影片
营业时间
今日营业
07:00 - 23:30
星期一至日
07:00 - 23:30
以上资料只供参考，请与餐厅确认详情
今年迟来庆祝父亲节 ，简简单单食餐饭，落长辈楼下名苑第一次订家庭团餐，老板好好招呼知道有几位老人家，就安排咗房间俾我哋食饭，好让老人家食得开心！因为迟咗庆祝，又系闲日，变咗我哋可以订到呢个1888/10位餐！但虽然话系10人餐，但系喋喋𩠌都好足份量，而且有啲意外惊喜添😍大家都可能因为放工太肚饿啦，好多𩠌都影唔到落台果刻既完美摆盘😂不过除咗摆盘一啲都唔马虎之外，味道确实系值得一赞！陈皮鲍鱼好腍，超级适合老人家咀嚼，而且又入味，推荐！翡翠百合炒凤凰，一上枱就深受台上嘅年青人/保健人士嘅喜爱，满满嘅蛋白质鸡肉加翠绿嘅瓜菜炒得唔错，有咬口之余唔会太湿或干身👍🏻👍🏻鲜奶卷同脆秋葵，一嚟到就深受大家嘅热爱😂欣赏餐厅一改传统团餐菜里面脆炸选择。既有老少咸宜嘅鲜奶卷，并且考虑到唔太喜爱食脆炸食物嘅家人可以选择健康脆口嘅秋葵，既有新意又有心思🫶🏻impressed!!呢碟蒸斑腩，成枱人都好喜欢，鱼骨分明 啱唔同Level嘅食鱼人士之余，又有咬口，味道合适，而且食完唔会口干👍🏻👍🏻一鱼两味第二个选择就系碧绿炒海斑件，蒸嘅海斑件咬口又Q又弹牙 系满满鱼胶吸收🥰🥰，呢碟炒嘅就香口之余有鱼味👍🏻两碟鱼我都食左唔少但未有感到太罪恶既😂值得一提嘅系估唔到餐厅既青蔬系苋菜！浸喺浓汤𠮶度更加令大家大量入手！虽然餐厅俾既份量几大方，但冇记错嘅话，呢碟菜系大家最快手清碟嘅其中一碟𩠌菜😂老人家话炒饭炒得唔错，唔干身又易咀嚼，粒粒分明👍🏻餐厅服务会好快好用心招呼，时时刻刻都关心我哋有冇任何需要，冇乜需要叫👍🏻👍🏻而上菜速度都好快速、叠叠都系热辣辣摆上枱，特别系我哋另加既两个冬瓜盅，真系出烟架！钟意饮热汤嘅朋友一定要一试，因为而家佢哋做紧$78/盅，性价比好高😍虽然食到碟碟清，但系确实份量俾得好足🙈虽然已经好饱，但系最后嘅甜品对大家来讲仍然吸引🤩红枣包听落去好似会有啲济肚，但系大家仍然都唔经唔觉一人食到一个，因为口感烟靭软绵绵，红枣味亦好浓郁，食呢个甜品作结尾真系令果晚食得冇负担因为碟碟都健康好味之余估唔到既养生🥰
继续阅读
第一次试呢间酒楼，朋友喺附近做近所以约咗嚟呢度食下午茶。嗌咗15样点心，牛肉球同烧卖够哂大粒，系咁多样点心入面最满意嘅两款。炸鱿鱼须同椒盐海虾就相对逊色，特别系椒盐海虾食落冇味。效率相对普通，个叉鸡饭等咗九个字未到，于是嗌人跟跟，结果催咗三次先嚟到。服务态度算不上热情但可接受，未至于「差」。
继续阅读
新年期间早几日打电话想订枱，但被通知细枱无得预约，咁都无办法只可以去拎飞。去到细枱轮飞个半钟都等唔到4张飞。中间望到有吉枱佢又唔叫飞，等等下就有熟客就咁入去坐。建议唔系熟客都唔好去等
继续阅读
名苑酒家九龙联合道198号乐富广场商业中心1座3楼3108号舖今日放假，好友约我去饮下午茶，我地食左：生拆蟹粉小笼包（2只）$38，拼盘（虾饺、菜苗饺、五谷粗粮糕）2个 $96，蟹子烧卖（3只）$25，白玉棉花鸡 $30，下午茶孖宝（煎肠粉+山竹牛肉）$38，茗茶每位$8。点心系我的至爱，尤其是生拆蟹粉小笼包，热辣辣的蟹粉馅料，连汁都食埋，好味👍！白玉棉花鸡的鸡肉嫩滑好食。难得好友一齐饮茶，一定要食饱饱呀！
继续阅读
随意拣咗拣就脚嘅茶楼食中秋节饭. 乐富地铁站上盖,好方便.服务我嘅女侍应态度好好,有礼貌,笑容满面☺️叫咗一只烧BB猪,一个冬瓜盅套餐（有烧味双拼,鸡,龙虾伊面）,一只片皮鸭,一个特色套餐（东星班,鸡同海鲜菜煲）, 再点多金菇沙嗲牛肉粉丝煲,金银蛋苋菜. 9个人食够晒.食物唔算好出色. 烧味嘅叉烧肉质比较硬😓BB猪皮脆. 片皮鸭摆盘几靓☺️冬瓜盅,多料嘅,有螺肉蟹肉莲子瘦肉...清清哋🥰之后送上番薯糖水作结尾, 本身番薯都甜嘅保得有够姜,好味！
继续阅读