前試過呢間舖嘅碗仔翅，覺得味道都唔錯，今次就試吓佢嘅車仔麵，麵我揀咗油麵，湯底我揀咗辣汁，湯好惹味，可惜啲餸完全唔吸味，淡茂茂，牛柏葉同埋魷魚都勁少，真係有啲失望😢

同朋友係對面學校上完手作班，餓餓地，黎到街市搵食。街市裝修特別，最好嘅係竟然有位比人坐低食野👍🏻仲要係面對玻璃嘅位，有少量冷氣，對唔係住附近嘅朋友黎講已經好好。講返個生菜魚肉碗仔翅，生菜唔黃嫁，都算係新鮮啦。魚肉個味道幾好，唔會有怪嘅養魚味或魚腥味，諗諗下同細個食嘅差唔多。碗仔翅就屬於比較稀果隻，但味道都唔錯，配料如肉絲、木耳、粉絲嘅份量都適中，幾好。$26 一碗雖然唔平，但做tea都差唔多啦。

本人是這里的熟客，一直有光顧，有2次不愉快的經歷..曾經買過一次吃到一半發現有昆蟲，但我當時沒有跟店員說，因為當天下班回來很累就直接扔了沒有再吃。試過1次比小了一個餸所以去店面取回，然後被幾位店員罵是欺騙他們，心里覺得很委屈，只是幾塊錢餸不是因為女兒想吃我不會走回來，害我走來走去還要被罵是欺騙，不會再光顧此店..

今晚好想食呢間嘅雞翼尖，但又擔心唔夠飽，所以加多碗生菜魚肉。之前試過佢碗仔翅魚肉，碗仔翅較杰，唔係我杯茶，但都好味嘅！所以今次想試下個生菜魚肉係幾好味嘅，魚肉都幾多，湯底用返佢車仔麵個湯，唔會淡而無味！下次可以再encore其實今晚主角係佢！雞翼尖！有人話佢似元朗某間店嘅雞翼尖，但我無食過不能評論及比較！因為我都幾鍾意食辣嘢，佢越食越辣架！亦無得少辣同走辣嘅！所以唔食得辣嘅朋友就真係唔好意思喇！佢只係一款小食，但又辣得過癮，久唔久都心癢癢想食返碗！嗜辣嘅你就嚟試下，包你話正！😋😋😋

本身都幾鍾意食車仔麵，見華明街市新裝修後，d食店應該唔差，至少喺開業1-2年內正常都會用心經營，服務態度會良好先啱，所以連續3晚放工後都幫襯。但好可惜，哩間車仔麵真係個奇葩，服務極差！第1晚 （忘記影相），買完4餸車仔麵俾錢時，問收銀姐姐可唔可以俾八達通，佢目無表情淨係答左我一個字"無" 。OK, fine，我俾現金。同一晚，我老公放工返到華明同樣買車仔麵，但佢離奇地成功用到八達通俾錢。我真係好無語。第2晚，買左5餸麵 （生菜，蘿蔔，魚蛋，芝士腸，鮮枝竹），蘿蔔有渣兼唔入味，芝士腸得兩小條就$7重點係俾錢時，我同樣問可唔可以俾八達通 （因為佢係有八達通機喺收銀機旁邊），阿姐好冷淡咁答我無，我好奇再問係咪以後都唔收八達通？佢話係。OK, 我再一次俾現金。但30分鐘後我老公買完車仔麵返家時，我再問佢用咩俾錢，老公同樣話俾八達通，我真係好無奈同開始火火地，點解連續兩晚老公得我就唔得！？第3晚，蘿蔔依然有渣，辣魚蛋唔辣同樣喺俾錢時，今次係一個男人收銀。有過前兩晚經驗，我今次決定問清楚！我：八達通吖唔該佢：唔收我：係咪以後都唔收八達通？佢：係我：但我老公哩兩晚喺我買完車仔麵半個鐘左右都可以用八達

粉嶺華明街市經過裝修後重開，街市裝修成中國風，街市外圍仲多左條食街，又名為華明夜市，網上鋪天蓋地咁宣傳，人流真係多左好多，夜市入面有港式小食店、麵包店、泰式粉麵、茶飲店、車仔麵、港式粉麵等等，由於我住既屋苑同華明好近，於是四點幾走去買左個車仔麵食下。呢度設有最低消費每碗$28，我叫左汁煮蘿蔔($7)、生菜($7)同牛筋牛腩($11)，再加埋個米線($8)，三餸米線總數係$33，價錢都合理，另外有辣菜脯同埋有幾款汁揀，有咖哩汁、沙爹汁、腩汁同秘制辣汁，鐘意食辣既我當然要試辣菜脯同埋秘制辣汁(小辣)啦! 落完單俾完錢就可以企一邊等，我一路睇住姐姐整，見姐姐夾餸都幾手緊下，喺等候期間我竟然見到有烏蠅喺啲餸上面飛飛下，衛生方面確實要改善下，例如搵蓋蓋住會好啲。汁煮蘿蔔有三舊，有兩舊煮得好淋好好味，有一舊就未煮得淋; 牛筋牛腩係切到細細粒，得一粒牛筋仔同四粒牛腩仔，$11黎講真係好唔抵食; 生菜就正常，唔會煮得太淋; 辣菜脯同埋秘制辣汁都好夠辣，但個人覺得味道普通，但鐘意辣既都可以試下; 米線量係足夠既，總括黎講，係可以食到飽既車仔麵。

同家人由聯和墟特意坐車來，點知一肚氣，買了40蚊淨餸，我以為佢比錯碗"剩餸"我，我以為人地食剩！問阿姐，阿姐話：淨餸係咁㗎啦，人地配麵食㗎嘛！Fine啦，妳咁都講得出，所以一定唔會再嚟呢度做傻仔。請大家也不要來做傻仔，你租貴人工貴食材貴就唔好開鋪啦，當我地d市民白癡，比碗咁既飄浮物嚟比人食。以為華明街市裝修完會有一番新景象，D阿姐又慢又蠢，個場又熱，D唔係食野既人又霸住哂D位，八達通付款又要等勁耐，都唔知開嚟做咩。差！！！

屋企附近個華明街市重新裝修好，街市買餸終於買得落手😂而且重多左條食街其中一間車仔麵檔好多人排隊，而我就所定買左一份辣味雞翼尖$20蚊大大份，味道甜甜辣辣，十分好味道同開胃