名捌月 (已結業)

呢間野係元朗夏捌月既分店💁🏻‍♀️ 個招牌係幾搶眼 裝修格局係工業風加少少冰室feel但野食唔算平嫁黑毛豬 肉質幾嫩滑 最有心思係鋪係底個紅菜頭薯蓉😋 Carbonara既長通粉一向好食過意粉 唔洗咁悶 小食拼盤都幾多野食 燒豬串骨有d靱同乾 薯條個芝士醫太傑身 單骨雞翼就幾好食 大家可以考慮就咁叫佢個單骨雞翼😼荃灣係一個好多野食既地方但好多都唔好食 近年都開左好多bar and restaurant 呢間除左價錢都一樣貴之外 食物算好唔錯🤰🏻

意外驚喜，4個人去食，叫左4-6人餐，好低食，每樣都好大碟芝士黑松露薯條，熱辣辣剛炸起yummy🤤🤤酥皮湯多料，酥皮外脆，周打魚忌廉湯香濃夠滑👍👍👍Parma ham 芝士 不太鹹又不多筋，正🤤斧頭扒；低溫豬，多汁好正👍👍總括所有都好好味，環境也不錯，會再來🤤🤤🤤

呢間餐廳個名勁有日本風味，但係其實係一間西餐廳，上網見評價都唔錯，於是就試一試。沙拉薯仔裡面仲有蟹子，配上沙律醬，味道非常新鮮醒胃！澳洲M6和牛西冷塊扒好大塊，份量岩岩好。我叫左5成，切開仲係粉紅色嫁，冇乜血水，和牛不愧為和牛，牛味好重同好稔。松葉蟹肉蟹膏意粉賣相精美，一送上枱就聞到好香，意粉加入蟹肉蟹膏，好鮮甜，醬汁味道濃厚帶金黃色，意粉掛滿醬汁，加埋一絲絲蟹肉同蟹子脆卜卜，鮮味無比，如果喜歡食蟹的朋友必食。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

朋友生日，緊係要食好D，都係揀荃灣區，就下佢。這食店交通都算方便，地鐵站行5分鐘就到。地方唔大，但設計幾靚，走高格調路線，環境又舒適，氣氛一流。侍應唔多，但態度非常好。食物方面，都好多選擇，款式多，樣樣都想試。龍蝦汁海鮮意粉，海鮮種類多，又新鮮，份量足夠。值得推介的是M6和牛西冷扒，夠大塊，又厚身，肉汁鮮味，口感豐富，香味濃郁，真係想再食。唔只食物多選擇，連飲品都多選擇，又有特色。咁多款式，真係要一試再試。

路德圍話就話多野食，但西餐選擇唔太多，呢間位置方便，晚餐時段人就唔算多，旺中帶靜晚餐set一百蚊多啲，有湯沙律主菜甜品同飲品，都算抵加左十八蚊轉酥皮湯，酥皮好香，湯係西蘭花忌廉湯，同個酥皮好夾主菜揀左松葉蟹肉蟹羔燴飯，好大碟，飯上面用一個蟹殼裝住的蟹肉同蟹羔，撈落啲飯好好味另外叫左元貝海鮮牛油汁焗意粉，海鮮算幾多，有蝦元貝魚大蜆等等，可惜焗意粉個汁唔太夠，味道稍為淡左小小甜品係tiramisu蛋糕，夠凍唔太甜埋單兩個人325蚊，性價比唔錯

老友聚餐，又要搵下邊到有好野食，次次去路德圍唔係食泰國野就係食中菜，今次試下佢近旋轉樓梯嗰間西餐廳—名捌月。見佢店舖細細，但係裝修幾企理，坐得夠舒適。叫咗幾個主菜，加錢可轉套餐。雖然價錢唔算平，但係食物質素好OK！最好食係個德國鹹豬手，大大隻，個層皮炸到脆卜卜，而且啲肉一啲都唔乾。另一個大家欣賞嘅菜式係墨魚汁海鮮飯，上邊有一好多料，改墨魚汁好香。仲有一個朋友叫咗澳洲和牛，塊扒真係好大件，見佢切開仲好粉紅，煎得好靚。

我唔會再幫襯第一次嚟幫襯，見其他網站有六五折就黎試吓，散叫咗個龍蝦湯，西蘭花芝士湯加酥皮，忌廉蘑菇湯加酥皮，墨西哥串燒，卡邦利大蝦帶子意粉同豬手⋯⋯龍蝦湯茄膏重手左少少，蝦膏令到個湯好滯，西蘭花芝士湯見唔到有西蘭花，芝士味亦都無，根本係一個普通忌廉湯，可能因為係是日餐湯，就算我散嗌佢都係俾返果款我，忌廉蘑菇湯好淡，酥皮唔係好似出邊咁脹卜卜佢係林啤啤，一啲都唔好食，好失望，專登嚟飲酥皮湯的反而最好食係小食墨西哥串燒，牛仔肉同牛舌都好林好味，甜薯都好林好甜，呢個真係推介跟住到主菜卡邦利大蝦帶子意粉，忌廉味好重，但食唔到有芝士，有四粒蝦同一粒大帶子，都幾好食，不過如果一個人食曬會好滯，豬手好大隻，皮好脆，點蜜糖芥辣好好食⋯最後我哋差唔多食晒嘅時候，應該係負責人就攞張飲品表，要我地每人一定最少要點一杯嘢飲，唔怪得知一開始就叫我地order飲品，但佢又冇講明一定要每人點一杯嘢飲，最後先講，如果佢一早講明嘅話，我可能會叫少啲野，因為最後杯嘢飲根本飲唔到，而且呢杯嘢飲係冇折，最平一杯嘢飲都要$35，即是俾咗折你，但係一定係飲品都要賺返你多啲，就算個網站有條款寫明，都係話每人最低消費一杯飲品，最低消費

母親節就到，要提早同嫲嫲食母親節飯慶祝下。乖孫鍾意食西餐，所以嫲嫲都話要去食西餐。今次揀咗荃灣嘅名捌月，之前同朋友嚟食過，啲嘢食整得幾好味。又坐得幾舒服。母親節就食得豐富的，叫了一份澳洲M6和牛比嫲嫲嘆下，不過都係開心share 嘅！和牛肉質素好好，煎得剛好，仲有肉汁，切開都係粉紅嫩肉。套餐包餐湯、牛角麵包及飲品。呢個蟹肉湯加＄8，有蟹肉、幾好味。主菜仲叫了墨魚汁煎元貝煙三文魚飯食到個嘴烏卒卒，好攪笑！松葉蟹肉蟹膏意粉非常香濃，個汁好正勁多蟹肉，焗德國咸豬手好大件，個皮係脆嘅，肉仍然滑嫩，不令乾身。

工作關係要到荃灣一趟。跟同事吃個份量較重的午餐，因為早餐還沒吃過。見到「名捌月」招牌，店名好特別，是一間西餐廳。位於荃灣地鐵附近，在天橋下面，容易找到。餐廳內一面牆，挺浪漫的粉紅色裝潢，加上待應有禮招呼，感覺良好🤗。自助沙律吧(薯仔和青瓜)及忌廉蘑菇湯，無限添食。薯仔和青瓜及忌廉蘑菇湯。黑松露野菌意粉，黑松露味香濃，野菌鲜冬菇配搭意粉加上火箭菜小小甘味，味道有層次，食得滋味！ 安格斯肉眼牛扒，份量十足，肉嫩香口，同事跟我分享，一嚐美味！食完美味午餐，充滿力量💪，可繼續工作喔！'

又是一個下班後從九龍東走到荃灣的晚上，一如以往，先醫肚。這天選擇了鄰近荃灣港鐵站的>>>名捌月<<<用餐。 餐廳以西式食品為主，但加入了不少香港人喜歡的元素，營造了一些中西合璧的組合。這晚選擇的食物與餐飲，就是有這種中西交匯的風格。 先來一客餐湯牛油果蜆肉濃湯，加上酥皮，平添芝士香味，也令濃湯熱到保存得更加持久，很適合我這種吃飯會慢慢來的人。牛油果味道本身就不太濃烈，主要為龍湯加上色澤與營養；配上份量充足的蜆肉，整個濃湯口感一流。 餐包是牛角包。 主菜是香煎三文魚扒伴炖鷹嘴豆沙律(HKD208)。三文魚扒煎得恰到好處，魚肉細滑鮮嫩，外邊香脆，這種煮法同樣用在元貝上，也是外香內嫩；配上鷹嘴豆和羽衣甘藍，為嫩滑口感帶來對比，也令營養更加豐富。 吃過西餐，來杯餐飲。點了一客熱薑蜜，用上新鮮薑絲煲起，辣度十足，即時驅寒。畢竟在小滿這種氣節，室內地方已經長開冷氣，難免吸入不少寒氣。蜂蜜加添滋潤和美顏效果，而且性質溫和，調養身體之選。

同男朋友係荃灣食晚飯，隨便選咗間裝潢別緻嘅餐廳試試，出乎意料的好我地一人點咗個dinner set，主菜送埋餐湯同飲品蟹肉濃湯同龍蝦湯，味道十分濃郁，不是罐頭湯，真是有蟹肉同龍蝦肉附帶的牛角包好鬆軟，比起麵包舖買的更高水準主菜法式慢煮羊架，份量多，賣相好靚，食羊扒必備的薄荷醬以外，仲上埋芥末醬等等好貼心慢煮而成，肉質特別軟腍。男朋友個M6和牛西冷，超大塊，大過手掌，而且油花好靚，肉質超嫩特別是個醬汁，十分夾。加咗$12要個菠蘿特飲，梳打汽水，幾清新，解渴消暑一流

前排同幾個朋友去咗荃灣的一間平靚正嘅西餐廳🍴，𥚃面環境舒適，燈飾柔和，再配上音樂歌曲，環境氣氛都算唔錯！食品方面，我欣賞廚師用心製作，將食品佈置得十分美觀，賣相已經相當吸引！有7成熟嘅牛扒，配上薯菜，沙律，份量剛剛好，而牛扒亦非常新鮮美味，沙律更是十分醒胃，而且也是有益健康食品之選。另外，仲有蟹殼繪飯，裡面有十分豐富的蟹子，而繪飯的味道十分煙韌，入口亦滲透出香香的新鮮蟹肉味，價錢一般，值得再次去品嚐。還有大大隻＂帶子＂食材新鮮，而且用料都好靚，廚師烹調得十分之美味，先煎一煎，然後再塗上香濃嘅燒汁，真係食過返尋味！

今日去咗荃灣做嘢，所以就約咗住喺荃灣嘅朋友一齊食晚飯。朋友知我鍾意食牛，就帶咗我嚟呢間名捌月鋸扒。 先講環境，位置不多，但乾淨企理有格調。我地每人都加咗錢配埋餐湯同飲品。餐湯我就叫咗牛油果蜆湯，雖然比較creamy，但因為有牛油果，反而唔覺膩，而係有種清新嘅感覺。而朋友叫嘅蟹肉野菌湯。至於牛扒，我就嗌咗七成熟嘅8oz日本霜降西冷牛扒。 8oz對我來講，size啱啱好，煎得都恰到好處，一啲都唔韌，食落亦唔覺有雪味，處理得唔錯。雖然有黑椒汁可以點，但係我個人就無點汁食就已非常滿意。而朋友嗌咗五成熟嘅14oz澳洲M6和牛西冷牛扒，夠晒大塊。佢話整體唔錯有肉味。我地都嗌咗份芝士牛油汁焗西蘭花🥦。飲品方面，我叫咗杯水果蜜茶。整體來講，買單$900都唔使，牛扒質素唔可以話數一數二，但係起碼做到冇雪味同煎得恰恰好。

平時成日都喺荃灣搵食，尤其是lunch。而家閑閑地一個lunch都講緊要六七十蚊先落到樓。仲要好多時野食質素同份量只係普普通通。不過今日經過呢間餐廳，真係兩眼發光，因為兩個主菜，再加上一個沙律吧，連餐湯同野飲都只係58蚊，完全係物超所值。lunch set都有唔少嘅選擇。今次我就揀咗紅酒汁牛肋肉，同埋雞扒薯蓉。首先講一講沙律吧先，一分錢一分貨，大家都當然唔會想像到沙律吧會係好豐富啦。沙律吧入邊有忌廉湯，可以任你裝。同時都有個薯仔沙律，同埋蟹子青瓜。薯仔沙律都幾creamy。蟹子青瓜就幾清新。食到一半嘅時候都見到啲職員就幫手refill。到主菜喇。件雞扒真係出乎我意料嘅大。隨時大過我塊面。雞扒整得有小小燶燶地，食落都非常之冧嘅，食完塊雞扒都真係好飽。而紅酒汁牛肋肉數量都有三四件，紅酒汁都算香濃。旁邊的薯蓉就十分細滑，而且有少少牛油味，係花過啲心思嘅，而且仲有半隻焗薯仔，再配上一啲配菜，感覺好perfect。叫咗個凍咖啡，雖然凍飲略細杯，但係佢用膠杯裝住，都幾有心思。無論係價錢，份量，同埋食物嘅種類，都係非常之好，相信呢度會成為我嘅食堂。

放工撞正落大雨 係荃灣是但見到間餐廳 就同另一半衝落入去嚕坐低先發現餐廳係食西餐 同埋裝修都幾有特色 都係好似一般西餐咁 有湯呀前菜呀main咁同埋仲會有二人三人餐簡不過因為我地兩個都想食扒既關係 就嗌左兩個set啦每個main upgrade 做set +$38就有首先黎左湯先 同時會加埋牛角包一齊上牛角包係超級好食 因為佢係暖暖地地 咬落去好脆好正澳洲M6級和牛西冷14oz ($398)厚煎安格斯肉眼14oz ($288)兩個我地都嗌左五成熟 因為牛嗌到太生/太熟就唔好食估唔到佢依到真係可以煮得岩岩好肉本身質素好好 無乜筋同肥瘦好平均 而且肉質好鮮嫩仲有啲配菜個隔離 個薯仔熟得黎 軟硬度岩岩好green tea latte 同樽仔咖啡樽仔咖啡好香 有別於一般街外既咖啡 值得一試我地一人一個set 都係四百蚊鬆少少一個人咋